للكبار فقــــــــــــط (الحياه فى الريف )

[dream-lady]

هههههههههههههههه

غايتو النسوان ديل غير المصايب ما بجيبن شئ

عملن شنو عليك الله


كدي اختصري لي القصة يدي واجعاني

[نهر المحبه]

يا اصيل بالجد موضوع جميل وحياة الريف أجمل حياة...

عشان كده لاحظت أغلب الناس بالذات البجو من المناطق الزراعيه

ماقاعد يعجبهم جو الخرطوم والعيشه في الخرطوم

[بانه]

موضوع رائع يديك العافيه

[العمرابى]

يديك العافية
انا حايم بجمبك بس مابتقول ندى الزول ده زكاة العيش والا الكرامة
والا حق المطر مافية زكاة هو
تحضرو دايم ان شاء الله

[محمد المبارك ابوبكر]

سودانى واصيل تحياتى وموضوعك سمح بالحيل
لكن بدور اسعلك بتسقى الحواشة ناكوسي ولة مويت ترعتكم سمحة
وبعدين الشلابى زرعتهن شنو ؟ عدسى ؟ ولة شتن تانى ؟
وإن شاء اللة يكون النمرة الان نجى نساعدك فى الحصاد ونحرق الفول
عشان نجى نشتت معاك الملح

[السودانى الاصيل]

[align=center]تسلمو يا شباب على المرور الجميل واهلا بيكم ومرحبا

القادم اجمل ونتشرف بمروركم ومشاركاتكم[/align]

[السودانى الاصيل]

[align=center]طيب الناس زرعت وحصدت العيش والقصب للبقر والغنم فى راس الراكوبه
والويكه لقطنها النسوان وشروها تنشف وبعدا ادقوها

فى حاجه اسما ( ام بليل ) الامات الاتنين مفخمات

دى راس القصبه تقطعا بى موس وتعنل فتحات زى الفلاوت
وليها نغمات جميله

ومن القصب بنعمل النظارات نحن الاطفال لينا فتيات وابداع من القصب
رغم انو مرات بننجلد بى سببو

كمان العنكوليب _زى قصب السكر لكن اقل حجم وطعم سكرو شويه[/align]

[السودانى الاصيل]

[align=center][align=center][/align]


هذه الصوره تمهيد وارجاع للذاكره الشجيه للمدارس والتلاميذ والرداء والقميص والشنطه حقة
القماش والاستاذ والطبشيره

اخدكم فى سياحه مع المدارس ويا ريت البتذكر موقف احكى [/align]

[السودانى الاصيل]

[align=center]اولى _ تانيه _ تالته _ رابعه _ خامسه _ سادسه بس مافى سابعه ولا تامنه

الزى الرداء وقميص ابيض اوول يوم فى السنه وقبلها يعنى برسلو شباب الحله
اكبوا تراب فى راس الفصول والشقوق اليسوهن بى اسمنت

واجيروا المدرسه

اليوم الاول نظافه فى طلاب كتااااااااار بغيبوا اليوم الاول ( الليله نظافه عامه )

تانى يوم الكنب وبرضو مافى شئ

الايام الجايه بقسموا الكراسات ( كراس حساب _ كراس عربى )

وبعدا الكتب



المطالعه الابتدائيه وكتابى الاول وكتابى التانى

ناس اولى وتانيه عندهم

بدر وامل

وبدر والبقر

انا ولد
وانت ولد

وذكريات شجيه للتلاميذ فى ذلك الزمن

[/align]

[السودانى الاصيل]

[align=center]


التلاميذ من الصباح بكونوا قاعدين فى ( الدفويه) منتظرين الجرس اضرب
والشايل هم ما عندو قلم والبرايه والاستيكه والمسطره

والخايف امس ما صحح التمرين
والما حفظ الجدول
الليله قالوا فى تسميع _ هاك سممع لى دى

وكل واحد عندو مشكله
فى البكون الردا وسخان وفى الشعرو كتير ما حلق
وامس قالوا ليهو تجى حالق

الطابور ونشيد العلم

صفا
انتباه
وبرنامج الصباح كل يوم على فصل

[/align]

[السودانى الاصيل]

