ما لا تحب ان تراه في السودان

[مهند عبد الرحمن]

احبتي اهلا بيكم
هذا البوست وددت ان يكتب فيه كل شخص الاشياء أو الأوضاع السالبة في سوداننا الحبيب والتي لا نحب ان نراها 0عسى ولعل ان يستفيد منها الجميع في تغيير تلك الاوضاع
نرجومن الجميع ابراز الظواهر السالبة مع كتابة الحل من وجهة نظره هو
ودمتم

[حزن السنين]

مشرفنا الغالي / مهند

مشكور علي طرحك الرائع دائماً ما تتطرق الابواب التي لم تتطرق بعد .... باب الظواهر السلبية في مجتمعنا السوداني كثيراُ جداً نكاد لا نجد لها رقم بين الارقم الموجود ....
و منهم تلك الظواهر ( ظاهرة التسول)
و تعتبر من اكثر الظواهر السلبية علي المجتمعات في السودان في كل الدول النامية و الغير نامية حتي الدول العظمة مثل ( امريكا و كندا و فرنسا) يعانون من تلك الظاهرة التي مع مرور كل يوم هي في زيادة ملحوظة و برغم من تلك المجهودات التي تبذل في الحد من انتشار هذه الظاهر و لكن لا حياء لمن تنادي
كما يوجد تقصير من قبل معظم الحكومات التي مرت علي السودان و تهميش هذه الفئة من قبل وزارة العلاقات الاجتماعية و من قبل المنظمات التطوعية التي قد كثرة في هذه الفترة و التي هي عبارة عن عدد فقط لا اكثر ....!!!
اذا لابد من تكاتف الجهود لدحر تلك الظاهر التي انتشرة كا وباء في مجتمعنا
و نناشد السادة في وزارة العلاقات الجتماعية و صندوق رعاية الايتام
علي ايجاد حل لهذه الظاهرة ،،،

دمت بود اخي مهند ،،،،

في انتظار اراء الجميع ،،،،

[لحــ غروب ـظة]

العزيز جداً مهند عبد الرحمن ...

الظواهر السالبة في المجتمع السوداني بقت كتييييييييرة ..

بس المشكلة بقت أكتر في الشعب السوداني اللي السلبية بقت جارية في دمو ...

وواقف يتفرج ويقول (أنا ماليى)


وبجيك راجعة ......

[فنونة]

بصراحة يا أخوي مهند: قول شنو الماسالب في السودان
السودان من راسو لي كرعينو سالب في سالب

بدون زعل دي الحقيقة

حأرجع افتك ليك السلبيات لمن تزهج مني بس ماشة عندي كويز بكرة دعواتكم

(بصراحة لو السودان ما في كمية السلبيات العارفنها ما كان العدد الكبير من شعوب اغترب

من واقعي: كم حاجة كدا؟؟؟بعدين حازكرا ليك منعتني ارجع السودان واكمل قرايتي فيها(دراستي الجامعية) واهلي كمان منعوني بي سببا اقرا الجامعةفي السودان .........؟

[حزن السنين]

الغالين / لحظة ،،، فنونة

انا اتفق معكم بالسلبيات في السودان اصبحت تشكل رقم خرافي و لكن هل سوف
ننظر الي تلك السلبيات و نحن مكتوفي الايدي لا نستطيع عمل شي ...!!!!
لا بل نحاول بقدر الامكان معالجة تلك السلبيات التي نراها من خلال خروجنا منذ الصباح
و حتي عودتنا في المساء ،،،،
و اذا انسان بداء بتغير تلك السلبيات في ابسط الناس الحواليه و يبداء من اسرته و اصدقائه
الي جيرانه في الحي و الانتقال الحي الاخر و منها الي المدينة الاخري في قدون بعض الشهور
نجد انفسنا قضينا علي بعض من تلك السلبيات و لكن ان ننظر لها بنظرة اليأس و عدم قدرتنا علي تغيرها
هو ما يذيد تلك السلبيات و يضغط علي مجتمعنا السوداني المحافظ

و لا رايكم شنو ..؟؟؟؟

[فنونة]

الغالين / لحظة ،،، فنونة


و اذا انسان بداء بتغير تلك السلبيات في ابسط الناس الحواليه و يبداء من اسرته و اصدقائه
الي جيرانه في الحي و الانتقال الحي الاخر و منها الي المدينة الاخري في قدون بعض الشهور
نجد انفسنا قضينا علي بعض من تلك السلبيات
و لا رايكم شنو ..؟؟؟؟

