مجادعة مع الشاعر لبيب

[العمرابى]

مرحبتين يا اللبيب سيف السيوف من جـَم
ومرحبتين حباب صخر الفيـافى الصّم
ومرحبتين حباب كُل المعــــاك مـُتــلم

وابقى واصل

[الأمير حسن مختار]

الأخ المبدع الشاعر لبيب
قادمون بإذن الله أنا والنصيح حديدو والسوداني الأصيل لكي نخلق جواً من المجادعات الشريفة لإضفاء نهكة جديدة على منتدانا العامر بالمبدعين..

[لبيب]

حبابكم قدر ماتشتهوا والله

[waya]

محظوظ القمح في لونه يشبه لونــك
ويا بخت القمر الضوا يوم في كونك
يتسامى الفريد الحبو مالي عيونك
محسوبة في البنوت مع إنهن دونك

[العمرابى]

بَريـــــده لأنهــــــــــــا أجمـــل خِلقــه فــى رَسِمــــا
وبَــريد فى جاهــــا كُــل السَمُـــو بــى إسمــــــــــا
دى مـن يـوم مـا سَطـــع بـــان فــى البلد نجِمـَــــا
شـــــــــالت عقـــــلى دقـــــت فـــى القلـِيب خِتمـــا

[لبيب]

مربوع القوام الطرفو سهم جارح
شوقو على الدوام في قلبي جامع وطارح
الخلاني اهيم في حبو دايما سارح
حالي كلامو يوم قيل معاي البارح

[waya]

جات مارهـ تتمايل فريع البـــانه
القلب إتنطر وحلف اليمين بأمانه
من حواء الزمان ما شفت لي إنسانه
خلتني أقول غيرها الحريم طلقانه

[يعقوب محمد عبد القادر]

سلاااام يا لبيب يا أخوي انا جايكم ضيف
من كردفان الغرة الفيها أجمل صيف
شعرك لامي جميع الوان الطيف
شعرك جميل رائع وانت ظريف

[لبيب]

[align=center]مرحب بكل الحضور مرة تانية



يا القاسمتي جدي الريل وزاحمتيهو
في صدو ونفورو وفي دلالو وتيهو
وا لاني الأنين وجفاي واليتيهو
بعد الفرقة شلتي فؤادي شلينيهو [/align]

[waya]

يا القاسمتي جدي الريل وزاحمتيهو
في صدو ونفورو وفي دلالو وتيهو
وا لاني الأنين وجفاي واليتيهو

بعد الفرقة شلتي فؤادي شلينيهو

يا القاسمتي القمر في بهاءهو ولونو
وزاحمتي الشمس مركز سماهو وكونو
معذور القليب لو تاهـ وزاد في جنونو
مــا كل البنات دايرنك " إنتي " يكونو

[الأمير حسن مختار]

ليك يا لبيب فخور يا ملك المجادعة
قمراً بضوءك الأمكان كلها ساطعة
نظم شعرك جميل ما فيه كلام ومنازعة
سهل الفهم ما هو صعيب ولا في مقارعة

[waya]

فـلس وسخـــانه ســــلـخت علـيّ الجـته
وكـــفران عددديل مــن ضــراوة الحــته
يا ربي الحلول ولازمن اشوف لي خِطة
قبــال مـــا تجي المُهرة أم ضفايرا سته

[لبيب]

شوقو رزم على قلبي الحنين خت
من فارقتو والتني الهوايل شتى
خبرو معاي بدري نسيم غرامو انبت
و انا من غير هواو تب مابكون البتة

[waya]

هبت رياح الشوق صفق الامل اتحتا

يا الفي بعادك نار خلت قلوب تتفتا

يا بلسم الازمان الفي الجروح تتختا

أنجدني باللقيا وهات من حنانك حته

[ابو الملكات]

نحنا يا نا انحنا كل الشعوب بتعرفنا
لو قلت الكرم شيمتنا وان جيت للشجاعة حقتنا

[الأميرالحب]

اولاد الذمن مياعه وسلامن هاي
ياهو آخر الذمن دام الوداع باي باي
ياحليل الضحك الصبح تهي وهههاي
الـــــــواحد كبير يجعر يقولك واااي
مابقهرني غير الولد البقولك آآي
يتفصح كمان ياعمو قبل جآآآي
يتجلبط كريم وفي الدرب تاتآآي
ماتفرزو الجني يا خلي من إنتآي

[mis.silent]

شوقو رزم على قلبي الحنين خت
من فارقتو والتني الهوايل شتى
خبرو معاي بدري نسيم غرامو انبت
و انا من غير هواو تب مابكون البتة

يـــاااااســلااااااااام عــلـيك يارااااائع

[mis.silent]

فـلس وسخـــانه ســــلـخت علـيّ الجـته
وكـــفران عددديل مــن ضــراوة الحــته
يا ربي الحلول ولازمن اشوف لي خِطة
قبــال مـــا تجي المُهرة أم ضفايرا سته

ههههههه السخانة هينة الكلام الفلس

أسلفك ؟

[الأميرالحب]

ان بسمت سناها بيذهب اﻻبصااار
وان قدلت مشيها الروعه واﻻبهااار
الخﻼ القلب مطلوق عليهو حرحار
قعادا القااسي بي ياااالله يااااستار
.

[waya]

ههههههه السخانة هينة الكلام الفلس

أسلفك ؟

ههههههههه ... الفلاس ما بندار ... وكان سلفتيني أدعي ليك ليل ونهار

ان بسمت سناها بيذهب اﻻبصااار

وان قدلت مشيها الروعه واﻻبهااار
الخﻼ القلب مطلوق عليهو حرحار
قعادا القااسي بي ياااالله يااااستار

.

في اول صباح الدنيا جات تتبسم
هلت إنشراح والشوق عليها موسم
شفت الجمال الخلقو الله إتجسم
في الوجه المدور والجسيم الخثم

من قاموس المعاني :
خثم , بمعنى عريض
يقال خثم خف الناقة : أي استدار وإنبسط