بالنسبة للمتواجدين الآن .. وكدا

[insan]

الليلة جينا وكية للمابينا

مسعولين من الخير (انسان ...بنوش.....بياع البتيخ....زاتو)


وبهناك(سمورة...&....ريونة قلبي...&حودة......وبنوش كمان)...



تصدقوا؟؟؟


فقدتكم

الحمدلله الذي شوّفنا حروفك ترتع من جديد في نجيلة حياتنا

[dream-lady]

الحمدلله الذي شوّفنا حروفك ترتع من جديد في نجيلة حياتنا

قلت لي نجيلة؟!


النجيلة انواع:ماتنبت من نسيان


ومن رشات ماء

ومن مساحات تاهت عنها الخطوات
والعامل المشترك زمن يمر....وتشبث بالحياة


ورُغماً عن التُربة الصلبة...تشق طريقها لترى النور!

[insan]

قلت لي نجيلة؟!


النجيلة انواع:ماتنبت من نسيان


ومن رشات ماء

ومن مساحات تاهت عنها الخطوات
والعامل المشترك زمن يمر....وتشبث بالحياة


ورُغماً عن التُربة الصلبة...تشق طريقها لترى النور!

الخوف من الجلــوس عليها .. وهاك يا قِطّيع ..
في الوكت داك القلوب بتكون بدت تلين ..
تنغمس .. للرُكب ..
وتنطفي الجذوة ..


كايس لي وش مدنقر ألقاوو وين ؟؟؟

[dream-lady]

الخوف من الجلــوس عليها .. وهاك يا قِطّيع ..

في الوكت داك القلوب بتكون بدت تلين ..
تنغمس .. للرُكب ..
وتنطفي الجذوة ..

كايس لي وش مدنقر ألقاوو وين ؟؟؟

هاك ده بدل فاقد

[insan]

هاك ده بدل فاقد

وش لى وش .. أحسن بدون وش !!!

[dream-lady]

كيف تكون موجوداً؟


زيادة وزن الجبهة الداخلية...واثقالها بكم من الذكريات ثقيلة النكهة


والتحديق المتراشق لخُطىً أمامية....

ورمي الهلب من عُمق المخيخ لحفظ التوازن..والرسو بأمان لايقبل الانجراف

وزن المساعدات منعا للبلبة

فلترة الحساسات...لكي لاتضرب الفيوزات

والايمان..بأنك مازلت تتنفس


مع تحيات رحلة البحث عن الوجود

[insan]

كيف تكون موجوداً؟


زيادة وزن الجبهة الداخلية...واثقالها بكم من الذكريات ثقيلة النكهة


والتحديق المتراشق لخُطىً أمامية....

ورمي الهلب من عُمق المخيخ لحفظ التوازن..والرسو بأمان لايقبل الانجراف

وزن المساعدات منعا للبلبة

فلترة الحساسات...لكي لاتضرب الفيوزات

والايمان..بأنك مازلت تتنفس


مع تحيات رحلة البحث عن الوجود

رحلة البحث عن الوجود تتطلّب كربريتر خالي من الأوساخ وفونية فاتحة خياشيمها شارع وزقاقين
في وجود لساتك بدون كركاسات وتنك فول زُرع خصيصياً لهذا الغرض ..
كي لا تبنشر طموحاتك ويشرق كربريترك كنكش في دركسون قلبك البسوقك بدون تفرمل في مطبات الحياة ..
حتلقى نفسك خشيت في شاحنة تمنية طن وكووووول العملت حسابو داك راح عند حديثك مع الراكب جنبك ..
هكذا تكون الكوارث .. بضمير

[dream-lady]

رحلة البحث عن الوجود تتطلّب كربريتر خالي من الأوساخ وفونية فاتحة خياشيمها شارع وزقاقين

في وجود لساتك بدون كركاسات وتنك فول زُرع خصيصياً لهذا الغرض ..
كي لا تبنشر طموحاتك ويشرق كربريترك كنكش في دركسون قلبك البسوقك بدون تفرمل في مطبات الحياة ..
حتلقى نفسك خشيت في شاحنة تمنية طن وكووووول العملت حسابو داك راح عند حديثك مع الراكب جنبك ..

هكذا تكون الكوارث .. بضمير

آخ من ذاك الكربريتر الذي أثقل العادم بكربون الانفجارات النفسية...

