بنك النكات

[ودكمال]

واحد اشترى من واحد حمير واتفق معاهو القروش فى حش التمر ولما
جا حش التمر الزول ماجاب القروش وبقى يزوغ من صاحب الحمير
ومره فى مناسبة زواج وفى اثناء المناسبه جا خبر انو اخو الاشترى الحمير مات ولسع ماكان عندو خبر انو اخوهو مات وفجأة لاقاهو صاحب الحمير وشال معاهو الفاتحه وداك طبعا شال الفاتحه وداير يزوغ سريع وما عارف اخـوهو مات وبعد شويه ركبو فى البوكسى ماشين البكى وقاموا نادوهو : انت ماماشى بكى اخوك ؟
قال لهم : هو اخوى مات ؟
نط صاحب الحمير وقال له :

نان الفاتحه الشلتها معاك قبيل قايلنى شـــــلتها فى حميرى؟
رباطابي شغال عسكري مرور ..

حصل حادث حركة لي بص والبص اتقلب ... الرباطابي رسلوهو محل الحادث .. لقى الركاب كلهم ماتوا ... ما فضل غير راكب واحد حي ..
الرباطابي قال ليهو : أها يا الصندوق الأسود .. الحادث دا حصل كيف ؟

قالوفي واحد راكب في المواصلات بعدين في بنية سميحة جات ركبت في المقاعدالامامية فبقي يقول يارب شكها ... يارب شكها .. يارب شكها والزول الجنبوزهجان منو فجأة البص اتقلب كل الناس طلعو نصاح الا هو مات فقام الزول الكانجنبو قاليهو: أها شكوها وطلعوك بايظ

احد بوصف لي واحد بيت عزابة قال ليهو-

تخش بشارع المخبز (التركي) تلقى ليك محل بتاع حلويات (شامية).....تمشي طوالي بلاقيك حلاق (فلسطيني).... جنبو بتاع سباكة (بنغالي)....... و في الركن بتاع سراميك (باكستاني)...أول شارع تدخل بيه تلقى بيت ساكنين فيه عمال (هنود) تخليه.....بعده بتلقى عمارة ساكنين فيها لعيبة كورة (نيجيريين).....تلف على يدك الشمال تلقى محل شيشة (مصريين) و قدامو في عمال (صينيين) قعد يحفرو في مجاري ... و بعدين بتلاقيك شجرة تحتها ست شاى(حبشية) وقدامها بيت فيهو عطالة (سودانيين)... ياهو دا بيت العزابة

[waya]

ههههههههههههه ... حلوة منك ,,

تشكراتي

[ربوه]

هههههههههههههه مشكور ع النكات الحلوه

[ودكمال]

عاطر تحياتي لكم جميعا

[حيرهم هدوئي]

ههههه نايس يسلمو