من الحاجات المحيرة فى بلد المليون ميل وجود كثير من المناطق التى تحمل اسماء (معصلجة) الشيء الخلانى اخش فى الموضوع ده واحد زميلنا قال انو منطقتهم يطلق عليها اسم (الخربجيك) واخر فى منطقة اسمها ام فليق فالشغلة حيرتنى شوية كدة خلتنى اقول ياربى اهلنا السمو المناطق زمان غلبتم الحيرة ولاشنو وبعض الاسماء كان سمعتا بت ابو ظبى بجيها صداع نصفى وده نموزج بسيط ففكرة انو نعمل لينا شبه قاموس كدة ويشارك فيه كل اعضاء المنتدى كل بما يحفظ وياريت يكون مع اسم المنطقة معنى لى التسمية وحابدا ليكم انا ببعضها هاكم ديل:
عزيزنا الفرقان،،
فكرتك حلوة ويريت الناس تتفاعل معاها،، بس هناك بعض الأسماء لا مكن كتابتها،، بعضها لعدم وجود الحرف في اللغة العربية،، وبعضها عشان ........... حاجات تانية حامياني
مشكور
الغرقان على الفكره الحلوه
اسامي غريبه
ممكن تكون منسوبه كمان لي اشخاص او قبائل قديمه سكنت المناطق
او تكون ليها معاني غير بي لاهجات قبليه او او...
لاكن كيف نعرف نطلع معاني الاسماء؟؟
((اطالع برة)) في منطفه اسمها كدا بالجد؟؟
sunni كتب:عزيزنا الفرقان،،
فكرتك حلوة ويريت الناس تتفاعل معاها،، بس هناك بعض الأسماء لا مكن كتابتها،، بعضها لعدم وجود الحرف في اللغة العربية،، وبعضها عشان ........... حاجات تانية حامياني
اولا اشكرك صديقنا sunniيازوق نعم كثير من الاسماء التى يصعب ترجمتها الى حروف ولكن يكفى ردك وتفاعلك مع الموضوع والحاجات الحاميك تزول لكى نستفيد منكم (الغرقان ودالشرقان من الرويانة ريفى ام حفير.
ريمانى وahmed1994مشكورين على المرور ومن اسباب قيام هذة الفكرة كى نكون حصيلة نستفيد منها جميعا للايام ومن هنا ارغب من جميع الصدقاء ان يدلو بدلوهم كل بما يعرف وايضا يستفيد ابنا البلد الواحد من بعضهم(احتمال يصادف ناس التلفزيون يعملو مسابقة يجى سؤال من النوع دة وانت تخلف كراع على كراع وبى قلب بارد تجاوب تفوز ليك بى عربية كورلا 2010 ههههههههههاى)
دلوعة الدوحه كتب:مشكور
الغرقان على الفكره الحلوه
اسامي غريبه
ممكن تكون منسوبه كمان لي اشخاص او قبائل قديمه سكنت المناطق
او تكون ليها معاني غير بي لاهجات قبليه او او...
لاكن كيف نعرف نطلع معاني الاسماء؟؟
((اطالع برة)) في منطفه اسمها كدا بالجد؟؟
توقعت ان يمر عليينا حناكيش السودان دلوعة الدوحة شكرا جزيلا على تقبل الفكرة والرد الجميل كل مازكرت صحيح اما عن (اطلع برة) فهو حي مشهور من احياء جوبا اها جوبا دى فى جنوب السودان وجنوب السودان فى السودان طيب السودان وين فى راسنا لذلك يجب ان نحث كل الاحبة فى(انا سودانى) على المشاركة لكى نعرف كل مناطق السودان بى كدة يكون كل السودان فى راسنا وللا مام يا احبة
سلااااااااااااااام الفكره جميله وياريت كلو زول يكتب عن منطقتو والمناطق المجاوره ليهوبالنسبه لا طلع بره زى مازكرت ده حى من احياء جوبا وحتت الاحياء دى
حقو مانخش فيها دايره بوست براها نركز حاليا على المناطق
انا ح اديك من منطقتى نهر النيل العكد
القمبرات
الشرام
قدو
ام سعفهوبجيك راجع
الاصدقاء حموودى وكيل عريف مشكورين على هذة الاطلالة الجميلة ونحن اسعد بى ردودكم لك شكر خاص وكيل عريف على هذة القائمة وانا بالجد استفدت وانشالله كل الاصدقاء يستفيدوا ويعرفو بلدهم زى مابنطالع الكورة والسياسة كمان لازم نعرف اجزاء هذا البلد(سودانى بليدنا واكلنا اخوان) وفى انتظار المزيد دمتم زخرا للوطن.
الاخوان وليد جمال وحمودى احيى فيكم روح المشاركة ولك الشكر الخاص حموودى على التعقيب مرة ثانية ام كلامك عن التعريفات لهذه السماء فى الحقيقة لست ملما ببعضها ولكن انا عندما طرحت هذة الفكرة اردت ان استفيد ايضا ممن حولى من الاصدقاء ولكنى ارى معظمهم لايعرف هذة الاسماء تلقائيا لايعرف المنطقة ولا اين تقع( مع الاسف) سنعمل تجربة على بض الاسماء لنعرف الفرق مع أن كل هذة المناطق يجمعها اسم واحد السودان ولا شنو رايكم.
هذة القائمة هل تعرفونها:
1.حى الرياض.
2. العمارات.
3.حى المطار.
4.المغتربين.
5.المعمورة.
6.الخرطوم 2.
7.المنشية.
8.حى المقرن.
اها اذا ما رعفتوا ديل انا حاقفل البوست ده مع وافر الشكر لكل الزوار(كل اجزائه لنا وطن)
الغرقان .. :079:
يا غرقان ومغرقـنا معاك
اولا لك التحيه على البوست الرائع
ومنه نقدر نستفيد ونفيد يا غالي
ومنه نعرف عن وطننا الحبيب اكتر واكتر
بالنسبه للمناطق الي قلتها عرفتها كلها
بس الفوق ديييييييييييييك ما عرفتا منها الا تلاته كدا
والباقي العوض على الله
لكن في منطقه برضو في السودان اسمها
ام بخره .. فوق على جهة ابو حمد
ومنطقة او بالاصح قرية
كوز البيض في جهة الدمازين
وفي مناطق كتيره الواحد بسمع فيها باسامي غريبه
بس ما عارفه وين ؟
ومشكووور يا رائع ..
