**تم استلام رسالة** .. قصة في شك الأزواج

[الفردوس المفقود]

[quote="تنونة"]

أواصل شنو ؟ ده الفصل الأخير خلاص انتهت
[/quote]


اقصد الجديد الجديد ونحن متشوقون

[احسان]

الصراحة انا قريت الجزء الاول بس لحدي هسي

بس بالجد بالجد شي تحفة سرد رائع جدا يا رائعة

ما تنقطعي , استمري

[تنونة]

تتواصل أحداث القصة ..... الجزء الثاني من : تم استلام رسالة..... قريبا إن شاء الله

[احسان]

[align=center]الفصل الثامن ... والأخير[/align]

تم استلام رسالة
عرض
الرقم أعلاه يطلب ان تتصل به
above number is requesting a callback

- وفاء ... بمناسبة اليوم الجميل ده أنا حأمشي أجيب غدا جاهز ، ما حأخليك تدخلي المطبخ الليلة
ثم أخذ نقوده و مفتاح السيارة وخرج

- ألو
- أيوة يا حسام وين إنت الفترة الفاتت دي كلها ؟؟!!!
- أنا مش قلت ليك ما تتصلي علي أبدا ، ولا ترسلي ، عاملة ركويست ليه ؟
- بصراحة قلقتني ما من عوايدك تختفي قريب أسبوع ، وبعدين اشتقت ليك
- و أنا بالأكتر يا نهلة ............

يا مأمن الرجال يا مأمن الموية في الموية في الغربال

[تنونة]

الجزء الثاني

الفصل الأول

قبل 5 شهور ...........

في محل لبيع مستلزمات منزلية :
- نهلة نهلة ألحقي تعالي سريع
- في شنو يابت مالك
- شايفة الواقف هناااك ده منو ؟
- وين ؟
- هناك في السكشن بتاع المنظفات
- يا الله ، معقولة
- أسمعي .. أمشي هناك بايعيهو أنا حأقيف بدلك هنا على بال ماتجي
- لا لا لا مابقدر ، قلبي بيدق وحاسة إني متوترة
- طيب خليها علي

ثم توجهت زميلتها باتجاهه
- يا مرحب .. طلباتك يا أستاذ
- لو سمحتي عاوز المبيض الجديد ، ما متذكر اسمو شنو ياربي .. اسمو ....
- أيوة أيوة عرفتو ، جيت شلتو مننا قبل كده .... نهلة ، تعالي شوفي للأستاذ طلبو عايز المبيض الجديد

تقدمت نهلة نحوه بخطوات متقاربة وكأنها تخشى الاقتراب منه ، ثم قالت بصوت منخفض جدا
- عايز كم ؟
- واحد بس
- اتفضل ، سعره 30 جنيه
قال مازحا :
- ما عندكم تخفيض للزبائن ؟
- والله يا أستاذ لو علينا .... لكن الأسعار هنا ثابتة ، والمحل محلك وما تبقى تتقطع مننا
شعر الرجل بأن الفتاة ترمي لشيء ما ، فنظر إليها ثم قال باستغراب :
- إن شاء الله

أخذ الكيس واستدار متوجها إلى الباب ، وهي تحدق فيه دون أن تشعر ، التفت نحوها فارتبكت ثم التفت عنه بسرعة .

كان هذا اليوم بتفاصيل ما حدث فيه ، يوما لا ينسى بالنسبة له ، صديقنا حسام ، فهو اليوم الأول الذي التقى فيه بنهلة رغم أنها تعمل في المكان الذي اعتاد أن يأخذ منه أغراض المنزل إلا أنه لم ينتبه لوجودها إلا في هذا اليوم ، فلفتت نظره إليها بتصرفاتها التي توحي بإعجابها به فلم يستطع تجاهل ذلك غير مدرك بما ستؤول إليه الأمور

يومان فقط ، أكثر ما تمكن حسام من المقاومة ثم عاد للمحل ليشتري بعض الأشياء ، في الحقيقة .. ليقابل الفتاة

وهكذا فقد سحر حسام بنهلة أعجب ببراءتها و تصرفاتها الطفولية رغم تجاوزها للثلاثين من العمر ، ومع مرور الأيام اعتاد حسام على التردد إليها ، حتى وقع في حبها وهو لا يشعر.

