وما كلمتك عن النشوة الدخلت في حيص بيص ..
والمرقت من وين ..
لسّه ..
ما عارف من وين أجيب ليك روعة تفوق كمية الألق الجواك .. أو على الأقل تعادِل حموضة سخيفة ..
ومن وين ألـملم خاطر الكلمة التخشّك .. وأنكشح جواك كريات تأبين لخلية ماتت مشتاقة ..
حاجة كدا .. بتعمل مراسم إحتكار لفنار بتلفّت محل تنفقع عتمة ..
.. تحكي عن مبتور هنا
وتشكي لى مقطوع هناك ..
غايتو لو ما !!!
!
!
!
!
لو دي لو ما بتفتح عمل الشيطان !!
حتفتح راسي ..
نصفين ..
النص الما مهم .. صداع ..
والنص التاني ..
محتل عقلياً .. هذه الأيام ..
فاتعبي يا ذاكرة ..
وزغللي يا عيون !!
في نجوم كدا بتلف حولين الراس عند وقوع الكوارث الحميدة ..
ختوها عليكم الله ..
وشرطاً تكون .. بت لِف ..
معتبر كتب:مرسال الشوق معتبر انسان هومي ريانه ،،،، صباح وإشراق ،،، كل عام وانتو طيبين ،،، بكل حروف أنيقة ومفردات جميلة اصبح عليكم وصبا حي يستمد من صباحكم روقان
معتبر كتب:مرسال الشوق معتبر انسان هومي ريانه ،،،، صباح وإشراق ،،، كل عام وانتو طيبين ،،، بكل حروف أنيقة ومفردات جميلة اصبح عليكم وصبا حي يستمد من صباحكم روقان
وينك يا مان ليك زمان
وانت طيّب وشديد وصحة فت ..
صباح جميل جدا جدا ..
أحلى من السبت الفات ببنط ..
قد أتسبب في كسر خاطر ما فأنا في جل الأحوال مهرّج كبير يريد أن يتجاوز عقباته بحرفنة
أو كما يفعل الككو في أغلب الأوقات ..
أقول ليكم السطرين ديل طلعو معاي كيف ..
طبعا الواحد بياخد صوره الجمالية من خلال إحتكاكو مع الواقع ..
فاااا .. مشيت لصحبي أولت امبارح أجيب منو شمار جديد لصحن فول شديتو براي (الشمار الواحد دا)
لقيت صحبي بيحضر في قناة دسكفري ..
والقرد جنّن النمر في راسو وعمل ليو إسبهلال في مقدراتو ككائن مفترس .. لدرجة حسيت بيو عبارة عن كديسة ..
نسيت الشمار الجيت عشانو وبقيت مع الككو وحركاتو البهلوانية .. ووقفت في صف النمر طبعا (شماتة مني ساي)
والككو يتراشق من فرع لفرع ومرة ينزل ليو على أرض الواقع عدييييل كنوع من إثبات الذات واحتمال من دواعي ثقتو المفرطة ما عارف ..
ولسان حالو يقول: مخي السغيّر دا أقوي من جتتك يا حيوان (بكون قالا ليو)
المهم النمر ما قدر يقبضو كلوكلو على الرغم من محاولاتو الكتيرة للظفر به ..
لا وكمان شنو ؟ الككو جاب ليو لداحة ولَيَاقة إتمنيت أكون في اللحظة دي زيو ..
بس عشان أناطح شخصيات بتفتكر نفسها كبيرة
وعقلها أصغر من راس ككو ..
(مع إني ناطحت كتير حتى إنفجخت هامتي ورفعتها نحو الشمس يملؤها النهار)
ليس تلاعباً بالخصم فحسب
إنما
للككو ألف طريقة تجنّبه الويلات
وللنمر (فكين في راس بليد)
وطبعا ما بشكّر ليكم أبو القنفت الذي يتكرفس .. وانتهينا !!!
وبعد دا كوووولو نسيت الشمار الجيت عشانو
أو عندما تُنسيك الحاجات .. حاجاتك !!!!
