اغنية عند سماعها او ترديدها نتالم

[امال الناس]

ما سألتم يوم علينا..وما عرفتو الجاري بينا...


ما سألتم..حتى مرة..عن حنيننا..الاستمر...

ونحنا نسأل في الليالي..عن حبايب ضحوا لينا...



كم سألنا..وما لقينا..اليحن..ويعطف علينا...

فيكم التفكير شغلنا..وما حصل فكرتوا فينا...


أنحنا ما..خلينا مشهد..في الغرام..كان دير ومعبد...

إلا سألناهو عنكم..عن قلوب كانت حنينة...



ما بنذكر..بي هوانا..ما بنفاخر..بي وفانا...

أنحنا بنراجع معاكم..قصة الحب الحزينة...

[امال الناس]

لمتين يا أغلى من النظر...

أنا بس وراك أبرا القمر...

لمتين يكون دربي الودر...

ودربك معاي سكة سفر...


لمتين أهيم أنا في شقاي...

لي مين وراك أقول غناي...

وين لي شوفتك يا مناي...

ولمتين تجي وتبرد حشاي...



يا سيدي بعدك والله حار...

فيهو الشقى وفيهو الودار...

بقضي العمر في الانتظار...

بالليل سهر وهم بالنهار...



راجيك وصابر بالسنين...

كل يوم بزيد ريدة وحنين...

يا الله سيد العارفين...

عجل وجيبم سالمين...


متين يا أغلى من النظر...

أنا بس وراك أبرا القمر...

لمتين يكون دربي الودر...

ودربك معاي سكة سفر...

[امال الناس]

زي عيني وغالي علي...

فيك عاجباني مشاعر حية...

زي عيني..وغالي علي...

آه..زي عيني...



إنت شعاع انساب في قلبي...

نور لي مسارب دربي...

أبعد عني الليل الدامس...

وأبهج لي الزهر العابس...

وخلى مشاعري تفيض حنية...

زي عيني...



نال الشوق من جسمي براني...

وبرضو بحبك وما هماني...

يا نوارة وقلبي ربيعك...

رغم عذابي وهمي أطيعك...

يا النورت الدنيا علي...

زي عيني...



أروي شبابك..من أشواقي...

وأظل عطشان..مع أني الساقي...

في عينيك لاقيت أيامي...

بهجة عمري ودنيا غرامي...

عشت ليالي عزيزة علي...

عزيزة علي..وزي عيني..وغالية علي...



زي عيني وغالي علي...

فيك عاجباني مشاعر حية...

آه..زي عيني...

[امال الناس]

كم باقي لينا من العمر...

من ابتسامة ومن شباب...

وكم من ربيع بكرة بيمر...

ويمر علينا أسى وعذاب...

فازرعني كرمة..على رباك..

واعصرني في دنك شراب...

وألحق معاي نور القمر...

من قبل ما نلقاهو غاب...



لا ذكرياتنا ولا الهوى...

أعمارا كانت بالسنين...

لو في البعاد عمري انطوى...

مين قبلي رجع عمرو مين...

ميلادي كان..بي يوم لقاك...

وأيامي ريدك..يا الحنين...

والضاع بكيتو سنين ندم...

لاقيتو في الصدر الأمين...



حيي كل جميل..في رحابو أقيف...

وغني للأنسام..وأسري زي الطيف...

وأروي أيامك..كل معنى لطيف...

بكرة ما برجاك..غير رهاب الصيف...

[امال الناس]

دنيا الريد غريبة...سر ما بنفهمو...

ناس أفراحا زايدة...وناس يتألموا...



نبكي الليلة منو...وبكرة الشوق يزيد...

وا طول الليالي...للزول البريد...



ناس من كلمة عابرة...كل الريد يهون...

وناس في الريد تضحي...بالروح والعيون...



كنا بنشكي ليك...وكان قلبك حنين...

وإنت ظلمت ريدنا...عاد نشكيك لمين...


دنيا الريد سعادة...ودنيا الريد عذاب...

ناس تجني المحنة...وناس تجني السراب...



