فنجان قهوه مع ...............

[الأميرالحب]

والله يا ابوريس كل العالم دي عاوزه فيك لمه
هع هعى
يا الماسك الفنجان مدونا فترته لاسبوع تاني عشان
عاوزين الجنا ابو رويس دا هنا
مرسالو بجد كلك زوق والله
لقد عرفتك من ع القرب وكرهتني ملاح الروب وسنينو
فانت شخص قليل من بشاشته واحترام زاته
لك كل الود وربنا احلك بالسلامه وانشاء الله تيمانِ

[ابن عوف]

مرسال والاخوة الاعضاء
منورين القهوة
مرسال
تقيميك للفنجان والاسئلة؟
بترشح مين من الاعضاء تستضيفو بعدك ؟
رسالة توجهها الاعضاء البدخلو زوار ؟
طرح موضوع بصراحة وبدون زعل من العضوة القامة دريم ليدى ونتج منه اشراك اعضاء مشرفين وانت واحد منهم
هل فعلا اتى ثماره للتغير فى المنتدى؟
وانت مشرف ممكن تشرح لنا جزء من خططك لرفعة المنتدى ؟

[jasmina]

هلا وغلا ..

اها اصبحتي كيف من الضربة القاضية

* احكي ليك ياستي عن طفولتي شويه ومالو
كنت شقي لدرجة كل يوم بنوم بجلدة وبصحي بجلدة وبرضو ماتبته

* حياتي ف المدرسة كانت حلوة وكنت شاطر ومواظف عل الدروس
وكنت برضو بميل للشغب وكنت محبب جدا من اساتذتي جدا وكنت بطلع من الاوائل
وبحب مدرستي شديد عشان عندي فيها ايام كانت جميلة .
*زميل دراسة اتمنيت لو اقابلو تاني بالجد ف المتوسطة ومنذ ذلك الوقت لم يحالفني
الحظ لمقابلته الا وهو الغالي جدا ( ولي الدين ) من اولاد بابنوسة لطيف ظريف هاش باش
ترتسم البسمة علي شفاهه دائما لم اجده يوما عبوس او زعلان كنا لانتفارق
ابدا وكان كلانا يتوق شوقا للآخر اخ .. ياجاسمينا والله رجعتي لي ذكريات جميلة
ربنا يلمني فيه تاني واشوفو يارب اسألك ف هذه اللحظة وبقلب يملاءه الحب اليك
ان يكون صديقي ف اتم الصحة والعافية وان تجمعنا به ف الدنيا والاخرة ... يارب
منا الدعوات ومنك الاجابة ..
*اول يوم لي ف السعودية كان يوم 3/15/1999 يوم الجمعة الساعة الواحدة ظهرا
بعد صلاة الجمعة هبطتت طائرتي بمطار الملك خالد الدولي وكانت بالنسبة لي اول سفرية
خارج الوطن بدون الاهل بارغم سافرنا كتير الي القاهرة بحكم دراسة الوالد هناك
شفتي ابوي يعني كان طالب بالجد مش بكضب كان بمتحن ويرجع السودان ..
كانت رحلتي الي السعودية عبارة عن هواية ف المقام الاول لان اسرتي كانت ميسورة الحال
واول مرة افترق عنها وكانت لحظة رهيبة بالجد وطول الرحلة انا كنت بخبي دموعي من الركاب
واول ما هبطت بنا الطائرة ومشيت للبيت اتمنيت وربي ان ارجع ف نفس الوقت
عشان البلد ماعجبتني خالص وندمت علي المجي هنا ولكن هيهات فقد تمسكت بي هذه البلاد
وجعلتني اسير غربتها المرة ولم يحالفني الحظ حتي اتفكك من براثن غربتها المميتة
ومتمني حتي هذه اللحظة بان اعود واعيش بقية حياتي ف حضن الوطن ...
وانا حالي ف بعد الوطن دفعني ضئ العين تمن
*لو رجع بي الزمن الي الوراء ماكنت حااغترب نهائي ولو حكمت الظروف
حااختار امريكا ...

