ياناس ليبيا عـــــــــــــووووووووووووك خلاس ارجعو!!!!

[حزن السنين]

و الله يا جماعة ربنا الغربة هي الغربة بغض النظر اذا كانت في ليبيا او اي دولة اخري اجنبية كانت او عربية و لكن هي دعوة الي العودة

و اخوانا خارج السودان ربنا يرد غربتكم ،،،،،

[الساحل]

كيفك ياستارو انشاء الله تمام انا مقيم فى ليبيا وانشاء الله اقدر اساعدك فى انى القى ليك اخوك واسم حاتم الحاج دة ماغريب على وانشاء الله يكون هو اللى انابعرفو بس عايزك تساعدنى وتدينى معلومات اكتر عنو وعن البلد المقيم فيها فى ليبيا وانشاء الله خير انا عمرى كلو فى ليبيا وبعرف ناس كتير وانشاء الله خير

[الليبي]

والله مشكورين علي البوستات الجميلة وانشاء الله استارو يلاقي اخوه وينوبنا ثواب وينوبكم ثواب برضو

[شاربة توت ولابسة بوت]

يعتبر ناس ليبيا اصحاب الرقم القياسي في سنين الاغتراب !!!!!!!!!! ليه السبب
ياربي البلد سمحة ولا الناس ديل عندهم كجور ولا الحاصل شنو !!!!
ياناس ليبيا عووووووووووووووووووووووووك كفاية غربة ارجعو

والله الناس ظروف ..
وكل واحد وظروفه انا شايفه !!


تشكرات يـ الليبي ..

[ابو الفيض]

والله يا اخوان انا فى ليبيا وحقيقة الواحد يقول كلام مؤلم ولكن يضطر الى قوله وهو انه سلوك الجالية السودانية فى ليبيا مخزى ومخجل جدا وهناك قصص لن يصدقها معظم من لم يعايشها وحتى لا نظلم البعض ليسوا كلهم ولكن الاغلبية ، شىء مخزى وخطير والاكثر خزى وعار موقف السفارة .

[spanisheyes]

والله يا اخ زي ما انت عارف انت كنت هنا وشفت الوضع هنا مريح كيف يمكن دا السبب اللي ما خلانا نرجع لسه وفي ميزة في ليبيا انها ما بتفرق بين الليبي والاجنبي من ناحيه التعليم والصحه وكل شئ وكمان طيبه قلب الشعب الليبي بصراحه انا بحب البلد دي شديـــــد ما بعرف لو رجعت السودان حيكون كيف لاني ما شفتوا ابدا وشكرا

[سودانية100%]

و الله يا اخ spanisheyesكلامك في نوع من الموبالغة .لان انا عايش في ليبيا وناس ليبيا اكتر ناس بيفرقوا بين الليبي و الاجنبي بلى و بيحسدو اي اجنبي احوالو المادية كويسة في ليبيا في ظنهم ان الليبي اولى وبعدا اول ما تمشي تقدم في الجامعة و يعرفو انك اجنبي بتبدا الموماطلة و يطلعو لك الف مشكلة في اورقك.و اسي السنة دي مطلعين روح الاجانب .وفرضين عليهم كل كم شهر يجددو الاقامة بمبالغ ممكن ما تكون في متوفر بعض الناس.و كمان كل اجنبي لازم يدفع عشان يدخل ابنو المدرسة لانو بق مافي مدارس مجانية للاجانب.
وكان دخلت مكان و بدات تتكلم بغير الليبي هتلاقي الناس كلها بتعاين لك و يعملو انهم ما فهمين انت بتقول في شنو و الخخخخخخخخخخخخخخخخخ.
لكن ده ما بيمنع ان ليبيا بلد كويسة للاغتراب و الايام دي بدو يعملو تصليحات فبقت ليبيا رائعة فعلا الواحد يقول ضميره.ولسى ليبيا متوقع لها مستقبل زاهر لانها بتنمي و تطور نفسها بسرعة.

