الهــــــــــــلال (الحاضر &المستقبل) رؤي مناقشات (وتقليب أوراق الزعــيم) !!!

[حافظ عوض الله محمد]

بعد ان عرك مجاهل افريقيا يستعد الهلال السودانى للعودة من جديد للعب فى بطولات افريقيا فى العام القادم

شئون الهلال السودانى فيما يختص بختام الموسم الرياضى ، التسجيلات ، المحترفين ، التدريب ، انتخابات مجلس الادارة ، واخرى
كلها يتم نقاشها فى هذا البوست ، قل مايفيد هلالنا او اصمت ، مكان للتحاور والنقاش بعيدا عن المهاترات
كونى معنا .

الدورى الممتاز رشح الفائز
هل يبقى قودوين
نجوم التسجيلات المحلية من هم
هل يبقى ريكاردو
تجربة رجال المال فى الرياضة
وهل يبقى الارباب
مابين الارباب وخالد عزالدين
من هو الاصلح لقيادة الهلال

من هو اشرف الكاردينال ، اسامة عبدالله وسد مروى ، وتسيس الاندية الرياضية

[Suhaib]

حافظ

الهلالالي ود الهلالالية !!:D

مشكور علي اعادة فتح فكرة مناقشة امور الهلال !!

وفتح الباب للنقاش حول مسيرة الهلال محليا وخارجيا مستقبلا !!!

بعد المتابعة لمسيرة الهلال ف البطولة الافريقيه الكبري عبر الهلال بين الاربعة الكبار!!!

،،،،،،،

اداريا ف الهلال لا بديل للارباب سوي الارباب ف الفترة الحالية ع الاقل !!!
ولو اننا نختلف معه في بعض النقاط والسلوكيات الادارية وتعامله مع نادي الهلال الكيان بمبداء الملكية وزيو زي مصنع بيطار الذي يمتلكه !!
واخرها طرد صلاح ادريس للصحفي أبوبكر عابدين من اللقاء الجماهيري بدار النادي في تصرف غريب من الارباب دون ذنب اقترفه الصحفي سوي انه انتقد الرئيس في احد اعمدته !!


الممتاز هلالالالي من قبل مباراة القمة وسوف يكون يوم 29/11 تاكيد الصدارة والريادة لخمس اعوام العام ينطح العام انشا الله !!!

قودوين ساهم بصورة كبيرة ف انجازات الهلال الاخيرة ويبقي قوة هجوم الهلال الضاربة !!

رحل ام بقي يبقي الهلال هو النادي الذي قدمه للعالمية والاحتراف بعد ان كان حبيس دكة الاحتياطي وبأقل راتب حتي الان !!!

عليه من حق الهلال التمسك بقودوين مالم يتقدم نادي بعقد مجزئ للطرفين !!!


التسجيلات محسومة بعد تسجيل صالح عبد الله واعادة قيد الخماسي الهلالي بما فيهم عمر بخيت واخشي ان يماطلنا الاتحاد هذا العام كما فعل مع الهلال الموسم الفت في تسجيل حافظ الموردة وزهير زكريا !!

تخريمة :

الارسنال بقي يقص لينا ف اللعيبة انت دا الهلال والله تشيلسي !!


خبر :

شخص قريب من خالد عز الدين قال لي خالد بالرغم من هلالالايته الا انه هو الوري عقد قودوين مع عجمان !!

العارفو خالد سمسار لعيبة بس هل يا تري ممكن يطعن الهلال بحاجة زي دي لحاسابات بينو و صلاح ادريس واللا عشان يكسب ليو عشرة مليون في العقد دا ؟؟





،،،،،

[حافظ عوض الله محمد]

اتفق معك ان التسجيلات حسمت بصفقة صالح عبد الله
الهلال يحتاج الى مهاجم محلى او اثنين ( احمد عادل ، زهير زكريا )
الدفاع ( اسامة التعايشة ) .
لاحاجة لنا فى تسجيل بشة من الموردة
اعتقد تسجيل حافظ الموردة خيار مناسب
تلاحظ ان الخانات اعلاه اربعة ونسلم من اربعة
فى حالة ذهاب قودوين ( المرجح ) تسجيل مهاجم محترف بمواصفاته

