المشرف: بانه
ههههههههههههههههههههههههههههههههههههطلال الحكيم كتب:سمع (فضل السيد) باب بيته (الكائن في أقصى القرية) يطرق بقوة وعنف غير مسبوق
وكان في تلك الأثناء يتناول إفطاره الدسم في ظله البارد
قام ببطء وهو يدفع أمامه بطنه الأكرش ويجر جسد الضخم .. كان يمشي ببطء ويتكلم ببطء ويفعل كل شيء ببطء مبالغ فيه
اخيرا وصل للباب وفتحه ليجد ود الجاك شاحب الوجه متعكر المزاج منكوش الشعر حاد النظرات .. لم يره في هذه الحالة من قبل ولم يكن قد سمع بموضوع الغنماية السعرانة بعد ...فقال ود الجاك دون سلام أو أي كلام:
- إنت شربت شاي بلبن ؟
- آآآووو ... ود الجاك .. إتفضل ياخ
- إنت شربت شاي بلبن ؟
- كدي خش جوا البيت ... وشنو حكاية الشاي دي؟
فقال بعصبية :
- يا فضل السيد إنت شربت شاي بلبن ؟
- آآآي شربت قبيييييل ... هسه نحن في الفطور تعال والله الليلة عاملين قراصة بالدمعة حاجة كاربة شديد... تعــ ...
صاح ود الجاك بقوة :
- ياخي أنت شربت شاي بلبن أمبارح في بيتنا ؟
وجم فضل السيد ثم قال بطريقته البطيئة التي تثير حفيظة ود الجاك :
- في شنو يا ود الجاك ... ما فاهم شي ... وإنت مالك عامل كده؟
- ياخي ما تعذبني .. إنت شربت شاي بلبن ؟
- وين؟
- في بيتنا
- أمس يعني ؟
- أحححححح ........آآآآي
- في الحفلة قصدك؟
- يا زول ما تتكلم .. أنا عايز إجابة سريعة
أخذ فضل السيد يلعق أصابعه الغارقة في الدمعة وينظر للسماء في محاولة للتذكر وأخيرا قال وهو يتبسم:
- آي شربت ... شربت تلاااااتة كبابي كمان ... والله الشاي كان ظابط بصورة ما طبيعية
- تلاتة كبابي يا الطفس يا الشرفان يالخمجان ؟...خلاس ألحق نفسك وأجري للمستشفى وشيل معاك 21 حقنة سعر إنطعنهم في صرتك الغاتسة دي ..
ثم نظر إلى كرشه الضخم فأستدرك قائلا :
- ولأ أقول ليك شيل معاك 42 حقنة الـ 21 مااااا أظنهم يكفو
- الحاصل شنو يعني؟
- إنت سعران يا فضل السيد إنت سعران
- سعران ؟ القال ليك منو سعران؟
وضحك ضحكة مجلجلة مصحوبة بكحة فقال ود الجاك :
- إنت هسه بتضحك ولأ بتنبح ؟.. باقي لي دمك نضيف وعروقك مفتوحة ... السعر بكون إشتغل معاك من أمس .
- سعر شنو يا ود الجاك؟
- إنت سعران يا فضل السيد صدقني والله العظيم إنت سعرااااااااااننننننن
- ليه ؟ شايفني عاضيني كلب؟
- لا وحاتك ... إنت الكلب بقدر عليك عاد ؟.. علي الطلاق التمساح بخاف منك
- طيب شنو؟
- ياخوي الغنماية الـ طفحت أنت من لبنها 3 كبابي إتلقت سعرانة .. أمشي إنطعن أحسن ليك
ثم إنصرف منه وهو يتمتم :
- أقعد ورجغ لي كدي لحدي ما يرصِصوك .. أريتو كان رصصوك وريحونا منك
******
صادفت حادثة (الغنماية السعرانة) هذه ... أيام أنتشار وباء الملاريا .. وكانت المستشفى كظيظة بمرضى الملاريا (دربات ونقالات وإغماءات وحُمى طالعة في الروسين) وحالة صعبة
وفي ساعة واحدة أحاط بالتمرجي الذي يكتب أسماء المرضى قبل عرضهم على الطبيب .. أكثر من مائتي حالة ما بين ملاريا وحقن سعر ..
ذهل التمرجي وبدأ يسأل عن هذه الهجمة الشرسة لمرضى السعر ... وهل هاجت الكلاب فجأة في القرية وعضدت كل الناس .. أم ماذا حدث .. فأخبروه بقصة الغنماية المسعورة
وعندما ضاق الخناق عليه وإختلط الحابل بالنابل فقد أعصابه وطار عقله ... فوقف على الطربيزة وصاح في جمهور المرضى قائلا وكأنه خطيب الجمعة وهو يؤشر بكلتا يديه :
(يا ناس .. الفوضى دي ما بتنفع معاي .. أحفظو النظام ... كده ما ح نعرف نشتغل .. بالله ناس الملاريا يجو يقيفو لي بـي جاي ... وناس الغنماية بي جاي)........