[spanisheyes]

اخت سودانيه ميه الميه البتقولي الدراسه في المدارس بقت بقروش كم سنه في ليبيا قاعده تقري مجانا انتي شخصيا قريتي في المدرسه الليبيه مجانا كتر خيرهم الليبين اما تعالي شوفي مدرسه السودانيه في بنغازي بتدفعي تقريبا اربعميه دينار ولا اكتر يعني شوفي هما بيقروك مجانا وانتي غريبه ومدرستك السودانيه بتقريك بقروش وجيعتم فينا شنو وبعدين الاقامه دي حق الدوله الشرعي يعني احمد ربك انك لسه قاعد بدون اقامه لاكن عيش في اي بلد تاني بلا اقامه يوم بس تلقي روحك رجعوك السودان

[سودانية100%]

اولا انا ما دخلت يوم اي مدرسة ليبية لا خاصة و لا عامة عشان كده ما حاسة بالكرم الزايد الي انت حستوه وبتتكلم عليه.
وكمان مشكلة تجديد الاقامة دي ما صدفتني يوم وما هتصدفني لان الجاين بطريقة صحيحة من البداية ولى كانت طلبهم شركات كبيرة لكفاتم و شطرتم ما بتوجهم مشاكل زي دي.الشركات دي هي البتهتم بكل الاجرات وكمان بتهتم بحاجات اكتر من كده بكتير.
و بعدا اسفين يا شيخ لو اسانا لك ولناسك.

[spanisheyes]

اسفين اخت سودانيه ميه الميه لاني قلت انك درست في مدرسه ليبيه يبقي اكيد درستي في السودانيه واكيد دفعتي قروش بس غيرك كتير سودانين قروفي الليبيه وما يقدرو ينكرو الشئ دا وما حد بيقدر ينكر انو في سودانين هسي حاليا قاعدين في ليبيا بدون اقامات ولا حد سائل فيهم ووحدين جاين بطرق غير شرعيه وبرضو لسه قاعدين والله الناس هنا مرتاحين من ناحيه المعيشه جنيهين بس ممكن تعيشك اليوم كلو وانا ما قلت الكلام دا قاصدة بيو تجريح لاحد لو حسيتي اني زعلتك بالكلام دا يبقي انا اسفه بجد انا بس حبيت اوضح ليش السودانين لسه قاعدين في ليبيا لانو العيشه مريحاهم هنا وانا من المرتاحين بصراحه واتمني انك ما تزعلي مني اختك Spanisheyes

[سودانية100%]

اولا شي انا ااااااااااااااااااااااااااااااااااااااااااسف شديد لاني كنت بكلمك على اسس انك ولد والله انا ما كنت عارفة.
و كمان مرة ما حزرتي انا ما قرات في السودانية.وانا ما كنت بتكلم على الناس الحلتم كويسة في ليبيا انا بتكلم على المساكين الي مهاجرين من بلدم عشان يوفرو لاهليهم حق الاكل و رجعهم اهلم.
عالعموم انا اسفة لو سخنت في الكلام وتاني بقول النقاش لا يفسد للود قضية ولى انا غلطنة.
اسفة مرة تاني يا اختتتتتتتتتتتت سبنشايز
.

[spanisheyes]

خلاص ولا يهمك صافيه لبن واحب اهنيك اقول ليك انو قرار المدارس بي قروش اتلغي خلاص يعني السودانين يرجعو يقروا مجانااااا شفت ولسه تقولي ماطيبين

[سودانية100%]

حليب يا قشطة.بجد بتتكلمي يعني اسي المدارس اكيد رجعت مجانا.و الله مساكين السودانين الرجعو السودان استعجلو ساي.انا متاكدة انهم هيجنو لو عرفو الكلام ده.............يا حيلالم.

[beezd_mon]

بسم الله الرحمن الرحيم
ليبيا بلد انا حسب وجهة نظري بلد منفي بمعني الكلمه وبلد ان كان عندك واحد وعاوز تادبو سفرو ليبيا وان كان عندك واحد بتعزو اهديه ليبيا كانت
زمان برضو الناس بتنكسر نامن يشيلوهم طب العصب وبلد وخيمه وخيمه تعني كل شئ كل شئ كل شئ وصاحب العقل يميز وانتو عارفين كل شئ
وربنا يجمع غربة اي انسان بعيد عن اهلو امو وابوه
والله الوالدين القعده معاهم بالدنيا
وربنا يرد الغربه
ودمساعد

[beezd_mon]

