إحتفال العيد الأول،، يديكم العافية شباب

[هتان]

السلام عليكم


واقفين وين يا شباب
فاتني شنو ؟؟؟

[حموودى]

أواصل ليكم


بت عمنا غروب مواعيد كورة المريخ والوداد
قامت تتململ وانا اتأخرته وناس البيت والسكه بعيده والمواصلات وعييييييييك

قمته قلته ليها انا ماش امدرمان وبنترافق والناس تشيل وتخت وجماعة باركوها ماااابقصرو

وبعد ما اقتنعت سألت من الرادي (عليكم الله شوفو المريخابيه دي)

ولمن طلعت ............الحته دي الايتمها حافظ لانو كان مركز شديييييد



اما حافظ خاتي قدامو حلاوة عزاب و3صحانه معتبرااات من ما لذ وطاب
لقمه من هنا وبررررريه من هنا

(نفسي اعرف كان بقدر ياكل وبتكلم مع بعض كيف؟)


النصيحه ليك يا الله(بارع فيهم الاتنين)

.

[nunoosa]

السلام عليكم


واقفين وين يا شباب
فاتني شنو ؟؟؟

واقفين في صاحبنا القام جاري لمن اخو هناية جاء يسلم علينا:D

[حموودى]

واقفين في صاحبنا القام جاري لمن اخو هناية جاء يسلم علينا

تماااااام ياعوض دكام

[هتان]

اه ,,,


كيف ؟؟





ده منو ده
الما بيخجل ده ,,
لكن اكيد كان منظروا جباااااااان ,,,

[حموودى]

طبعا ياشباب هناي ده ماشاء الله زول طويييل




وطبعا الجريه حقت الكبكبه بتموت من الضحك

ولم الزول ده يجري مااااابتدسه ومن بعييييد بتشوفو

.

[nunoosa]

طبعا ياشباب هناي ده ماشاء الله زول طويييل




وطبعا الجريه حقت الكبكبه بتموت من الضحك

ولم الزول ده يجري مااااابتدسه ومن بعييييد بتشوفو

.

والعجب لمن يكون جاري وعينو لي التورتة الكبيرة وما قادر يشيلها

يجري ويتلفت وراهو:D

[هتان]

غايتو ياجماعه في منظر انا ماكنته داير احكيو لكن هاااكم





الاخت لحظة غروب اول ماقعدت وقبل مانفهم اي حاجه
كانت بتحملق في الالعاب
قمته قلته اجس نبضها قلته ليها نمشي نلعب؟


طوااالي قالت لي : ايوا سريع اصلو انا قلته ليهم مايجيبونا هنا عشان انا مابقدر اقاوم الالعاب دي

مع العلم اننا كنا في (مدينة الطفل)



والمرطب ترطيبه
حوالي خمسه ونص كان بكابس كافتريات الحديقه كفتريا كفتريا لمن عمل ليهم هلع (أصلو كان بعيد عنكم جعااااااان)

واشتري ليو خمسه سندوتشات ليو برااااااااااااااااااااااااو

(الحاله قال عندو ملاريا)

يعني لو ما الملاريا كان حايمشى (الشوايات) حيث(الاكل قطع)زي التفصيل للسمان يعني)
هههههههه



وده كلو كوم وحافظ




حافظ ده داير ليو بوست براااااو
بجيكم ليو راجع




أطرف سؤال كان من الوجيه (المغربي)


سأل ترطيبه:قال ليو: انته ترطيبه ده بالـ (طاء)


وانا قلته ليو(بالشنقيطي)


.

اها و تاني
ده كلو انا ما حاضرو
فاتني كتير شكلي ,,,
احكي لي يا احمد يا خوي ,,,

[حموودى]

طبعا واحده من الاكتشافات


عندنا 2 اشعب الاكول



هناي وهناي

[هتان]

ما تنسي فلانه اخت هنايه ,,
طبعا عملت ليها عمله كده
اسكت ساي ,,,

[shujoon]

عملت شنو

ياهتان انت برضو انتقل ليك الفيروس

[هتان]

فيروس شنو يا ست البنات ؟؟؟؟

[shujoon]

فيروس التنقشة ياهتو

[حافظ عوض الله محمد]

فيروس التنقشة ياهتو

اكان هتو ماعارف
سجمنا خااااااااااااااااااااالص

[sunni]

ست الشاي قعدت،،، فرشت البروش وختت المنقد وولعت نارا.

حليمة،، شايا معروف،، مافي زيه في كل السوق،، شاي موزون،، موية نضيفة،، كبابي تلمع،، هي مرة نضيفة،، الحبهان عندنا دائما طازج،، كراسيها سمحة ونضيفة. عشان كدة،، الناس بتجي لي حليمة من كل مكان،، سمعتا ضربت وملت السوق. اكان ما كراسيها إتملت،، مافي ست شاي بتبيع كباية في السوق.

