كواليس " حسب الحالة "

[waya]

أنا .. وضوء الشاشة على الكيبوورد
ننــــاغم حرفك .. نكتب باااسوورد
ما الشوق الفاضي , قلب بااكوورد
مستعجل جدددا .. لمـلف الوورد

[waya]

احساس جميل .. يــــاااااخي
جاني الخبر , صباااحي
قال لي " حبيب الروح "
سيد الصباح البااهي
" .............."
خبرك اكيد يسعد
زود علي افراحي

[dream-lady]

شئ بسيط..ببسطني كيف!!

بسمة بس...

وهمسة حلوة...وكلمتين

بس ...بيها (أحس)

من القلب...ومن جوه العين..

شئ بسيط ..ببسطني كيف!!

مشية صباح....وريح تهبهب ..للأرواح

ونسيم..بااااااارد...يخش...في الرئتين..

...وجسدي كله مُنتعش...ولضوء بعيد...يفتش

والشمس...تتاوق من بعيد...شمس الشرق...

ويومي يبدأ,,,,بوجهه..السعيد....ببقى عيد...

[waya]

عايني يا زولة ..
ولو ماف شئ , ياني الملام
و لو قلتي لي كل الكلام
و لو جيتي ما قلتي " السلام "
أو حتى يوم كان الخصام
أنا برضو .. ما بنسى الهيام
أنساك كيف .. " وحبك " رطن
جوااااااي دوام !!؟
أنساك كيف .. وأنتي الهوى ,
واول غراااام !؟
أنساك كيف .. يا احلى من
كـــل الانــــام ..!
أنساك كيف .. والذاكرة طابعاك
في الامـــــــام !
أنساك كيف .. والريـــدهـ
تنبض , بي إنتظام ..!
أنساك كيف .. والروح تشاغل فيك
مهـــــــــــام ..!
أنساك كيف .. والعين تغار , وفي اللحظة
ترفع ليك تمام ..!
أنساك كيف .. يا الباقية لي رفقة وحبيب
ناسي الحنان , واهلي القدام

[waya]

يــا ام ولداً , شلع .. في القبلي , نار وبرووق
القدر إن وعــد .. الروح بتابى , مرروق
من دغش , صباح .. والشمس ناويه شرووق
تتوارى الوريفه , وحالي المؤذن .. فووق
جاييك بالفرح , وسفراً متبل .. شووق

[waya]

ما إتعودنا غيــــابك ,,
وشوف العين , للضل السابك ..
طلة صبحك , وفتحة بـــابك ..
وفجة نور , من وسط سحابك ..
وجيت يا شوق , طليت أحبابك ..
وكل الناس القالو , صحابك ..
وفرحت غيمه , ورشت , وصابت ..
فال البشرة القال يا حبابك ..
وطلع الخير , يستبشر جيتك ..
ويطرد هم البعد " رهابك " ..
ورقص الشوق , يتلهف رؤية ..
" هل هلال العيــــــد يا دابك "
وغنى الريــــد , معزوفة اللقيـــا ..
لحظة , رضخ الشوق الجابك ..

[ربوه]

يا وايا العريس انا دخلت الجامعه وقربت ابقى دكتوره وانت للحين ماعرسته يااااااااااااارب العيد الجاى فارز عيشتك ومعاك توينز زى القمر والله يتوب عليك من قعدة الكيبورد

[waya]

يا وايا العريس انا دخلت الجامعه وقربت ابقى دكتوره وانت للحين ماعرسته يااااااااااااارب العيد الجاى فارز عيشتك ومعاك توينز زى القمر والله يتوب عليك من قعدة الكيبورد

ربروب .. العسل المضروب ,,
ازيو ,,,
ما شاء الله , عقبال تبقي برووف عددديل كده ..
أنا الله لي من الكيبورد .. العرس أباني عديل " اسوي شنو "
دعوت دي بس الله يحققها
.
.
.
.
.
.
.

كيف أصبح الشوق الحلو ..
زي ضجة في لحظة سكون ..!
وكيف أصبح الريــــد يا جميل ..
زي لمحة في لحظ العيون ..!
وكيف تصبح الايام معـــاك ..
ومـــا مهم , زي ما تكون ..!
دي الدنيــا يا دآب تصطبح ..
لمـــا صبحك , لي .. يكون ..!