ورغم البحث عن زقاق باغراق الريديتر ...الا أن الحرارة مازالت تتصاعد غير معترفة بقانون التبريد..ورغم ان البواجي...جديدة الا أن السيارة مازالت تنتق ...ليختلط التشخيص مابين بواجٍ تجارية مضروبة أو بطارية أوشكت على النفاذ

رغم حدس داخلي قوي....يقول العلة كلها من القير الاوتامتيك...هسي التعشيقة مالا

لكن الكارثة الخارجية افظع....عندما تمر امام احلام مندفعة فتدهسك تريلا الواقع عند السريع

هذه كارثة....والمرحوم اكيد غلطان

[insan]

آخ من ذاك الكربريتر الذي أثقل العادم بكربون الانفجارات النفسية...

ورغم البحث عن زقاق باغراق الريديتر ...الا أن الحرارة مازالت تتصاعد غير معترفة بقانون التبريد..ورغم ان البواجي...جديدة الا أن السيارة مازالت تنتق ...ليختلط التشخيص مابين بواجٍ تجارية مضروبة أو بطارية أوشكت على النفاذ

رغم حدس داخلي قوي....يقول العلة كلها من القير الاوتامتيك...هسي التعشيقة مالا

لكن الكارثة الخارجية افظع....عندما تمر امام احلام مندفعة فتدهسك تريلا الواقع عند السريع

هذه كارثة....والمرحوم اكيد غلطان

وحتى لا تحدث انفجارات حسية من جراء كربريترك المكربن نظّفيه عقب كل مشوار وجداني .. أو عندما تبركني بعد أن تكربني ..
حينها سوف يبرد رديترك بضخ المزيد من الدم المؤكسد أكسدة شديدة .. وفي تلك الأثناء مب تحتاجي لفتح كبودك أو غتاك ..
وحتى لا نفقد شرزنا الخارجي علينا التزوّد بالطاقة الجوانية كوقود بديل يعيننا على (الإسمو داك) قبل بطارية مشاعرك تنوم ..
وكان للأحلام المندفعة .. أمشي صاح تحتار شوارعك فيك (مسل قطعتو حسي دي) ..
هذه ليست بكارثة يا كارسة إتي .. حيث لا وجود لمرحوم في شوارع مظلوم ..



الصباح الباهي دا
أعتقد لونك ..

[dream-lady]

وتمضي الحياة

ونتواجد باستمرار...ونبقى...وقد لايبقى معنا ماكان باق...

وهذا هو السير الانفرادي ليتساقط عنك في كل فترة حس شارد وذكرى معشرقة ..

ونظل نمشي ...ونحبو..ونجك....وندور كما الارض تلف...وفي لحظات مانلقى أي ملف ..فنعمل يوتيرن وريوس اجباري...واذا الشارع قفل في الوش(T)...عندك خيارين ..بس لو الطريق اتجاه واحد...يبقى خيار لاجزر له....ورغم ان العجور لايوجد في كل مكان...الا أن طعمه بالشطة ثابت جوه هنااااك...
صباحك قهوة...ريحتها تسحبك لزمن جاي وزمن ماشي وزمن لسه

[insan]

وتبقى الحياة ما بقيَ اللحاء ..
بس الله يستر ما نكون شدر عُشر ساكت !!!
السير الانفرادي أفضل حالاً من الموت الافتراضي باعتبار (زول كدا) يعتّر ليك في زمن جايي يصلّح مشيك .. أو يبقى ليك عكّاز .. هو نوز ؟؟!!!
عجورك بالشطة يا لذيذة وحوحتو كتيرة فنحن يكفينا ما ضُقنا من وحايح كانت سخيفة جدا حينما فتحت الحياة طاقة حظنا المنيّل بستين تيلة ..
وكتها كانت العثرات على قفا من يشيل ولكن .. نفخنا لساتك القُدرة وختينا الترس واقفين
أنقري بعد دا ما زرقنت ؟؟ ولسه بتعصلج فينا حاجات من أمس !!!
فما بالك من حاجات الزمن الجايي .. والفجّيخ الفينا دا .. واللسّه ؟؟
أظنها كاسرة ركبة يختي .. القصة دي !!!

