برش الفطور ..

[Batta]

الفطوووور وووووصل



اممممم
لو عرفتو لي الشئ المغطية بي الصينية الصغيرة ديك !!؟
بديكم منها .....




تخريمة :
السنة دي حلومر مااافي

وايا:

الفطور عندك,اليوم في ناس فطورم سمبوكسة في الطريق.

الله العالم دا بلح ومبلووووووول ,عشان يلين؟

المهم انا عايزة, ويا فيها يا اطفيها

[waya]

هع هع هع ..

بلح مبلول .. ولا إنتي ريقك ناشف سااااي ؟

غايتو أنا كان في الطريق , صينية زي دي كان ألفها غلط " ما بفوتها "

[الأميرالحب]

والله يا وايا عطشتنا وجوعتنا
خليتنا نطمطق في حلقنا وريقنا جرا وروحنا طلعت
برشك دا لمو عليك وادينا عجاج كرعيك
فخمت والله اعيدو ليك

[waya]

اليوم حااااار ..

ورمضان دخل العضم .. والعطش ربش عويناتي
وجعاااان لمن صويفات بطني قايمات ,,

والأذان ده بس راجيهو بي فارق الصبر وفارق التوقيت ذاتو " يعني لو أذان العصر سمعتو كنتا فطرتا "

كان الشمس اختفت .. والتربيزة اترصت ..
صحن زي الجوكر وحوله جكين مويه واحد ابيض والتاني أحمر " شكلو كردكدي ما اتهنيت بطعمه " وصحين بلحات كده للتحليل

وهووب أذن .. واتناولت بلحه فكيتها زي كرة التنس لي خشمي
كان التلفون يرن ...
رن .. رن .. رن .. لمن قطع " وأنا مطنش "
وتاني .. رن .. رن .. رن .. لمن قطع " وأنا مطنش "
وتالت .. رن .. رن .. رن .. لمن قطع " وأنا مطنش "

عاينت للرقم لقيتو من السعودية .. قلت النرد يمكن زول في الحرم عايز يكشحنا بي دعوة مع الأذان ده
شلت التلفون وطلعتا بره ,,
الو ..
صوت دشن خلاس : أنتا وايا ؟
لا بشبهو !! أي وايا ,, أنتا منو ؟
هع هع هع .. ضحكة الخاين في فيلم هندي لمن يخطف حبيبة البطل بس
أنا الشافو خلوهو ..
طيب .. ما تخليني ابل ريقي بي كباية من الكركدي ده .. وأتم فطوري وأجيك
فطور شنو يا زول .. أنا ماشي على الدوام ,,
طيب أمشي تمشي بطنك ,,
حموما .. أشتغلني ليك سلامات ,, وشئ شمارات .. وشئ وصايا " التقول رايحه ليهو موعظة "
وأخيرا ,, الرصيد قطع " الله يقطع شبطك "
يا ود كبوشية ..
رجعتا لقيت الصحن اتغسل ,, والجككه رجعت لي لونها الطبيعي
وحتى فوطة التربيزة إترفعت " يوم منيل بستين نيلة "
بس بركة السمعنا صوتك الشين ده ..
بالله تاني أضرب لي بعد صلاة الصبح
تضربك برادو موديل 98 " مصدية "
يودوك الطوارئ ما يلقوا ليك خانة فاضية

[ابن عوف]

ههههههههههههه


واحد بلدياتنا عمرو ما صام المهم اول يوم فى رمضان قال الا يصوم اها صاحبنا الجرسة ضربت
يتبلل ويترشرش جرسة شديدة ذى الساعة اربعة فاض بيه طلع عاين للشمس وقال ليها الليلة عدوك دا صام اصلك ما تغيبي

بريش الفطور والذكريات الجميلة

زمان لما كنا فى اللفة من العصير كبكبة يقشو ويرشو محل الفطور ونفرش البروش ونتظر بفارغ الصبر
عشان نكابس باقى المويات

مودتى

[Control 12]

وايا
نفضت البرش ونضفت مكانه


وكل سنة وجميع رواد الراكوبة بخير

[بت السرف]

كل سنة والجميع تامين ولامين





تسلم كنترول 12 على تجهيز البرش

باقى حوش ودابنعوف داير لــ زول يجهزو كمااان .

