مجرد حروف ،، من يستطيع الرد !؟

[waya]

قالت ليهو : كيف تسافر هكذا وحيدا دون ان تأخذ معك شيئا من روحى وبعض انفاسى لتبعث فى القلب بعض من الحنين؟

قال ليها :000000000000000000000000000

قالت ليهو : انا و انت

وبعض حبات المطر

على اطراف فنجان اسير لقهوة عربية

وبعض الزنجبيل

فى انتظار خروجنا من بعضنا

قال ليها :00000000000000000000000000000


هو رد ردوداااااا ولكنى انتظر ردودكم انتم 00000000000000000000000000




عارفين هو قال شنو !؟ فى المرة الاولى قال ليهااااااااااااااااااا

كدا دا واداها عجاج كرعيو

وفى المرة البعدها والاخيرة قال ( وما لازم اقول ليها)

انتى عويرة ولا شنو0000 بى وراءك دا الفنجان اشيل منو واخلى منو000

كفتيرة شاى ما تحلك 00 قومى ناولينى السفة دى0000000000000

[دلع]

طلع رومنسي الاخ لكن ههههههههه

[حافظ عوض الله محمد]

قالت ليهو : كيف تسافر هكذا وحيدا دون ان تأخذ معك شيئا من روحى وبعض انفاسى لتبعث فى القلب بعض من الحنين؟

قال ليها : اسافر واترك روحى امانة لديك

قالت ليهو : انا و انت

وبعض حبات المطر

على اطراف فنجان اسير لقهوة عربية

وبعض الزنجبيل

فى انتظار خروجنا من بعضنا

قال ليها : اجيك طبول عزك تجن ، تهبهب رواكيب الفريق

[عبدالمجيد عشريه]

قالت ليهو : كيف تسافر هكذا وحيدا دون ان تأخذ معك شيئا من روحى وبعض انفاسى لتبعث فى القلب بعض من الحنين؟

قال ليها :

قال ليها

من جحيم اسمه وجع الازمنة المزمن أنا أهرب .... ومن ألم انتهاك حرمة القلب وامتهانه الي تقديس متناه للمشاعر ... من شح الحب وندرته الي ترف مهول اسمه السعاده والوله ......ومن وقوفي على اروقه النصوص الاضافية الي ولوجي الي دائرة الضؤ ..ومن انتظاري على هوامش الكتابة وحواشيها السفلية الي جوهر المواضيع ... عجبا!! من النقيض الي النقيض .. ولازلت على قيد السعادة دمتي بروعة خيالك الاثر

[حنضله]

ههههههههههههههه الله يكون فى العون

[ahmed1994]

أكيد جاتها صدمة من برودة أعصابو

في زول في الدنيا بالطريقة دي؟؟

[waya]

قالت ليهو : كيف تسافر هكذا وحيدا دون ان تأخذ معك شيئا من روحى وبعض انفاسى لتبعث فى القلب بعض من الحنين؟

قال ليها : عندما ترحل عيناي عن عيناك , وتنطق شفتاي بالوداع , يغمرني احساس المهاجر إلى الضياع

قالت ليهو : انا و انت
وبعض حبات المطر
على اطراف فنجان اسير لقهوة عربية
وبعض الزنجبيل
فى انتظار خروجنا من بعضنا

قال ليها : لا تقولي بعد كل الذي جرى .. لقد نساني للأسف ..!


دلع
حافظ
عبد المجيد
حنضلة
أحمد
مروركم إشارة خضراء ومنورين يا حلوين

[spanisheyes]

زي دا بيجيب الضغط عديل كدا
انا لومنها كان قلت ليو يفتح الله يا اخوي
واكشح ليو فنجان القهوة في راسو :D

[quote]قالت ليهو : كيف تسافر هكذا وحيدا دون ان تأخذ معك شيئا من روحى وبعض انفاسى لتبعث فى القلب بعض من الحنين؟[/quote]

قال ليها : لو مشيت لاخر الكون حتكون روحك معاي وانتي جوة قلبي وحنينك غامرني لحدي
ما الله يجمعنا تاني


[quote]قالت ليهو : انا و انت وبعض حبات المطر على اطراف فنجان اسير لقهوة عربية وبعض الزنجبيل
[/quote]

قال ليها : حأعيش الحلم علي امل انونقعد قعدة زي دي و اشرب فنجان قهوة من ايديكي تاني

[waya]

زي دا بيجيب الضغط عديل كدا
انا لومنها كان قلت ليو يفتح الله يا اخوي
واكشح ليو فنجان القهوة في راسو :D

لو قالت كده ,, يبقى الجبنة حتنشرب في حته تانية !!

قال ليها : لو مشيت لاخر الكون حتكون روحك معاي وانتي جوة قلبي وحنينك غامرني لحدي
ما الله يجمعنا تاني
قالت ليهو : يا سلام لو كل المسافة البتتمشي .. طريق ما بين عيونك .. امشيهو في نص عمري وأرجع بالنص التاني ,,

قال ليها : حأعيش الحلم علي امل انونقعد قعدة زي دي و اشرب فنجان قهوة من ايديكي تاني
قالت ليهو .. أنت قاعد جواي ولسه بتحلم بي أمل ,,

[waya]

قالت ليهو : أنا فى انتظارك وفى شرائينى بيدندن حس قطارك ..
قال ليها : .....................

وتاني قالت ليهو : تعرف , النسيمات الغشن دار الهوي
زرعن شتيلات الفرح فوق الخمايل ..
وشوقي لبهجة صباحك يبقي باين ..
في سلامي وفي كلامي وفي الرسايل
قال ليها : .........................