[بانه]

قصة مفيدة سلمت يداك وفى انتظار البقية

[تنونة]

[overline]الفصل الثاني :[/overline]

- لو سمحت يا نهلة عندي طلب واتمنى ما تفهميني غلط
- نعم يا باشمهندس
- ممكن تديني رقم موبايلك
تسارعت نبضات قلبها فرحا لكنها اجتهدت في إخفاء ذلك ثم قالت
- ليه في حاجة ؟
- لا لا ... بس ... يعني لو ممكن .. ولو بيضاقك الموضوع ده ما في مشكلة أنا آسف
- لا لا لا مافي مشكلة ، سجل عندك ....
- حأعمل ليك جرس وأرجو إنك تحفظي رقمي عندك
- طيب

امتدت العلاقة بينهما ، حتى أصبحت نهلة لا تخفي حبها الشديد له ، وصار حسام يبادلها الحب ولكن كان شعوره بالذنب لا يفارقه أبدا
كانت هذه المرة الأولى لحسام .. أن يرتبط بفتاة لا تربطه بها علاقة الزواج ، كان هذا الأمر لايرضي ضميره فتردد كثيرا قبل أن يصارح نهلة بأنه ينوي إنهاء علاقته بها

- نعم ؟ بكل سهولة كده بعد الفترة دي كلها تقول لي أنا ما مرتاح ، كيف يعني ما مرتاح !! فهمني حسه دي الكلام ده معناه شنو
- فترة شنو يا نهلة كلها كانت شهرين ، وأنا متأكد إنك حتنسيني و حتقابلي الراجل البيستحقك فعلا ، إنت زولة كويسة و ...
قاطعته والدموع تترقرق في عينيها
- لا يا حسام عليك الله ما تقول لي كده ، أنا مابقدر أعيش مع زول تاني قلبي ده عمرو ما حيعرف غيرك ....
- لكن يا نهلة العلاقة البينا دي ربنا ما برضاها
- حسه نحن عملنا حاجة غلط ؟ أنا بحبك يا حسام عارف يعني شنو بحبك
- طبعا غلط كلامنا ومقابلانتا دي كلها غلط ، دي ما دايرة ليها كلام
- طيب لو ما عايز تواصل في الغلط .... اتزوجني
- أتزوجك ؟؟!!! إنت ناسية إني متزوج
- ما دام عامل نفسك بتعرف الدين ما عارف إنو الراجل ممكن يتزوج اتنين وتلاتة وأربعة؟
- يا نهلة .. يا نهلة الموضوع ده ما بالبساطة دي
- شوف يا حسام أنا مستحيل أتخلى عنك ، اتصرف شوف حل ، لكن ما بخليك ... والله ما بقدر ..بموت عديل

أوصلها إلى شارع منزلها ثم واصل طريقة و نفسه تصارعه بقوة ، مر يومان ثم اتصل بها فكانت أول كلمة قالها :
- بحبك يا نهلة ، اليومين ديل مروا علي كأنهم سنتين ، اكتشفت إني مابقدر أعدي يوم من غيرك . قررت أتزوجك

[m2nooo]

سردك في قمه الروعه
بس واللهي وجعلي قلبي. ..
الرجال ديل. ...........

[فراوله ام احمد]

سردك في قمه الروعه
بس واللهي وجعلي قلبي. ..
الرجال ديل. ...........

