ايه الاغنيه اللى بتمثل حالتك دلوقتى ,,,,,,؟؟؟

[dream-lady]

http://www.youtube.com/watch?v=sjT646wEXfA

[waya]

http://www.youtube.com/watch?v=Wy3Evj1vV5A

[مرسال الشوق]

الصباح الباهي لونك
وضاحة يافجر المشارق
غابة الابنوس عيونك
يابنية من خبز الفنادق
شيدتي ف جواي صوامع للفرح
وبقيتي لي سكة وعيون
لا السكة بيك بتنتهي
ولا معاك مليت طرق

[dream-lady]

http://www.youtube.com/watch?v=xfY18OoHdcw

[dream-lady]

http://www.youtube.com/watch?v=IQvCQh8VxVY

[الفرح المهاجر]

والله مظلومة المحبة تمشى لى ناس مابتقدر

[مرسال الشوق]

هـجرة عـصافير الـخريف في مـوسم الـشوق الحلو
هـيج رحـيلا مـع الـغروب إحساس غلبني اتـحملو
وكتمت أشواق الحنـين داير الدموع يتـقـلو
ورجعـت خليت الـدموع يـنسابو ..مـنى ويـنزلو
ليـه يا عصافيـر الخريف
خضرة مشاعري أشيلا صيف

تـحت الـغمام شـايف مـواكب الـهجرة اتـلاشت سراع
ليه يـا عـصافير ليه الأسف مين علمك أسف الوداع
وعارف دة ما أول سفر لبلاد بـعيدة بـدون مـتاع
زي ما بتخافي مـن الرياح بنخاف كمان نحنا الضياع
ليه يا عصافير ليه الضنى
صفقة جناحك أحزنها

غـايـب الـسنين الـليلة مالو غنا العصافير غـلبو
طراهو زولا كان ولوف كم رضــا خـاطرو وطيبو
سمع قليبو كـلام حـنين هـدهد مـشاعرو ودوبـو
الـناس سعيدم في الـحياة لا ضاق فراق لا جربو
وأنا حالي في بعد الوطن
دفعني ضي العين تمن

[dream-lady]

http://www.youtube.com/watch?v=9QaHDQ6l3QQ

[مرسال الشوق]

يا ضلنا المرسوم على رمل المسافة وشاكي من طول الطريق
قول للبنيه الخائفة من نار الحروف
تحرق بيوتات الفريق
قول ليها ما تتخوفى
دي النسمة بتجيب الامل
والامل بصبح رفيق
و الاصله فى الجوف اندفن
لا بتنسى لا بنمحي لا بنتهى منه الحريق
و الفينا من اهات اليمه فى حكاوينا القديمة
لا بيرحل عن عيونا ولا بتغشاه الهزيمة
و القبيل راجينو نحنا يوم تبشر بيه غيمة
لما تمطر يوم علينا
الفرح يملا المدينة
و البلودات الحزينة
يا ضلنا

[مرسال الشوق]

في عيونك ضجة الشوق والهواجس
ريحة الموج البنحلم فوقو بي جية النوارس..
ياماشان زفة خريفك كل عاشق أدي فرضو ..
مافي شمسا طالعة طلت إلاتضحك ليها
برضو والغمام الفيك راحل في الصنوبر يلقي أرضو
والصباح إمتد يام كل ماجاوبتي نبضو نشتهيك...
يام نحلم نحكي ليك ..عن المسافة ونشتهيك ..
عن سفن بالشوق بترسم..في بحيراتك ضفاف
ونشتهيك عن ملامح غنوة طلت
في عيويناتك هتافها وبنشتهيك عن حقيق
نهاتي بيها ..وفي أساطير الخرافة
ياصباحات المواني حتي لو دربك ترنح في
مشاوير الأغاني والجرج إرتد بينا لي زمان
الأهة تاني..يانا لابنتحاشي صدك لابتموت فينا الأغاني
ياغنانا المشتهنو ..ياني موعود بي زمانك
بي إرتعاش صرخة وجودك يوم يطل ميلادي منو
لما اتوسد صباحك..ياتوا ليل يفصلني عنو.
يفصلني عنو.