جاسمينا ... ام ضربة قاضية ضربك المصارع ولكن ضربتني انت بالذكريات
الحلوة والمحزنة ورجعتي الي شريط ذكريات اتمني ان تعاود مرة اخري

افخر دوما حين اجدك في زيارتي اشعر بحروف ترقص فرحا

تتمايل النقاط نشوي وتختال المعاني نشوي بتواجدك عندها

تشتاق اليك والي عناق رائع لحروفك

مودتي

مرسال الشوووق ،،،

هههههههههههههههههههه

هو يقدر يضربني والله انا وقفت تحت الكميرا

مايقدر يهبشني

صفات صحبك دي تنطبق على بابا

انت قلت لي دفعة سنه كم

[الفرح المهاجر]

مرسال والاخوة الاعضاء
منورين القهوة
مرسال

وانت مشرف ممكن تشرح لنا جزء من خططك لرفعة المنتدى ؟

يرفع منو الدعم ولا تقصد شئ تانى

[ابن عوف]

يرفع منو الدعم ولا تقصد شئ تانى

انت رايح ليك دعم من جهة مختصة


منور ياعم

المرسال ان شاء الله تكون طيب
افتقدناكـ

[ابن عوف]

الغالي مرسال
الربط شنو بين الكلمتين ديل
فى فترة الخطوبة ينثر شعر للمحبوبة
وبعد الزواج ينتف شعر للزوجة
وهل ماذكر اعلاه صحيحا ؟

[ابن عوف]

مرسال وينك

أن شاء الله تكون طيب

هل الاسئلة الشخصية والدخول فى تفاصيلها بتضايق ولماذا ؟
لما يسأل الشخص من اسئلة شخصية تفتكر الفايدة والاستفادة شنو ؟
المنتدى كبير وفى اقسام كتيرة مهملة الاسباب والحلول من وجهت نظرك ؟
علي صعيدك الخاص ماذا استفدت من المنتدى ؟
والي مدى قدمت مواضيع استفاد منها الاعضاء ؟




ومع عاطر الود

[dream-lady]

مرسال وينك

أن شاء الله تكون طيب

آمين يارب

لما يسأل الشخص من اسئلة شخصية تفتكر الفايدة والاستفادة شنو ؟

لقافة بس

انت عارف هنا في ناس شمشارة لدرجة الغليان

[مرسال الشوق]

الاخوة رواد القهوة والكانون زاتو
اسف جدا علي الغياب المفاجي
واعزروني ... مشاغل دنيا وحاتكم

لي عودة


وانا ياود ابنعوف خلي بالك
مرشح انتين اقبض اي واحد منهم


السنبلاية ...

او وحيد


وحتي الملتقي اشوفكم علي خير

[مرسال الشوق]

يرفع منو الدعم ولا تقصد شئ تانى

بعمل مظاهرات

[مرسال الشوق]

[quote="ود ابنعوف"]مرسال والاخوة الاعضاء
منورين القهوة
مرسال

النور نورك يامان

تقيميك للفنجان والاسئلة؟

سعدت كثيرا بهذه السانحة الجميلة التي تناولت فيها اجمل فنجان وتحاورنا بكل ضروب الاسئلة
التي كانت تجوب بخاطر الاخوة وسعدت كثيرا بمحاورتهم ومشاركاتهم التي تدل علي الطرح الجميل
من اشخاص عرفناهم ف جميع المنتديات بالهمة والنشطا وربنا يديم علينا هذه السانحة واتمني ان لاتندثر
حتي تعم الفائدة الجميع

بترشح مين من الاعضاء تستضيفو بعدك ؟

برشح الاخت الغالية السنبلاية صاحبة القلم الذي ينزف درر

[مرسال الشوق]

رسالة توجهها الاعضاء البدخلو زوار ؟

ياضيفنا لو زرتنا ف بيتنا لوجدتنا نحن الضيوف وانت صاحب المنزل
لاتبخلوا علينا بالتسجيل حتي نستفيد من اقلامكم وافكاركم النيرة

طرح موضوع بصراحة وبدون زعل من العضوة القامة دريم ليدى ونتج منه اشراك اعضاء مشرفين وانت واحد منهم
هل فعلا اتى ثماره للتغير فى المنتدى؟