فيك يا ريدة عشنا...وضقنا هناك ومرك...

وتاهت فيك قلوبنا...وما عرفناهو سرك...

تشقي وترضي فينا...وتسوي البسرك...

[امال الناس]

حيرت قلبي معاك..خليتو بيك مشغول...

يا أحلى من ضماك..ما بصح عذابو يطول...

وتطول ليالي نواك..حيرت قلبي معاك...



ياما قضيت أيام..أبني الأماني عليك...

وأترجم الآلام..غنيات عسى يرضيك...

أخفي الدموع عنك..وأضحك أمام عينيك...

وتفيض عيوني حنان..لمن تعاين ليك...

أصلو العيون حاباك..حيرت قلبي معاك...



يا عاطفة في الوجدان..يا صورة ساكنة العين...

يا من بنور محياك..أسعدت كل حزين...

طاوعت ظنك ليه..فرقت بين قلبين...

وقطعت حبل الود..الكان زمان موصول...

يا حبي ما أقساك..حيرت قلبي معاك...



عاهدت قلبي أعيش..راضي السهاد والبين...

يمكن أصل في يوم..غاية الأمل يا زين...

وآخر طريق الشوق..السرت فيهو سنين...

بين الأمل يا حبيب..والخوف من المجهول...

من أني ما ألقاك..حيرت قلبي معاك...

[امال الناس]

صحي البيناتنا أصبح كان...

وكل الريد عليكم هان...

وكل العشرة والأشواق...

صحي نسيتوها يالحبان...

صحيح غدارة يا دنيا...

وأمانك مافي ليهو أمان...



قضينا ربيعنا كلو دموع...

وما عاد لينا غيرا وليف...

نشوف ماضينا كالأوهام...

وباكر زي خيال الطيف...

نمر بي دمعة واحدة نفوت...

ونحضن دمعة تاني نقيف...

وليه بالله ما تورونا ننسى الريد ونهجر كيف...

ونحنا الزادنا في دنيانا كلمة حب وقلب رهيف...



حرام..عشنا السنين ليهو...

حرام..يا دنيا تطويهو...

حرام..نتلاقى زي أغراب...

وزي أغراب نحييهو...

وين..وياليل..وين حبي...؟

وين..وياليل..ألاقيهو...

وين..وياليل..ياليل..

وين..وياليل..ألاقيهو...

وأغني غرام وأحلى كلام...

وأفرو جناح وأطير ليهو...

وأنادي وأقول..لي كل الناس..

أنا المقتول..أنا المقتول وحي بيهو...

أنا المقتول وحي بيهو...

أنا المقتول وحي بيهو...

أنا المقتول وحي بيهو...

[امال الناس]

بعادك طال..كفاية تعال...

شغلت البال..بألف سؤال...

عمرنا بمر..وإنت بعيد...

نضوق المر..ومر المر...

ونحيا وراك على الآمال..كفاية تعال...

بحبك ووالله مشتاق ليك...

وحتى الشوق سألني عليك...

محل ما أروح أعاين ليك...

زي اللاقيك وما لاقيك...

كفاية الليل يجيني براي...

حليل ليلاتي وإنت معاي...

بدورك جمبي ديمة حداي...

كفاي الضقتو في دنياي...

تعال لي يا الحنان والريد...

تعال يا الفي قليبي وحيد...

يا فرحة ليل وصابح العيد...

يا روح روحي البريدو شديد...

[امال الناس]

بدر سامي علاهو...ما بطولو سماهو...

حبو شاغل فكري...وكيف أميل لسواهو...

وكيف أميـــــــــــــــــــل..وكيف أميل لسواهو...

بدر ساطع نورو يفتنك تصويرو...

تسحرك نظراتو ويسحرك تعبيرو...

في الشعور والرقة..ما وجدت نظيرو...

الجلال بذاتو..بس صعب تفسيرو...

في فؤادي أحسو..وفي عيوني أراهو...

وفي عيونــــــــــــــــــي..في عيوني أراهو...
لو تكلم غنى صوتو كلو محنة...