راينا من رايك يا كبير :079: انا بتفق معاك يا حزن في القلتو
بس احنا كمغتربين بره الموضوع ما حنقدر نغير من سلبيات بلدنا شي لاننا بعيدين عنو
لمن نرجع بلدنا في اجازات او غيرها بنلقاها قدامنا وبتحول وبتعوق من عودتنا الابدية لي بلدنا الحبيب
.................يعني لو عايزننا نرجع خفف من السلبيات الماطبيعية في بلدنا؟؟؟؟؟؟؟؟؟

[فنونة]

اسفففففففففففة لو دخلتا بالغلط

نذكر ليكم الحاجات السالبة:
1.عدم الاماااااااااااانة في خصوصا لاصحاب المناصب ال....أكل أموال الشعب المسكين .ما حاطرق ليها كتير لانها معروفة وظاهرة يا جماااااعة الضرايب بتتشال بالملايين بتمشي وين الله اعلم..........المساعدات نفس القصة. حلها(الامانة والخوف من الله)


2.الشباب الشباب ..........في حياتهم سلبيات كتيرة ( مشاغلات+عدم موضوع+المشاكل والمواضيع البتحصل في الجامعات وغيرها من مشاكل أخلاقية وسلوكية) حدث ولا حرج حكاوي يشيب ليها الراس ومنو البيصدق انها ممكن تحصل في بلد العفة السودان؟؟؟؟؟ حلها(ممكن يكون سببها العطالة لانهم ما لاقين موضوع او هدف في حكايتهم يشتغلو حتى لو اشغال ما بتناسب شهاداتهم.........او يغتربون وهو اضعف الايمان)



3.راجعة مرة تانية..............ادوني فرصة ممكن

[جنتل مان]

بصراحه الموضوع جميل لكن سودانا الله يخليو لينا ملايان بلاوي شديد وسلبيات لمن تزهج من كترتا بس تعليق على كلام الشباب القبلي مشكلتنا اننا دايما بنمسك المشاكل بي سطحية يعني موضوع التسؤل في السودان بي كميات رهيبه بدل ما يمسكوهم ويضربو المتسولين المفروض يعرفو حل للموضوع من جذور ومحاول اجاد لهم وسيلة عيش . وحتي النساء بايعات الشاي تكون في حملات لمنعهم لي كسب العيش طيب بدل ماتمنعم من البيع حل مشاكلم واديهم بدايل بس طبعا دا ماجديد على الحكومة حكومة القمع والسلبيات كتيره بس دايما انا بقول الناس تحاول تناقش جذور المشاكل مش النتائج بتاعتا ؟؟؟ تخريمه صغيره إنتي يافنونه بتقطيعي الكلام ماليك تميو عشان نرد ليكي ماتدينا ليو بالقطارهههه مع الشكر

[وكيل عريف]

كدى يافنونه تمى باقى موضوعك ده ولمن تنتهى بنعلق ليك


وكيل عريف

[مهند عبد الرحمن]

الخوة حزن ولحظة وفنونة ووكيل عريف شكرا للتفاعل والمشاركة
وحقيقة الظواهر كثيرة ومتشعبة والاهم من ذلك الحلول التي تقترحونها
شكرا مرة اخرى للتفاعل والمشاركة
ودمتم

[مهند عبد الرحمن]

الاخ جنتل مان لك التحية يا غالي وشكرا لتفاعلك

[فنونة]

تخريمه صغيره إنتي يافنونه بتقطيعي الكلام ماليك تميو عشان نرد ليكي ماتدينا ليو بالقطارهههه مع الشكر

جنتلنا والللللللللله عندك جنس راس فيهو مواضيع تحفة ربنا يدينا زيك............فهمك تحفة يا ريت لو الشباب بيفهمو زيك( با قي الشباب ما تغيرو:D )

تخريمة على قولتك: بقطع في الكلام لاني وحدة مشغولة وراي مسؤليات قدرو ظروفي قراااااااااااااية
عايزين نخلص ونتفوق عشان نرفع راس السودان ولا رايكم شنو
ردو على قدر القللتو في كلامي منتظرة الرد حتى لو ما تميت كلامي

[فنونة]

كدى يافنونه تمى باقى موضوعك ده ولمن تنتهى بنعلق ليك


وكيل عريف

علييييييييييييك الله يا وكيلنا ما فهمتا ولا حتة من نقنقاتي القلتها؟؟؟؟؟؟؟؟؟؟؟
رد بالتقطيع ان شاء الله,,,,,بس منتظرة الرد ..............وكان ما رديتو ما حكمل:D :D


