امثال ومصطلحات من لغتنا الدارجه

[abu rawa]

نواصل
المزراق : نوع من الرماح ، وفي العامية السودانية يستعمل الفعل منه (زرَّق) أدخل بعنوة 0 زرَّقها ليهو في الشبكة أي أدخل الكرة في الشبكة
اللبقة : هي الحتة البتدخل الموية من الجدول الرئيسي للمزرعة
الركوة :إناء للماء يشبه الابريق
|البرمندي : مثل الوتد تربط فيه الماشية

[شاربة توت ولابسة بوت]

جميل منك الاخت توت انك تكونى عارفة المصطلحات دى بس لكن اعتقد انه المصطلحات الكتبتيها دى رندوك يعنى مامصطلحات سودانية قديمة من التراث

بصراحة كلا من المصطلحات ان كانت من التراث او رنودك !
مثل ما ذكرت اختى اصيلة ..جديده بالنسبة لي .. وما بعرف اميز بينها
اشكرك صديقتى للتوضيح !
ونأسف على المداخلة الخاطئة

[وكيل عريف]

الاخت توت شكرا ليك

اصيله فعلا دى مصطلحات ناس الشوارع وسميت الراندوق

وحاليا اصبحت تستعمل وسط الشباب بكثره واصلها الشماشه

وهم شريحه كبيره وعريضه فى مجتمعنا

الراندوق ده داير ليهو بوست براهو

وكيل عريف

[شـهد الكلامـ]

بسم الله
والصلاةعلى رسول الله


يطرشنى البوست دا اول مره اشوفووووو


بس والله روعه تسلمووو شباب


من طرف الذاكره كدا
لامن اجيكم بمزااااج


البعرف السونكاب منو:D ؟؟؟

[حافظ عوض الله محمد]

المحويب يعني شنو

دا حبل بربطو بيه البقرة لحظة الحليب ويلف فى ارجل البقرة مع مراعاة ادخال الذيل والا عينك ماتشوف الا النور

[sunni]

شباب،، الله جريتوني جر لي بويتكم ده،، وكدي ما نمشي بعيد وغريق،، وخلونا في حاجات ضحلة كدة ومنتشرة في السودان،، عشان الناس الما عايشوها يعرفوها،، وببدأ ليكم بي حاجات ذات علاقة للتسهيل

المعراكة ،،،،
الطايوق
الكوجان
الزرّيعة
الككر


ومن جانب تاني

الحريرة
الضريرة
السوميته
الجدلة

وبجيكم

[حافظ عوض الله محمد]

المعراكة ،،،،
الطايوق
الكوجان
الزرّيعة
الككر


ومن جانب تاني

الحريرة ( اوعدنا يارب )
الضريرة ( اوعدنا يارب )
السوميته
الجدلة

[sunni]

أشففك يا حافظ؟؟
لمن كتب ود المك وغني وردي أكتوبر الأخضر،، ما سمعتو بيقول

والقيود إنسدلت جدلة عرس في الأيادي

دي مساعدة الصديق،، فاضل ليك الحذف والجماهير

[وكيل عريف]

المعراكة ،،،، البيطحنو بيها الدقيق
الطايوق يستعمل فى العواسه مخ الحيوان
الكوجان ماعرفتو
الزرّيعة زراعة العيش ومن ثم الحلو مر
الككر مابعرفو اتذكرت ده باقى لى كرسى السلاطين


ومن جانب تاني

الحريرة زى ماقال حافظ
الضريرة برضو
السوميته نووووووووووو
الجدلة نووووووو

[وكيل عريف]

السونكاب ماعرفتو اول مره اسمع بيهو


وكيل عريف

[اصيله]

المعراكة ،،،، البيطحنو بيها الدقيق

المعراكة هى قطعة من القماش لمسح صاج الكسرة بقليل من الزيت او الطايوق



المحراكة .... هى البيطحنو بيها العيش ليصبح دقيق

الكوجان ماعرفتو
الزرّيعة زراعة العيش ومن ثم الحلو مر

الكوجان هو عملية تخمير عجين الآبرى


الزريعة :نقوم نبل العيش في مويه وننشلو ( ومعناها نطلعوا من المويه ) ونختو في شوال خيش يكون قي الواطه ونغطيهو بي شوال عيش او كيس بلاستيك ونخليهو ياخد يومين او تلاته حسب المنطقه او لمن يبدأ ينبت والمرحله دي بنقول عليها زرعناهو والزيعة تستخدم فى عمل الآبرى

[بنت دار النيل]

ومن جانب تاني

الحريرة ( اوعدنا يارب )
الضريرة ( اوعدنا يارب )
السوميته
الجدلة[/size][/QUOTE]
الحريرة هى خيوط من الحرير تصبغ بالوان الاحمر والضريرة عبارة عن محلب مسحون وهو عبارة عن حبوب ريحتا حلو والسوميتةحجر اعتقد من انواع الاحجار الكريمة واعتقد انها زرقاء او بالونين الاسود والابيض وتستخدم لجلب الحظوابعاد الشر والحسد الجدلة عبارة عن شعر مستعار من خيوط الحرير الاسوداء توضع على راس العروس بعد تزين الجدلة بالذهب وكل هذه الاشياء تستخدم للعريس والعروس عند الجرتق يوم العرس وبعد العقد والحفلة ان شاء الله تكون معلومتى صحيحة واذا فيها غلط ارجو المعذرة

[ودالدرديري]

شباب

والله أول مرة اشوف البوست دا

لكن مباااالغة

قمة الروعة

بحاول أجيب ليكم حاجات رغم انكم ماخليتو حاجة



حبوبة أصيلة .....

لقيتك ... أكل عليك الدهر وشرب ونام ...


يديكم العافية

ولييييييييييييييييي قداااااااااااااااااااام







و...................الباقي على الله

[اصيله]

حبوبة أصيلة .....

لقيتك ... أكل عليك الدهر وشرب ونام ...

[اصيله]

السحارة :وهي بمثابة دولاب وخزنة مع بعض تلقي فيها السكر والهدوم والقروش وكل حاجه وهي صندوق من الخشب كل ما كبر وكبرت طبلتو كل ماكان اهميتة اكبر






كدا كيف يا الدرديرى

[abu rawa]

نواصل
الطابق البوخة
قام نداه يهتّف
نام من الدوخة
إيدو عاقباهو
والجدلة مملوخة
وفي معالق الجوف
موسو مجلوخة

[اصيله]

نواصل
الطابق البوخة
قام نداه يهتّف
نام من الدوخة
إيدو عاقباهو
والجدلة مملوخة
وفي معالق الجوف
موسو مجلوخة

كان فهمت شى الحس لى مكوة مسخنه

[لحــ غروب ـظة]

النملية : ...............

المصفى : .......................

[abu rawa]

كان فهمت شى الحس لى مكوة مسخنه

دة شنو يا اصلية انا و

ما عندك مشكلة رسليهوا لعناية حافظ أو وكيل عريف وانا متاكد حيشرحوه ليك

[اصيله]

دة شنو يا اصلية انا و

ما عندك مشكلة رسليهوا لعناية حافظ أو وكيل عريف وانا متاكد حيشرحوه ليك

و فيما نسب لسيدنا علي بن أبي طالب رضي الله عنه أنه قال : ثلثي الحكمة مداراة
وقع ليك