[مرسال الشوق]

عني مالم صادو واتوارو
حظي عاكس ولاهم جارو
غني ياشادي وردد الحانو
قلبي فر وهاجت اشجانو
ولاسافر فارق اوطانو
وسار معاهم اينما سارو
عني مالم صادو واتوارو
حظي عاكس ولاهم جارو
جفت العين والمنام بدرى
الحبايب بي لو تدرى
راعو انصافي والهوى العذرى
ماراعو انصافي وجليل قدرى
بعد ماطال الغياب جارو

عني مالم صادو واتوارو
حظي عاكس ولاهم جارو

[مرسال الشوق]

وإصطفيت جرحك براك
وتر إنتباهك والنغم
ضفة تزرع فى الشروق
وضفة بتقاوم الألم
شمعة الأمل التهِد ليل الكوابيس
زمن الودار
شامخة بتعاند فى صدى الليل
الهياج الإحتضار

صاح إنتباهك فى الزمن
لما أصطفاك
قدر العصافير .. الرحيل
غدر الشِباك شوك المتاهات .. الدوار
تحتك نسيج الليل .. طويل
الأناشيد الماخدة من حِزم الشعاع
نار البدايات البتول
للسحابات التلوِّح قوس قزح
بُشْرَة هطول
ولى ضِيا القمر المقرّح
ضد قوانين الأفول

ليك يا آخر الخيول
فرس الرِهان الما كبا
وهج الشموس الإشتعال ..
وإنكسار المستحيل
شقيتو بى سيل الحروف
الطالعة دابا من الصدف .. مجرى البحر
تيارو والموج الرجوع
أديتو حيل مدّو الزمان كان إنحسر
غيرت فى الزمن الملامح
طعم الكلام .. لون الغُنا
وطبع البذور .. كيميا التراب
طقس المطر
صاح إنتباهك فى المكان
زهو السنابل بالقموح
وإجتراحك لى لسان لغة الجموح
وكتين يتوه بين السكات
وسيف القيود .. الإرتهان
شمس الحقيقة .. ال .. آه ..
بقت منفى ونزوح
وأقتباسك للصبر لغة اليقين
بإنقسامك فى الزمن
وإنصهارك
وإقتسام الآهة بينك والمحن
وإنتصارك لى صباحاً بكرة طالع
من مدارات الصهيل
يا صباحك
لما تنداح ضفة جراحك .. بالشجن
وتقلِد الزمن العديل
يا جراحك
لما تفرد غيم جناحك
فوق عذابات الوطن

[مرسال الشوق]

عارفني منك
لا الزمن يقدر يحول قلبي عنك
لا المسافة ولا الخيال يشغلني منك
وتحرمني منك
والمواعيد لا بتجيب منك تودي
لا الزمن قادر يشيلني عليك أعدي
لا التحايا ولاالمشاعر الحية في جوه الحنايا
لا رسالة تجيني منك لا خبر طمني عنك
وأنت سايئ فيني ظنك
رغم انك إنت عارف انو منك
لا الزمن يقدر يحول قلبي عنك
لا المسافة ولا الخيال يشغلني منك
وأبقى بعدك في الأسى
وتبقى أنت الظالم القاسي النسى
وغصب عني أزيح ظنوني
وأقول عليك أنت المسامح
فوق شجوني
أعيش زمان بالفرقة جارح
وفي احتمالي وبالي منك
أنت سايئ فيني ظنك
رغم انك إنت عارف انومنك
لا الزمن يقدر يحول قلبي عنك
لا المسافة ولا الخيال يشغلني منك
يا هوى الألم النعيم
خليك على الوعدالقديم
وخليني في الشجن الأليم
وأبقى في كل المداين
سكتي وسفري الجحيم
تبقى إيه الدنيا من بعدك تكون
وأبقى إيه بعدك أكون
ما في احتمالي وبالي انك
أنت سايئ فيني ظنك
رغم انك إنت عارف انو منك
لا الزمن يقدر يحول قلبي عنك
لا المسافة ولا الخيال
يشغلني منك
عارفني منك

[مرسال الشوق]