أو تبسم تنظر في ابتسامو الجنة...

أو تمايل عودو..كالغصون يتتنى...

زاهي بين أقرانو...بالشباب والجنة...

ده الفريد في حسنو..مافي زول بسواهو...

مافـــــــــــــــــــــي زول..مافي زول بسواهو...



في مفاتنك بشهد إنت أصلك مفرد...

من مشاهد غيرك ما بطيب لي مشهد...

شوقي لي لقياك..كل يوم يتجدد...

وإن وصفت جمالك..الخدود تتورد...

أو وقفت حيالك..قلبي وين ألقاهو...

قلبي ويـــــــــــــــــــــــــــن..قلبي وين ألقاهو...

[امال الناس]

معاي معاي في الدرب الطويل...

نحنا في بداية طريقنا..ليه تقول لي مستحيل...

ليه..ليه..ليه تخلي الوحشة تملى..عشنا الهادي الجميل...


شوف عيونك فيها دفقات الأمل...

وجــنــتــيــك يا دابا ورتني الخجل...

لسة ما عرفت هوى..إلا نورا بيشتعل...

ياخي بدري على الهموم..بدري على الوجل...



أوعى تطرق باب قلوبنا قبل ما تعطف عليها...

خلي قلبك بي حنانو الفيهو يتشوق إليها...

وأطرا إنك كان لقيت الحب أو ما لقيتو فيها...

حبك إنت صار حياتا والحنان اخضرّ بيها...



يا حبيبي طل وشوف بي عينيك نور القمر...

مرة ما أخفى ابتسامتو وعمرو في حالة خضر...

هو زيك في ضياهو والدجى خصلة شعر...

نحنا أسعد منو لو..سبنا المقادير للقدر...

[امال الناس]

من طرف الحبيب
جات أغرب رسائل
يحكي عتابو فيها
وقال ناسنوا قايل

ياما قال حكاوي
ما خطرت ببالي
قال في كل كلمة
إني جفيت وسالي
لو في كل لحظة
لو تعلم بحالي
ما ناسيك والله
ذكراك شاغله بالي
لو أناسك إنت
اكون غدار وخنت
أسأل عني غيري
واحكم في مصيري
ياما تشوف دلايل

ياما قال كلام
ما لي دخل بيه
إني بروح لغيرو
بهوى وبصطفيه
إن شاء الله حياتي تفنى
لو فكرت فيه
لالا والف لالا
ده حبك عشت ليه
بدل أشواق ومحنه
ترسل لي مظنة
كلام يجرح شعوري
وما يريح ضميري
من زول عنه سائل

[امال الناس]

اتمايل جريد تمرا يميل يتاكي بالانسام
يداعب لي عشان دمعا يسيل ما راضي بالاقسام
ببوح بي ريدا لي ندم اريت كان كنت زول كتام
صبرت علي ازاي سنين وعلي قسو الدهر لكام
زرعت زهوري فوق القيف هجم هداها لي هدام
مشرد لي طيور الريد زمان الفرحة ماكان تام
عميري الضائع الفاني صبح محكوملوا بالاعدام
وجودي علي سعير الشوق قضيت مع السهاد ايام
واحسب في نجوم الكون ليالي علي مابتتنام
حليلو الزول وكت في الريد دريبوا يكون شقي واوهام
يفوتو مناهو يقول الاقاهو لاقدام
قبلنا قيس كتم اهاتوا وشرب من حبو سما سام
حقيقة الريد وكت يصدق علي سكن الجحيم رغام
واطيع انا لي زمان يحكم علي في حكموا ما راحم
واسعد يا مناي ان كان لو تالي ماك ندام
:
مــنــك لله انــــا زول مـسـكـيــن
وطول عمري مسالم وقلبي حنين
تاتيـتـو هـــواك فـــوق الايـديــن
مـن قبـل صبـاك مـن عهـد الليـن
خـلانـي وطــار ربــا الجنـحـيـن
والخـان الريـد جـد خــان الـديـن
:
في حقي الراح انا عندي يقين
واثق في الله لابد يبين
حق المظلوم مابرجي متين
سبحان القال يظهر في الحين
يــا قــاف يــا واو راء ويـاشـيـن
ويا حبي المات فـي مهـدو دفيـن
قـــادر انــســاك وابــعــد لــكــن
مــن بـعـد هـــواك اقـبــل ويـــن
مبدائ عارفاهو الزين بالزين
والسن بالسن والعين وبالعين
مظلوم منك تلقيني حزين
اقطع من جلدي واضاري الشين
سرك في بئر جواي دفين
عارفين عليهو حريص وامين
مبنسي العشرة البينا سنين
لابقسي عليك لا تاني بلين
لسع بهواك وقلبي سجين
ومن اسر هواكي تفكي متين
شلاني شمال ضيعني يمين
خليتيـنـي وحـيـد بـاكـي حـزيــن
وانا متـا خـلاص راجـي التابيـن
مــنــك لله انــــا زول مـسـكـيــن

