الحلم السوداني كتب:ود الزوجي ............فعلا وصلت لقناعة الحب ماشي سهل
لافي الواقع ولا في الحلم ولا في الفرضيات ولا في الهترشات ذاتها كمان
كمل هترشاتك ومتابعيين واكيييد الجاي احلا
تحياتي
منورة كالعادة يالحلم .. طبعا شي ماساهل .. سواء كان لزول بعرف يعبر عن حبو أو مااااااااا بعرف .. بس الشي الممكن نقدر نقولو انو هو جميل بغض النظر عن نوعية الحب .. وألا شنو !!
انت مدهشة ..
ما اعجابا في أغنية محمود عبد العزيز
لكن جد جد انت مدهشة
احساس غريب راود خيالي
وقلبي وعقلي ..
وكل حاجاتي الجوه دواخلي
حسيت أني فوق الناس دي كلها
لأنك انت فوق الناس ديل كلهم
وأنا حبيتك ..
يعني حبيت حاجة فوق
عشان كدا أنا فوق
عارفة يااااااااااااا إنت
مشاعري الحسي جواني دي
لو وزعوها على اليهود والكفار
كان بقو أصحابنا
وكان قالو لينا هنديك القدس شيلوها
وألا أقوليك كان حيقولو لرؤسائنا حكمونا !!
عارفه ليه
لأنو مشاعري بقت كبيرة وجميلة
لدرجة إنها ممكن تغرق سكان الكرة كلهم
حتى انت ..
ما إنت أكبر منهم !!
قلبي واجعني يااااااااا إنت ..
وجع كدا لدرجة إني ما قادر أكلم زول بيهو ..
بخاف يعرفو ويقولو عني زول واهم ..
وأنا ما داير اقتنع بالشي دا
لأني جد واهم ..
بس بحاول أوضح ليك كم حاجة
في قلبي ليك جوه ..
أنا بحبك ..
وحبيتك ..
ولسه بحبك ..
بموت في خطوتك إنت ..
ولما النجوم تكون جنب القمر
بقوليها عايني انت مكانك ماهنا
يعني عينك للفيل وتطعني في ضلو
القمر بس اسم
لكن زولتي زاتا القمرا
وست الهجعة
وساعة الناس بتقول يا الله
بتكون هي ماشة جنب ناس الله
حوصف !!
وألا أقوليكم خلاص ..
قلبي جاتو الوجعة ..
ود الزوحي كتب:قلبي واجعني يااااااااا إنت ..
وجع كدا لدرجة إني ما قادر أكلم زول بيهو ..
بخاف يعرفو ويقولو عني زول واهم ..
وأنا ما داير اقتنع بالشي دا
لأني جد واهم ..
بس بحاول أوضح ليك كم حاجة
في قلبي ليك جوه ..
أنا بحبك ..
وحبيتك ..
ولسه بحبك ..
بموت في خطوتك إنت ..
ولما النجوم تكون جنب القمر
بقوليها عايني انت مكانك ماهنا
يعني عينك للفيل وتطعني في ضلو
القمر بس اسم
لكن زولتي زاتا القمرا
وست الهجعة
وساعة الناس بتقول يا الله
بتكون هي ماشة جنب ناس الله
حوصف !!
وألا أقوليكم خلاص ..
قلبي جاتو الوجعة ..
شنو ياست الوجعة .. ماحتحني وتنسي اللوعة !!
ود الزوحي كتب:
ياااااااااااااا بت
عايني !!
عايز أبحر في دواخلك
وأبقى جواك السفن
وأبقى أشرع للمراكب
و أكشف أسرار من هواك
وأبقى زي عصفور محلق
بين مشاعرك
وأبقى سرك
أبقى فيك كل المدن
حتى الشوارع بين مداينك
أبقى كلك وأبقى حبك
وأبقى إنسان جد بعزك
وأبقى ليك !!
وتبقي ليا ..