ههههههههههه جمدددي قلبك سااااي ياأختي واتوقعي ليها مستقبل مشرق مع راااجل المراا ‏‎

[تنونة]

الفصل الثالث :
لم يكن قرار حسام مجرد فكرة عابرة ، لكنه كان مبنيا على شيء واحد وهو أن يوافق أخوها ( ولي أمرها منذ وفاة والدها ) على تزويجه إياها دون أن يخبر حسام أحدا من أهله ومعارفه ، لم يتردد الأخ في الموافقة ، واتفقا على أن يتم الزواج بالاقتصار على أقرب أقارب نهلة وقليل من الجيران ، أما هو فلن يخبر أحدا من طرفه .
في الليلة التي تسبق الزواج انتابت حسام كثيرا من مشاعر القلق و شيء من الندم ، لم يتمكن من النوم ليلا وصار يتقلب في فراشه ، وبالطبع لاحظت وفاء ذلك :
- حسام .. إنت صاحي ؟
- أيوة
- مالك بتتقلب كتير كده ؟
- ما في حاجة
- أوع تكون عيان ولا حاسي بشي و داسي علي
- لا لا ما حاسي بأي حاجة ، نومي إنت يا وفوية أنا كويس وخلاص حأنوم
- طيب ، تصبح على خير
أعطته ظهرها وهمت بالنوم ، أما هو فظل يفكر مليا ، والغريب أنه لم يشعر أبدا بشيء من السعادة بل كان غاية في الهم والضيق يشعر كمن ينتظر حكما بالإعدام ، فصار يحاول جاهدا أن يدفع عن نفسه شعور الندم بأن يأتي لنفسه بمبررات علها تخفف من ألمه العميق
- أنا بالجد نهلة دي بحبها يعني أعمل شنو .؟ أفضل أحبها كده بالحرام ! طبعا مافي حل غير كده .. وبعدين أنا من حقي أتزوج اتنين وتلاتة وأربعة ما جريمة ولا حرام ، وكمان من حقي أجيب أولاد ينفعوني ويشيلوا اسمي و وفاء دي تمت معاي أكتر من ثمانية شهور ما معروف تكون بتولد ولا لأ ...... آآآآآه ..... ياربي تفرج عني وتعدي الموضوع ده على خير .
قام من فراشه فتوضأ ثم صلى ركعتين ، أطال كثيرا في سجداته ، وفي سجدته الأخيرة دعا كثيرا حتى غلبه بكاء مريرا لم يشعر معه بأنه أيقظ زوجته القلقة ، والتي اندهشت كثيرا وظلت تحلق فيه وهو يبكي بحرقة ، ما إن رفع من سجدته حتى تظاهرت بالنوم .
صباح اليوم التالي :
- وفاء .. يا وفاء
- نعم؟
- تعالي أنا عايزك
- دقيقة بس عندي هدوم في الغسالة أمرقها وأجيك
- لا تعالي حسه أنا طالع
- نعم
- هاك القروش دي ، اتنين مليون خليها معاك
- حقت شنو؟
- اعتبريها هدية اشتري بيها أي حاجة عايزاها
- شكرا ليك يا حسام والله ده كتير وإنت ما محوجني أي شي ، ما قلت لي .. بمناسبة شنو ؟
- بمناسبة إنك مرتي وأنا بحبك
تقدم خطوات نحو الباب ثم توقف فقال مستدركا :
- على فكرة أنا الليلة حأتأخر عندنا صاحبنا أبوه اتوفى حأمشي العزاء ، وبيتهم بعيد ، ما تستنيني بالغداء
- يا ساتر .. صاحبكم منو ؟
- ما بتعرفيه ، مع السلامة
- الله يسلمك
كان هذا هو اليوم الذي تم في عصره عقد قران حسام على نهلة ، وما إن تمت مراسم العقد حتى غادر حسام المسجد بصعوبة بعد أن انهال الجميع عليه بالمباركة .
أرسل رسالة إلى زوجته الجديدة قائلا :
- ألف مبروك لي وليك وربنا يجمعنا على السعادة والحب . عندي كلام كتييييير حأخليه ليوم لقائنا إن شاء الله .
جاءه الرد سريعا :
- الله يبارك فيك يا حبيبي . بس كنت أتوقعك تجيني الليلة تبارك لي ، ما اتخيلت يوم عقدنا ما نتلاقى
- معليش ما حأقدر ألاقيك الليلة ، ما عايز ألفت الأنظار في البيت ، ده كلو عشان نحافظ على علاقتنا ما عايزين حاجة تأثر عليها ، حاتصل عليك لمن ألقى طريقة ، وزي ما اتفقنا ما تتصلي إنتي ... بحبك

عاد حسام ولهفة شديدة تحمله على العودة إلى بيته و كأنه يدخله لأول مرة ، وشوق لا يوصف إلى زوجته وفاء ، وكأنه طفل صغير أغضب والدته فصار بحاجة إلى معانقتها ليزول عنه شعوره بالذنب .

