همسات شعرية

[waya]

علي قدر إحتمال وعدك
بنيت حجم الوداد في الروح
لقيت موكب مشاعرك لي
وراك خلاني زول مجروح
وانا الفاكر مع الايام
شويه شويه همي يسوح
اتاريهو الزمن غدار
بنادي عذابي لما يروح
كمان هدت ظروفي الحيل
مجرد اقيف اعاود انوح
وما رحم القدر خاطر
كأني بقيت مجرد لوح
بيتفنن عليهو الهم
وتتعازعم عليهو جروح
انا الصابر علي الكلمات
علي خاطر حروفي ابوح
فياااااا ساعة مصيري انا
متين موعد طلوع الروح

[مها]

حين اشتهيك والقى بيناتنا المسافا ت
مرة تبعد للثريات
ومرة تتلاشى وتصل حالة صفر
واتوشحك حين القمر بدر تمام
لحظة سطوع النور ولحظة انبعاث وهج الهيام
وابقي بيك
زولا تمام
يا غالي
يا نيلي البيجري
جوة في عروقي وحشاي
نابض دوام

[waya]

ﺳﻤﻌﺘﻮ ﺑﻲ ﺯﻭﻟﻪ ﻭﻛﺖ ﺗﺘﻜﻠﻢ

ﺗﻤﻸ ﺍﻟﻜﻮﻥ ﺑﻲ ﺭﻳﺤﺔ ﺍﻟﻔُــــﻞ

ﺳﻤﻌﺘﻮ ﺑﻲ ﺯﻭﻟﺔ ﻭﻛﺖ ﺗﺘﺒﺴﻢ

ﺍﻧﺖَ ﺍﻟﻔﺮﺣﺔ ﺑﺘﻤﻼﻙ ﻓـُــــــﻞ

ﺯﻭﻟﺔ ﺑﺘﻀﺤﻚ ﺷﺎﻥ ﻧﺘﻌﺬﺏ

ﻭﻧﺎﺭ ﺗﻌﺬﻳﺒﻪ ﺑﺘﺼﻞ ﺍﻟﻜُـــــــﻞ

ﻭﺍﻏﺮﺏ ﺣﺎﺟﺔ ﻫﻲ ﻟﻤﻦ ﺗﺮﻣﺶ

ﻭﻗﺒﺎﻝ ﺗﺮﻣﺶ ﺣﺒﻪ ﺗﺼــــــــــــﺮ

ﺭﻣﻮﺷﻬﺎ ﻃﻮﺍﺍﺍﺍﻝ ﻟﻲ ﺩﺭﺟﺔ ﺍﻧﻬﺎ

ﻟﻤﻦ ﺗﺮﻣﺶ ﺗﻌﻤﻞ ﺿـُـــــــــــﻞ

[مها]

واعود ليك وتفاصيل
زحمتك جواي بتملكني
وتصارع الأمنيات خطوات
على بال ما تهل تشرق
ملامح اللقيا في خاطري
انوووووم حدْ ما عيون النوم
تشوفك تاني فجريه
وتكبر لسه في جواي
قدر ما الله يدينا الأمان نحلم
نحقق فالنا و النيه
يغرد فينا قمري الريد
مع النسمه الخريفيه
وتَدُقْ قيف الوجع موجه
وتطير في الشاطئ صقريه
وندوبي هوانا للبحر الصبي ومفرور
غنيوات ريد فرايحيه
وندوبي هوانا للبحر الصبح ومسرور
نغني مع المراكبيه ...

[waya]

ناس بتسقيك من حنانه ،،، وناس بترويك بي رهابه

ناس تخلي الدنيا بهجه ،،، وناس تزيد دنياك كأبه

ناس تحس جواها جنه ،،، وناس تحس جواها غابه

ناس بيرفعو فيك رقابهم ،،، وناس بتفديك بي رقابه

ناس بريدوك شان تريدهم ،،، وناس بريدوك شان غلابه

ناس بتجزع من عذابهم ،،، وناس بترتاح لي عذابه

ناس تخاف وتحن عليهم ،،، ناس بدون عرفه بتهابه

ناس سلامهم ليك عادي ،،، وناس سلامهم بي رحابه

ناس عشانك انت صادقه ،،، وناس تغشك بي سرابه

ناس بتفتح ليك قلوبا ،،، وناس تسد تلاك بابه

ناس عشان ماهم بريدوك ،،، تلقي دعواتهم مجابه

[مها]