[امال الناس]

رد أغنية لسان الحالأنا ما كنت داير الاغتراب ..
لكني مجبور ابتعدت
حسيت متل غمز الحراب...
وفي أنه الصبر النكد
أرجع وأقول إنتي السبب..
قلتيها لي ما بترضي بي عيشة وسط..
دايرها فوق عيشة رغد
قاريهو في عيون الصغار..
طلباتم الما ليها حد
حسيتو في عيناك سؤال ...
احترت ما لاقيلو رد
نظراتك الحادة النبال..
سيطان بتلهب في الجسد
وانا كنت صابر زي بلال كان ردي ليها أحد أحد ..
.

الكاتمو في جواي كتير من حرقتو الجوف اتهرد...
ما كنت قاصد أقولو ليك لكن لسان الحال سرد
...ز
ما بنسى يوم ودعتكم وبي حسرة غادرت البلد
ختيت على جرح الفؤاد ..
فُرق البيات والولد
ما اعتدت أفارق للصغار..
والوجعة فرق الفي المهد
زفر القليب آهات حزان..
حسيتبو جواي ارتعدت
كان انتي شوقك لي بحر.
. كيفني انا المكتول كمد
خليت لك الروح والقلب..
سافرت بي باقي الجسد

عارفك حريصة على العيال..
فوقك بعد الله اعتمدت
في الحارة تسوي لك رجال ..
للمايلة والمحتاج سند

اتغشن القالن وراي..
هلن لي نجمات السعد
ما اتغربن وضاقن معاي .
.مر عيشة الهم والنكد

لو عني كررتي السؤال ..
أنا بني وبين الفرحة سد
سهّيت وغايتو علي حال ..
يعلمو الفرد الصمد

عزّابي في قاطوع صغير..
في ضيقو زي ود الأحد
في السوق صباحات الله خير ..
حايم وازازي بلا غرض

الزي بيهو الليل يطول
يتقلى فوق جمرو الوقد
اتوقعي البجي ليك يقول.
. في الغربة محبوبك فقد

البي ده ما بيغباهو زول..
يحكيهو طرفي الما غمد
سنتين افتش في كفيل..
لي حالي فد زول ما نشد

في التالتة رب العزة قال..
حامدنو حلال العقد
مكتب ولا كان في الخيال ..
في الفارهـ الدور قعدت

عربية والراتب كبير..
ورابطلي خرزة من الحسد
بليت عروق قلبي المرير..
عِزة ورفاهية وسعد

لكني يا حظي التعيس..
تميتلي شهرين واترفدت
قالوا الوظيفة اتعممت..
محجوزة لي أهل البلد

شوفي الضرايب فوقي كم ..
كان جيت أفكر في البلد
وزي الكلام ده يزيدني هم ..
ويرفع لي إفراز الغدد

قوليها لا تهابي الحروف..
كان في غيابي الشوق برد
البي ده كلو من الظروف..
والله ما لي فيهو يد

اليبقى في فرش الحرير..
ماخدنو من فك الأسد
بي ضحكة في ابواب جحيم..
لي دمعة اتبلابه خد..