[تنونة]

[align=center]الفصل الرابع :

وهكذا فقد قام حسام بعقد قرانه على نهلة ، وكما هو حال جميع الزوجات فإن وفاء لم يفتها أبدا تغير أحوال زوجها ، كانت متأكدة تماما أن هناك خطب ما وكانت شكوكها تدور حول علاقة بامرأة أخرى رغم أنها لم تتصور أنها زواج فعلي ، و كانت المشاكل بينهما لا تتوقف أبدا.
أصبحت وفاء سريعة الانفعال شديدة الغضب ولكنه كان يقابل ذلك بهدوء شديد وبرود متناهي ، والغريب أنه أصبح يحبها أكثر فأكثر خاصة بعد مشكلتهما الأخيرة التي طلبت فيها الطلاق ثم تصالحا .

أما زوجته الثانية .........

[align=right]- حسام .. أرجوك ترد على سؤالي ده . كل يوم بسألك ومافي فايدة
- عليك الله يا نهلة ما تفتحي معاي الموضوع ده تاني
- كيف يعني ما أفتحوا معاك ؟ الناس أكلت لحمي ، أمي شغالة لي في الدخلة والمرقة يابت إنتي الراجل ده ناوي يكمل الزواج متين ، وأخواني ما مريحني
- أنا مش كلمتك قبل ما نعقد إني ما مستعد حاليا للزواج ؟ وأخوانك ديل ما يعملوا لي حركاتهم دي أنا مكلمهم إني داير وقت .
- كدي براحة كده فهمني .. داير وقت تعمل فيهو شنو ؟ إنت والحمد لله أمورك متيسرة وبعدين أنا مستعدة أتنازل عن أي حاجة ما دايرة غير إني استقر معاك.
- يا سلاااام يا نهلة عكرتي مزاجي .. قومي أوصلك بيتكم القعدة دي ما بقى عندي فيها مزاج[/align]
[/color]في المكتب نهار اليوم التالي :
[align=right]- صباح الخير
- قول ظهر الخير الساعة بقت وحدة ، مالك يا حسام بقيت تتأخر كده ما عوايدك ؟ وبعدين ملاحظ ليك بقيت دايما مهموم وسرحان ، في شنو ما تدس على أخوك
- والله يا بدر الدين ما عارف أقول ليك شنو ، تعبااااان يا بدر تعبان جدا .
- كدي برواااقة كده قول مالك ؟
- تعال معاي جوة ، بحكي ليك[/align]
[/color]
وفي الداخل :
[align=right]- لا حول ولا قوة إلا بالله ، لا حول ولاقوة إلا بالله ، إنت يا راجل ما نصيح ولا شنو ! دي عملة تعملها ؟ طيب كان تشاورنا نحن ما برضو أخوان
- عليك الله يابدر خلاص .. أنا ماناقص
- طيب فهمني الخلاك تعمل كده شنو ؟ إنت تعتبر لسه عريس وفاء دي ما تمت معاك السنة ياخ
- الحصل حصل ، حسه أنا محتار يا بدر ، صراحة ... غالبني أكمل زواجي ده
- شوف يا حسام.. لو ما قادر تواصل مع الزولة دي أحسن تفارقها حسه قبل ما العلاقة تمتد ويبقى فيها أولاد وتجي تقول أنا أولادي ديل أوديهم وين
- لكن ذنبها شنو ؟ البت دي طيبة شديد وبتحبني أكتر مما تتخيل لو طلقتها بتموت عديل
- تموت شنو ياخ عليك الله ما تصدق لي حركات النسوان ديل ، بتعمل ليك كده عشان ما تفكر تخليها وهي بس دايرة ليها راجل تفك بيه بورتها ويصرف عليها وتريح أهلها من المسؤولية .
- لا لا ياخ إنت ما بتعرفها
- ويعني إنت البتعرفها ؟ 4 شهور دي بتوريك شنو ؟ أنا المتزوج لي سنين يا دوب أنا و مرتي بدينا نفهم بعض[/align]
[/color]سكت حسام لبرهة وكان يبدو عليه الانغماس في التفكير ، ثم قال بحماس بالغ :
[align=right]- أقول ليك كلام يا بدر ، أنا قررت أعمل حاجة ......
- شنو ؟
- خليك إنت حسه ، أنا بس داير استخير جاتني فكرة كده بس أدعي لي ........[/align][/color] [/color] .
[/align]