ﻋﻨﺪﻙ ﻣﺎﻧﻊ
ﺯﻱ ﻧﻴﻠﻴﻦ ﺑﺎﻟﺸﻮﻕ ﻧﺘﻼﻗﻲ
ﻭﻧﻤﺸﻲ ﺩﺭﻭﺏ ﺍﻟﺪﻧﻴﺎ ﺍﻣﻮﺍﺝ
ﻧﺪﻱ ﺍﻟﻨﺎﺱ ﺍﻟﺤﺐ ﻭﺍﻟﺨﻀﺮﻩ
ﻭﻧﺒﻘﻲ ﻓﻲ ﻟﻴﻠﻢ ﻧﻮﺭ ﻭﺳﺮﺍﺝ
ﻧﺪﻱ ﺍﻟﻜﺎﺩﺡ ﻣﻌﻨﻲ ﻭﺟﻮﺩﻭ
ﻭﻧﺒﻘﻲ ﺳﻨﺎﺑﻞ ﻟﻠﻤﺤﺘﺎﺝ
ﺍﺻﻞ ﻭﺣﺎﺗﻚ ﺷﺎﻳﻠﻚ ﻣﻨﻴﻪ
ﻭﻻﺑﺲ ﺣﺒﻚ ﻋﻤﻪ ﻭﺗﺎﺝ

[مها]

وبدينا قبال نبتدي
اتوهطنا قبال القعاد
وسلمنا لحظة اهتزاز كل الدواخل
حسينا احساس الامان
وكتبت ليك
انا في رجاك
وهمست لي ما تملى مغارز الانتظار
قطعا اليك
ارجاني يا حرفي الوجع
ارجاني يا كلي الرجع
اديني ايديك الحنان
سوقني نمشي على الافق
ومشينا
تبرانا القماري
حارسنا من الريح ضراك

[waya]

القمر محظوظ طبيعي

إلا فيه حبة تعالي؟

ماهو متكبر أكيد..

لكنه مرات ما ببالي

شان هو عارف قدره يمكن

ولا شاف شوقها الخيالي؟

ويا قمر صدقني حاسدك

أريتو حالك يبقي حالي..

ما أنا برضو عاشق لي نجيمة

وروحي ليها دوام أسيرة

مرة تبقا لي ملكة

ومرة سلطانة وأميرة

وأصعب إحساس لما أشوفها

ديمة في عيني كبيرة

كلما أقرب ... بتبعد..

وألقاك يا إيدي قصيرة..

كيف ح تلحقي ليك نجمة

ولساه كسرك في

الجبيرة...

[مها]

معاك لون الزمن بهجة
معاك طعم الكلام افراح
ابهرني يا منتهى الالفة
ازيدك في الوله اشواق
اشكل حرفي بي محياك
ازيد فيها الهوى الفضاح
يزيد فيني الحسس بيك
واشوفك بين رؤاي كوكب
واجيك حين المسا يتاتي
واجول بين النجوم سواح
ازرع في الظنون ظنون وصفك
واحصد من خواطري جنون
قوافي تكابد الرجعة تنافر
في المسافات حرة
لاتنقاد ولا بتمسك عنانها جماح

[waya]

وضحت ليك انو الظروف

مرات تصيب الحب فتر

الا القلب مليان حنان

ما هنتي ابدا يا قمر

لو غبت اصلا ماشي ليك

ما ليا غيرك من سفر

وهبت ليك نفسي و بقت

شايلاك منام شايلاك سهر

الا الزمن توهني بيك

لا عرفت ايام لا شهر

طول الغياب كان العذاب

و اكبر عذاب دخل الوتر

خلاني اكتب في غناي

و غنايا باكي و ما صبر

عرفتي كيف انو الحبيب

في غيابو ليك الحب ضمر؟

انتي الهوى و انتي الجمال

اشتقت ليك و الشوق بحر

[waya]

كان لقيتك من زمان
يمكن الوضع يختلف
يمكن يكون بيناتنا حب
بس برضو ليك ما حعترف
و هواك يلاقى كمان هواى
اشواقنا تظهر و تتعرف
وجايز قلوبنا تكون عنيدة
ما تنطق بأى حرف

[مها]

وختيت ملامحك لي دليل
بهواك؟
انا في هواك اتجاوزت خيلي المدى
صهلت قصيدي اليك جوى
ركضت ليك
وركضت بين قلبي ومساحاتنبضي
والزم التقيل
حلمك علي
حلمي الموزع كان حكايات الحياري
في العتامير
في الدياجير
في شوارع الحلة
بين همسات حرير والدنيا ليل
احكيك سر
يلاك بعيد حين تهجد الاعين تنوم
انا سري ليك
داسيه يا عمري البدا
بين ضفتين بيناتها نيل

