الشاعر العملاق صالح عبد السيد الملقب ب..
( أبو صلاح ) هو من فطاحلة شعراء الحقيبة ... دون منازع ....
حيث يمتاز بمدرسة متفردة فى نظم الشعر الفصيح والدارجى من نوع السهل الممتنع ...
وقد بذ شعراء الحقيبة فى الكثير من قصائده التى تصعب عليهم مجاراتها ...
ومعظم قصائده تمتاز بالوصف الجميل الراقى ...
وتتقبلها النفس بكل أريحية وتشوق لمعرفة المعانى التى يرمى إليها .... و ما بين السطور ...
ومن هذه القصائد :
* ضامر قوامك لان *
ضامر قوامك لان
قلبك قسى وجافيت ليه يا جدي الغزلان
أسهرت جفني ملان
يذرف دمع نازل كالمزن في الهملان
ما بصح ليه يا فلان
طرفك دوام ناعس وأنا طرفي ما غفلان
ظهرت شكلك بان
كوكب منير أشرق من فوق غصين البان
كم ليك محب تعبان
درب العشق ساهل ودرب الوصال صعبان
كالظبية في اللفتان
أما الخديد ناعم ذي زهرة البستان
تجد الطباع آمن
وحسن بديع رائع منظر جميل فنان
لا يحصى وصفه لسان
وجهك بدر كامل من البدور إحسان
ما قصدي فيك لمسان
مقصودي بس شوفتك لا تضيعني يا إنسان
القمري في الأغصان
ذكرني ألفاظك وقلبي إنطرب فرحان
يتواري لي لمحان
بروق درر فاهك بالراح والريحان
ليه كفك إتحنن
وليك قلب قاسي ما فيه لي حنان
يالراقص الفنان
حبك ملك قلبي وجننت عقلي جنان
أقيس محاسنك بمن
يالدر الماليك تمن
نور عينى نور الزمن
ماشفنا فى طول الزمن
سواك بدر فى داخل كمن
الأنوار يتزاحمن
فى خدودك أخدوا لأامن
ومن فاهك يتبسمن
بروق فى بروق يتقسمن
دى الدنيا أم جنة عدن
شفنا ملاك لابس بدن
إنسان لكن مفردا
حاز النور حاز اللدن
غصنة مهفهف أملدا
وهيبة أسد فى عيون شدن
يالجبرة المازجة العجن
وجسمك بالطيب انعجن
إذا النسمااات بيك عرجن
طبقات الجو يتارجحن
والأنفس يتهيجن
إنتى نرجس من الوسن
لعيونها الأعين جسن
وإن آية الحسن الأسن
وغصون الروض يتمايسن
فى ذالك الزى الحسن
وكل حسن مالك حسن
روضك زى عارضين صفن
حلاك سحرك ماسحر فن
كواكب النور البلصفن
بصفاتك ما اتوصفن
بدور الكون لو ينصفن
يسجدن لييك وما يكونن وفن
فيك عيون بالحسن إزدرن
ومهما أفكارهم يكبرن
زى حسنك ما يعبرن
مع البدرين سيرك سرن
ومن وزنك هن يقصرن
عزة في هواك عزة نحن الجبال
وللبخوض صفاك عزة نحن النبال
0
عزة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
0
عزة ما سليت وطن الجمــال
ولا أبتغيت بديل غير الكمــال
وقلبي لي سواك ما شفتو مال
خذيني باليمين وانا راقد شمال
0
عزة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
0
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
0
عزة ما أشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال
0
عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
0
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال
0
عزة في حذا الخرطوم قبال
وعزة من جنان شمبات حبال
وعزة لي ربوع أم در جبال
وعزة في الفؤاد دوا يشفي الوبال
قصيدة ... قائد الأسطول ....