[تنونة]

الفصل الخامس .. والأخير

تردد بالغ يحيط بحسام يصاحبه شعور بحتمية قراره ...... أن يصارح وفاء ، كان يخطط لهذه اللحظة منذ أيام ، كيف سيبدأ ؟ ماذا سيقول ؟ كيف سيقابل ردة فعلها (العنيفة بكل تأكيد) ؟ : (وفاء أنا عرست فيك) عبارة يصعب البوح بها ، لكن لا مفر فهي ستعرف ذلك عاجلا أم آجلا
صباح يوم الجمعة يوم مناسب في رأيه ، سيكونان معا منذ الصباح وبإمكانه أن يجد الوقت الكافي ليمهد لها :

- وفوية حبيبة قلبي أصبحتي كيف ؟
- الحمد لله تمام ، وإنت
- تمااااااام طالما إنتي جنبي
ابتسمت ولم تقل شيئا
- إنت عارفة إني بحبك قدر شنو صاح ؟
- قدر شنو ؟؟
- والله أكبر من أي حاجة في الدنيا ، حب ماليه حدود
- وأنا كمان يا حسام بحبك
- وفاء ... حتخليني في يوم من الأيام ؟
أجابت وعيناها تبرقان مكرا ودهاء :
- و أخليك ليه ؟ لو مافي سبب أكيد ما ممكن أخليك
- أنا محتاج ليك شديد تكوني جنبي ما بقدر أتخيل نفسي يوم واحد من غيرك
- حسام إنت مالك الليلة بتتكلم كده ، صوتك حزين شديد و ما على بعضك ، في شنو ؟
- حأقول ليك في شنو ، أمشي جهزي الفطور وتعالي ، بعدين نتفاهم
- طيب

رن جوالها :
- ألو أهلين يا نداء كيفك ......... أيوة طبعا لكن يا دوب ختيت صينية الفطور بعد نفطر بجي عليكم .......... خلاص كويس لكن نطلع بعد المغرب ....... يلا باي

التفتت على زوجها قائلة :
- دي نداء أختي اتفقنا نطلع بعدين نشتري حاجات ، على فكرة أنا الليلة ماشة أقيّل في بيتنا ولو اتأخرنا برّة احتمال أبيت عندهم .

نظر إليها متفحصا ربما كانت هذه المرة الأولى التي يقارن فيها بينهما : نهلة وإن لم تكن بنصف جمال وفاء وأناقتها إلا أنها على استعداد أن تضحي بكل شيء مقابل أن يرضى عنها تترجم حبها له في اهتمامها به سؤالها عنه بل وتفهم ما يفكر به دون أن يتكلم ، أما وفاء : جميلة رقيقة غاية في الاهتمام بزينتها ومظهرها ...... لكنها ستظل هكذا ..... لا تقدر حوجته لها في أحلك الظروف ، منشغلة بالخروج مع أخواتها وصديقاتها وليس له من الاهتمام نصيب إلا اليسير وفي فضلة وقتها .