قلت شنو يااااااااا إنت
بقد ما اتمنى ان ترحم هي شغفك بها وتلتفت لكلماتك ومشاعرك بقدر ما اتمنى ان لا تفعل ذلك!!!!
وتستمر في الصد والبعد رغم ان ذلك قد يسبب لقلبك (الوجعة) ولكن تخرج من اناملك روعة الصورة والكلمة
الحلم السوداني كتب:بقد ما اتمنى ان ترحم هي شغفك بها وتلتفت لكلماتك ومشاعرك بقدر ما اتمنى ان لا تفعل ذلك!!!!
وتستمر في الصد والبعد رغم ان ذلك قد يسبب لقلبك (الوجعة) ولكن تخرج من اناملك روعة الصورة والكلمة
تحياتي لك
عارفة بقيت كايس للطناش لأنو بحس إنها بتتعمد تطنشني وطالما إنها اتعمدت يبقى حست بي !!
ودا الشي الأنا عايزو انها تنتبه لي بس والباقي انا عارفو كويس ..
الجمال ربنا خلقه عشان الناس تفتش عنو وتأكدي يالحلم لو هي ما بتستاهل كان ما تعبت وراها كدا ..
أمبارح اتمنيت تكوني معاي
أقصد .. علاقتنا
أو كنا عرفنا بعض
وبقينا نتكلم مع بعض
عارفة ليه
لأنو أمبارح كنا في رحلة
وأثناء ما نحن قاعدين
مع الأصحاب وفي اللمة
بقينا نتكلم عن الحب
وعن طبعو
وعن إنو الناس بقت تحلى
وقت ما الحب يخش فيها
وتحس بيهو
يعني حاجات حلوة زيك كده ياااااااااا !!
المهم كل واحد بقى يتكلم عن حبيبتو
وعن قلبو الوقت تقرب نسيماتا
يطير يفرح مع اللهفة
ويقول ياناس هديك قلبي
هديك روحي
وهديك حبي ..
وأنا كنت بسمع
وساكت ساي
لأنو لو قالو لي أوصف
حأغلب
وماااااااااااااا حعرف
عارفة ليه !!
لأنو حبك انت حلو
والحلو ما بتوصف
بتحس بس
وأنا حسيتك حلوة
وست اللوعة
وكدا كفاية
عارفة الزول لما يكون عايز حاجة ويصر إنو يصل ليها بقولو عنو مثابر وزول مجتهد لكن حسي بقى بقولو عنو زول لايوق زي .. وأنا مافارقه معاي الاتنين كان دي وألا ديك !!
عارفة ..
لما الزول يحب يشطح
ياهو بعمل زي حالتي دي
يكون عايش مع اللهفة
وقت تعبر مساماتو
يشيل الحلوة من قلبو
ويخت الآهة شان يحلم
ويسعد في مناماتو
يقول يمكن يعبجك حال أحاسيسو
تحنو عليه بس مرة
وتبقي الزولة البتهواهو
تحس بحالو وأحوالو
وترجع تاني تستني
متين الدنيا تصفالها
وتصبح زي خرير النيل
وقت يسقي الأراضي هناك
وسط ناسا حنان طيبين
بحبو اللمة وين ماتكون
عليك الله مش نفسك تكوني هناك ..
وسط خضرة ..
وظلال ورافة
تظلل ليك أيامك
وتلقي البهجة فال الإيد
وكل الناس تبارك ليك ..
مبروك يا إنت .. مبروك يا إنت
حبا يكوسك ولا تكوسو
الحب المني ليك ..
ياحلوة زي عسل النحل
ما زي أي حب
حب من قلب ما بيعرف ليك يغش
أو يكذب فلنقول
يعني لما يقول بحب
بكون عارف هو قاصد شنو
شوفي للدنيا البين عيونك
حتلقي حاجات كتير
وحلوة برضو
بس حلاتا ما بتظهر إلا لما تكون وسط لمة
وأنا داير ليك اللمة ..
يعني تتلمي معاي كدا
عش صغير زي أعشاش القمري الفوق
ونقعد نقوقي النهار كلو
وآخر المقيل وقت العصر
نحضن شجون قلبي وقليبك
للمسا !!
