مجادعات " رسائل "

[مها]

مصيرو الفات وكت يعرف مقامك جد بيرجع ليك
يفتش لي سماح قلبك....... ويترجاك بي كل الحنين الفيك
يبكي الدم
ويعرف انو عمرو بلاك بيسوي عدم

[waya]

مصيرو الفات وكت يعرف مقامك جد بيرجع ليك
يفتش لي سماح قلبك....... ويترجاك بي كل الحنين الفيك
يبكي الدم
ويعرف انو عمرو بلاك بيسوي عدم

كيف يفوت الريد .. وإنت حداك شوق بالجد
وسماحة قلبك المريود تبشر بي عشق يمتد
وتنشر بهجة الأفراح , حنين اللقيا يوم يشتد
بلاك يا وجعة الاحزان متاريس الفرح تنسد

[mis.silent]

لا محتاج عشان المس وهج روحك امد ايدي
ولا محتاج عشان شوفتك تشوف عيني
ملامحك حاضره وين بتروح
ووهجك فيني ساكن الروح
بريدك ما فراغ مني ولا ريق العشم جفا
ولا في لحظه اتجليت طلع مني الكلام صدفه
بريدك عن وعي وإدراك وعن إصرار وعن تقدير وعن عرفه

مباااااااااالغة والله يا مها

[waya]

" ست أخوها "
العنده زيك " أُخت " .. يفخر ويقول يا حبابها
وينعرف في الرجال زايد وقار ومهابا
ده الأب الأديب " أدّب " وصان تيرابها
ومشكووورة الأمومة الحامدة في إنجابها
يا زينة البنات , الحافظة ديمه شبابها
أخوك البطل فات للفراسة وجابها

[امال الناس]

احترت فيك أنا شن أقول
ما إنت الفيك كمل القول
لو حتى الحروف زادت
بقت مية حرف كاملات
وفضلت أقول شعر للحول
بشوف نفسي اتلومت فيك
لأنك إنت أروع زول
وإنت الفيك كمل القول

[dream-lady]

جدعة ...


دعني اخبرك...اني اعتزلت حبك

واعتزلت الغيرة


مهما حاولت باساليب صبيانية...أن تجعلني أغار


هذا محـــــــــــــــال...


جدعة ثانية:


مهما طالت الشقة

وبعد المسير

وطالت المسافات

ومرت السنين

فأنت بداخلي

لم تبارحني


سآخذك معي ...للحظة النهاية

كما بدأت بك حياتي


فآخر شيء ممكن أن يحدث..أن أنسى عينيك...

[الاميرة توتة]

كل الحروف أنا لي أبت

حتى المداخل عاندت

ما الأمنيات ماليها حد

وشوقنا مردوم بالدست

ما أصلو شوفتك لي عيد

ونسمة غلاك توزن بلد

[waya]

رسالة .. لم تصل

إذا كل العالم سيكون بخير ..
فأنتي من لها القدرة
أن تكون .. دوماً
..
مثل هذه الأزهار
^
^
^

[مها]

جدعة .... حنين ....

.
وكنت معاه بساهر الليل
واسرح لمن كل نجوم الكون
تتوزع
وتبقى افول
حسسك
نفسك
رنة نبضك
خفقة موجك عز الليل
ولما يبين بيناتنا حنين
دافي موصول
ليك بغني
وادندن
واقول دوبيت ما تقال من قبلي
ولا في يوم زولا تاني
ليه بيقول

[الاميرة توتة]

منو القال بحبك بس...
بحبك موت وبشتاق ليك لأنك إنت الروح وفي جوف الليالي قبس ...
بحبك ماكلام شاعر ولا قولا يقولوا محب رسمتك في حياتي دليل كتبتك في دفاتري قصص ..
وأرجع كان غلبني الشوق أقشقش في الدموع بالرش وكذاب كان قلبي ينساك لأنك الشعور والحس..