انقطع تفكيره بسؤالها المفاجئ :
- أها .. عايز تقول لي شنو ؟
- لا ولا حاجة .. أمشي أجهزي عشان تلحقي تمشي بيتكم .
ثم مد يده ملتقطا جواله ليرسل الرسالة التالية :
- أجهزي يا نهلة ساعة وأكون معاك حنطلع عايز أقضي اليوم ده معاك لو ما عندك حاجة

ثوان معدودة وجاءه الرد :
- طبعا ما عندي حاجة .. دي أسعد جمعة في حياتي
..................
خرج كل من الزوجين من المنزل و كأنهما غريبان عن بعضهما ، هي تفكر في يومها الحافل بالتنزه والتسوق ، وهو يفكر بحياته التي أصبحت أكثر تعقيدا


في مساء هذه الجمعة


- ألو ... سهى ، نحن بعد شوية ماشين المعرض الدولي رايك شنو تمشي معانا ، بالمناسبة فيه ملابس أطفال حلوة ممكن تشتري لي بنتك
- صعب يا وفاء الليلة الجمعة وبدر الدين قاعد في البيت
- بدر الدين شنو يا سهى ، إنت عرستيه الليلة ولا أمس ما هدا قاعد معاك حيطير يعني ، وبعدين المعرض في شارع النيل ما بعيد منك بس قطعت الكبري ونحن ممكن نمر عليك بالأمجاد
- طيب لكن بشرط .. ما نتأخر
- أوكي
....................................


- نهلة الليلة يوم كم ؟
- 28 / 1
- يوم 2 / 3 إن شاء الله حنعمل عرسنا ، بكرة ولا بعد بكرة بالكتير حأجي لأخوك وأتفاهم معاه
- يا سلااااااااام يا حسام ، أخيرا حنبقى أزواج زي كل الأزواج الفي الدنيا أنا حأطير من الفرح ، ما تتخيل أنا عانيت كيف بعد العقد ده الناس جهجهوني و.........
- خلاص يا حبيبتي ما في داعي للكلام ده
- على قولك خلينا في الجو الجميل ده .... شوف كيف النيل جمييييييل والأمواج بتتمايل بهدوء كأنها بتغني لينا
صوت من الخلف :
- النيل جميل فعلا لكن معليش حأضطر أقطع ليكم القعدة الرهيبة دي
التفت حسام ليرى المتحدث ولكن حالت دون ذلك صفعة قوية أفقدته القدرة على التركيز ، حاول أن يدقق راجيا أن يكتشف أن عيناه مخطئتان :
- الـ ..... الـــ ..... إنت جيتي هنا كيف
- يعني كل المشكلة في اللحظة دي أنا جيت هنا كيف ، ما عارفة جيت كيف لكن ربنا جابني هنا مخصوص عشان أشوف زينة الرجال العامل فيها متدين وهو قاعد يتصرمح لي مع النسوان في شارع النيل
تدخلت نهلة ببراءة مطلقة
- لا يا أخت لو سمحتي ما تفهمي غلط ، أنا ما .........
- إنت تسكتي خالص قبل ما أديك بالجزمة دي على راسك
هب حسام واقفا يحاول أن يجمع ما تبعثر من رجولته :
- وفاء بطلي كلام فارغ وأرح قدامي على البيت سريع
نظرت إليه نظرة فهم منها ما تعنيه ، ثم غادرت المكان بسرعة .

وصلته رسالة قبل أن يفتحها ، أدرك مصدرها ، و أدرك محتواها ، وفعلا :
- طلقني حالا ، ولو سمحت ما دايرة كلام كتير

ساعة تلو الأخرى تمر ، وهي تمسك جوالها منتظرة إياه أن يحرك ساكنا ........ حتى جاءها تنبيه الرسائل :

[overline][overline]تم استلام رسالة
فتح



المرسل : حسام




إنت طالق[/overline][/overline]

[ميسم]

أسلوبك في سرد القصة حقيقة في قمة الروعة ....
ولكن ما ألم قلبي هو هذا الرجل في نهاية الجزء الأول و زاده ألما في الجزء الثاني .. بس في النهاية قعدت أبكي بكاء حاااااااااااااااااااااااااااااااااااااااااااااار

دمتي بخير

[dream-lady]

تنونة رائعة رائعة فعلا

نهاية أليمة لكن حسام كان ضعيف الشخصية ومتردد جدا

[ابوبكر]