[صلاح محجوب عبداللطيف]

تراقص الليل كأنك كوكب دري
وبين حناااياك صخب موت يترنم
تشدو بألحانك همس القوافي
تسكن فيك أنغااام لروحك تلتهم
يا وجع الورد ما أظلمك
من قطف شذاااك بأواان مبهم

[waya]

املاني منك بالوعود

الحب ده حاء و زادت حرف

صدقني اصل الحب وعود

حتكون سعيد بعد الولف

حنبني جنة حب سوا

ما نلقى للجنة الوصف

خليك معاي رغم الظروف

لا تقسى لا يوم تنصرف

غطانا سقف الامنيات

نتوسد الامال وصف

نبني ترس الحب سوا

من خوفنا حبنا ينجرف

عبيتني من بحرك صمود

لا قل لا في يوم نشف

و انا بوعدك كل الحنان

حد ما ابالغ و تنكسف

اوعدني بي لحظة حنان

ولو ما وفيت ما بنختلف

الحب بدور حلو الكلام

بي كلمة ممكن يتعرف

[مها]

لو كان عِرِف .....
فرح القمارى وكِت تبشّر
بى وصولك من غياب
ما كان تفوتنا بعد وِلِف ...
ولو كان قريتا عيون مشاعرى
مــــــــــــــــــــع الإياب

[waya]

قريت الفاتحة لي ريدا


شهيق جواي إتوفى


حزين بالفرقة ماصابر


محاط بالحمة والرجفة


كفاي ياحزن مكيالك


ده ياما كال ولي وفى


وبقيت لابمشي لا راقد


ولا بقدر علي الوقفة


غراما كان بحر جواي


بغامر كنت في عومو


ولا لاوزت يوم أغرق


وأقول أصبحت مرحومو


مسللم كنت ليهو الروح


يطببق فيني مفهومو


وإلا الليلة راح مجبور


ومات قبال يتم يومو

[مها]

ﺍﻧﺖ ﻟﻮ ﺣﻜﻤﺖ ﻋﻘﻠﻚ
ﺗﻠﻘﻲ ﻗﻠﺒﻲ ﺑﺨﺎﻑ ﻋﻠﻴﻚ
ﻭﺗﻠﻘﻲ ﻣﻌﻨﻲ ﺍﻟﺮﻳﺪﺓ ﻏﻴﺮﺓ
ﻭﺍﺻﻠﻮ ﻋﻨﻲ ﺑﻐﻴﺮ ﻋﻠﻴﻚ
ﺍﻧﺖ ﻳﺎﻣﺎ ﻗﺴﻴﺖ ﻋﻠﻲ
ﻭﻳﺎﻣﺎ ﺑﺮﺿﻮ ﻏﻔﺮﺗ ﻠﻴﻚ
ﻗﺪﺭ ﺍﻧﻮ ﺑﻘﺎﺳﻲ ﺑﻌﺪﻙ
ﻭﻟﻤﺎ ﺗﺒﻌﺪ ﺑﺸﺘﻬﻴﻚ
ﻭﺍﻋﺮﻑ ﺍﻧﻮ ﻓﺆﺍﺩﻱ ﻣﺨﻠﺺ
ﻡ ﻋﺮﻑ ﻏﻴﺮ ﻳﺤﺘﻮﻳﻚ

[waya]

ارجع تعــــال سيــــب الغيـــاب

سيب الخصــــام مــــن اولــــو

اعتقنــــا من قصــــه عـــــذاب

رجـــــــع ليــــاليـلنـــا الخلــــو

ريدتنـــا مكتــــوبه في كــــاتب

مسخــــت حــــروفو اتغيــــرو

واحرف هــــواك الكــان قراب

معقــــول علــــي كدا يفتــــرو


اهديتــــك القلـــــب الشفيــــف

اهديتنــي احســــاس ماحــــلو

انا ريدي كـان صــادق عفيــــف

ومشــاعري لي غيـــرك غلـــو

لو قلبــــي اتملــــي باالـــــزيف

بنســــي الالــــم بتـــــحملــــو

لو ابقي عايــــش زي كفيــــف

انا عمري ليـــــك مستخســــرو


ارحمنـــي مـن نيـــران جــفاك

قلبــــــــك علـــــي مــاتدللــــو

انا لســــه باقـي علي هــــواك

حالـــــف هــــــواي ماابدلــــو

ماتنســــي اني بريــــد عنيــــك

ماتنســـــي حبــــي وتنكـــــرو

وانا قلبــــي مابيــحب ســــواك

غيــــــرك منـــــو البستاهلــــو

[waya]