للشاعر الكبير : سيد عبد العزيز
والتى يقول فيها :
يا قائد الأسطول تخضع لك الفرسان
يا ذو الفخار والطول ارحم بني الإنسان
0
مين لى سماك يطول ما بطولك اللمسان
معناك شرحو يطول والله يا إنسان
ارحم كفانا مطول ياذو الحسن واحسان
أنا عقلي بيك مشغول والناس عقول ولسان
0
ما بنكر المعقول آمنت بى الإيمان
يا طلسمي المسطول بدلي خوفي أمان
للكل سحرت عقول كانت سليمة زمان
انت بتحق القول قتل النفوس حرمان
0
يا علة المعلول ضوى ليك بنان كم من
اسير مغلول مالاقى لحظه حنان
بر وعدك المحلول زى حجة الوثنان والكان
سهوله تلول مابدلن بى جنان
0
يا حبيبي كون ممهول واليكن ما كان دا
الفى غد مجهول الماضي اسمو الكان
نفديك شباب ووكهول ونبقى ليك اركان
فى بيتك المأهول ونخدم السكان
0
يا لفي سماك مفصول تنشاف عيان وبيان
ما عرفنا ليك وصول وما دنيت أحيان
انت الخفاك وصول يعلم بك الديان
مثلت فينا فصول لم يدركها النسيان
قصيدة الشاعر الكبير ( سيد عبد العزيز ) الكواكب إحتفلوا بالقمر ...
عبارة عن لوحة مصغرة توصف تجمع الحسان حول العروس فى ليلة زفافها ...
وهى فى أبهى زينتها وفى رقيصها.. وقد شبهها بالقمر ...
لجمال تقاطيع وجهها الصبوح الذى حباها الله به من دون الحسان ...
لقد بهره جمالها وأناقتها ...
فأبدع فى وصفها وتجلى وتفوق على نفسه فى الوصف ...
كما تجلت هى فى الرقص ....
** الكواكب إحتفلو بالقمر **
الكواكب احتفلو بالقمر
أم دي روض دريه السمر
0
أقرب بهجة الأهيف الضمر
وديسو للدروع قسم الخبر
طريت شباك ورشرشو العمر
العيون سيوف تقضي ما أمر
0
وديسو للقدم وصل الخبر
الصدير برز قلع وانتبر
والنهيد رخص لسه ما جبر
وقلبي مالو طار هجا ما صبر
0
ودمعي مالو فاض شابه البحر
ما طفى العلي من لهيبو حر
عقلي انفقد وقلبي ما انسحر
وتدري بالعلي نجمه السحر
0
العشق نصيب والغرام قدر
القلوب تطيع أمرك الصدر
ونارنا ما انطفت وشوقنا ما فتر
ضعنا والنفس فينا ما ندر
0
الشعر نزل للردف ستر
وزاحم القدم وفيه كم عثر
الصدير قلع والردف نتر
الضمير تعب حالتو في خطر
0
خاتم السعود من نجم زهر
الإحتفال ختام نور اشتهر
انتهز فرص ويانع الزهر
وعشته في نعيم مدة الدهر
تم دور وادور
عم نوره شال فات الحله نور
زي بدر التمام
واحدين قالوا نور
واحدين قالوا دوب مروي ما بتنور
زي بدر التمام
مين يقوم يتهور
يبري القيف هناك تحته الدابي كور
زي بدر التمام
قالوا الكون اتطور
لا عاشق عفيف لا جميل إتصور
زي بدر التمام
الحسود يتضور
ناره ماكله لسانه كله زور ومزور
زي بدر التمام
الطريق الحور
دمي ما بروح سيدة ليش يتجور
زي بدر التمام
هز شوقي وتور
يا نديم إزاي جرحي المخفي غور
زي بدر التمام
يا قليب إتجبر
قوم وريني كيف الكرام تتصبر
زي بدر التمام
نحن ما بنتعبر
النفوس إن حبت تستحى وتتكبر
زي بدر التمام
ما خبير أتخبر
في الزمان الفات والجديد إدبر
زي بدر التمام
أوعي لا تتشبر
هل رأيت لك عاشق بالغرام يتنبر