[align=center]نماذج للاناشيد فى تلك الايام

السنة الأولى : غنمى ترعى طول اليوم ... وهى شبعى ...طول اليوم ...
السنة الثانية: أنظر أخى للنهر ..... فيه المياه تجرى .
تجرى على استمرار ..... بالليل والنهار.
وكلما أمرُّ .......... أسمعها تخرُّ.
كأنها تغنى ........ بنغمٍ ولحنٍ.
فهى لنا حياةٌ .....من خيرها نقتاتُ.
السنة الثالثة :
رأى الغراب جبنة فى دار..... لبعض قوم من ذوى اليسار
فسل منها قطعة وطار........... كأنه قد ملك الأمارة
وحينما حط على أحد الشجر ......رآه ثعلب فأحدق النظر .
فقال له يا محسن الغناء ........ ويا مخجل الطيور والظباء.
لى سنة أطلب ان أراك ...... لأسمع الجميل من غناءك .
فإمتثل الغراب لقول الثعلب .... وصار يشدو بالغناء المطرب .
فأوقع الجبنة من منقاره ...... غنيمة باردة لجاره ....
فأمسكها الثعلب وإنتشلها .... بفمه ......بعد ان أكلها ..
قال له يا غراب ما ظلمتك .... لكن بمثل ما عاملت قد عاملتك.
والمال لا يخرج من كف الفتى .... إلا من الباب الذى منه أتى .

وفى السنة الرابعة : منقو لا عاش من يفصلنا .
ويبدوا ان دعوة المؤلف لم يستجاب لها بدليل إنه لليوم لم يدخر الخواجات وسعا ولا حيلة ولا مكيدة لفصل جنوب السودان عن شماله.
وفى السنة الخامسة :

أنا لن أعيش مشردا ... أن لن أظل مقيدا
انا صاحب الحقل الكبير .... وصانع منه الغدا
انا ثورة كبرى تزمجر .... بالعواصف والردى .
انا نازح دارى هناك ... وكرمتى والمنتدى ..
وطنى هناك .... ولن أظل بغيره متشردا.
سأعيده وأعيده .... وطنا عزيزا سيدا .
سأزلزل الدنيا ... غدا وأسير جيشا أوحدا
لى موعد فى موطنى .... هيهات انسى الموعدا



وتمر بالسنة السادسة : لتجد النخلة الحمقاء التى خاطبت نفسها بأن كيف لا تقصر على نفسها عوارضها ويبقى لغيرها الظل والثمر؟ ... وظلت عارية عند مجى الموسم كأنها وتد فى الأرض أو حجر ....فلم يطق صاحب البستان رؤيتها فأجتثها فهوت فى النار تستعر ... والحكمة هنا .... ومن لم يسخو ... بما تسخو الحياه به..... فإنه جاهل بالحرص ينتحر..[/align]

[القلب الملك]

[align=center]شكرا للمرور والله انا ما قايل موضوعى بعجب زول ولا القا زول اقراهو

لكن قلت اكتبو لانو فى نفسى وبس

شجعتونى بتم ليكم الموضوع[/align]

موضوعك جميل والله

وممتع

استمر في حكاويك ،،،

[السودانى الاصيل]

[السودانى الاصيل]

[align=center]جرس الفطور لمن اضرب جرى على السندوتشات والحاجات

والداردمه تنقط فى القميص الابيض

والحبر والمحبره وتشيل قلمك وتحوم

ادينى نقطة حبر

انقط ليك

الشفع الابواتم مرطبين بكون عندهم قلم ابو سهم

دا احسن نوع وبدل على انو سيدو اهلو مرطبين[/align]

[القلب الملك]

ورقة الامتحان يا أصيل كنا بنكتب في جوانبا

يا رب النجاح في كل صباح


***

تبقى اللوري الماشي الصعيد

[السودانى الاصيل]

ورقة الامتحان يا أصيل كنا بنكتب في جوانبا

يا رب النجاح في كل صباح


***

تبقى اللوري الماشي الصعيد

[align=center]
ههههههههههههههههه ما مشيت للشيخ اعزم ليك فى القلم

ولا ربطت ليك حتة قماش من راية الفكى

هههههههههههههههههههههههه

واحد قريبنا لقا الاولاد ماشين لى شيخ محمد
قال ليهم ماشين وين

قالوا ليهو عايزين الشيخ اعزم لينا ننجح

قال ليهم الشيخ دا امتحن تلاته مرات ما نجح[/align]

[القلب الملك]

[align=center]

قال ليهم الشيخ دا امتحن تلاته مرات ما نجح[/align]

بستغرب في الناس البدو القلم للشيخ

كأن القلم حيكتب براهو

[أدروب خرطومي]