بسم الله الرحمن الرحيم
السلام عليكم ورحمة الله
اي زول في ليبيا والله بتمني يرجع لي اهلو سالم غانم لاكين الناس مصعبه الامور لدرجة يقولك السودان كعب نان القاعدين مش كعبه كعبه شديد وبالمناسبه ليبيا بتخليك اصنج معليش كلامنا دارجي رقم انو قاعدين في ليبيا18 سنه ماشين جاين وبلعكس والله ليبيا لو لميت منها مال قارون والله تمشي السودان وتقعد سنه 100سنه فلوسها مش نافعه مربوط فيها شيطان منحوسه عديل والشئ المئسف بنجري جري الواحد تقول مابخلي فيها قرش وترجع جيبك مهربك وتصبح الصباح مقشط تقشيطه لي تقشيطه اخير اهلنا وبالمناسبه نحن السودانين مابنبالي تقعد 10تقعد20 عادي والحكومه كتر خيرها وبارك الله فيها جابت طيارات ملح وبرضو مابطلعو الا يهينوهن الليبين هو الطرد بعد مايطلعو اولادك من المدارس المفروض يفهموها اولياء الامور وتفهمها الجاليه عشان كدا بتمني من الدوله انو تقطعها مع ليبيا بالذات ناشف مامنهم فائده والحكومه عارفه ومطنشه

ياناس العندو زول في ليبيا يجيه بنفسو او ياخد وصف دقيق انو وين في ليبيا وليبيا كبيره وبلد انكساره بصراحه وبلد وخيمه

[beezd_mon]

بسم الله الرحمن الرحيم
قل ناسها طيبين والله لو مافيك مصلحه مايعدل عليك وناس قالك انسانين والله الانسانيه في درب وهم في درب ناس بتقولو في الكلام ده عشان مامشيتو السودان والله السودان بلد الكرم والانسانيه والله والجود والسودان مشهود له انو حايكون بلد اقتصادي وبلد فيها خيرات الدنيا ياخي والله عندك في ليبيا الواحد بسب امو وابوه وربو ديل ناس تظن فيهم خير
ربنا يمرقنا

[beezd_mon]

سلام
من وين في الدويم بالظبط
من اي منطقه
انت لو من الدويم انا بسال من خالي اسمو السعيد عوض الكريم احمد مساعد
من جعلين سيال كريم الدين شندي وعمري ماشفتو

[احساس الكون]

ياخى والله الحمدلله اى سودانى فى ليبيا يحمد ربه وانا نفتخر انى قاعد فى ليبيا ونعتبر روحى ان ليبيا عندها جميل عليه الى يوم الدين

[الليبي]

يا اخونا اول حاجة كل سنة واتنو طيبين واسف جدا جدا علي طول الغياب ( طبعا في ناس افتكروني زي ناس ليبيا المغتربين ) والله بس ظروف جبارة منعتني من التواصل والله اشكركم جدا جدا علي التفاعل الجيد مع الموضوع واهم شي ان شاء الله ستارو لقى اخوه

[spanisheyes]

دي هي المشكلة اللي في الانسان انو بينكر الجميل في النهاية
السودانين من هنا راكبين الطيارة يقعدو يشتمو في ليبيا والليبين
ليش يعني خلاص عشان ما بقيت محتاج ليها تقعد تشتمها ما لمتك المدة
دي كلهاوحلتك من الضروف الجيت هارب من بلد عشانها
والطيارات البيقولو عليها ملح دي الناس مشت بيها ديك
ليها كلها بتعيط وتبكي لاحكومة ساعدتها لا السودان قدم ليها حاجة
ولا عيالهم دخلو جامعات ولا قرو زاتو الا الناس الحالتها المادية
لابأس بها او عندهم ناس مرتاحين في السودان ونحنا الحمد لله عايشين
معززين مكرمين بكرامتنا ما بنمشي نقعد عالة علي الناس في السودان
مهما كان الجود والكرم حق اهل السودان برضو الانسان كرامتو ما بتسمح
ليو انو يعيش عالة (لو حبيبك عسل ما تلحسو كلو )
واي شخص انا بعرفو مشا بالطيارات دي هسي بيبكي عايز يرجع السبب شنو!!!!!!!
يا جماعة اي زول عايش في بلد غريب يحمد ربو ويشكر البلد اللي ضماهو وعلمو واكلو
شربو ما يشتمو دي صفات اهل كرم ننكر الجميل؟؟؟