بنت الحلة حلاته

[سماح البدرى]

تزعل تخاصمنى

انا برضو فرحانة

شان انت ياآدم

خليتنى هيمانة

بى حبى سارحة بعيد

بى روحى نشوانة

خليتنى ياسيدى

زى غنية رنانة

بجمال كرم دفاق

كم جيتنا تغشانا

وهسع زعلت عشان

قايلنى زعلانة

ارجع وفيض يانيل

[معتبر]

بنوتة

منو البقدر يزعلك

ومنو الغيرنا يراضيك

في سبيل فرحك

نعزف الالحان
وعنك نزيل الاحزان
والنيل يروي روعة الملتقي
وفي النجيلة جلسنا

وشمبات احلي مقيل

ويبنا احي كلام
بنت الحلة تمام

[مها]

ولد الحله حبابك.....يا..الله جابك
نورت حياتى فرح
ومليتنى بهجه ونور
وفى شمبات هناك مجلسنا
الحياء والعفاف حارسنا
و ليلنا كله ..سمر
وحياتنا بهجه وامل

[معتبر]

بنت الحلة
اللابسة العفاف طرحة

مكسية بنور وجمال فطرة

قالوا عن الاصل دور
ادور كيف
ما ياهو دا السودان
اصالة
جلسة معاك
يا زمن ارحم شوية
واهدي لي لحظات هنية (في شمبات) ومن بعدها البحصل يحصل


بنت الحلة ياعنوان
فيك اغلي الصفات

[مها]

ود حلتى ....
صباحك خير ....
بهدى ليك صباحات نديه
معطره بشذى الياسمين
......تصلك وانت بعيد فى غربتك
...تنور ايك ...وتخفف عنك عذاب البعد
اليك يامن سكنت الفؤاد
صباح الخير ...وكل الخير....وانت الخير

[معتبر]

بنت الحلة الراقية

صباحك لي عيشني احلي رواية

شفت الخير لعيوني بيان

بهجة ومسرة في كل الدروب

صباحاتك بشوشة
امنياتك محققة

لو قلت ليك همسا ربنا يخليك
وباعلي صوت

الزولة البنية
صباحك شلتو في عيوني ضحكة
وفي حناياي اجمل هدية

صباحي بيك هو الصباح

[سماح البدرى]

آدم هواك مكشوف

ماغطى نورو ستار

ياحبى ريدنا عفيف

زى روعة الازهار

مشروح امام الكون

ماقلنا ياستار

ريدنا المقدس جد

فعل القلوب السار

[معتبر]

البنية السمحة

ريدتي زي موية النيل صافية
تروي العطشان
نخضر بيها جوانا
وينمو شجر الامل والتحنان

وأنادي باعلي صوت
بنت الحلة الجات تتهادي
ريدتا لينا ريدة وطن وانتماء

وغيرها مابنبقي
وبيك نبقي حياة وعفاف

المحبة البينا بيضاء زي قلوبنا العامرة

بنت الحلة نضافة برة وجوة

ود الحلة نخوة وشهامة

بنت حلتنا ما اسماها

ريدتا في قلبي جوة

[مها]

ود حلتنا .....عوافى
طلتك بالدنيا
......بطراك فى الحل والسفر
فى كل لحظه مع المطر
لما الوليد جاب الخبر
قال لى ....فارسك ...نوروه هل
عاينت بسراع .....
لقيت ...نورك وصل
عم الربوع ....
وانا بى فرح ....راجياك
وقلبى انشرح
ما قادره ادخل قبل ما اصبح
واقول ليك الحصل
انا شوقى ليك ...مطرا هطل
صباحاتك نديه

[معتبر]

بنت الحلة
وجه السعد

نورك شلع
حضورك بهر

صباحاتك ندية

هو في احلي من الندي
ياسلام علي الكلام
لما تحسو وتعيشو
تهلل ليهو
وتتغير ملامحك

تهفو لبنت الحلة

وتقصدها عديل
وماتقيف الا عندها

تسلم عليها وتحضن عينيها
وتهتف بريدك يابنية

[مها]