موضوع جميل وشيق
ذكريات حلوة
في انتظار القادم

[السودانى الاصيل]

[align=center]فاطنة عندها اخوها اسمو محمد كان بجيها من الزراعة بالليل بدق الباب ويقول بصوت حلو كالغناء : فاطنة ! يا فاطنة انا مو حومد اخوكى البغديكى و البعشيكى اقوم بالليل اغطيكى افتحى لى الباب!!!
وتفتح له يخش ....
اها مرة قام سمعو ( ود ام بعلو) فبقى يجيها البيت واقول زى مو حومد اخوها عشان تفتح لو ويقوم ياكلا . علا كان صوتو تخين ما زى مو حومد
فاطنة بترد : كر كر حسك حس حمار , حس مو حومد اخوى جرس النجار
ود ام بعلومشى لى الحداد وقالو : يا اما تطرق لى حسى دا والا اكلك , الحداد قالو ما تاكل الفطيسة وما تدردق فى بيوت النمل... المرة الاولى الدمبعلو ما سمع كلامو واكل الفطيسة واتدردق كالعادة فى بيوت النمل..ورجع صوتو تخين وقبيح
الا تانى المرة التانية سمع الكلام...و
قام ود ام بعلو جا لى فاطنة بصوت حلو كالغناء وقالا : فاطنة يا فاطنة !فاطنة انا مو حومد اخوك البغديكى و البعشيكى اقوم بالليل واغطيكى افتحى لى الباب ...
مو حومد قامت فاطنة فتحت لو . لمان ود ام بعلو كان داير ياكلا اتفقت معاهو على أن يتركها..وياكل محمد اخوها خوفا على نفسها ...
ود ام بعلو قالها : لمن مو حومد يجى ويقولك املى الكوز قولى لو ما بقدر عندى وجع راس... انا بستناو جنب الزير عشان آكلو
محمد لمن مشى الزير وكان داير ياكلو ه كورك لى كلابو التلاتة مسميهن ( برمة وبريمة ست البرمات ) وقال برمة يـا بريمة يـا ست البرمات سيدكن اكلو اكلو فقامت الكلاب جن واكلنود ام بعلو
وقالهن دايركن تاكلن لى فاطنة دى ماتخلن فيها الا عضم الرباية ... وتاكلن ولدا برضو وتاكلن الصقر دا برضو ماتخلن فيو الا عضم الرباية!!!!
عضم الرباية : عضم النشوء الذى يتم من خلاله صرف اوامر النمو...والتطور...والبعث يوم الدين
.
الشاهد..أيها الطفل الزمان ( نحنا) : لاتفتح الباب لمن لاتعرف.
الخيانة لايفلح كيدها...
الخوف لايصنع الامان...
الكذب غير منجى.
الجزاء من جنس العمل
لا قيمة اعلى من الاخاء.
لاقيمة للاخاء لو لم يكن فيه فداء.
النظافة والطعام الطيب من حسن القبول.
ود ام بعلو: اسم لكائن خيالى خرافى..يمثل قبح الشر...قبيح المنظر...والرائحة يتغذى على الفطائيس يشبه الحلوف.( الخنزير الاسود البرى).وضيع ينام على بيوت النمل...يجرى كالضبع...يطهر فى الظلام..الصورة تكفى الطفل...لكى يتهيأ لقبول الرسالة...تضامن الاسرة الواحدة مقابل الشر.......!!!!![/align]

[العمرابى]

[align=center]جرس الفطور لمن اضرب جرى على السندوتشات والحاجات

والداردمه تنقط فى القميص الابيض

والحبر والمحبره وتشيل قلمك وتحوم

ادينى نقطة حبر

انقط ليك

الشفع الابواتم مرطبين بكون عندهم قلم ابو سهم

دا احسن نوع وبدل على انو سيدو اهلو مرطبين[/align]

والله انك اصيل
الشمس تشرق من هنا
ابداع وزكريات وبراة تلميذ الابتدائى كان
ارجوك انت توقف قطارك فى هذة المحطة وتزودنا بكلب عبد الجليل والبجعة ووقطتى الصغيرة السميتها سميرة
وفرمل هناء
واستمع
هيهات هيهات لا جن ولا سحره
بقادرين على أن يلحقوا اثره
هذي المنازل قد مرت على عجل
كانها ومضة للبرق مختصره
اسحب الفرملة وهدى السرعة
هذا قطيع من الأغنام ألمحه