القصة جميلة والسرد رائع ..... في الأول اعتقدت انها تعالج موضوع الأستعمال الخاطئ للموبيلات وثانياً اعتقدت انها تعالج موضوع الثقة بين الزوجين وثالثاً اعتقدت انها تتحدث عن فهم طبيعة العلاقة بين الزوجين ... السرد يجعلك تفكر في الكثير من الأحتمالات ..... لكن النهاية الغير متوقعة لم تخطر ببالي ابداً ...فشخصية حسام متدينة حسب السرد الا انه لم يتوانى عن معرفة امراة غير زوجته فأي تدين هذا .... التعددية في الزواج حلال شرعاً لكن اللهو والعبث محرم شرعاً اذن شخصية حسام غير متزنة أو مريضة .... بدرالدين يمثل شخصية الرجل السوداني بكل معنى الكلمة وده كمان خلل كبير في تركيبتنا نحن الرجال السودانيين دايماً دايرين نحس انو نحنا رجال داخل بيوتنا ... هو في الأول نحنا ما رجال ولا شنو ..... في اعتقادي ان الرجل الحق هو جمل الشيل زي ما قالوا اهلنا قديماً بمعنى أن يكون هو منبع الأمان والعاطفة في البيت ..... عموماً القصة جميلة والسرد اروع من رائع والفكرة مبتكرة لكن الأجمل لوكانت في سياق معالجة المشكلة من اساسها .....
سيري الى الأمام واتحفينا بالروائع

[تنونة]

ميسم
دريموية
أبوبكر
شكرا لمروركم الجميل
وتعقيباتكم الأجمل
وفي الحقيقة فقد أردت بهذه القصة أن أجمع أكبر عدد من الأخطاء التي يقع فيها الأزواج
وأترك لكم إكتشاف هذه الأخطاء وكيف تعالج

[ابوبكر]

لا اكتمك حديثاً أنني لم اطلع على الجزء الثاني من القصة الا الأن مما يترتب عليه تغيراً في فهمي لمكنون السرد الرائع ...... الا انه يزيد عندي الأحساس بمدى خطأ حسام .... كان الأولى به عقد المقارنة بين وفاء ونهلة قبل زواجه من الثانية ومصارحة وفاء بما يرى انه نقصاً فيها فهي في النهاية انسانة وقد لا تكون متعمدة ذلك .....لذلك فأن الصراحة ضرورية بين الزوجين ومصارحة احدهم بما يحتاجه من الآخر مهمة وضرورية .... القصة تأخذك في اتجاهات عديدة تأخذ نمط التشويق وترقب ما سيحدث نتمنى المواصلة لنرى عودة حسام الى وفاء وموقف نهلة من ذلك !!!!!!!!!!!!

[تنونة]

لا اكتمك حديثاً أنني لم اطلع على الجزء الثاني من القصة الا الأن مما يترتب عليه تغيراً في فهمي لمكنون السرد الرائع ...... الا انه يزيد عندي الأحساس بمدى خطأ حسام .... كان الأولى به عقد المقارنة بين وفاء ونهلة قبل زواجه من الثانية ومصارحة وفاء بما يرى انه نقصاً فيها فهي في النهاية انسانة وقد لا تكون متعمدة ذلك .....لذلك فأن الصراحة ضرورية بين الزوجين ومصارحة احدهم بما يحتاجه من الآخر مهمة وضرورية .... القصة تأخذك في اتجاهات عديدة تأخذ نمط التشويق وترقب ما سيحدث نتمنى المواصلة لنرى عودة حسام الى وفاء وموقف نهلة من ذلك !!!!!!!!!!!!

فعلا ...الصراحة هي الشيء المفقود عند الكثير من الأزواج

[معتبر]

تنونة
تحياتي
متابع كويس

موضوع قيم جدا


كل الود

[تنونة]

êنونé
êييçêي
مêçèْ كويَ

موِوْ ‏يم ىïç


كل çلوï

مêôكٌé مîوي مْêèٌ وôٌ‎êنç èي مêçèْêك