[waya]

عندما أحببتك .. إمتلكت بشعوري الدنيا وما فيها
أظلتني غيمة بيضاء من وهج الظروف والأسية
تجولت النشوة في الدواخل تبغي الفرح الخرافي
لتعود الأحاسيس المنسية ...
أحببتك حباَ .. بدون مدي ,, وخارج نطاق الزمان
حباَ أفلاطونيا ذو حكمة فلسفية ...
وعجزت لا إرادياَ عن كبح جماح البوح بعد إختناق
الوجدان شعوراَ .. وكمية ...
أحببتك حد الشبع والإرتواء .. وفوق الطاقة المزاجية
أحببتك .. ولا أهدف من حبك جمالا ولا كمالا ولا إكتمالا
ولا كلاما ولا وصالا ولا إستحقاقا .. ولا حنية
أحببتك .. ليس إنجذابا للآخرين , ولا رفقة جالسين
ولا إنشداهاَ في جمال التكوين , ولا نظرة إجتماعية
أحببتك .. واضعاَ أمام الحب علامة إستفهامية
أحببتك حباَ .. ربما يشبه الأحجية ....!؟

[waya]

الحالة : الحنين يــا زولـــــــــــــــــــه ..!
وزوله في .. وزوله مافي , ومافي شئ
وزوله ساي ساكيها شوق .. وزوله غالبها المشي
وزوله لو سكتت عديل , عينيها قالت كل شئ
وزولة لو جاتك تسالم , حتى الأيادي بتختشي
وزوله فرحان بيها زول , وباين عليهم في الوشي

[waya]

ومن تــــــــــاني ,,
.
قالو الشوق بيكتل ..
زولا رآح معاك سنين ,,
ويوم لاقاك عشم في البال ..
يسوقو خيالو ريد وحنين ,,
جاك يتنسم الأحـــــوال ..
يفك همــاً شقاهو ضنين ,,
لقاك زي خاطرا مجروح ..
وزي أمـــا بترجى جنين ,,!

[dream-lady]

وابتدأ جنوني

وتحداك

وتوارد كل تفصيل ...

كان يمارس لعبة الاختباء

ورأيتُ الحب يراقص عيناك

ويمازح فصولي بكل الاجواء

ولمحت الذكرى تطوق خاصرة اليوم

وتصافح امسي

وتسأل أين ...غدُك؟

ياذاكرة اللقاء؟...

[waya]

يوم داك بكورك للوطن ,,
واسمع رنين ..
والردّ كان , أنسرمشين ..
والصوت رزين ,, :
" أعد المحاولة , بعد حين "
وياااخي ذااااتك .. إنت مين ؟
أنا ياااخي من شوقٍ دفين ..
من حته , ماليها الأنين ..
منسية زي " الم السنين "
ومرقت للزمن المهين ..
شان ألقى دربك , واستبين ..
وللآن دحين ,,
المهـــم :
سموني ليك ..
زولا " حنين " ..!

[waya]

أنا .. وأنت .. وأمس
والليل ضحك , زاد الهمس
وإشراق صباحنا , بيلتمس ..
بسمة وجيهك .. يا شمس ..!

[waya]

ماك عزيز علي ,,
بقدر شوفتك ..
يا أمل ..
سموني ..
وقت الهم يرز بالشيل ,,
جمل ..
النافرات قلوبن ..
عرفونا الريد ..
جفل ..
يوم داك الصباح..
جاني زي خبراً..
جلل ,,

[waya]

ياااخي مافي أروع من وصالك
والحروف الجايه منك ,,
فيها بعض من خصالك ..
والحروف الجايه مني ,,
ماشه تمدح في جمالك ..
ولما تتلاقى الحروف , ابقى اسعد
مني منك .. وحالي حالك ..
جايه تحضري عرسي قلتي !!؟
وأنا كنت بحلم بي شمالك ..
والله غلطانه الظروف ,,
جابت " هناي" المني شالك ..
*****
أنا ما بحبك ,,,,
واصلي يوم ما جيت في دربك .. يا بلاء
وكنت متخيل وحاتك .. الدنيا زينه وبهرجه
لكن ظروف ظلت تعاند .. وديمه بتقول لي لا
تحرمني كلمة ,, وأحلى كلمة .. أو حتى يوم لحظة لقاء
بي زولة رائعة .. اااي راااائعة .. وفاتت البنوت حلا
أعمل إيه .. غير بس أغني , للحلنقي .. " المشكلة "

[هامس]

أنا .. وأنت .. وأمس
والليل ضحك , زاد الهمس
وإشراق صباحنا , بيلتمس ..
بسمة وجيهك .. يا شمس ..!