بالتأكيد قد أتي ثمارة وهانحن نجني تلك الثمار وربنا يجعلها فاتحة خير كي ننهض جميعا بهذا الصرح
ونشكر الغالية دريمو صاحبة الافكار النيرة وجهدها المتواصل الذي يصب ف مصلحة المنتدي

وانت مشرف ممكن تشرح لنا جزء من خططك لرفعة المنتدى ؟

سوف تكون لي خطط جمة تصب كلها ف مصلحة المنتدي والاعضاء
وسوف افصح عنها لاحقا باذن الله

[/color][/size][/QUOTE][/align][/align]

[السنبلاية]

الاخوة رواد القهوة والكانون زاتو
اسف جدا علي الغياب المفاجي
واعزروني ... مشاغل دنيا وحاتكم

لي عودة


وانا ياود ابنعوف خلي بالك
مرشح انتين اقبض اي واحد منهم


السنبلاية ...

او وحيد


وحتي الملتقي اشوفكم علي خير

اولا:
مبروك الاشراف يا المرسال ..
اعلم أنك قدر المسئولية ..

ثانياً ..
لو أرد وحيد الجلوس فى مقهى القهوة ليس لدى مانع ..

واذا اعتذر .. فأنا ساجلس على كرسى القهوة

شكراً المرسال ترشيحك لى ..

وتحياااتى للجميع ..

[ابن عوف]

اولا:
مبروك الاشراف يا المرسال ..
اعلم أنك قدر المسئولية ..

ثانياً ..
لو أرد وحيد الجلوس فى مقهى القهوة ليس لدى مانع ..

واذا اعتذر .. فأنا ساجلس على كرسى القهوة

شكراً المرسال ترشيحك لى ..

وتحياااتى للجميع ..

المتألقة السنبلاية
يشرفنا ويسعدنا انك تكونى ضيفتنا فى الفنجان عايزين نتعرف عليك ونعرف جوانب من حياتك

[ابن عوف]

العزيزة السنبلاية
ياهلا وسهلا ونورتي الفنجان
اولا عرفينا بنفسك
المراحل الدراسية
واسردى لينا شئ بسيط عن مدينة ودمدني
المؤهلات العلمية
وبنجيك صادين

فنجان الهناء

[السنبلاية]

المتألقة السنبلاية
يشرفنا ويسعدنا انك تكونى ضيفتنا فى الفنجان عايزين نتعرف عليك ونعرف جوانب من حياتك

يا هلا يا هلا . بالعزيز ابنعوف .

اولا بعتذر على التاخير ..نسبة لقطوعات النت المستمرة

فأرجو أن تستميحنى عذراً

[السنبلاية]

العزيزة السنبلاية
ياهلا وسهلا ونورتي الفنجان

منور بوجود ... يا هلا فيك

اولا عرفينا بنفسك

انا بت الخليفة

المراحل الدراسية
الاساس ( مدرسة ابو هريرة بنات أساس )
الثانوى ( بركات الثانوية بنات )
الجامعة ( اكادمية علوم الطيران / ود مدنى)

واسردى لينا شئ بسيط عن مدينة ودمدني
مدينة جميلة .. اهلها أناس طيبون .
بكفى أنها مسقط رأسى

المؤهلات العلمية
دراسة جامعية

وبنجيك صادين

فى انتظارك

فنجان الهناء

تسلم يا رب واكيد نحن فى الانتظار

تحيااااتى

[ابن عوف]

السنبلاية الغالية هانحن نسعد معك
لك الشكر اجزله

مدن فى الخاطر؟
المنتدى ماله وما عليه ؟
شنو الاضافات التى اضافها لك المنتدى ؟
ما شاء الله عليك دارسة علوم طيران
ومتخصصة فى شنو ؟
وله اخترتى علوم الطيران ؟
والسودان بالنسبة للدول فى الطيران يعتبر متأخر جدا
من مجالك فى علوم الطيران شنو البنقص السودان عشان يواكب ؟

ارشفى الفنجان دا وتانى بنرجع ليك

[بانه]

السنبلاية منوره الفنجان

[Control 9]

الغالية السنبلاية
منورة الفنجان
وحبابك ضيفة غالية علينا
اشربي فنجانك برواقة
بنمشي ونجيك