زي بدر التمام
نحن ما بنطفر
ما بنهاب سفيه إلا ما بنتزفر
زي بدر التمام
قولوا لي البتنفر
ما شالن قناع المعاك تتوفر
زي بدر التمام
يا زميل إتشطر
شن بتشوف حداك إلا حور مبطر
زي بدر التمام
يبقي يومنا مطر
ماله الكون دهين والفريق معطر
زي بدر التمام
النحر مغمر
والسباته حارة والمجال مضمر
زي بدر التمام
الشعر مخمر
يرشح كله ند عردب المجمر
زي بدر التمام
قام محمد بشر
هز فوق تيجانن سل سيفه وكشر
زي بدر التمام
قول معاي وإتفشر
نحن سياج عروضن نحن يوم المحشر
زي بدر التمام
يا حسن اتذكر
طيب ليلتنا ديك والصباح السكر
زي بدر التمام
المدام ما اتنكر
لا من ديكنا صاح فوق رؤوسنا اتحكر
زي بدر التمام
كل شىء مفسر
ما في شىء غريب والعسير ميسر
زي بدر التمام
ما في عين تتحسر
دام عريسنا دام والحسود إتحسر
زي بدر التمام
** جارو أهلك **
للشاعر الكبير : سيد عبد العزيز
----------------------------------
جارو أهلك وجورم أمـر
بالبعـاد والأمـر الأمـر
في ديارم حجبـو القمـر
البديع الساحـر الفكـر
بالجمال والحياء إنشكـر
حسنو يرمي الزول في وكر
شوفتو تسكر من غير سكر
للقلوب ياصاحي إحتكـر
كي يخلف خالـد الذكـر
مفخر الأجيـال والدهـر
حسنو أعجب على ماظهر
في خدودو الحياء إزدهـر
والطبيعه تناجـي الزهـر
تدي منظر جـذاب بهـر
زي نجوم السماء في النهر
نـورو للبدريـن إحتقـر
البهيـج النضـر الاغـر
يـزدري البـراق بالثغـر
المحشـم مـن الصـغـر
منّو كل الناس فـي بغـر
فيه شارد الحسن إستقـر
من عيونو كيـف المفـر
كم بأفئده وأعيـان ظفـر
محيو فيـه البـدر السفـر
وجيدو جيد الظبي النفـر
كل عهد الحسـن الوفـر
زول ويوزن مليون نفـر
حبي هاك القـول الأبـر
والعيان يغنيك عن خبـر
كم نظرت في دهري العبر
نظرة الـي الحيـاة إعتبـر
الجزع في الناس والصبـر
شفنا طوع القضاء إنجبـر
لو بحجبو الأمـر الصـدر
مابحجبوا دمعي اللنحـدر
كل شي إن صفا أو كـدر
في أيادي القضـا والقـدر
أما دهري إن صد أو غدر
البعرفـوا الوفـاء مانـدر
ذبت وجدا في هواك
يا حبيبــي لــــــم أزل
عايش على سفح الأمل
يا من صليتني بنار هواك
رفعــــت فنـــي لمسـتواك
أنا في الغرام حامـل لواك
في قربى أو في حال نواك
قـط لم أفــكر في ســــواك
رغم العـزل لي فيك غــزل
برتاح لأنشــــودة غـنـــاك
وأنظم عقود زي نور سناك
أنا في الغرام حافظ ولاك
شعوري ما أستيقظ بلاك
والحكمة يا زينة حـــلاك
تزداد جمال وأزداد هلاك
حسنك ضمر حامى السمر
تيهك أمــر ليـه يا قمـــــر
تتواري عنى في ثوب حياك
ويبهر عيوني شعاع ضياك
يا المن خيالك اختشاك
بخمور دلالك انتشـــاك
بحبي ليك لو انتشــــاك
بالله سل نسمات عشاك
وبيك جواي ومبلغ هواي
وأنا طبي في خمرة لماك
لكن محال ألحـــق سمـاك