عزيزي القارئ الكريم ... (إنت شربت شاي بلبن؟)
رد: حــرف جـر
mihrab كتب:ههههههههه سرد رائع رائع
كالعادة يااخي طلال
انا غيتو انا شربت شايات بلبن بس ماعارفة من نفس نسل الغنماية يك ولالا
الله يستر غيتو هههه
المهم اللهم احمنا واشفي مرضانا يارب العالمين
control 7 كتب:ههههههههههههههههههههه طلال الحكيم تسلم كتير كالعاده دائما رائع
والله اضحكتنا في لحظه محتاجين فيها للضحك وتخيلنا معاك ودالجاك
وكيف كان حال بس شكلنا حنقاطع لبن الغنم خوفا على الصحه
بعد الزمن كتب:هههههههههههههههههههههههههههههههههههه
طلال الله يديك العافية
نهر المحبه كتب:ههههههههههههههههههه
بارك الله فيك اخ طلال وبعث بالسعاده في قلبك اينما حللتبمقدار ماتسعدنا دوما بكتابك..
محسية كتب:هههههههههههههههه
سرد رائع ومميز كعادتك يا طلال
كتاباتك مميزة دوما
متااابعة معاك
تحياااااااااتى
أدروب خرطومي كتب:أرسم الإبتسامة على شفاهنا
وليبقى لنا الدرس
أدروب خرطومي كتب:
طلالنا الرائع سلمت يداك
الماسة الخماسية كتب:طلال جانب جديد علينا من شخصيتك ...
وما أحلى المرح يزجيه لنا شخص ذو عمقمزيج مدهش من الإحساس بالمسئولية والتندر على الحال الصعبراقنى ما كتبت وأبهجنى ،، رغم أنى لم أكمل بعد ..لى عودة لحرفك .
طلال الحكيم كتب:
واليوم ........
أصاب الخرف (المتأخر) حاجة العينة فأمست لا تعرف أحدا ...
وأصاب الخرف (المبكر) كثيرا من الرجال فصاروا لا يذكرون شيء ...
وهناك عقول تم (تخريفها ) وتخويفها قسرا وقهرا ...
وأخرى رضت طوعا بالتخريف وحبا ً في التخاريف .
لا حول ولاقوه الا بالله العلي العظيمطلال الحكيم كتب:اليوم توفيت حاجة العينة ... ربنا يجعل مثواها الجنة .
هي السودانيه كتب:لا حول ولاقوه الا بالله العلي العظيموالدوام لله وماباقي الاو جه اللهربنا يرحمها ويغفر لها ويسكنهافسيح جناتهوالعمر الطويل لك اخي حكيموسبحان الله كل مره اكون عايزه اسالكعنها اذا كانت بخير وعافيهولكن اتت اراده الله التي فوق كل شيوالحمدلله علي مااراد اللهوان شاء الله البركه فيكم
لو البتكلم مجنون [/align]طلال الحكيم كتب:أم روابة تعاني ...الحزن يملأ النفوس ... وشيء من غيظ وكثير من حنق
وطني بعد أن صار نصفا عجزنا حتى عن حماية باقي جسده المتهالك
أخبار أبدا لا تسر ... بل تثير كل كوامن الألم وبواعث الحزن على وطنٍ ينزف من كل جانب
وكالعادة التعليق يعلمك الصبر أكثر من صوم رمضان
وهذا هو
http://www.youtube.com/watch?v=8u3j00ya ... e=youtu.beيقول : تسللت هذه القوات عبر المسالك الوعرة .... طيب إنتو قاعدين وين ؟ إنتو دكاترة يعني ؟مستفيدة من الغطاء الذي توفره طبيعة المنطقة ......... طيب إنتو ما بتستفيدو منو ليه ؟أما (لقطة العدد) فكانت هذه الجملة :
حيث تصدت لهم قواتنا وأحدثت فيهم خسائر في الأرواح والمعدات غير أنهم واصلو تقدمهم ..!!!!كيف بالله يكونو واصلو تقدمهم بعد ما تصدت لهم القوات المسلحة ؟؟؟ واصلوا تقدمهم (بـ النية) يعني ؟وإحتلو (الله كريم) و(أم روابة) ونهبوها .. والمعاركة جارية ... وبرضو (وقد تصدت لهم القوات المسلحة) !!الناس دي بتحارب فعلا ولأ بتلعب شطرنج ؟؟!!
وطني لو شغلت بالخلد عنه نازعتني إليه في الخلد نفسياللهم الصبر والأمن من عندك
قادر يا كريم
شذي زهر كتب:لو البتكلم مجنون [/align]البستمع عاقلفعلا حكومتنا دي مره بتقول كلام بغيظ(رغم اني مالي في السياسه وكلام السياسه)بذكر مره ايام ضربه الخليل في امدرمان ....الايام ديك كان اللواء ولا الفريق مش عارفه ( محمد نجيب ) تولي قياده مدير عام قوات الشرطه (حديثا) اول سؤال وجه لههو كيف تم دخول هؤلاء المرتزقه الي السودان.............ببساطه قال ليهم عبر الحدود(ياربي حرس الحدود ديل ...اليوم داك كانو وين؟؟؟؟)