أنا...وإنت...وأمس
للحين أنا فى رجا الزمن التعس
يجمعنا تااانى...لو لحظه بس
فيها نعاود... سمح الهمس

(همسه) أزيك يا أنيق

[هامس]

الحالة : الحنين يــا زولـــــــــــــــــــه ..!
وزوله في .. وزوله مافي , ومافي شئ
وزوله ساي ساكيها شوق .. وزوله غالبها المشي
وزوله لو سكتت عديل , عينيها قالت كل شئ
وزولة لو جاتك تسالم , حتى الأيادي بتختشي
وزوله فرحان بيها زول , وباين عليهم في الوشي

زوله في...وزوله مافى...تـب
وزوله رضابا... حاليهوالرُطب
وزوله كلاما... متل الزلال العذِب
وزوله لو جاتك تسالم...جمـ الأدب
وزوله لو ساكنه. عينيها مليانه حـب

[waya]

زوله في...وزوله مافى...تـب
وزوله رضابا... حاليهوالرُطب
وزوله كلاما... متل الزلال العذِب
وزوله لو جاتك تسالم...جمـ الأدب
وزوله لو ساكنه. عينيها مليانه حـب

وفي زولة هاجت ..!
.
زولة في .. وزولة فاتت
و زولة جات والحالة جاطت
وزولة كج للريده شاتت
وزول هناك احلامو ماتت

[هامس]

أقول ليك ..

ليه أنا متشائم !؟

كانت دنياي مليانه دعائم

ابوي في عزو .. سبحت وعائم

وامي هدية .. دعواتا قوائم

وأختي النية .. عروس التايم

وجانا الزمن الغادر .. حايم

شالنا لغربة , هبوب ونسايم

وفرط العقد الكان .. متوائم

........

وبرررضو ..

ليه متشائم !؟

كنت بريد لي واحدة ..

وهائم ..

فطرت هي ..

وأنا لسه صائم

......

ولسسسسه متشائم !

السودان .. مافيه رحائم

إتبدل حالو .. الكلو عظائم

وناس الحارة الكانو .. همايم

غدر , وخيانه , كضب , ودمائم

ويمشوا الفقرا .. " عمل وتمائم "

يلوكوا " السِيرة " الفيها ذمائم

حسد .. وكلام مــا ليهو لزائم

ويشمتو بس في اي هزائم

....

وأنا .. ليه متشائم !؟

دي .. حكومة .. وشعب

كلاب .. وبهائم

ينهشو جته وطنا نايم

وشعب خنوع مأخود كغنائم

...

ولسه متشائم !

العمر بيجري .. ولبسنا عمائم

لا عرسنا .. لا جبنا توائم

لا لمينا قروش للدنيا

لا أخلصنا .. عبادة الدائم

...

ما لي حق .. أكون متشائم !!؟

أقول ليك
ما تكون متشائمـ
لأنو هناك الرب الدائمـ
ما بهمل الصحو والنائمـ
وأمر إرادتو لابد قائمـ

أقول ليك....وما تزعل

ما كل الناس(......) وبهائمـ
فيهم عابد....ساجد... صائمـ
فيهم معدم شاكر... حامد.. دائمـ
فيهم من فاتح بابو كرم وعزائمـ

وتانى أقول ليك
وإنت العارف أمر الدنيا. تايمـ
مره هبوب نجاضه ومره نسائمـ
ربنا يبعد عنك كل الشين وهوائمـ
ويسند ضهرك بى كل عزائمـ
تلقا السمحة بت العز وهمائمـ
تديك بى فرحه تلاته... توائمـ
معاها تعيش فى.حب وهنا دائمـ

بس......ياخ ما تكون متشائمـ
(همسه) وايا.. دمت بخير وعافيه