[kaydoo]

اها العازمنا فطور منو اليوم

[فائزة]

كل عام وانتم بخير
تحياتي للجميع

[waya]

[grade="00008b ff6347 008000 4b0082"]

سلام جاكم يا رواكيب
ورمضان كريم
وكل عام وبرشكم عامر " يجازي محنك يا فائزة , هسي الكباية الصفيراء دي عملت لي زغلله بطنية وجففان في الغدد الحلقية ... براي عطشان التقول متسحر بي طحنية !!




[/grade]
[/align]

[بت السرف]

[grade="00008b ff6347 008000 4b0082"]

سلام جاكم يا رواكيب
ورمضان كريم






[/grade]
[/align]

الله اكرم وكل سنة وانت طيب
نورت الراكوبة والمنتدياات المجاورة
ان شاءالله اخر الغيبااات

[نهر المحبه]

باقي للاذان ومد البروش 6 ساعات بتوقيت السودان

[ابن عوف]

اها الاذان الساعة كم

الفطور شنو المرة دى

منو البقش ويرش







وكل سنة وانتو طيبين

[waya]

لا حولا .... البرش ده نفضتو من وين " مترب شديد خلاس "

كل سنة وانتو طيبين بمناسبة رمضان
وان شاء الله السنة دي عايزين برامج رمضانية
وعايزين البرش يرجع لسابق عهده

[مرسال الشوق]

اها الاذان الساعة كم

الفطور شنو المرة دى

منو البقش ويرش







وكل سنة وانتو طيبين

وانت طيب

ذكرتنا رمضان ف السودان والبرش والترشرش بالموية
والفطور بره السهلة ولمة الناس الحلوة

هنا رمضان جاء رمضان فات

لا حلو مر لا كركدي لابليلة لا عصيدة

وحتي العصيدة بنمشي نجيبة من بعيد والواحد لدرجة مامشتاق ليها شديد
يقرب ياكلها مع اذان العصر

[waya]

وحتي العصيدة بنمشي نجيبة من بعيد والواحد لدرجة مامشتاق ليها شديد
يقرب ياكلها مع اذان العصر

ده ما شوق ..
.
.
.
.
.
دي جررررررسه

[ابن عوف]

لا حولا .... البرش ده نفضتو من وين " مترب شديد خلاس "

كل سنة وانتو طيبين بمناسبة رمضان
وان شاء الله السنة دي عايزين برامج رمضانية
وعايزين البرش يرجع لسابق عهده

وانت بالف خير
والله لقيتو مركون فى القاطوع جمب سحارة الحاجة
عايزين ذكريات جامدة ورمضان فى السودان
ان شاء الله يكون برنامج ولا اغانى اغاني زاتووو

[ابن عوف]

وانت طيب

ذكرتنا رمضان ف السودان والبرش والترشرش بالموية
والفطور بره السهلة ولمة الناس الحلوة

هنا رمضان جاء رمضان فات

لا حلو مر لا كركدي لابليلة لا عصيدة

وحتي العصيدة بنمشي نجيبة من بعيد والواحد لدرجة مامشتاق ليها شديد
يقرب ياكلها مع اذان العصر

دى سيد جرسة عديل
بتمشى شارع غبيرا

[waya]

حيكون عندنا برنامج جديد " سيرى النور واللمبة عما قريب " بعنوان
"حديث البرش "
وحانستضيفك فيهو ... تحكي لينا ذكرياتك والطرائف والشمارات في المنتدى
بكامل الصراحة والشفافية وكده يعني .. رايك شنو ؟

[ابن عوف]

حيكون عندنا برنامج جديد " سيرى النور واللمبة عما قريب " بعنوان
"حديث البرش "
وحانستضيفك فيهو ... تحكي لينا ذكرياتك والطرائف والشمارات في المنتدى
بكامل الصراحة والشفافية وكده يعني .. رايك شنو ؟

فكرة حلوة
ومية مية وظابط
وان شاء الله دائما لامين وتامين
ورمضان يجمعنا شفت كيف