اطمنك عهدي المعاك
ما تمشي فيهو تفكري
لو الكلام ما قلتو ليك
ما عليكي تفسري
شاركيني صمتك و
بالسؤال استفسري
عارف اصالتك و روعتك
عارفك كمان بتقدري
عني لو بعدت خطاك
ياني بجري عليك جري
يقيني في حبك كبير
في قلبي قادره تأثري
سلمتك اقدامي المعاك
خليتك انتي تحضري
خليكي ثابته و اقدري
في خطاكي لا تتعثري
ماني البراوغ بالحروف
اكتب كلام ما يتقري
ختيت نقط فوق الحروف
ما بين قصايدي اتبختري

[waya]

ﻋﺎﻳﺰ ﺃﻗﻮﻝ ﻟﻴﻚ ..
ﻛﻠﻤﺘﻴﻦ ...
ﺍﻷﻭﻟﻲ ﻣﺤﻔﻮﻇﺔ ﻑ ﺟﻮﺍﻱ ...
ﻭﺍﻟﺘﺎﻧﻴﺔ ... ﻣﺎ ﻣﻌﺮﻭﻓﺔ ﻭﻳﻦ .. ؟؟

ﻓﺘﺸﺖ ﻓﻲ ﻛﻞ ﺍﻟﺒﻴﻮﺕ ...
ﻣﺎ ﻟﻘﻴﺘﻠﻬﺎﺵ ﻣﻄﺮﺡ ...
ﻋﺪﺕ ﻋﻠﻲ ﺳﻨﻴﻦ ...
ﻻ ﺑﺒﻜﻲ ﻻ ... ﺑﻔﺮﺡ ..
ﻭﻟﻮ ﻗﻠﺖ ﻭﺍﺣﺪﺓ ﺑﺪﻭﻥ
ﺍﻟﺘﺎﻧﻴﺔ ﻣﺎ ﺗﻨﻔﻊ ...
ﺍﺳﺘﻨﻲ ﺣﺒﺔ ﻋﻠﻲ ..
ﺷﺎﻥ ﻟﻴﻚ ﺑﺲ ﺍﺷﺮﺡ ...

ﻣﺎ ﺍﻟﻜﻠﻤﺔ ﻫﻴﺎ ﺣﺮﻭﻑ ...
ﻭﻛﻞ ﺣﺮﻑ ﻟﻴﻪ ﺇﺣﺴﺎﺱ ..
ﻭﻟﻤﺎ ﺍﻟﻜﻼﻡ ﻳﻄﻠﻊ ..
ﺯﻱ ﺭﻧﺔ .. ﺍﻷﺟﺮﺍﺱ ..
ﺑﻴﺼﺤﻲ ﻓﻴﻨﺎ ﺍﻟﺸﻮﻕ ...
ﻭﻳﻜﻔﻲ ﻛﻞ ﺍﻟﻨﺎﺱ ...

ﻭﺍﻧﺎ ﻋﺎﻳﺰ ﺍﻗﻮﻟﻚ ﻛﻠﻤﺘﻴﻦ
ﺍﻷﻭﻟﻲ ﻣﺤﻔﻮﻇﺔ ﻑ ﺟﻮﺍﻱ ..
ﻭﺍﻟﺘﺎﻧﻴﺔ ... ﻣﺎ ﻣﻌﺮﻭﻓﺔ .. ﻭﻳﻦ؟؟ ..

ﺍﻟﺘﺎﻧﻴﺔ ﻛﻠﻤﺔ ......
ﻭﺍﻷﻭﻟﻲ .. ﺑﺲ .. ﺇﻧﺖ
ﻳﻤﻜﻦ ﺍﻗﻮﻻ ﺍﻵﻥ
ﻫﺴﺔ ﻟﻮ ﺑﻨﺘﻲ ..
ﺯﻱ ﺍﻟﻘﻤﺮ ﻓﻲ ﺍﻟﻠﻴﻞ ..
ﺑﻴﻦ ﺍﻟﻨﺠﻮﻡ ﻛﻨﺘﻲ ...
ﻭﺃﺗﺬﻛﺮ ﺇﻧﻚ ﻛﻴﻒ ...
ﻟﻠﻐﺮﺍﻡ ﺻﻨﺘﻲ ....
ﻭﺍﻟﻘﺎﻙ ﻓﻲ ﻛﻠﻤﺔ ..
ﺇﻧﻚ ﺣﺒﻴﺒﺘﻲ .. ﺃﻧﺎ ...

وحبيبتي بس إنتي