أفكر فيه وأتأمل أراه إتجلى وإتجمل هلالى الهل واتكمل تفاصيل قولى والمجمل سأصبر ياخى إيه أعمل إذا قلب الفتى إتحمل مصايب الدهر وآلامه أرى الصبر الجميل أجمل حديثى ودمعى إتسلسل فصول فى رواية تتمثل أبين فى مواقف أستبسل وعند رؤيا الحبيب حالاً أبين فى مواقف أتوسل هواه بجسمى إتخلل مجارى الدم إذا إتحلل وقيع لى رضاه إتذلل وما هماه يا سيدى دا واحد أصلو بتدلل ترك أفكارى تتضلل وعذرو البيهو يتعلل فما شرع الهوى حلل لقانا نهار ولا فى الليل اذا أليل صريح قانون هواك خول هلاكى وقلبى ما تحول حقيقة وليس تتأول صريع لحظات سيوف لحظك وحالى ان شفتو تتهول تذكر عهدنا الأول صحى الأيام بتتدول قريب يوم داك ما طول مضت لحظات ويا حليلها بقت أحلام وتتأول
أسمعني و أشجيني بي ذكرة الأحباب
بالله ناجيني
رحماك ناجيني من ذي الهموم البي
من قاعو سجيني
خلى الهنا يجيني وخلى السرور يصبح
في طيّو زاجينى
تبريحي صاليني وهيامي زاد أضعّاف
ومنامي سالينى
قول أنت سلينى خلى اليزول منى
ألمي الموالينى
الشوق مالينى والبين برى جسمي
وبي نوايبو باليني
يا دمعة بلينى ويا قسوة الأيام
فوتي الحدود ليني
من غيرك يشفيني و من غيرك أنت يعيد
صبري المجافينى
قول ليهو صافيني زمني القصد هجري
فى هاوية خافيني
غاب رشدي أهديني وفى ملتقى النيليين
إتغنى آشدينى
على توتى عديني تجد الأذان فطرى
تجد الحياء الديني
صبحني مسيني ويا جالب الأفراح
لا تبقى ناسينى
سجعك يواسيني ورجائي فيك يا حمام
كان متّ ترثيني
غرد وناديني وأقصد رياض شمبات
سير بيّ وديني
في غناك أبدينى اندب هناك حظي
سعدى المعادينى
إن رمته ترويني ري العطيش في برود
بي جرعة داويني
في جوفي كاوينى حب وعفاف أم در
من قبل تكويني
بطري البساتين وأطرى الشذا الفواح
والمسك والتين
يا جنّة فتينى هل بعد هذا رجوع
ويا حظي أفتيني
وغــــــــرد يا ا لحمام
جبل أوليا حبيبي غشا ..... وحصل في القطينة عشا
يا قلبي الطفش وفشا .... الما آليته ينكفشا
حل زى الصقر خوى .... بالبدر الدويم ضوّى
عاد لا حوله لا قوّة ..... حبيبي الليله في الكوة
صباح الخير على ام نفلين ..... أهني البيها محتفلين
سيد الحسن رب اللين ..... شرف كوستى والجبلين
هنيئا حان وقت زهاك ..... الرنك احتفل ببهاك
وين الليله يا النشهاك .... يا ليت كنت في جلهاك
يا كاكا الحبيب طلاك ... بعده الزاد نفوسنا هلاك
يا ملوط حليل نزلاك ..... .يازمن الفراق نسلاك
بقدومك كدوك أصبح .... سوقو من الكساد ارباح
انا من نياحى صرت ابح .... كأنى فى مبرك المذباح
زاد من بعدك الانكال......قلبى البالهموم انكال
شاطري العاصمه يا ملكال .... .توفيقيه صبرى انا كال
شامبى أضحى بيك مسرور .... بعد المنقلا يا سرور
يا جوبا حي أنا المضرور ... .بعده النوم بقى لي ضرور
من دا الهم ما بنجى ..... حبيبي الليلة في تونجا
يا خالق الخلق تنجا .... تركاكا حلت العنجا
سلام متنامى ما غبّ ..... ما مرّ النسيم صبّ
يرضى ال للعفاف ربا .... ويخدم كامل الرتبا
صب يا دمعي لا تكون جاف ...... وياقلبى البقيت رجاف
البدر الخفا .... الأنجاف.... .اليوم شرف الرجاف ....