ولما المسا خلااااااااااص يبدا يدب يادوب
نحس بالشوق اتقطع بينا
وبقينا برانا ومافي معانا
اتنين بس
اتنين بس بحبو بعض
وبيناتهم كلام ما بفهمو زول غيرهم
يعني أنا وإنت بس النفهمو
يلا وبعد داك
أبقى أكوسك وإنت تكوسيني
تناديني عليك وأنادي عليك
ونقعد كدا للصباح
ونعيد القصة من تاني
ونعيدا كم ترليون مرة
وماااااااااانزهج
وترجع تاني للأول
حكاوي وغنا وتغريد للصباح
ونبقى كدا حدي ما روحنا تكمل
وريدنا يبقى !!
ما ريدنا اصلا ما بيكمل
عارفه ليه ..
لأنو فيه حبي أنا
وأنا حبي ليك كتير عمرو معاك ما بينتهي
ود الزوحي كتب:
حبا يكوسك ولا تكوسو
الحب المني ليك ..
ياحلوة زي عسل النحل
ما زي أي حب
حب من قلب ما بيعرف ليك يغش
أو يكذب فلنقول
يعني لما يقول بحب
بكون عارف هو قاصد شنو
شوفي للدنيا البين عيونك
حتلقي حاجات كتير
وحلوة برضو
بس حلاتا ما بتظهر إلا لما تكون وسط لمة
وأنا داير ليك اللمة ..
يعني تتلمي معاي كدا
عش صغير زي أعشاش القمري الفوق
ونقعد نقوقي النهار كلو
وآخر المقيل وقت العصر
نحضن شجون قلبي وقليبك
للمسا !!
ولما المسا خلااااااااااص يبدا يدب يادوب
نحس بالشوق اتقطع بينا
وبقينا برانا ومافي معانا
اتنين بس
اتنين بس بحبو بعض
وبيناتهم كلام ما بفهمو زول غيرهم
يعني أنا وإنت بس النفهمو
يلا وبعد داك
أبقى أكوسك وإنت تكوسيني
تناديني عليك وأنادي عليك
ونقعد كدا للصباح
ونعيد القصة من تاني
ونعيدا كم ترليون مرة
وماااااااااانزهج
وترجع تاني للأول
حكاوي وغنا وتغريد للصباح
ونبقى كدا حدي ما روحنا تكمل
وريدنا يبقى !!
ما ريدنا اصلا ما بيكمل
عارفه ليه ..
لأنو فيه حبي أنا
وأنا حبي ليك كتير عمرو معاك ما بينتهي
شحتفت روحي ..
الله يشحتف روحك وتحبيني
وقلبك يغلبو النوم وتسكيني ..
معقولة كوم الجفا الماليك
لحظة حسك أو مشاعرك ما تسألك
كيفن بكون حالي في بعادك وفرقتك
أنا من بديت أعرف خطاك
وتعب هواك
ماطاوعني يوم ليل السهاد
طواااااااااااااالي صاحي
وبحلم بيك !!
لمن بقيت خلاااااااااااص مابعرف ..
لو الليل كان صباح ..
وألا الصباح بقى ليل ..
غايتو الله يصبرني ..
ويصبرك على قسوة مشاعرك وقسوتك !!
اها دعيت وقلت الله يشحتف روحا والنوم غلبا قامت عيت وبقت تعبانة وبقيت انت المتشحتف في هواها وانت المهترش التعبان من فراقا
الله يكون في عونك ويقومها بالسلامة ....
استمر في الهترشة والشحتفة واحنا المستمتعين غايتو الله يمون في عونك
ودا واحد حضور .....تحياتي
صديقة الصفحة .. النور نورك بقينا نشوف بيك لما تكون العتمة مخاوية البوست .. البت شكلها عيت جد جد لي فترة ما شايفها لكن حاليا بقت أحسن .. حسب ما أنا متخيل !!