لابديل للارباب سوى الارباب مقوله صحيحة 100%
ولكن على الارباب تجاوز خلافاته


مشكلة الهلال فى مجلس ادارتة ومعاداته للاتحاد
الاتحاد العام كيان يجب احترامه
حادثة المعز الاخيرة خير دليل على ما اقول
كيف يستقيم ان يذهب اللاعب الى القاهرة وهو لن يشارك

[حازم جمال]

الاخ العزيز حافظ
وصلتنى دعوتك الكريمة وبالتاكيد مناقشة كل ما يخص سيد البلد لا يحتاج لدعوات فالهلال عشقنا جميعاً (فلك الشكر )
حكاية الترشيح دى يا حافظ ما دايرة ليها كلام ومحسومة بالنسبة لى ولكنى والله تمنيت ان نكون فى موقف المريخ حتى نستمتع بمحاضرتين من اخوان البرنس ولكن ماذا نفعل لن نستمتع إلا بمبارة واحدة (والمقصود اكيد وصل )
اما قودوين فهو لاعب كبير ولا إختلاف فى ذلك ولكنه ليس اكبر من الهلال وشخصياً بعد ان كشف موضوع عقد عجمان لم يصبح قودويين من اللاعبين المفضلين عندى فقط نرجو ونتمنى ان تكون مغادرته للكشف الازرق بمقابل مجزى يساعد فى إستجلاب مهاجم من العيار الثقيل
ولى سؤال ياريتنى استطيع إيصاله لقودوين
وهو كيفين زول يصل للجامعة يرجع تانى لى سنة أولى
التسجيلات القادمة اتمنى ان تكون محدودة ولا تدخل فى العظم ولو كان معتز كبير اول المغادرين ومعه ابوبكر الشريف مع تسجيل حافظ الموردة وعبد الحميد السعودى من الوصيف فستكون مثالية مع إفراغ الخانات الهلالية الشاغرة من اللاعبين الذين حتى لا نعرف اسمائهم
اما ريكاردو فهو مدرب كبير ولكنه له غلطات قاتلة وهنات لا تاتى من مدرب مبتدى انا من رائى عدم الاستغناء عنه مع وضع مساعد له ذو شخصية قوية وبصلاحيات اكبر قليلاً من صلاحيات بكرى عبد الجليل وإلزامه بمناقشة فوزى المرضى فى أمور الفريق لارتباطه القوى باللاعبين ومعرفته الجيدة بنفسية اللاعب السودانىو الهلالى خاصة
تجربة رجال الاعمال هى تجربة اكثر من ممتازة وخاصة تجربة جمال الوالى مع المريخ والتى لا تقتصر على المال فقط وإنما مال وسلطة وقد إتضح للجميع ما يعانيه صلاح إدريس من عناد رغم انه عضو بالمؤتمر الوطنى
ما بين الارباب وخالد عز الدين اتمنى سحبه من بنود النقاش فى هذا البوست لحبنا الكبير لخالد عز الدين كقلم مصادم وللارباب كعاشق هلالى ورجل اعمال ضحى بالكثير من اجل الهلال وتطرقى للموضوع من المؤكد سيصيب احد الرجلين والذان أصبحا من رموز الهلال
اما بخصوص قيادة الهلال ففى إعتقادى ان الارباب لم يقصر وضحى بماله ووقت اعماله واولاده وهو يتنقل فى المطارات حباً للهلال ولكنه ليس رجل المرحلة فالمرحلة تستدعى ان يكون الممسك بزمام الهلال رجل له مال ونفوذ والمؤتمر الوطنى ملئ بالهلالاب الذين ينتظرون إشارة من الهلال فالمتتبع للوضع الحالى والشد والجزب ما بين الارباب وشداد سيعلم ان الهلال يجب ان يكون بايدى الحكومة حتى تفتح له كل الابواب ولكى يصبح فريق الحكومة يجب ان يمسك برئاسته شخص من الحكومة وعندما اقول من الحكومة لا اقصد اى إحد من أعضاء المؤتمر الوطنى بلى فالارباب عضو بالمؤتمر الوطنى ولكنه ليس له وزن كعبد الرحمن سر الختم مثلاً الذى رغم إمكانياته الضعيفة من ناحية إمتلاك المادة إلا انه يمتلك مصادر يمكنها إستخراج المادة ودعم الهلال بها يعنى دايرين واحد يكون خلطة من عبد الرحمن سرالختم والارباب صلاح إدريس

[شـهد الكلامـ]

والله ياحافظ قطعتا مصارينى بعنوان البوست
الذى سارع الاشراف الى تثبيته فى حركه هلاليه احتكاريه
والاجمل من كدا الحشد الانتا عملتو للبوست بارسال رسائل للتفاعل مع النقاش
ياخ ماتخلى الناس تجى طوعا واختيارااااا

دى النقطه الاولى .