أنا شان رضاك أرحل بعيد..
لي غربة لي دمعة وسهد
وأنا فيها ساهي البال شريد..
أفكاري فيكم وفي البلد

سامحيني لا تابعي الظنون..
ما زلنا بيناتنا الوعد
والغربة من أجلك تهون ..
وطعم العذاب يصبح شهد

جوابك الظاهرو الوداد..
كاتباهو بي دمع الحرد
يجي ردو في نفس المعاد..
نتلاقى طيارة الأحد

الكاتمو في جواي كتير...
من حرقتو الجوف اتهرد
ما كنت قاصد أقولو ليك لكن لسان الحال سرد

[امال الناس]

أنا أخترت من بين العيون ياغالية عينيك أعشقا
وأخترت شوفتك كل يوم لو حتى شوفتك أسرقا
لكني مالاقي الفرح لا في البعاد ولا في اللقاء
وما من هواك .. أنا أصلي عاد خلقوني من طين الشقاء
مديت كتير حبل الصبر لامن فقدت أنا أولو
ومن غير صبر بقدر أساي ياغالية شانك بحملو
بس لو سمحت ومرة بس داير قليبك أسالو
حافظ معزّتو زي زمان ولا الحصل كان بدلو ؟
والله يا نور العيون أصعب سفر سفر الأمل
تلقاك تعاين في الهدف .. وما داري أنت متين تصل
كل الدروب جربتها وسافرت فيها عشان أصل
وفي كل مره الف وأعود من تاني لي نفس المحل
سيبي العواطف ديك بعيد .. وأنسي ريدك وقولي لي
أيه الفرق لو زول زرع أمالوا في أخصب ودّي
والتاني روح للبعيد وأختارلوا يا محبوبة صيّ
حايحصد الأول أكيد والثاني زي حالتي العلي
ولو جيتي تسألي عن هواي بالله أسالي عن هواك
تلقي الجواب نفس الجواب ماقلبي يادنياي معاك
أرجوك أوعي تفكري أنو قلبي يصبح لسواك
لكن لو فقد العشم يمكن أقولوا خلاص كفاك
أنا عارف المواجع لي براي أنا طول سنيني أبكي وأنوح
فقدت أحساس الألم ياروحي من كُتر الجروح
ومابلقي عارف فرحتي غير فيك يا أم وجهاً صبوح
وكفاية كل القلتو ليك .. أنا تاني مابقدر ابوح

[امال الناس]

انا المأساتي ما بتتقال بقيت احسب عميري الفات
عزب لا حفله لا شبال
لقيت الـراح كتيـر وكتيـر مـرق لا زوجـة لا اطفـال
ترانـي فـى مهـب الريـح مريكـب لا فحهـا الـشـلال
بقيـت مسحـور عيونـك ديـل اتحجـر بقيـت تمـثـال
وافتـش فـى مكانـك ويـن لقيتـك فـى قليـبـى هـنـا
انا الجرب مآسي الغي تعال شـوف كيـف حفـن كرعـي
وانـا اتبشتنتـا يـا خـلاي فـوق درب الفريـع الـنـي
بقت لى مع العيون قصـة مخلفـة فـوق جروحـى الكـي
خيالـن مـادوام نافـر يحلـق فــى خـلاهـو الـصـي
ولا قـادر افـيـق وارجــع ولا قــادر ادارى الـبـي
واشوف غيمك انا العطشان واقـول هسـع يجينـي الـري
وافكر فى امـور الحـب وادور فـي ساقيـة غيـر معنـي
يـا حليلـى انـا حليـل ايـام سعادتـي معـاك وكــت
كـان الزمـن بـسـام يـشـاور لــى دوام ضـحـاك
يضمنا كان هدوء الليـل هـو لا حـس همسـة لا كـوراك
لقيـت يـا قلـب زولـك بـعـد وجـعـك لقيـتـو دواك
اتاريهـو الزمـن دولاب قسـي ورجعنـي الـف سـنـه
طريـتـا انــا طـريـت السمـحـة بـيـن اهـلـهـا
وكت تنـزل وكـت تطلـع مـع الحـوب يجتمـع شمِلهـا
تـمـد ايديـهـا للمنـقـة تـداعـب للجـريـد قبلـهـا
وماهماهـا زولا فـات يقاسـي الغـربـة مــن اجلـهـا
ماخلانـي ابتليـت بـي ريدهـا افتـل فـى حبـال رملـه
كمان خايف الجنون يحصـل تفـوت عقليتـي بـى قبلهـا
بوريكم مآسي غرامي عشتها وعمرى كان تمنها
وانــــا الـمـأسـاتــى مـــــا بـتـتـقــال

