بنت الحلة حلاته

[معتبر]

البنية الحنينة

إنتي

الخجل طبع

والسكات رضا

شوقك شب جواي اشواق
جمالك يتمدد في اعضائي اعجاب

قلبي رهيف
ذوقك ظريف

خريفك خير زاد وعمار
دعاشك لانفاسنا يزيد اعمار

افتخر بيك يا بنية

[مها]

بنيتنا .... بتكوس لى زولا ولوف
ديوانو ...بنادى على الضيوف
وامو تنادى ...هوى يا وليد يلا الفطور
الجبنه واللمه الضحى
والونسه والقلب النضيف
بنيتنا ...تانى
شن بدور ...... سيد الاسم جاها بالقلب الولوف
والطيبه والعشره ....
وتانى ....بنيتنا
عندها قول .....ابدا وحاتك مافى قول

[معتبر]

ياحلوة

يا ....

صباحاتك ندية

اصبحت اساسق بين ديوان جدي وعز اهلي

افتش عن حبة رضا يلائم احلامك

القي روحي اتعلقت بجمالك

افكر فيك اكتر

اتمناك وليك اوفي المشاعر ريد

اقدم ليك حياتي

ريدتنا ومحبتنا
ياليالي هنانا

ان شاء الله تدوم ونتهني

انا بالجد ردتك ياحلوة

[معتبر]

بنت الحلة

كل الحكاية اشتقت ليك

مافتشت بعيد جواي لقيتك

شديت عل ضلوعي نفس
امتزجت المشاعر
وسمونا مكان
وعشنا احلام
يا الشلتي حلات كل الحلوين


عيونك عالم تاني


وهتفت



ما انتي البسمة والنسمة

احب بسمتك

[سماح البدرى]

ياني بنية الحلة السمحة
وياني الجدعة وياني
البعرف سر الوجعة
وبعرف كيف بتكون
الرجعة لعينك ساعة
الهجعة يا رفيق عمري
وصباي انا في انتظارك
طال بكاي خليني اعرف
سر وجود عينيك معاي
انا استنيتك واتنفستك
رعشة خاطر وريحة مطرة
وانا حبيتك فكرة وزاد
واترجيتك تتمو مراد
وانا استنيتك قمرا يطلع
ومطرا يشلع ويسقي بلاد
‏

[معتبر]

يابنية

في وجودك الهام
وفي مشاعري كلام

قولة سلام تبقالي موسم فرح

ونظرة تهزني من جوة
تخلي الشعور يمتزج بالاماني

في قلبك مكان
وحولك امان




شعورك رهيب
جمالك فريد

فتنت بيك

[مها]

يا ولد الحله ....
يا راجل الفزعه
يا صبى عوافى
انت الروح وانت الساس
كلامك جوه القلب انداح
سلامك ....شوق
وشوقك منيه ترد الروح

[معتبر]

بنوته الحلة الغالية


سلام من جواي
حروفو تنقز نقزي
فرحانة بطلتك

بيني وبينك اشتياق


ياشوقي ما تقيف

بس اطاول ومد لقدام

احتويني وابقي لي
وابقي ليك

اوعديني ببلة شوق ياعيون

عيونك في عيوني

[سماح البدرى]

انت فرح عمري البيسأل
عنك
ونور صباحو الطالع منك
وسكة ريدي وهواي
انت عشاي وعكاز عماي
ونور ليلي وضواي
انت مناي وانت هناي
وانت ريدة طفولتي
وصباي .....
يا ود حلتي انت ياكا
حبيب قساي .........

[معتبر]

بنية صباحك شايل من جمالك كسوة
صباحنا بيك يطرز مشاعرنا نغم

اشوفك يمتزج الفرح بالزهو
اصبح عليك ابقي اسعد زول

اتم باقي يومي سرور

ما خلاص شفتك وضميت رسمك
جواي
وابتسمت رضا وحمد

يخليك ربي ياعسل

صباحك زين

[مها]

صباح ذين ..... دائما اصيل تسر العين
يا ود حلتى ....
يا ابو على يا تاج الملوك العمه
ابوك ابوسن فارس الضمير والذمه
وانا بيك بفتخر
ما دام عليك بتسمى
بت حلتك ....ضلك وضراك
وبالشوق مستنياك

[معتبر]

بنت حلتي مها

صباحك اشراق نابع من صفاك

مها ياعيون بتعرف قدرنا
وياقلب يفيض محبة

انا افخر بيك يازولة
اشيلك عز وابقي ليك سند

تلقيني جنبك
عنك اشيل كل الضنا

تسلمي يارائعة

[عبدالله عبدالرحمن عبدالله]

الاخ/ على ابوسن
الاخت /مها

روعة المساجلة فى تمكن المتساجلين من صياغة افكارهم وحيويتهاوعفوية موضوعها (بت الحلة ) يجبر ويُشِوق الداخل الى هذا البوست ان يقرأه ويجد نفسه فى متعة حقيقية خاصة اذا كان ود حلة مثلنا فمن بيننا ود الحى وود المدينة ...........

