مابرضي الهوان

[الرشيد ابراهيم]

مابرضي الهوان زولا عزيز متسامي
كيف ارضاهو لو بالسيف وقف قدامي
كايس عزي لو يجلب علي اعدامي
مالي من كنوز الدنيا غير احلامي
***
بحلم بالصباح يشرق بديع في داري
بالناس تستجيب تسمع جميع افكاري
بحلم برفيق .. يكم معاي... مشواري
يسكن زي جزور مغروسه في اشعاري
***
بحلم بالوطن.. رائع جميل.. حدادي
والحقل الخيصب اخضر جميل مدادي
والخيرات .. تعم يصدح نشيد اولادي
مليان بالامل فايت الفرح بي غادي
***
بحلم بالمياه والخضره في بستاني
تدفق بحور تغسل جميع ادرني
ينساب الوطن عصفور بين الحاني
ياناس الوطن ساكني في شرياني
***
بحلم بالوليد الجبت من مصراني
يكبر يبق زلا في النضم حقاني
يفدي الامه بروحو ويعظم شاني
يبقي الشمعه لو عم الظلام سوداني
***
بحلم بالنعيم والخير يعم ودياني
ما يفضل فقير في ملتي واخواني
تتوحد صفوف في يوما قريبا داني
نهتف في الدخيل يحيا ويعيش سوداني

[ود مكه]

[frame="10 50"]بحلم بالنعيم والخير يعم ودياني
ما يفضل فقير في ملتي واخواني
تتوحد صفوف في يوما قريبا داني
نهتف في الدخيل يحيا ويعيش سوداني [/frame]

ربي يحقق أحلامك .. وأحلامنا

اللّهم آمين

[الرشيد ابراهيم]

حباب ود مكه
ربنا يحقق احلامنا اجمعين كل الود وفائق الاحترام

[ابو ليلي الشاعر]

أيها الرشيد أيها المنداح
عطرا وعشقا
على طول الوطن وعرضه
أيها السامي سمو
كرامتنا ونيلنا ونخيلنا
نعم يا اخي الرشيد
أوعك تخضع لى غير الله
واوعك ترضى لى وطنك
بى اي مزله
و أعمل
بالاتقان لليابان
بقت دوله
كانوا زمان فقرانين
لا ليهم قوة لا حوله
وكان جيتا الآن
لى سيادة العالم
هي الاوله
تنهى وتأمر
وفي التصنيع
ليها القوله
تقبل مروري

[الرشيد ابراهيم]

لك التحية ابو ليلي الشاعر كلامك كلام زولا قلبو نضيف وحار وسخي
كل الود وفائق الاحترام

[هامس]

مابرضي الهوان زولا عزيز متسامي
كيف ارضاهو لو بالسيف وقف قدامي
كايس عزي لو يجلب علي اعدامي
مالي من كنوز الدنيا غير احلامي
***
بحلم بالصباح يشرق بديع في داري
بالناس تستجيب تسمع جميع افكاري
بحلم برفيق .. يكم معاي... مشواري
يسكن زي جزور مغروسه في اشعاري
***
بحلم بالوطن.. رائع جميل.. حدادي
والحقل الخيصب اخضر جميل مدادي
والخيرات .. تعم يصدح نشيد اولادي
مليان بالامل فايت الفرح بي غادي
***
بحلم بالمياه والخضره في بستاني
تدفق بحور تغسل جميع ادرني
ينساب الوطن عصفور بين الحاني
ياناس الوطن ساكني في شرياني
***
بحلم بالوليد الجبت من مصراني
يكبر يبق زلا في النضم حقاني
يفدي الامه بروحو ويعظم شاني
يبقي الشمعه لو عم الظلام سوداني
***
بحلم بالنعيم والخير يعم ودياني
ما يفضل فقير في ملتي واخواني
تتوحد صفوف في يوما قريبا داني
نهتف في الدخيل يحيا ويعيش سوداني

,,, زولا نضيف سخى زيك تب مالاقانى
,,,يحلم بالوطن والخير يعم ربوع سودانى
,,, زولا عزيز فى عزو فايت القاصى والدانى
,, أبشر رشيد عشمنا فى المولى بى فرج ربانى
,,,لى وطن واحد كبير ما ينقص شبر فدانى
,,,وليك إت بت العز إت زولا غالى عزيز الشأنى
,,, تهديك الوليد الشمعة لو عم الظلام سودانى

