حشمة السودانيات

[lolaaa]

سلاااااااااااااام
ياجماعة انا عايزة رايكم في موضوع صراحة مخجل
يعني احنا السودانين او بالاحرى السودانيات هنا في الغربة معروفين بالحشمة والادب مش زي بعض الدول لكن اليومين دي طالعة علينا بعض القنوات السودانية بفنانات ولبس صراحة مابيعكس الشي دة
واحنا هنا بقينا لمن نفتح القنوات دي قدام اي واحد من خارج السودان يقول معقولة دي سودانية

[الماكر]

عارفا يا اختى الشى الى بنشوفو فى قناوتنا شى مخجل بس لسة نحن محافظين جدا على التلفزيون وركزى معايا على التلفيزيون وبس

[lolaaa]

الماكر مشكوووور على المرور وفعلا زي ماقلتة الواقع حاجة تانية
نقول شنو بس ربنا يهدي الجميع

[الطود الشامخ]

السلام عليكم
بصراحة كلامك في محلو والله يديك العافية على الكلام الجميل دا انحنا السودنيين معروفين بالحشمة والخجل لاكين الواقع بقا بيعكس صورة ما جميلة عننا كسودانيين مثلا في الجامعات والاماكن العامة بقو البنات الله يهديهم يلبسو لبس غير لائق بيها كمسلمة اولا وكسودانية اصيلة ثانيا وكلامي دا ما للجميع طبعا لاكين المشكلة كل ماليها قعد تكبر اكتر والقنوات بقت تعلن الشي دا بكل جراة وكانها بتفتخر بالمستو الما كويس اللي وصل ليهو بعض افراد مجتمعنا للاسف بدل ما يفتشو حل للمشكلة بقو هم جزء من المشكلة والعجيب في الموضوع انو في ناس قايلين انو دي حضارة وتقدم يعني اذا شافو وحدة لابسة وسيع او منقبة قالو متخلفة للاسف ...( وانا بضم صوتي ليصوتك يالولا ) والله يديك العافية علي الموضوع المهم ..

[lolaaa]

الطود الشامخ مشكوور على المرور بس تفتكروا الحل شنو

[هايم بعيد ومشتاق]

فعلاً وكلامك حقيقة والسبب في ذلك الغزو الفكري الذي اصبح الاغلبية العظمي من الشباب والشابات السودانيين بؤمنون به وهنا تكون الدول صاحبت الغزو قد انتصرت والسبب كله من التلفزيون وقنواته

[النيل الابيض]

والله شكرا يا اخت على الموضوع المهم جدا
والله انا شايف انو تلفزيون السودان التلفزيون الوحيد المحتشم فى جميع القنوات
بالنسبة لى حشمة السودانيات لس متمسكين بالعادات والقيم والتقاليد ومراعاة لدينا الاسلام
والسودان ممكن اكتر دولة فيها ناس بتخاف ربها ومعرفين السودانيين اكتر نا بيخافو ربنا وقلبهم طيب

[lolaaa]

اشكر الجميع على المرور
النيل الابيض الكلام اللي قلته صحيح ودة اللي دفعني لطرح الموضوع
لانو فعلا في صور مختلفة بدات تظهر اتمنى انها ماتستمر او تؤثر على الصورة النقية للسودانين

[emadbaan6]

لو بقة الكلام علي القنوات الفضائية ابداً ما مشكلة خلي القنوات تعرض ما تشاء. انتو ياناس ما جايبين خبر و لا شنو ؟ السودانيين و السودانيات للاسف مسالة رموز للعفة و الحشمة دة كان زمان. قبل ايام قابضين علي بت في الامارات عمرها 17 سنة بتحاول تخش مرقص مع واحد اماراتي و حاول يدخلها بي بطاقة التامين علي اساس انها زوجته و تم كشفهم و حكم علي الولد بي ستة شهور و البت بي شهرين و ابعادها(وين الحشمة ). اشهر اوكار الرذيلة في السعودية و الرياض تحديداً بقت اماكن تواجد السودانيين و السودانيات للاسف بقت في بيوت للرذيلة اهلها سودانييييييييييييييييين (و تقولوا لي الحشمة في التلفزيون ). اصبحت علاقات السودانيين بالحبش في الإمارات من المواضيع الساخنة في المجالس و ياما ناس دخلوا لاسجون بي سببها ( و برضو تقولوا القنوات السودانية بقة فيها ظاهرة عدم احتشام ). ! ! ! ! ! !

[بنت دار النيل]

والله الواحد فى الغربة بيقى يخجل يلبس التوب الزمان الواحد يحترموه بس عشان التوب والجلابية

[ريرى]

السلام عليكم ورحمة الله وبركاته تسلمو ياجماعة والله كلامكم صاح 100%نحنا هنا فى الامارات كل يوم بنشوف وبنسمع قصص غريبة عن السودانيات خاصة وبقول السودانيات خاصة لأنو النساء رمز العفاف والستر خاصة النساء السودانيات معروفة بى ادبها وحشمتا وخجلا ودا راجع للتربية لكن الزمن دا بقت النساء بعضهن والقليل منهن يفقدن الحياء والحشمة وهنا البلد جايطة نساء على اطفال على رجال ما فى رقابة ولا زمن للأدب والتربية والرعايةوعلىفكرة اغلب الأماكن المشبوهة مترددنها السودانين مع اننا اكتر ناس محترمين وبنخاف ربنا ومتربيين على الدين لكن دا كلو مشى وين وربنا يحفظ الجميع

[حنضله]

يا لولا وين القنوات دى ؟

[ahmed1994]

الحاجة الوحيدة الكانو بحترمونا بيها زالت (طبعا ما الكل) لكن كان السودانيات
من الحاجة البشتهرو بيها الحشمة والأخلاق وهسع ...

الواقع مرير مرير أشد المرارة