[امال الناس]

حُـــبي الـفـقـدتو بعد وَفا عَكَّر لي جَوِي بعد صِفا
وصِـبـحـــــــت ســعــــــــــــــــادتي مـــن المُحال
جَمري القديم ما كان كَفى موقِد يَلهـلِب وما انطفا
جَـــــــــات تــــــانـي هَـبــَتـــــو ريـــــــــــح منال
ريـــدنـا الزمان مالو اختفى مالا المودة بِقَت جَفا
ريــــدًا انـــت عــــارفــــــــــــــو حُـــلـــو وحَلال
الـبـِت دي وين كت شايفا أو مَرَّة واحده مَصَادِفا
يــا صــــــح تـــقـــــــــــــولـو سـمـعـنـــــــــا قال
رُوحي المـَشَـحتَفة عارِفا مالا السِّيرة بِقَت تَخَوِفا
شـــــــــــن دار يـــكــــــــون سـبــبـا غير الجمال
مـسـكــيـني فـاقِـدي عَـواطِـفـا عَشمِاني فيك تَوالفِا
راجــــــــــــاك تـَجُـــــــــــــــــــــودلها بالوِصَال
قلبي العليل كايس الشِّفا لو شِلـتو في حُضنَك دِفَا
كــان بـالــــســـعـــــــادة عِـــمـيــــــــــــري طال
قَدَمِي العليك سَاسَق حِفا هو بَراهو حَالتو يَوَصِفا
يـَغـــــــــــــنِي الـبـيــشـــوفــــــــــــو عن السؤال
غــالـبــــــني حــالتي أصنِّفا وِشِّي وقَفَايا بِقَن قَفَا
وبـقـى جِـــــســــمــــــي دايـــــــــــمــا في انتحال

[امال الناس]

ســــافـر يــــا جــــرح جـــواي فـــــوق جناح السرعة
الموج يوم يضارب الشـاطئ والريح لما تطفئ الشمعة
والـمـحـبـوب وقـت يجرحني لو ضمير يحس أو يوعا
جـرح الـريــدة كـان يـتـعـد مـن ضمن العجائب السبعة

الـضــايــق عــقــارب الــريـــدة يـرميهو الأثر بالخلعة
بـنـوت حــواء مـا لاتــنــو بـالـخـوف والشجن واللوعة
بـالـلـيـل والـجـراح نـتــاحـة والـنــاس ناموا بعد الهجة
شـفـت بـنـات نـعـش فـي دمـي يـتـهـادن بـهـيات طلعة

يا قلبي الحزين اسمعني خت قرض الصبر في الوجعة
قـول لـي كـيـف تـفيدك عترة وانت وقعت كم من وقعة
اشــهـدت واسـتـغـفـــرت وغـســلـت الـعـلـيــــك بدمعة
اتـيـقــنـت قـلـت بـراك مـا لـيـك تـب عـشـم فـي رجعة

مـالـك قـلـبـي مـن تـطـراهـا بـالبيك لا بتحس لا بتوعى
مـنـحــوس انـت مـن مـا قـمـت اصـلك ما بتفوز بقرعة
سـعــدك لـو تـجـيـبــو كـرامـة كان مديت زمان القرعة
فـي الـمـر مـا عـلـيـك مـلامـة أشـرب ما تفضل جرعة