النقطه التانيه :

فى خلل ف عنوان البوست
فالمارد لايعود لانه هو رمز البقاء
يعود من جديد دى العــــــــــــــــاصفه الاعصار الخ ..........
بس المارد يعود من جديد ؟؟؟ دى جديده علينا
بعيدين هو عاد من وين ياربى ؟؟؟ من الجهاد ف الفاغستان ولا من ناس طالبااااان
قول ينتفض من الغبار الشمال افريقى ياود الحلال بلاشعارات سجمانه سااااى

ثالثاااا
او بالاصح النقطه التالته :

اذا الهلال هو المارد الافريقى

ياربى النجمه منتزع الكأس يكون شنو؟؟ ابــــــــو المارد ولا جدووووو


ملحوظه بالجنبه كدا :

والله الكلام دا حارقنى ليكم ياهلالاب بس مافضيت ليو اثر هزيمتنا من الصفاقسى
مساء المباره
كان ف لقاء مع لعيبة الصفاقسى سألو المدرب والشرميطى :

ياتو لاعب ح تعمل ليو الف حساب ف المريخ قال العجب
سالوه قالو ليو :
طيب باعتبار ماكان عندكم لعب مباشر مع المريخ قريب ومن كم يوم كان الهلال السودانى لاعب من النجمه
من هم اللعيبه الذين لفتو انتباهك من الهلال

قال : ماف واحد لفت نظرى خخخخخخخخخخخخخ
عليك الله دى حاله دى
قال مارد قال

برجع اناقش معاكم التسجيلات دى
وقودوووين والله اريتو يطلع من العدو ماعجبنا ليكم

لحازم :
جامعة شنو واولى شنو؟؟؟
هو انتا البتوريوو الجامعه وين والمدرسه وين
دييييييييييييل محترفيييين بشمو ريحة الجامعه شم من امتار

[معتز]

شهودجى ماقصرتى معاهم
ما خليتى لينال فرصة لنقاشهم كلامك كان كفاية

[حازم جمال]

ياخبر اسود
رشاشات عندنا
يا شهد انتى الجابك الحلة دى شنو
انسحبى قبل ان تاتيكى النيران
بعدين البوست بتاعنا نسميهو زى ما عايزين إنشاء الله نسميهو الوصيف النضيف إنتى مالك الحشرك شنو
بعدين ما تقولى كلام (بصراحة تخاريف وخارم بارم ) وبدون تزويق للكلام كلامك كضب عديلكيف يعملوا لقا مع لعيبة الصفاقصى ويسالوا الشرميطى عن المريخ
الشرميطى دخلوا شنو بالصفاقصى والجابوا عندهم شنو
نحن نعلم يا ست شهد ان الشرميطى لاعب النجم
ما ادرى هل اراد الله ان يكشف كذبك وإدعئاتك الباطلة ام حمى (الاربعة ) ما زالت مستمرة
اتمنى ان تفيقى وتتركى الهلال فى حاله اما نحن فلن نترككم فى حالكم
بالمناسبة اتوقع ان تاتى عزاب غداً وتحدثنا عن اهداف المريخ الجميلة وترقيصات العجب المزهلة للاعبى الصفاقصى وكيف إستطاعوا ان يبهدلوا الصاقصى فى الرد كاسل وكيف إستطاع المهاجمين المريخيين الافذاذ ان يحرزوا (اربعة )اهداف مقابل هدفين للصفاقصى
كضاااااااااااااااااااااااااااااااااااااااااااااااااااااااااااااااااااااااااااااااابين

[حازم جمال]

شهودجى ماقصرتى معاهم
ما خليتى لينال فرصة لنقاشهم كلامك كان كفاية

دا منو دا
معتز اخونا زمان
خسارة فى الحالات الذى دى مافى حد الردة
بعدين منو القال ليك انتا وشهد تعالوا إتناقشوا
جنس شلاقة والحمد لله كتلت إشراقة (اقصد شهودجى بتاعتك
والحمد لله إنك ما لقيت فرصة لانك اكيد كنت حتزيد الاكازيب كزبة
ايها الناس
لا يكن احدكم .........................