(همسة) دمت يا سودانى يا أصيل

[هامس]

الرشيد أخوى بدور أسعلك سوعال واااحد بس
البنيه الشقيره دى شنى ؟
ما بكضب عليك هى حلييييوه لكن بنياتنا السمر ماااالن

(همسة) بدون زعل

[حنضله]

مشكور كلمات جميلة وتنسيقها اجمل

[الرشيد ابراهيم]

,,, زولا نضيف سخى زيك تب مالاقانى
,,,يحلم بالوطن والخير يعم ربوع سودانى
,,, زولا عزيز فى عزو فايت القاصى والدانى
,, أبشر رشيد عشمنا فى المولى بى فرج ربانى
,,,لى وطن واحد كبير ما ينقص شبر فدانى
,,,وليك إت بت العز إت زولا غالى عزيز الشأنى
,,, تهديك الوليد الشمعة لو عم الظلام سودانى

(همسة) دمت يا سودانى يا أصيل

يا هامس واسع في الكلام مولاي يوسع دارك
معروف بالجمال والزوق موالاي يرفع حالك
ود عز الرجال والكرم الفقت كل اجيالك
سال الله العظيم وكريم يجمعنا متحابين في دراك

[الرشيد ابراهيم]

الرشيد أخوى بدور أسعلك سوعال واااحد بس
البنيه الشقيره دى شنى ؟
ما بكضب عليك هى حلييييوه لكن بنياتنا السمر ماااالن

(همسة) بدون زعل

ههههههههههههههه والله بعافر ليها لي يومين اغيره ما قادر بلحيل بنياتنا ما ليهن مثيل والله

السمحه ان وقفت عديل وان مشت بحرافه
وان جلست معاك زمنك بفوت في هيافه
العيون تلمع كهارب والسنون كشافه
ما بتحمل شمش السودانيه ومن القمر خوافه

اها ان شاء الله حصل الرضي

[الرشيد ابراهيم]

مشكور كلمات جميلة وتنسيقها اجمل

حنضله انت حقيقه جميلا وكلامك لطيف لكن الاجمل والاروع انك احمر
تسلمي عزيزي والهلالاب ما يزعلو انا ما بحب الهلال

[هامس]

يا هامس واسع في الكلام مولاي يوسع دارك
معروف بالجمال والزوق موالاي يرفع حالك
ود عز الرجال والكرم الفقت كل اجيالك
سال الله العظيم وكريم يجمعنا متحابين في دراك

مرحب حباب رشيد دارى ما ياها دارك
شرف لى وبتشرف بى رجال متل أمثالك
نادر وجودك علم فوق راس كل أندادك
ياخى ظاهرة العزة مأصلة فيك من أجدادك

(همسة) دمت وكل سنه وأنت طيب

[هامس]

ههههههههههههههه والله بعافر ليها لي يومين اغيره ما قادر بلحيل بنياتنا ما ليهن مثيل والله

السمحه ان وقفت عديل وان مشت بحرافه
وان جلست معاك زمنك بفوت في هيافه
العيون تلمع كهارب والسنون كشافه
ما بتحمل شمش السودانيه ومن القمر خوافه

اها ان شاء الله حصل الرضي

السمحه إن وقفت عديل و إن مشت بحرافه
سمرة وخدار كمان الأدب زائدة كمله قياقه
سودانيه ميه الميه كيف زمنك ما يفوت هيافه
مولاى يجمعك رشيد بالسمحه الزيك ملانه ثقافه

(همسة) إذا أتى الرضى من أهل الرضى لازم نرتضى

[هامس]

حنضله انت حقيقه جميلا وكلامك لطيف لكن الاجمل والاروع انك احمر
تسلمي عزيزي والهلالاب ما يزعلو انا ما بحب الهلال

بالمناسبه رشيد أنا هلالابى
بس ما بزعل من زولا رضى
زيك حتى لو كان مريخابى

تخريمه
حنضله يا راقى يديك العافيه