الــنـــاس قـــالــوا لـي انــســاهـا لو داير تطيب بسرعة
حـاولــت وغـلـبـنـي انـسـاهـا ذكـرت صبحت لي طبعة
طـلــعـتــا فـي صـبـاح ايـامي لا غابت خميس لا جمعة
ســرقــت بــالــي مــا فـضــل لـي مـنـو قدر اعد لسعبة

يـا ســت الـحـســان احـلامـنـا مـا بنلقاها عن ست ودع
فـي دنـيــا الــغـــرام والــريـــدة الـبـكا والنواح ما بدعة
زول كانت مشاعرو عليك جاري زي الحجر في الفلعة
محـتـار نــارو كـيـــف يـطـفـيـها مادام النفس بقى ولعة

[امال الناس]

عـاشـق عـيـونـك كـم سنه معليش خلاص غلطان أنا
مـشـيـت عـلى دربـك سـنـيـن افـرش دريـبـك بـالمنى
سـرحـت فـى واديـك زمـن نـاس الهموم ناس الضنى
كـتـبـت فـيـك احـلـى الـكـلام نـظـمـتـا فيك اجمل غنا
خـلـيـت يـمـيـن كـل الـبـلاد واخـتـرتـا دنـياك احضنا
مـعـلـيـش خـلاص غـلـطـان أنا وكل الحصل بتحملو

انـا لـى زمـن مـتـمـنى يوم آخر المطـاف بس اوصلو
ويـقـولـو لـى مـبـروك عـلـيـك ونـبـدأ الـفرح من أولو
نضحك كتير جنب الصحـاب فى يـوم سعيـد ما اجملو
معليش خـلاص غلطان أنـا غلطـان عشان بغلط كتير

غـلـطـان عشان قايـلـك هـنا إمكن معاى تبدى المسير
غـلـطـان عشان مـن الـنسـيم لو مس لى جسمك اغير
غـلـطـان عشان مـن دون جراح فى دنيتك داير اطير
ماكـان زمـان بـتـقـولى لى غيرك محال اعشق حبيب
مـهـمـا قـسـت كـل الـظـروف أنا ليك ما ممكن اسيب
آيـه الـجـديـد فـى حـبـنـا آيـه الـحـصـل آيـه الـغـريب
لـو مـا الـزمـان غير هواك ولقيتى لى جرحك طبيب
قولى زى ما النـاس تقـول انو الزواج قسمه ونصيب
معـلـيـش خلاص غلطان أنا ومن قلبى ليك كل المنى

تـتـهـنـى بـى فـرح الـعـمـر ويــذدان قـليـبــك بـالمـنى
ياهـو الـقـدر وانا راضى حتى لـو انكـتب لـى الضنى
تـتـهـنـى انـت مـع الـنصـيـب وانا ليك بنظـم فى الغنا
اصلوا الـحـصـل ما منـك انتى بس صحيح غلطان أنا

[امال الناس]