ملحوظة: ما تعاين يا وكيل الكلام ده ما ليك بس داخل في خطك...................شكرا ليك انت يا مهند لانك فتحتا لينا موضوع مهم نفسنا من زمان نفضفض عنو..وشكرا كتيييييييير

[ibn batoota]

الأخ مهند

نهارك سعيد


زول سايق عربية في قلب الخرطوم,,

أولا العربية مامرخصة (يعني ماخضعت للفحص الفني وبالتالي غير مؤهله للسير)

تانيا السواق ماعندو رخصة (ايضا ما مؤهل إنو يسوق)


بكل بساطة يلقاك شرطي مرور ويدفعك غرامة 60 ألف

ويديك إيصالين بمثابة تصريح إنك تسوق بيهو طول اليوم,,,

ملاحظة:

العربية مافيها فرامل ولا بوري

والسواق ياداب بتعلم في السواقة

إتمني إنو لما انزل إجازه تكون الظاهره دي إنتهت

[sarona]

الاخ مهند .....

الشعب السوداني يمر بمرحلة تغير خطيرة .....

الشهامة والنخوة والكرم والكثير من الصفات الجميلة للأنسان السوداني في اندثار .....

و من أخطر الظواهر الأخيرة اللي لمستها في المجتمع السوداني .....

تقيم الانسان بالمنظور المادي ..... يعني الانسان أصبح يقيم بمقدار

ما يمتلك من اموال وثروة للأسف الشديد ......

.
.

[حزن السنين]

الأخ مهند

نهارك سعيد
زول سايق عربية في قلب الخرطوم,,
أولا العربية مامرخصة (يعني ماخضعت للفحص الفني وبالتالي غير مؤهله للسير)
تانيا السواق ماعندو رخصة (ايضا ما مؤهل إنو يسوق)
بكل بساطة يلقاك شرطي مرور ويدفعك غرامة 60 ألف
ويديك إيصالين بمثابة تصريح إنك تسوق بيهو طول اليوم,,,

ملاحظة:
العربية مافيها فرامل ولا بوري
والسواق ياداب بتعلم في السواقة

إتمني إنو لما انزل إجازه تكون الظاهره دي إنتهت

[grade="00008B FF6347 008000 4B0082"]
حبينا الغالي / ibn batoota

مشكلتكم يا المغتربين اول ما تصلوا البلد بتحاول تعملوا مقارنة بين السودان
و الدول المقيمن فيها و اكيد حتلقوا فرق كبير جداً في ابسط الاشياء منها ما
ذكرة عشان الواحد بنصدم بالواقع بتاع السودان لكن نحن عايشين في السودان
ما عشنا خارج السودان ما بنشوف انوا الحاجات دي غريبة

و لا شنو يا حبينا و زي ما بقولوا الجاتك في مالك سامحتك و الا اذا كانت
60 الف دي بوظت اعصابك في عقل السوق العربي

علي العموم نتمني انوا السودان يحصل ركب الامم الاخري في التقدم
و دا ما بكون الا اذا كان حصل تكاتففي المجهود المبذول للتطوير

و لا شنو ....؟؟؟؟[/grade]

[ibn batoota]

[grade="00008B FF6347 008000 4B0082"]
حبينا الغالي / ibn batoota

مشكلتكم يا المغتربين اول ما تصلوا البلد بتحاول تعملوا مقارنة بين السودان
و الدول المقيمن فيها و اكيد حتلقوا فرق كبير جداً في ابسط الاشياء منها ما
ذكرة عشان الواحد بنصدم بالواقع بتاع السودان لكن نحن عايشين في السودان
ما عشنا خارج السودان ما بنشوف انوا الحاجات دي غريبة

و لا شنو يا حبينا و زي ما بقولوا الجاتك في مالك سامحتك و الا اذا كانت
60 الف دي بوظت اعصابك في عقل السوق العربي

علي العموم نتمني انوا السودان يحصل ركب الامم الاخري في التقدم
و دا ما بكون الا اذا كان حصل تكاتففي المجهود المبذول للتطوير

و لا شنو ....؟؟؟؟[/grade]

حبيبنا نادر

جمعة مباركة

المسأله ما أكتر من تطبيق للقانون بصوره عملية

وحفاظ لأرواح ناس أبرياء ممكن يكونو ضحية من غير ذنب

إتخيل نفس الشخص تاني يوم برضو تلقه سايق

من غير ردع او خوف من عقوبة المخالفات

يعني ممكن روح إنسان تساوي60 ألف؟