تقبلوا هذه المشاركة المتواضعة التى ابصم بها هنا

يا بت الحلة سلام
سايفنى الشوق جاييكى
فارس اسوقك نمشى الحفلة
والدلوكة تدق بنظام
انت وراى وانا قدامك
انور دربك الحلة ضلام
يحرمنى اشوفك ماشة بجمبى
خطوة سريعة وانتى تغنى
ما محتاجين نتسكع
وانا جواى مالينى تمنى
عديلنا وزينا قريب..
ياسلاااااااااااام!
ِ
تحياتى وخليكم مواصلين

[مها]

الاخ عبدالله عبدالرحمن
اسمح لى .....اشكرك جزيل الشكر انابه عن
الاستاذ/ على ابوسن ....صاحب البوست
لك كل الود

[معتبر]

عبدالله قال كلام

وبنت الحلة بكل اريحية ردت تمام

ولو مابقينا كدا مابنبقي عيال الحلة والحي والمدينة

قلبي اخضر بيكم
ياطيبين

[مها]

جانا عبدالله ....سالنى ود الحله كيف
وريتو ....انا بيه سعيده
بلقى فيه لمة الناس الوفيه
زول بقدر اى كائن
وبكرم النازل عشيه
زول بسندك كان وقعت
وفى الرقاب ما بشلو ديه
قال لى........حظك بنيتنا
والله انتى سعيده
قلت ليه شكرا
وربنا يحفظ لى ود حلتنا

[معتبر]

بنت حلتنا السمحة

تدفعك لي قدام

تفرش طريقك للشجاعة والاقدام

كل الخصال الحميدة ترسمها للمرام

طيبها اجمل هديه
قربها اغلي امنية

تفديك الروح يابنية

[سماح البدرى]

سواد ليلتين طُوال بالحيل
ضافيرِك ديل
وطرفك لما حام فوقى
غلبنى مع البِغَنّو الشيل.
وأمانه وكِت أشوف رقصِك
واشيل شبال
أبيت فى حال
تقول فارساً رَمَنُّو الخيل
أمِس فى بيتنا دقّ الباب
وزار حُسنِك طِرَى وطلَّ
وكِت سبق السلام خَطْوِك
رجَف قلبى وركع صلى
وبسيمتك لما غَنَّت لَىْ
وطاش صبرى وغِلِب قَلّ.
رفعت أيْدَى لخالقِك فوق
وقُت يا ناس أريد الله
وأحب الله
هى عيون شنو؟
دى المافى زول شافها وسِلِم
حتى الزمان عِشق الوَصِف
فيهن سَرَح غَلَبُو النَّضِم
زى سيف سَنِين عينيكى ديل
البدْنَا وين يرجع يِلِم
لو أقدَرِن يوم بالغُنا
يا دنيا داك يوم المُنَى
وبعد الوصف يحلا ويتم
إن كان أعيش وان كان أموت
يا سمحه أبداً ما بِهِم.

[سماح البدرى]

يازولى انت براك

عارفنى حساسة

بكاية جد بالحيل

لكنى وناسة

زى وردة وسط الشوك

تنزف عشان ناسها

عارفنى ياآدم

تفاحة اناناسة

الكلمة فاضت حب

كاتباها كراسة

تعشق حبيب الروح

شايلاهو فوق رأسها

ماك فالصو ياآدم

بس حوتك ماسة !!

[معتبر]

ياروح ادم ياجمال حواء

يابنية كيفك

اشجارك ظليلة
تحلو فيها الجلسة

جلسة ما منظو مثيلها
كل الثمر
احلي عيون بنريدا في زول علمنا الريدة

لو وصفت بيتنا يابنت الحلة
اقول الشارع البعد شارع بنت الحلة
ارتباط مكاني