والناس بدت تتلم،، وتتفرج على حليمة وهي بتهتم بي كل التفاصيل الدقيقة،، بتخت الفحم في الكانون فحمة فحمة،، وتوهطا كوييييس،، الناس إتكيفو،، وقام العوض قال ليها "الله يخليك لينا يا حليمة،، ويخلي ليك اولادك،، نظافتك ونظامك ده ما ياهو الكاتلنا في شايك وظابط لينا راسنا"

حليمة نفشت ريشا،، الكلام عجبا شدييييد،، كانت الكفتيرة خلاص،، قعدت في النار،، وما منتظرة إلا التلقيم،، وحليمة بدت تحكي،،، بداية من رجوعا كل يوم للبيت،، وكيف بتجلي العدة يومي،، وتغلي كبابيها في الكركدي،، عشان يبقو نضااااف،، واتفاقا مع محمد على الحداد الجنبهم،، انه ما لها غرد بي الكوانين،، هو المسؤول عنهم،، ولول صلح ولا ما صلح،، هي بتديه بالشهر،، لكن الكوانين كل يوم يجي يراجعم،، ويصلح البايظ،، ولا يبدل الخربان ما بتصلح،، وبعد داك بتمشي لي ود الجاك عشان دكانه ما فيه نزيز موية ولا رطوبة،، والشاي عنده طواااالي نضيف وجديد،، وكان على الهبهان داك،، والله ود سعد الله بجيبو ليها مخصوووووص من الحبشة و و و و و و و و

وسرحت حليمة في الحكاوي عن روحها،، وعن شايا واتكلمت واتكلمت واتكلمت،، والناس كانو بالأول بيسمعو منتبهين،،، لكن الأكل ما بيبقى سلطة من غير طبيخ،، وحليمة سرحت بالكلام،، ونست تديهم الشاي
والموية تغلي،، والناس زهجانة وهي ما منتبهة،،، لغاية ما سمعت الصوت الغريب

هي الليييييلة،، الموية ما كملت يا اخوانا،، مافيكم زول يقول لي كفتيرتك اتبخرت كلها؟؟؟
لكن،، لما اتلفتت،، ماكان في زول حولها اساسا شاف الموية كملت ولا لأ،، الناس كلللها فرت منها،، وشربو شايم عند جاراتا ستات الشاي،، ومشو قبيييييل


يا عالم،،، الكفتيرة فارت،،، أدونا الشاي


الصور وينا ؟؟؟ حكاوي من غير صور،، ما لازمانا،،،،

[حموودى]

الصور وينا ؟؟؟ حكاوي من غير صور،، ما لازمانا،،،،

الحقينا يا ننوسه وبطلي غتاته

[المغربى]

طبعاً انا انا جيت الساعة خمسة ونص وبقيت لافى فى الحديقة وبعدما شبعت لف
لمحت لى شباب اِتنين بيتحاوروا
الاول: انا بمسك الموبايل...........
الثانى : واِنت تعمل.................................
اِتوكلت على الله بعدما مادخّلت يدى فى جيبى كم مرة وطلعتهن وقلت ليهم :
الزّيكم يا شباب اِنتوا تابعين لى مجموعة اَنا سودانى
الشباب :ايوة مرحب اِنت منو
اَنا المغربى
_ انا ترطيبة وده حمودى .

بعد هذا الحوار يادابو اَنا اَخذت لى نفس ...........
شوية شوية اتى بقية الشباب وكان مسا ءً فى منتهى الجمال والروعة

وتمنينا لو ان كل الاعضاء حضوراً








-

[شمس الغربه]

الصور وينا ؟؟؟ حكاوي من غير صور،، ما لازمانا،،،،

7

7

7



ننوسسسسسسسسسه الصوررررررر

[حافظ عوض الله محمد]

يا جماعة نحنا بدون صور الهكر مطلع علينا
يعنى لو نزلنا صورة البت نار
تتخيلو البحصل شنو
اسم على مسمى على خلقة
دى غنى فيها العندليب الاسمر
نار نار نار ياحبيبى نار



خلونا من قصة نشر الصور وتعالو نتكلم عن درووس وعبر الاحتفال الاول
الصبر بس

[ابراهيم الجيو]

[quote="حافظ عوض الله محمد"]يا جماعة نحنا بدون صور الهكر مطلع علينا
يعنى لو نزلنا صورة البت نار
تتخيلو البحصل شنو
اسم على مسمى على خلقة
دى غنى فيها العندليب الاسمر
نار نار نار ياحبيبى نار



خلونا من قصة نشر الصور وتعالو نتكلم عن درووس وعبر الاحتفال الاول
الصبر بس[/quote]



أسمع يا حبيب,,,,


والله إنت مش متنقش أممي,,,




إنت زعيم حزب الأمة للتنقشة زاتو


دي والله تنقشة متعددة الجنسيــــات,,,

مرة فاطمي ومرة عباسي ومرة كاظم الساهر وحسي كسير ثلج,,,

ونحنا كل مرة نأكل ف الشطة,,, لكن دي شطة كافرة عدييييييييييل كدا,,,

ننوســـــــــة,,, الصور:D