[waya]

نُظمت خطاوي الروعة في لحظة مجيك
وحيت صباحك بالكلام كل اللغات التشتهيك

[حيرهم هدوئي]

أقواس قزح ،تمطر فرح، تسكرشعور¤ تطفي الشجون، همسات دلال فيها إبتهاج¤تهدي الخيال اروع فنون،.. مهما الخيال يبدع جمال¤ يرسم ظلال حول الصفون.. ارجع وأقول يا احلي زول¤ الشايلو ليك لا بتوصف لا بتعرف من الجنون¤ حتي العمل لما الأمل يضعف يهون.. أبقي اسأل ديمة عنك وشوقي ليك بالجد شجون ..يا أغلى من نور العيون ..

[مها]

[align=right]ﻣﺎﺑﻴﻦ ﺣﻀﻮﺭﻙ ﻭﺍﻟﻔﺮﺡ ﺇﺣﺴﺎﺱ ﻳﺪﻏﺪﻍ ﻓﻲ ﺍﻟﺤﻮﺍﺱ ... ﺭﻭﻋﺔ
ﻭﺣﻘﻴﻘﺔ ﻭﺇﻧﺪﻫﺎﺵ .. ﻛﻠﻤﺎﺕ ﺻﺪﻕ ﻣﻦ ﺯﻭﻝ ﺣﻨﻴﻦ ﻳﻄﺮﺍﻙ
ﻳﻌﺰﻙ ﺑﺄﻧﺘﻌﺎﺵ ... ﻭﻳﺨﺎﻑ ﻋﻠﻴﻚ ﻳﺸﺘﺎﻕ ﺑﺠﺪ ﻭﻛﺘﻴﻦ ﻳﺸﻮﻓﻚ
ﻳﺒﻘﻲ ﺯﻭﻝ ﻓﺮﺷﻮﻟﻮ .....ﻓﺮﺵ ﺍﻟﻤﻮﺕ...... ﻭﻋﺎﺵ

[/color][/size][/font][/b][/align]

[waya]

هــــو :

شوف يا لذيذ واسمع كلامي وأعملو
راعي لي قلبي المعـــاك مـــا تهملو
وأديهو من جــرعات حنانك وجملو

هـــي :

شوف يا حبيب واسمع كلامي وأعقلو
بُـــعــدك قـــدر مكــتوب علي أتحملو
والشوق خلاص هالك شعوري وكملو

[waya]

هــــــو :

يا الصاقعه الطروب صوتك تعالي شرقنا
ويا المــزن الهـطل خيراً يجيبو بــــرقنا
لــو كــان العــشق من نـارو نحن حرقنا
عينيك البحـــر في ريـــدا برضو غرقنا

هــــــــي :

يا فرس الرهان ورهاني فيك مضمـــونه بي ريدك أنت أكون شاكرة وأكيد ممنونه
بتقول علي صاقعه وتزيد كمان مــزيونه
وأنا دايرهـ تندهـ لي يا حبي يا المجنونه

[waya]

مشتاق .. شوق زولاً طـــلع زيتو ,,
لزول كتير غالي , وأنا شكلي عزيتو ..
لو مـا الظروف جبرت , كان رحت لذيتو ,,
لحضني دغري عددديل , وخطفتو من بيتو ..

[dream-lady]

وقت الاماسي صعب....غرقني في الاشواق

وقلبي وراهو تعب...وهو لقلبي دوم ترياق

وقت اشوفو ياناس....تشرق شموسي غرب

وتغرب شموسي شرق....ويتلخبط الاحساس

وافقد جميع الحس...

وماأشوف غيرو...وبس
وغير قلباً...وراهو يدق

دق دق دق

[mis.silent]

مشتاق .. شوق زولاً طـــلع زيتو ,,
لزول كتير غالي , وأنا شكلي عزيتو ..
لو مـا الظروف جبرت , كان رحت لذيتو ,,
لحضني دغري عددديل , وخطفتو من بيتو ..

أعــجـبـنـي جـداااا

[dream-lady]

أعــجـبـنـي جـداااا

انا عجبني بالاول

[mis.silent]

انا عجبني بالاول

سبقك اليها عكاشة
قلت قبلك ما تحاكيني ساي بس ( زول مادي لسانه )