الصباح الباهى لونك
وضاحة يا فجر المشارق ....
غابة الأبنوس عيونك
يابنيّة من خبز الفنادق
شيدتى فى جوّاى صوامع لى الفرح
وفتحتى فى دنياى .. مسارح لى المرح
وبقيتى لى سكة وعيون
لا قدرت أطولك شان أجيك
ولا قدرت من غيرك أكون
وأنا بيكى مالينى الكلام
... حرّكت بيك عصب السكون
جلبت ليك الغيم .. رحط
طرّزت ليك النيل .. زفاف
حرقت ليك الشوق بخور ...
وفرشت ليك الريد .. لحاف
لا السكة بيكى بتنتهى
ولا معاك ملّيت طواف
ياريتنى لو أقدر أطولك
وضّاحة يا فجر المشارق ....

[مرسال الشوق]

قلت أرحل ..
أسوق خطواتي من زولاً نسى الإلفة
أهوِّم ليل
أساهر ليل
أتوه من مرفى لي مرفى
ابدل ريد بعد ريدك
عشان يمكن يكون أوفي
رحلت وجيت
في بعدك لقيت
كل الأرض منفى
عيونك زي سحاب الصيف تجافي بلاد وتسقي بلاد
وزي فرحاً يشيل مني الشقا ويزداد
وزي كلمات بتتأوّه.. تتوه لمن يجي الميعاد
وزي عيدا غشاني وفات عاد عمّ البلد أعياد
وزي فرح البعيد العاد
وزي وطناً وكت اشتاقلو برحل ليهو من غير زاد
بدون عينيك بصبح زول بدون ذكرى وبدون ميلاد
رحلت وجيت
في بعدك لقيت
كل الأرض منفى
زمان الفُرقة والتجريح بسِيبُو عشان تشيلو الريح
بسيبو عشان صحيح الذكرى بتّوِّه عمرنا صحيح
وانتِ معايا لا بندم ولا بقضي العمر تبريح
أصلو العمر شوقا ، حزنا كان وصبرا كان فسيح وفسيح
أصلو العمر كان دربا مشيتو كسيح
وكان غرسا سقيتو بكى وقبضت الريح
رحلت وجيت
في بعدك لقيت
كل الأرض منفى

[مرسال الشوق]

عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ
عينيك سفر
مكتوب أعيش فى غربتو
وأعشق عذابو .. وحُرقَتو
وليلو الطويل
وأتخيّلك يا حلوة زى نسمة سحر
جيتى ومعاك .. حلمى المطوِّل منتظر .. وعدو الجميل عشقك زمان .. جوّاى رحل
وإتناهى فى الأعماق .. أمل
ضمخ رؤاى .. إحساس نبيل
أذهل طيوف خاطرى القبيل
.. جاشت ملامحك روعتو
وضجّ السكون .. فى وحشتو
والكان أمل فى عيونى .. لاح
ذوب مدارات فرحة الوهج النضير
المزدهر .. بالإرتياح
فجأة إنحصد قبضة رياح
وسكت الكلام يا حلوة .. فى القول المباح
وغام الصباح .. بعدِك رحل
والكان أمل فى غيم سماك .. أيقنت إنّو عدم بلاك
وإنِّك قدر
وإنّو البيحلم بى عُلاكْ
بختار ظروف أحلاها .. مُر
عينيكى لو تصدق معايا الأمنية
عينيكى .. لو أعرف خِتام الأغنية
بدء الكلام .. والمنتهى .. المستطاب والمشتهى
كل المباهج الفى المواويل .. والغنا
والعاشقيك قلبى .. وأنا
هزتنا فى عينيك تصاوير المنى
يا أمنيات من كم سنة
يا أغنيات كل الأماسى .. المستحيلة .. وممكنة
المستحيل عينيك تهون
البستحيل قلبك .. يخون
ما الغدر ما طبع الوفا
والصدق ما شرط .. إنتفى
وأنا حالى فى بعدك .. كفى
وأنا حالى من بعدك كفاهو ..
المغنى والحب .. والشجن
والوحشة والشوق للوطن
ما العمر قبلك ضاع سدىً
والعمر بعدك أيه يكون
لو يبقى بى حساب الزمن

