زوحيات زوحيات

[ود الزوحي]

لما الريد يمد إيدينو

فارد ليك ..

جناح الإلفة والآشواق

ويجيك بهناك هبوب قلبي

يهبب ليك ساعة القيل

حتلقى الكلمة هي المنفس

وبحة صوتك الفنان

أنا الزي حبي ما بتلقي

ولا ممكن يكون حوليك

مهذب في هواك كنت

وسفير لقلبك الرياد ..

أزاهر الدنيا بي هامت

وكم سمحة ومعاها خصال

بقت حولي ..

وكلامها يطير الألباب

بقيت هايم مع حبك

وقصة ريدك الفتان

بقيت عاشق زمن حبك

وكل دقيقة كانت بيك

جمال الكون أسر قلبي

ووحاتك كنت بالأكتر

بريدك قدر ما الكون يزيد ويكبر

بريدك قدر ما إنت رتديني !!

زوحيهــ ..

القصيدة دي بمثابة عربون محبة .. لمنتدى أنا سوداني !!

[Control 7]

كنترول 7 سعيد بمشاركتك الطيبة .. وان شا الله العودة تكون قريبة لكل رائع غاب عن سما صرحكم !!


كل الود ..

ودالزوحي تحياتي
سعدنا كتير برؤية حروفك وياريت العودة تكون الليله ما باكر

[ابن عوف]

لما يكون هناك في ناس طيبين
قلوبهم عايشه بالطيبة
ونفحة زمن بسام
بتلقى الدنيا جد حلوة
وسماة البهجة في ربوعها !!

أبنعوف .. لك في القلب ما يسع الكون من معزة .. وحقيقة الدنيا بخيرها

اندهشت لما عرفت البوست ولقيتو .. وان شا الله ما تفقد عزيز ..

الرائع فينا ما حيينا الزوحي
الدنيا عبارة عن قطار يمر علي محطات
وانت من محطات قطارى لاانساها
وحقيقي سعيد بمعرفتك
واتمنى ان تدوم هذه العلاقة طول العمر

[ابن عوف]

كل عام وانت بخير
هسي عربونك دا نرجعو ليك ولا تجي تتمه

[ابن عوف]

عشان ادوك سر قلبي
بقيت تتقصد إيلامي
وتوجس فيك أحلامي
وأنا القضيت سنين عمري
معاك وكنت مستني
تشيل الوجعة من قلبي
وترسم فيهو أفراحي
بقيت تتقصد الفرقة
وعارف قلبي ما بحمل
كلام .. من زولها حبيتها
رسمت الليل سواد بالعين
وقلت صباح من الخدين
وأتاري ..
وأتاري القصة ما وضحت
ولا الجواك حاسس بي
موجع قلبي بي حبك
وانت ولا بتعرف الريد
ولا بتعرف تحس بيهو
بقيت إنسان بقول معليش
وما بعرف يحس بيها
أصلو القصة ما معليش
كل القصة لمسة شوق
وحتة زوق ..
وهمسة تجدد النية !!

زوحيهــ ..

[ابن عوف]

هرد جوف الفؤاد حسنك
وطلة صبحك الرقراق
طفت وهج الصباح بدري
وبقت عينيك سلاح قلبي البشوف بيهو
مواسم الفرحة في خديك
-----------------
مخير قلبي شان شافك
وشاف البسمة بين الفاه
وشافك انت زي وردة
وصباح الخير على الشفتين
------------------------------
ناعمة ملامحك وما كذبت
وحسن الطلة هي زاد الكون
عيونك ناعسة وكلك رقة
وخصلة شعرك راسمة الموج
وحتى الموج اتنرفز وصرخ
وقال وحياتك ما بنتشابه
أصلك انت سبات الروح
وكل الكون بفداك بالروح
---------------------
عارفة الزول البعشق غيمة
بتبقى حكايتو هي نفس حكايتك
ببقى بريدك وزي ماحاسي
انو الغيمة حتمشي وترحل
ويرجع تاني الجوف يتحرق
وتحرق نارك كل إحساسو
ويحلم تاني يشوفك ويرجع
زمنك انت وزمن الغيمة
وزمن الريدة الكانت ليك
أصلك انت سبات الروح
وكل الكون بفداك بالروح !!

زوحيهـ (البت الغيمة)