[معتز]

دا منو دا
معتز اخونا زمان
خسارة فى الحالات الذى دى مافى حد الردة
بعدين منو القال ليك انتا وشهد تعالوا إتناقشوا
جنس شلاقة والحمد لله كتلت إشراقة (اقصد شهودجى بتاعتك
والحمد لله إنك ما لقيت فرصة لانك اكيد كنت حتزيد الاكازيب كزبة
ايها الناس
لا يكن احدكم .........................

حازم جمال الصديق ..................
شنو يا بتاعين المجد كاااااااااااااااااك ياخى المجد ديل والله ما بيتنسو خالص
ولا منو ايواااا اتذكرت النجم الساحلى وما تنسى شعار النجم زى شعار المريخ
حامضة مش

[حازم جمال]

حازم جمال الصديق ..................
شنو يا بتاعين المجد كاااااااااااااااااك ياخى المجد ديل والله ما بيتنسو خالص
ولا منو ايواااا اتذكرت النجم الساحلى وما تنسى شعار النجم زى شعار المريخ
حامضة مش

لا حول ولا قوة إلا باله
الغالى معتز البوست مخصص للنقاش الهادف والجدى فى كل ما يخص الهلال ولهذا السبب فقط ساربا بنفسى وبالبوست من الرد عليك فى هذه المساحة ولكن لا مانع من الرد ونتف الريش فى اى مكان اخر فقط خارج هذا البوست حفاظاً على نظافته
وبهذه المناسبة ياريت ان لا توجد مساحات للجدل البيزنطى فى هذا البوست

[Suhaib]

[mark=0000FF]

قودوين رسميا الي اهلي جدة !!



[mark=FF0000]باسولي العاجي وصل الإمارات ويقود الهلال أمام أهلي دبي[/mark]

طلب كلتشي ومهند للاحتراف بالامارات !!


مهند بعد هدفه ف العين ما خلا لينا حاجة نقوله واثبت انه تخصصي !!



بالتوفيق للهلال ف تجربته الثانية امام اهلي دبي !!


مدرب العين : الهلال سوداني بنكهة برازيلية




تخريمة :

هناية اطلعي من هنا بتجيك تصويبة اسي من مهند تطلعك برة الشبكة


لفه واجيكم راجع



،،،

[/mark]

[حافظ عوض الله محمد]

اتفق معك اخى حازم جمال ولكن بالنسبة للرشاشات ديل اين ما وجدتموهم فانتفوا ريشهم
اقول ليك كلام يوم 29 قرب .


انا من دعاة التجديد فى ادارة نادى الهلال
واحسن لينا نبدل الارباب ونجيب بدلو الكاردينال
طيب الو مانجيبهم الاتنين فى مجلس واحد
اقول ليك كلام
بقترح رئاسة الهلال تكون ثلاثية الابعاد زى نتيجة مبارتنا مع الوصيف
كنت عاوز اقول مبارة القمة اتذكرت رجاء وصفاء ماحبيت اشبه نفسنا بالحمام
طه على البشير
اشرف الكاردينال
صلاح ادريس
ود الجبل
عبد الرحمن ابو مرين
بتاع المؤتمر الوطنى دا

بحلم بمجلس للهلال يضم كل رجال المال
عارفين ليه ، عاوزين نسجل ابو تريكة

[شـهد الكلامـ]

ياخبر اسود

بعدين ما تقولى كلام (بصراحة تخاريف وخارم بارم ) وبدون تزويق للكلام كلامك كضب عديلكيف يعملوا لقا مع لعيبة الصفاقصى ويسالوا الشرميطى عن المريخ
الشرميطى دخلوا شنو بالصفاقصى والجابوا عندهم شنو
نحن نعلم يا ست شهد ان الشرميطى لاعب النجم
ما ادرى هل اراد الله ان يكشف كذبك وإدعئاتك الباطلة ام حمى (الاربعة ) ما زالت مستمرة