[مرسال الشوق]

يا مطر عز الحريق يا مصابيح الطريق
يالمراكبية البتجبد
من فك الموج الغريق جينا ليك
والشوق دفرنا يانا شوق روحنا ودمرنا
يالمحطات الحنينى القصرت مشوار
سفرنا ياما شيلك فينى حائم
لا الليالى المخملية لا العمارات
السموامق لا الاسامى الاجنبية تمحى
من عينى ملامحك انت جاى المغربية
داقسى دايشى المغربية وشك
المكبوت مكندك سامسونايتك زمزمية

[مرسال الشوق]

كان نفسى أقولك من زمان
مدسوس سنين
بى الشايلو فى عيني معزّة
وفى القلب
زاملنى زى خاطر الفرح
وكتين يقاسم الهم .. عزا
وكتين مدامعى تكون جِزا
وتفتح مباهج الليل .. ظنون
كان نفسى أقولِّك من زمان
سطوة محاسنك عندى ما كسرة ..جفون
وكت العيون تعبرنى زى خاطر المسا
سطوة محاسنك ما الرخام .. الفى الحري وكت الثغير يفجعنى
بى حرفاً .. قِسا
سطوة محاسنك عندى وكتين كبريائك ينهزم ..
لى طيبتى .. بى لفظة حنان
تنفح قلبى بى رعشة أمان
وكتين شوقى يصبح فى هواك
ليل عزّة
ما بتعرف هوان
كان نفسى أقولك من زمان
عينيك وحاتك غربتى .. وأهلى
وبلادى الفيها ضايع لى زمن
عينيك وحاتك شوقى لى زولاً ولوف
من بعدو ساب عينى .. سهن
وانا كنت داير من زمان
أشرح حكايتى معاك ألف
أحكيك .. وأزيد القول .. إلِفْ
وأتمنى لو قلبك عرف
كان من زمان
من قبل ما فى قلبى يتحكّر
زمان الغربة فى جرح الأسى
من قبل ما حرف الحقيقة الحلوة
.. يتبدل عسى
ويصبح أمانى كسيرة

[مرسال الشوق]

نفسي في داخلك أعاين
أروي روحي وأشوف منابعك
الصحراء في عيني تتواثب جناين
ماخدة صوتك من جداول
وشايلة صورتك من كهارب
مولدا ميدانه حافل
كل ما يصبح تجيهو الناس جحافل
يا سلام
لما تعبري في الشوارع
شوفي كيف الناس تصارع
ناس تطفر وناس تدفر
في البشابي على نجومك
وفى البخب كايس تخومك
وكل زول من عند سلافك
لا لا قال دايرلو كاس
مره طربان شلت صوتك شان اغني
قلت آه ياليل وأه
انت أول.. انت تاني..انت تالت.. انت رابع
نافره زي صيد الخلا
وساقية زي نبع المنابع
وقلتلي غناي خلاص
حلوه عينيك زي صحابي
عنيدة كيف تشبه شريحتين من شبابي
زي عنب طول معتق في الخوابئ
وسمحة زي ما تقول ضيوفا دقو بابي
فرحي بيهم سال ملا حتى الكبابي

[مرسال الشوق]

أبداك من وين
أبداك من وين وفينى منك لسة حاجات
من مخاوف و من شجن
أبداك من وين وظنى إنك فكرة
إعلان الحياة
وانتهاء العوارض والمحن
نفسى ألقاك
وأكون كلى من بعضك
أو بعضى من كلك بدن
داير ألقاك وأوحد دايرة الدم
المسمة بينى بينك والشجن
أبداك من وين
ولا منك أبتديك محل محل
من ياتو منفذ بدخلك
كل المنافذ الفيك سداها المحل
من ياتو شارع بوصلك
كل الدروب معطونة لآخر الوحل
بستبيح كل الشوارع وادخلك
نتلاقى نهدين من تسامى وإشتهى
أبداك من حيث انتهت
عندك خواطر الإنتهاء
من أى قاسم مشترك
أو شبه التشابه بدخلك
أبداك من وين