ود حلتى ........
والله من فتك مشيت
حيرانه اردد....هل وكيف
ليه الحبيب ....ما صبح على
مستنى ايه ....
ارجوك لا تقول لى نسيت
....بس قلت ....شوقى غلب
صبحى انتى
وانا ما نسيت
انساك كيف وانا فى رجاك
انساك كيف وانا كلى ريد
....بس قلت اعاتبك

[معتبر]

بنية حلتي
انساك كيف
انتي بتنسي
وانتي جوه القلب وفي الروح

جواي ياحليوة
شايلك فرح
قدامي لوحة الوانا زاهية

دنياي بيك تحلي

يانور العين
جايك جايك

فرهد تي جواي فرح
افضل اردد صباح الخير عليك ياروحي
صباحك هو الصباح

[سماح البدرى]

آدم تبرى من النوح

ويبرى حشاك من الاحزان

تعال لاقينى فى الافراح

وفى عصب المحبة حنان

بغطيك بى وشاح الروح

وبدفيك من صقيع حرمان

نزلت عشانى من جنة

وبقيت ليك ياحبيبى جنان

بقيت فردوسى ياآدم

وبقيت انا ليك شؤاطى امان

[معتبر]

بنية
حبيبة ادم
روح الكل

الامان لما تبقي لي نفس اتنفسه
والحنان لما اقوليك ياحبيبة تقولي لي تسلم ياحبيبي

وبينا يبقي الكلام دقاق
والعيون تغرق في الريد
لمن نتلمسها
وتبقي انتي احلي جنان
والتفاحة نتقاسما
والموية العذبة تروي عروقنا
وحلاتك تبقي المشتهي
ونسمو عشقا

بنية مشتاقين

[معتبر]

احلي الصباحات
وارق التحيات
لبنت الحلة الغالية

حينما تكتحل عيناي بيك
اذوق كل انواع السعادة
واستطعم الكلمات
والحنها اغاني

وبيك يحلو العمر ويطيب
ياطيبة الاخلاق

اقدر اصابح الشمس بيك
اقدر اجيك
واهديك هنائي وعمري كلو مابين يديك

بنت الحلة ان شاء الله لي تسلمي

[مها]

ود حلتى ...فارسى الهمام
ضلى وضراى
دنياى انت وفرحتى
صباحاتك نديه
بعطر الفل والياسمين
بشتاق ليك دائما
وينك يا حبيبى
تفرد بابتسامتك
افراح فى دريبى
حبك عمرى كلو
مكتوبى ونصيبى

[معتبر]

بنت حلتي

يحتويك شوقي

بين الهدب ورموشي اشيلك
بين ضلوعي احفظك
اربت عليك دلال
ارسمك اعجاب

اشدو باسمك
اوصفك غزال

صباحاتك ندية ياغاليتي

[معتبر]

بنت حلتي السمحة

التفكير فيك اندهاش
والكلام عنك بيني وبين روحي يريحني
واقول الفي نفسي
اهواك ياحبيبة

وشوقي شوق زول لزول بقالو زولو

اتاوق ليك
وارجع اغمض عيوني
اشيل صورتك في قلبي

واقول بختي
بنت حلتي حبيبتي

[معتبر]

صباحات بشوشة
ندية

عامرة ذي القلوب الحلوة

بنت الحلة

جمال الدنيابيك
وجمال الشارع
مشيك

اشوفك

ارجع تاني اشوفك

شوفي حيرني
يابنية
قولي لي
كيفك

[معتبر]

بنت حلتي
ياغالية

صباحك عسل
ولون المنفة الشايلاهو ملامح
رسم في خيالنا قدلة مشتهينها

وسماحة البسمة خلتنا نغير مفرداتنا وتبقي اكتر حنية

عسولة اديني من تصبيحك تطيب خاطر يخليني اقول
صباح الخير يا حلوة
بيك اسعد وبيك حياتي تبقي جنة