احلي الكلام لغة العيون

[امال الناس]

ولكن وجب المقارنة مع شعر العرب في العيون:

ان العين لتبدى في نواظرها
ما في القلوب من البغضاء والإحن.
فالعين تنطق والافواه صامتة
حتى ترى من صميم القلب تبياناً

[امال الناس]

ان العيون التي في طرفها حور
قتلننا ثم لم يحيين قتلانا
يصرعن ذا اللب حتى لا حراك به
وهن اضعف خلق الله إنسانا.

[امال الناس]

لو كنت تعلم ما عيناك قد صنعا
لما بخلت على المشتاق بالأمل.

[امال الناس]

متى تك في عدو أو صديق
تخبرك العيون عن القلوب

[امال الناس]

قال بشرى الفاضل
عينيك حلوة زى صحابى
وزى عنب طول معتق فى الخوابى
و سمحة زى ما تقول ضيوفا دقوا بابى
فرحى بيهم سال ملا حتى الكبابى

[امال الناس]

وقال ازهرى محمد على
وضاحة يا فجر المشارق
غابة الابنوس عيونك

[امال الناس]

وقال ابوذر الغفارى
فى عيونك ضجة الشوق و الهواجس
ريحة الموج البنحلم فوقو بجية النوارس

[امال الناس]

قال التجانى سعيد
بدون عينيك بصبح زولا بدون ذكرى وبدون ميلاد

[امال الناس]

و قال مصطفى سند
عشان خاطرنا خلى عيونك الحلوات تخاطرنا
زمان غنينا لعينيك اغانى تحنن القاسين
هدينالك معزتنا و مشينا وراك سنين و سنين

[امال الناس]

و من غنى الشوايقة الحنين
عينيك يا اعز الناس
عينيك فيها اخطر ماس
عينيك قوة مابتنقاس
و عينيك روعة يا حساس

[امال الناس]

من غناء بابكر ود السافل
زى لون امنة ما لاقانى
فى عينيها عالم تانى

[امال الناس]

عينيك لو تصدق معاي الأمنية ..
عينيك لو أعرف ختام الأغنية ..
بدأ الكلام والمنتهى والمستطاب والمشتهى ..
كل المباهج في المواويل والغناء ..
والعاشقين قلبي وأنا ..
هزتنا في عينيك تصاوير المنى ..
يا أمنيات من كم سنة ..
ويا أغنيات كل الأماسي المستحيلة وممكنة ..
المستحيل عينيك تهون ..
والمستحيل قلبك يخون ..
ما القدر ما طبع الوفاء والصدق ما شرط إنتفا ...

[امال الناس]

عينيك مدن منسية فى كتب التواريخ والزمن

عينيك وطن مشدود على وتر التباريح والشجن

ممدود على حروف الكتابة

مكدود عنا ومكتول صبابة

وفيه حط النيل سكن

[امال الناس]

عينيك سفر مكتوب اعيش فى غربتو

واعشق عذابو وحرقتو وليلو الطويل

واتخيلك يا حلوة زى نسمة سحر

جيتى ومعاك حلمى المطول

منتظر وعدو الجميل

عشقك زمان جواى رحل

وإتناه فى الأعماق أمل

ضمَّخ رؤاى إحساس نبيل

اذهل طيوف خاطرى القبيل

جاشت ملامح روعتو

ضج السكون فى وحشتو

والكان أمل فى عيونى لاح

ذوب مدارات فرحة الوهج النضير

والمزدهر بالإرتياح

فجأة انحصد قبضة رياح

وسكت الكلام يا حلوة فى القول المباح

وغاب الصباح بعدك رحل

والكان أمل فى غيم سماك

ايقنت إنو عدم بلاك

وإنك قدر

وإنو البيحلم بى علاك

بختار ظروف أحلاها مر

عينيك لو تصدق معاى الأمنية

عينيك لو أعرف ختام الاغنيه

بدء الكلام والمنتهى

والمستطاب والمشتهى

كل المباهج فى المواويل والغنى

والعاشقين قلبى وأنا

هزتنا فى عينيك تصاوير المنى

يا امنيات من كم سنة

يا اغنيات كل الأماسى المستحيلة وممكنة

يا المستحيل عينيك تهون

والمستحيل قلبِك يخون

ما الغدر ما طبع الوفا

والصدق ما شرط إنتفى

وانا حالى من بعدك كفى

وأنا حالى فى بعدك

كفاهو المغنى والحب والشجن

والوحشة والشوق للوطن

ما العمر قبلك ضاع سدىً

والعمر بعدك ايه يكون

لو يبقى بحساب الزمن

[امال الناس]

قال محجوب شريف
من الضواحى الدنيا جيت
و على رحالى
لمداين فى عيونك يا محالى
ريحينى
استرى حالى
فرحينى

[امال الناس]

قال محمد عوض الكريم القرشى

نور عيونك اخفى منى بدور
لونك الذهبى غيره صرت كفور
فيك طفولة بريئه باقة شعور
يحفظك مولاك لينا يبقى غفور
حيث احلى الناس بين قلوب و صدور

[امال الناس]

وقال اسماعيل حسن
العيون طرتنى زول من اهله غايب
الشعر يتهادل فى كتيفه سبايب

[امال الناس]

و من غنى البنات
عيونه كحيلة
و حواجبة غزيره
سكن الجزيرة

[امال الناس]

و ايضا من غنى البنات
عيون زروق اذونا
يا عينيا ما جونا (و المقصود المرحوم الاستاذ مبارك زروق المحامى و القطب الاتحادى المعروف)

[امال الناس]

يا عيون المها يا عيون