طبعا هو رده ,, بس عارفين قال شنو !؟
في المرة الأولى .. قال ليها : والله محطتك دي خايف أنوم وأفوتها ....!

وفي المرة البعدها والأخيرة قال : ( هه .. قايلاني عوير ولا شنو )
وكمان رسالة .. والله لو ضربتي عدييييل ما بصدقك ..
هوووي يا وليه , فاضل ليك طلقة وااااحدة .. !

[مها]

قال ليها....اكون صريح معاك اتعرفت عليها واتكلمت معاها واحتمال نتلاقى

....قالت ...000000000000000

... قال ليها.....
تعرفى دايما دى اسلوبى لما اكون عايز اعرف حاجه

.....؟؟
فى المره الاولى قالت ليه .... . وووو


فى المره الثانيه
قالت ليه....
اللذة في كونك بعيد والناس دوام تتشابى ليك
والروعة انك زول عنيد وقلوبنا ساعيه دوام عليك
والدهشة انك جد فريد كل الخصال النادره فيك
مهما ابعد عن مدارك تسرع خطاي ترحل تجيك

[waya]

قالت ليهو : فى ليل الشجن والشوق سالت عليك وناجيتك
قال ليها : ......................

قالت ليهو : دثرنى بوشاحك الدافىء
فأنا ارتعش وسط صقيع اشواقى اليك
دونك وهما أنا ...... فتعال
امنحنى نفسك قليلا .... فربما اكون ....
تعال....... بك يبدأ تكوينى ..

قال ليها : ...................




طبعا هو رده ,, بس عارفين قال شنو !؟
في المرة الأولى .. قال ليها : ليه .. طالباني دين ..!!!؟

وفي المرة البعدها والأخيرة قال ليها : ( هووووي .. ما تتفلسفي ساااي )

قولي عندك حمى بس ..!

[waya]

قالت ليهو : كنت بلم الطين والرمله ..... وابنى البيت الشالو الموج ....
وجم القيفه لقيتك كنت بتضحك وتمسح دمعى .... وتبنى معاى البيت من اول
بس .. ليه تبعد عنى ..!؟
قال ليها : .................

قالت ليهو : تاتى..... وياتى معك الامل والسعاده والحبور ...
وياتى عمر جديد .... ويصل قلبى بقربك الى قمة الكبرياء والغرور
قال ليها :.............




طبعا هو رده ,, بس عارفين قال شنو !؟
في المرة الأولى .. قال ليها : في ذمتك دي علاقه , ولا شركة مقاولات !!!؟

وفي المرة البعدها والأخيرة قال ليها : ( هووووي .. مافي ثقة ولا شنو !؟)
يعني أنا قدر ما أنزل إجازة لازم اسوق العيال معاي !!؟

[dream-lady]

مبدعنا وايا اينما تذهب نجد اثرك ..عارف ليه؟

لانك مابتمسح جزمتك الملآنة طين وبتخش بيها جوة

لاعدمنا قلمك الذي ينثرالابداع في صفحاتنا وينثر حبره........عارف ليه؟

سنه قلمك مكسورة وبتنز

كلماتك لن انساها وآخر ماسيبقى لي من ذكرى بعد خروجي من المنتدى...عارف ليه؟
عشان نعستا وطالعة من المنتدى

[رمـــ(الماء)ـــاد]

انتو الجماعه ديل ما عندهم شغله يقضوها غير القوالات
وياوايا مالك مشيل الود وش القباحه في كل تكميلاتك
والبت العامله فيها زي ساره في مسلسل ليدي دي جيبها لي بي جاي .. حديها كف لمصلحتها


وصحبك ده الزول يرد ليه بالابيات دي

1.يا قوم لا تتكلموا إن الكلام محرم

ناموا ولا تستيقظوا ما فاز إلا النوم

وتأخروا عن كل ما يقضي بأن تتقدموا

ودعوا التفهم جانبا فالخير ألا تفهموا

وتثبتوا في جهلكم فالشر أن تتعلموا

[رمـــ(الماء)ـــاد]

و الى دريم ليدي ...
اعجبني جدا تعليقك
والعجب الخط !!

[waya]

دريم ليدي ,,

تشرفت بكلماتك ,, وجدعتك حلوة ,,
وحمد لله على السلامة .. نورتي المنتدى من جديد ,,



رمـــ(الماء)ـــاد ,,

الحاضرة الغائبة " إفتقدتك بجد "

والود ده .. هوالحاجات المابنصرح بيها في لحظة الحنان
" شفتي كيف أنحنا مساكين .. ننكتم قدام عيونكم "

تشكراتي ,,

[dream-lady]

و الى دريم ليدي ...
اعجبني جدا تعليقك
والعجب الخط !!

رماد الماء ياعسسسسسسسسسسسسسسل
وحات الله ليك وحشه
مشتاااااااااااااااااااااااااااااااااااااقين

[dream-lady]

الغالي وايا
الله يسلمك من كل شر
وتشكراتي

[waya]

قالت ليهو : فيك رآيح بالي .. تفداك الروح
أظهر لا تبالي .. يا غزال الروض
قال ليها : ..................

قالت ليهو : وجيت أحضن معاك حروف
أقولها عشان عيون حلوات
وأبل شوقاً فرد له جناح
عشانك طار سبق خطوات
قال ليها : ...................




طبعا هو رده ,, بس عارفين قال شنو !؟
في المرة الأولى .. قال ليها : أنا عارف حوامتك الكتيرة دي , يوم بتروحي ..!

وفي المرة البعدها والأخيرة قال ليها : ( لا عليك الله ..! )
قومي يا ولية بلي الحلومر ده .. " بالله ده قفص زوجية ولا قفص جداد ..!؟"