اللهم طولك ياروح
كل مااقول العيال ديل خلاص اديتم الدرس ومذاكريييين
اجى اللاقى الحال طين ف عجييين ( عجين فتريته :079: )
ياخ نحنا اصلو ما نعمل مجازات لغويه
واستعارات فنيه
كرهتونا العربى زاتوووو ( ماالعربى الهلالابى هههههه )
يعنى انا ماعارفه الشرميطى ف النجمه يعنى ؟؟؟ استغفر ياخ ( بصراحه الماقدرتا اعرف اسمو لسه بتاع الهووووبه داك بتاع المجد لو عرفتا اسمو كان عملتو ف المريخ عدييييييييييييييييل ياخ داك اى هوبه بتتحكر مع الشريف ان ون بليس ههههههههه )

اسمع عشان نحنا عندنا ذوق وكداااا تعال لى بهناك فى ابله شهد ف الراكوبه
عشان ردك لمعتز داير توضيح



ملحوظه :

انا قلتا المدرب وهو المعنى والشرميطى للتذكير بالماضى فقط
يعنى التصريح دا بخص مدرب الصفاقسى وممكن تتاكد لانو جابوه على عالم الرياضه الجمعه القبل الماضيه .

[معتز]

ماشى يا حازم جمال تعال لى فى الراكوبة عشان نتفاهم هناك

[Suhaib]

بالتوفيق للهلال والاهلي مسا اليوم بتقديم مبارة جميلة !!!



المبارة منقولة ع قناة دبي الرياضية الساعة 6:30 م بتوقيت السودان 5:30 م !!




اترقب عودة قودوين اليوم امام الاهلي الاماراتي !!!



بالتوفيق للزعيم ف تجربته التانية


الدعوة موجه للابلة الحمراء فاقع لونها لمشاهدة المبارة للاستمتاع قبل ليلتي السبتين الاسودين!!


،،

[حافظ عوض الله محمد]

عشاق الفن على موعد مع الكرة


حافظ الموردة بشبة المريخ ( بهاء ملوص )


مايدور حول قدوين والرحيل ، احتمال كبير يكون تسويق جرائد

[حافظ عوض الله محمد]

رئاسة مجلس الهلال
لم أقرأ الصحف حتى الان
ولكن للارباب لقاء فى جريدته المشاهد اليوم فيه الكثير والمثير ( على حد زعم الارباب )

[حازم جمال]

حافظ دا طلع ما حافظ اى حاجة
ياخى دا خليفة بهاء الدين بن ملصة الشنطى الاول
إنشاء الله بعد الهدف السعودى الثانى الهلال يكون صرف نظر نهائى عن حافظ ملصة دا
بعد ان تاكد للشداد ان السودان به حارس واحد فقط يمثل المنتخب والاولمبى وسيد البلد هل ياترى سيقوم بترقيع النظام ويسمح بإستجلاب حارس اجنبى

[حافظ عوض الله محمد]

غايتو ياحازم شداد دا من ناحية ماخات الكورة واطة مع جمال الوالى
الوالى لو عاوز يسجل شداد فى حراسة المرمى ممكن يرجع للكورة




حافظ ملوص لايشبهنا
وزى ماقال صهيب التسجيلات حسمت صالح عبد الله


ولكن من هم المشاطيب فى كشف الهلال
زى ماقالت رنا قطع شك
مرق ، ومعتز

[Suhaib]

فاز الهلال في اخر مبارياته الاعدادية بدولة الامارات بفوزه على فريق راس الخيمة بهدفين مقابل هدف احرزت على مدار الشوطين عبر رأسية كلتشي في الدقيقة 30 من الشوط الاول وانفرادة معتز كبير في الدقيقة 22 من الشوط الثاني في المباراة التي اجريت على ملعب راس الخيمة بحضور كبار الشخصيات الهلالية في دولة الامارات ووسط حضور جماهيري كبير .. استحوذ الهلال على الكرة في في الشوط الاول وتألق اكثر من لاعب خلال المبارة.


احرز راس الخيمة هدفه من غلطة مرق البديل !!

تالق حمودة بشكل لافت !!!

تم اشراك بخيت التاج ،،هيثم عمر ،،عبد المنعم يوسف كتبديلات للمدرب ريكاردو لاعطاء اللاعبين الفرصة عقب تزمرهم المستمر من عدم المشاركة !!


،،،