الايـام مالن مـاهـن فـى الآلآم داقـالى اوتاد
الايام كاتـفانى حزيـن وسـوجرن الاشواق باصفاد
كـندكن الأحلام بـالحـسـرة ويبسـن الوديان فى المسرى
ولو بتعـدل الخطوة والـعـتـرة مـا اتراوحت وجيتك صاد
مـا حـبـيـت عـيـنك بـالصدفة ومـا لاقـيـتك دون ميعاد
اتـلاقـينا صـباح الدنيا وشلتك منيه واتجنستك فى الميلاد
اتحـسـسـتك حـب بـاـفطره وعـشـتـك فكره وشلتك زاد
ومـن شـقـيـت طريـق اشواقنا ولامن جيت من عندك صاد
ويـوم مـا جيت من عنـدك راجع كلى مواجع ونوح وسهاد
اتوكـيـتك حزن دامــس بـين خـلجات الـقـلـب الراد
واتـلفـته عـشان الـقاك فـرحـة زول بـي زولـوا العاد
وانا ماشى مبارى دريب الرجعه محطه محطه لقـيته رماد
حتة كنا وحـتة كان الــشوق وقاد
الاطـفال احـسـاس الوحده الآمال مـنشره سواد
لا لاقــيـت اطـفـال بــيـغــنوا لا اتـنيـن قاعدين يتمنوا
وادى الخـير مرابوا جـراد يـا احـلام الـقـلب الراد
واتـذكرتا انـا لـيالى الهجعه وخيال الشوق مشدوده شداد
غـيـبـتك كـان اسـبـاب وسـفـر الـطـيـف فى العـتمه جهاد
يـاما مـشـيـت فـوق دربـك اسـعى طول الليل شقيتلى بلاد
كم كـبـيـت فـوق دربـك دمـعـه واسـتـنـيـت طيفك ما عاد
واه يا زول اهـديـتو حـيـاه اهـديـتو عـيون ومروه وزاد
اه يا زول اهــديـتـو بـيـوت اديـتـو خيـوط شعرى الوقاد
لـو فـاضـل فـيـك مــن ريدى رماد
اطرحـلى وشـيك انا دايـر اجـيك لـيه بـابـك ساد
لـيه الأحزان لــيـه الآهـات والدمـعـة حــصاد

[امال الناس]

يـا فـرحـه فى بـحـر السراب يا كلمة فى اول جواب
يـا واحه فى ليل الصعاب آخر شعاع وسط الضباب
يـا نـجـم مـن دنـيـانـا غـاب يا اغلى ما تحت التراب
تـنـخــلـفـى قـبـال العذاب بيك برسل الآهات خطاب
يـمـه يـا الأمـل الـرحــل قــبـال يـقـول كـلـمـة وداع
يـمـه يـا الـنـور الـخـفـت قـبـال يـرسـل خـيط شعاع
يـمـه يـا دمـعـة فـطـيـــم خـلــوه لـي لـيــــل الضياع
يـمـه يـا مـركـب نـجـاه غـرقــت قـبـل تـفـرد شراع
يـمـه يـا نـجـمـات صـبـاح مـرن سراع مرن سراع
يـا يـمـه مـن بـعـدك انـا اصـبـحـتـا لـلأهـــات وطن
دروشــتـا فـى خـلــوة أســاى ســبـحـتا بخرز المحن
كـتـحـتـا صـبـري انــا لـلــريـاح غنيتا للاحزان بكن
دقـيـتـه بــاب الـذكــريـات كـان الـقى لى هناك سكن
ما لـقـيتا صورتك فى الخيال لا شفتا من بعدك زمن
ودرتــا لـى درب الــرجـــوع كـل الـمــعـــالم اختفن
فـتـشـتـا فـى كـل الـبــلاد كـان الـقـى لـطـيـبـتك مثيل
دورتـا فـى كـل الـبـقـاع شـايـل عــذاب لـيــلاً طويل
زادى الوحيـد كـان الصبر فى الظلمه والزمن العليل
زمـنـا يـشـيـل حــق الـضـعـيـف يـديـهـو لعابر سبيل
زمـنـا يـغـيـر كـل شـئ حـتـى الـزمـان كان مستحيل
يـا يـمـه كيف يتبلا شوق والشوق على كل يوم يزيد
لا انـتـى بـنـتـى ولاهـو راح لا غـيـرو الزمن المديد
يـا يـمـه بــعـــدك لا فـرح طــلانا لا ضــمـــانـا عيد
غير خيط امل يبدا ويروح كل ما العذاب يرجع يعيد
كـل مـا اقـول يـا داك فـرح الـقـاهـو مـنـى بعيد بعيد
لـكـنـى راجـع لـيـك انـا بـالـرغـــم مــن كـل المحال
جـايـك عشان اعرف خطاى من وين تستف للرحال
جـايـك لـو كـان مـسـتـحـيـل جـايـك او كـان بالخيال
راجـيـنى لـو كان فى الحلم ما الدنيا من بعدك زوال
عـنـوانـى خـلـف الـلاوجــود يـا امـى يـا ابـعـد منا