سؤال للسودانيين بس ...

[gazali]

السلام عليكم
ياشباب عايزين نعرف اضخم لمة ناس وهيلمانة حصلت في السودان وهردت الناس وجرستهم هل هي كانت في موت محمود ام مصطفي سيد احمد ام وردي ام عثمان حسين ام زيدان ام ... الخ من المشهورين والفنانين

انا في رايي الشخصي انو الموت القطع القلوب وجرس الناس موت المرحوم مصطفي سيد احمد .. وده راي شخصي طبعا

[dream-lady]

كلهم غاليين على قلوبنا
ربنا يغفر ليهم ويرحمهم ويتولاهم برحمته

انا عن نفسي ...اكتر فنان اتأثرت بموته وردي الله يرحمه


بس اتوقع انو اكثر جمهرة حزينة كانت لوفاة محمود عبدالعزيز

[gazali]

وردي اكيد من الفقد الغالي غالي شديد علي البلد بس اظن لانو محمود لسا دافي وسيرتو دافية الناس بتعصر عليهو ناسين ايام وفاة البقية وبالذات مصطفي سيد احمد

[أدروب خرطومي]

كلهم غالين على القلب
أنا أكتر فنان موته أثر فيني هو الرائع مصطفى سيد أحمد
ربنا يرحمهم جميعاً ويغفر ليهم

[فنجاطة]

كلهم غاليين علينا
وبجد الناس اتأرت لموت نادر خضر , ومحمود عبد العزيز لانهم في عز الشباب
وكذلك تأثروا لمصطفي من شدت المعانا والمرض
وكل المراحيم من الفنانين الشعب السوداني حزن عليهم بشدة

[gazali]

رحمهم الله جميعا واسكنهم جناته حقيقة السودان فقد فقد كبير بموتهم شكرا شباب علي المرور

[الأمير حسن مختار]

رأيي الشخصي يتوافق مع رأي الأخت دريمو في السرد والطرح..