[مسلمة وافتخر]

وتبقى الحياة ما بقيَ اللحاء ..
بس الله يستر ما نكون شدر عُشر ساكت !!!
السير الانفرادي أفضل حالاً من الموت الافتراضي باعتبار (زول كدا) يعتّر ليك في زمن جايي يصلّح مشيك .. أو يبقى ليك عكّاز .. هو نوز ؟؟!!!
عجورك بالشطة يا لذيذة وحوحتو كتيرة فنحن يكفينا ما ضُقنا من وحايح كانت سخيفة جدا حينما فتحت الحياة طاقة حظنا المنيّل بستين تيلة ..
وكتها كانت العثرات على قفا من يشيل ولكن .. نفخنا لساتك القُدرة وختينا الترس واقفين
أنقري بعد دا ما زرقنت ؟؟ ولسه بتعصلج فينا حاجات من أمس !!!
فما بالك من حاجات الزمن الجايي .. والفجّيخ الفينا دا .. واللسّه ؟؟
أظنها كاسرة ركبة يختي .. القصة دي !!!

[insan]

أحسن من (القشة أم روح) أعتقد ..
ياخ كويس جدا من كوم الآلام دي تطلعي بضحكة ..
ودي من فوائد أزمتنا ..

[waya]

المتواجدون الآن ..
بعض أجزائي , ,
وشئ من حنين ..!

[Albatin]

المتواجدون الآن: 104 (الأعضاء 1 والزوار 103)
مشاهدة المتواجدون الآن
أكبر تواجد بالمنتدى كان : 2,019 بتاريخ 17-06-2010 الساعة 17:28
Albatin

يا جماعه عليكم الله واحد يجي يسليني شويه

[insan]

المتواجدون الآن ..
بعض أجزائي , ,
وشئ من حنين ..!

دا الكلام ..
الشالو إتهنابو يا وايا .. باعتبار (جزء من القلب مفقود) والله أعلم ..
(الله يستر ما يكونو قرمو منك حتة)
الشي دا (أقصد الحنين) جيبو كلو عليك الله ..
حتلقى كلّك كدا على بعضك .. وطن ..
صالح للإقامة ..

[insan]

يا جماعه عليكم الله واحد يجي يسليني شويه

سمح .. المرة الجاية ..
حسي في ذمتك دي .. الـ 103 زائر ماف زول فيهم إشتغل بيك !!!
أنا لو في محلك بتكلم مع عضو بعد الصهينة دي؟؟
ثم
البخش هنا يجينا بى عفشو ..
مش يجينا فاضي يفتّش عن عفش غيرو !!!
وعفشك حروفك ..
يب راص مقطوع
نسسسأل الله السلامة
تخ
المتواجدون أمبارح: 104 (الأعضاء 1 والزوار 103)
Albatin
المتواجدون الآن: 126 (الأعضاء 2 والزوار 124)
insan, معتبر
وكل واحد في وادي !!!

[insan]

أحياناً .. الأحلام تضهدنا بعدم وعيّنا وإدراكنا لما حدث !!
أو ربما ذاكرتنا إستوعبت الحاصل في وقتٍ مبكّر من صباح اليوم التالي ..

مالو لو كائن تكون ..
انسان ..

[insan]

عدد الاعضاء الذين تواجدوا في المنتدى لهذا اليوم : 25

فلان وفلان وفلانة وفلان .. المهم 25

الأعضاء الذين قاموا بوضع مشاركات اليوم : 16

محسية, Albatin, مسلمة وافتخر, امال الناس, الفردوس المفقود, اولقاى, بانه, بعد الزمن, insan, shaheene, عبدالله عوض الكريم احمد, waya, نسيم الشمال

التسعة الما قاموا بوضع مشاركات لهذا اليوم
دخلو ليه ؟؟
سؤال تعسفي جداً جدن ..

[معتبر]

عدد الاعضاء الذين تواجدوا في المنتدى لهذا اليوم : 25

فلان وفلان وفلانة وفلان .. المهم 25

الأعضاء الذين قاموا بوضع مشاركات اليوم : 16

محسية, albatin, مسلمة وافتخر, امال الناس, الفردوس المفقود, اولقاى, بانه, بعد الزمن, insan, shaheene, عبدالله عوض الكريم احمد, waya, نسيم الشمال

التسعة الما قاموا بوضع مشاركات لهذا اليوم
دخلو ليه ؟؟
سؤال تعسفي جداً جدن ..

انسان كيفك اول حاجة سؤالك ما تعسفي عني شخصيا انا عادة بدخل ويسجل دخول طوالي لو ما عندي شغل يعني فاضي بكتب في الحاجة البقدر أضيف فيها ولوماقدرت لضيق الزمن بتخارج