امثال ومصطلحات من لغتنا الدارجه

[batota]

abu rawa
.
مشكوره على المعلومات المفيده دي ..
والله من ديل كلهم ما عرفت الا واحده بس (حاله صعبه) ..

[هتان]

ابو اروي
طيب بتعرف الريكه ؟؟؟

[حنكوشة كوول]

والله المفراكة دي عرفتا لكن الجات التانية دي
اول مرة اعرفا
مشكوره يا ابو اروى على المعلومات دي

[حزن السنين]

[grade="00008B FF6347 008000 4B0082"]اخواني و احبائي الكرام ،،
امثالنا السودانية كثيرا جدا وجميلة ايضا وهذة حصيلة قليلة من الامثال وارجوا من كل الاعضاءان يساهموا معنا في حصر كل او معظم الامثال السودانية التي خرجت من بيئتنا السودانية المحافظة حتي الان علي معظم العادات و التقاليد التي اندثرة مع ركب الحضارة والتقدم و ظهور ما يسمي عصر العولمة ،،،

ارجو منكم التفاعل[/grade]

[حزن السنين]

[grade="00008B FF6347 008000 4B0082"]العترة بتصلح المشية
التور كان وقع تكتر سكاكينو
الجمل ما بشوف عوجة رقبتو
الواقعة من السما بتحملها الواطا
العود كان مافيه شق مابقول طق
اب سنة بضحك على اب سنتين
القفة ام اضنين بشولوها نفرين
جارك القريب ولا ود امك البعيد
النسيبة عين شمس
الصابر يعرس مرة راجل
التسوى كريت فى القرض تلقاه فى جلدها
قلِ العروض جفا
الزارعه الله فى الحجر بتقوم
حلم المطلقة فى الرجوع
بليلة مباشر ولا ضبيحة مكاشر
بيت الجدرى ولا بيت النقرى
الماشفتو فى بيت ابوك بخلعك
الشينة منكورة
الواضح مافاضح
العرجة لى مراحا
سيد الرايحة بفتح خشم البقرة
الببارى الجداد بوديهو الكوشة
المرة بدقوها باختها
الماعندو لسان فقرى وفلسان
فى الوش حبايب وفى القفا دبايب
سمحة البتعرّف
الماعندو ضهر بينضرب على بطنو
عيب الزاد ولا عيب سيدو
السترة والفضيحة متباريات
البحر بشيل عوامو
القلم مابزيل بلم [/grade]

[حزن السنين]

[grade="00008B FF6347 008000 4B0082"]السمح سمح كان زرعوا يقوم قمح
والشين شين كان غسل وشو مرتين
الاختشو ماتو
الطول طول النخله والعقل عقل السخله
البعرف عزو كلام الناس مابهزو
ولدا ما ولدتو من عرقوبك إن عميت مابيقودك
المابتلحقو جدعو
والما بتلوكو بلعوا
الماعندها بنيه مدفونه وهى حيه
رسلوه ينادي الداية جا يوم السماية
كان دار أبوك خربت شيل ليك منها شليّة
الحسنة في الملعون زي الشرة في القندول
فى الوش حبايب وفى القفا دبايب
الراجل افجخي بصلة قبل ما يبقي اصلة
مشينا لمكة تغنينا سللت طواقينا
وجه المابيك ما بغابيك
بلدا مابلدك أمشي فيها عريان
في جاه الملوك نلوك
لسانك حصانك إن مسكتو صانك .. وإن طلقتو هانك[/grade]

[حزن السنين]

الما بعـرف ما بدوهُو يغـرف
الغايب عذرو معاهو
سمح القول في خشم سيدو.
لا بطقّـع ولا بجيب الحجـــار .
الحبل بنقطع محل رقييق
التسوي بايدك يغلب اجاويدك
البيلدا المحن لابد يلولي صغارن
تمر الفكي..السيدو شايلو و مشتهي
الداير تهري اسكت خلي
الغلبها راجلها جات تأدب حامها
اكل عجبك والبس عجب الناس
المايهدي الكريم تعبان
لما بدورك في الظلام يحدر لك
بورة مجيهة ولا عرسة مجهجهة (بدون تعليق)
إيد على إيد ..بتجدع بعيد .
لالوب بلدنا ..ولا تمر الناس.
الفاتك ..فـوتو.
القـلِب إن غـاب..الجِـتـّة بالخـراب .
المفارق عينو قوية.
الإيد الواحدة ما بتصفق .
الفُـقرا اتقاسـموا النبـقة .
السّمـِح مُـوْ أكـّـال.
الصدق إن ما نجّـاك ..الكضب ما بنجيك .
سهَر الجداد ولا نومو

[حزن السنين]

[grade="00008B FF6347 008000 4B0082"]باري الجداد بوديهو الكوشة
ضربني وبكى سبقني واشتكى
السواي مو حداث
نوم الظالم عبادة
حوا ولادة
ود الوز عوام
اكفي القدره علي فمها تطلع البنت لامها
ضل الدليب رماى بعيد
حليمه رجعت لى قديما
كان جريت جري الوحوش غير رزقك مابتحوش
اتنين كان قالوا ليك اضانك مافى اهبشها
الزارعه الله فى الحجر بتقوم
المريسه ما بتلقى شرابا
جابوا فزع بقى وجع
المفقوع يبكي برا دموع
الباع بلادو اخيرلو النجعه بي اولادو
منعوها من الزواعة باتت بره
خادم الفكى مجبورة على الصلاة
علمناهم الشحده سبقونا على الابواب
الضايق قرصت الدبيب يخاف من جر الحبل[/grade]

[abu rawa]

ابو اروي
طيب بتعرف الريكه ؟؟؟

[font=Simplified Arabic]الريكه اعتقد انو اسم قديم للتكل [/font]

[وكيل عريف]

تسلم ابوروى

الحنقوق : المقشاشه (المكنسه)

التبروقه : (المصلايه)
افكر واجيك راجعوكيل عريف

[اصيله]

[font=Simplified Arabic]الريكه اعتقد انو اسم قديم للتكل [/font]

دى حالتك انت الجبت التعريفات الكثيره دى :079:
الريكه دى ذى القفه بيشيلو فيها الدقيق والعيش وحجمها اكبر شويه وكمان قويه لانها مامصنوعه من السعف وماعندها ايادى وشكلها نصف دائرى

[abu rawa]

دى حالتك انت الجبت التعريفات الكثيره دى :079:
الريكه دى ذى القفه بيشيلو فيها الدقيق والعيش وحجمها اكبر شويه وكمان قويه لانها مامصنوعه من السعف وماعندها ايادى وشكلها نصف دائرى

اخطأ عمر واصابت أمراة
الريكة وهي مصنوعة من السعف وهي منبعجة للداخل بعكس
الطبق البيكون منبعج الي اعلي وبيغطوا بيهو الريكة

المصدر شبكة الراكوبة

[abu rawa]

تسلم ابوروى

الحنقوق : المقشاشه (المكنسه)

التبروقه : (المصلايه)
افكر واجيك راجعوكيل عريف

يديك العافية وراجيك

[هتان]

براااااااافو اصيله
شكلك كده تربيه حبوبات ,,,
ابو اروي
اللهم لا شماته ,,

[هدندوية مية المية]

نعمة والحمد لله عرفته المفراكة بس

سودانية مية المية صح ؟

مشكووورين

[نغم]

الجمل ما بشوف عوجة رقبتوا

البتحسبوا عيسي اطلع فرعون

[khalid fudl]

التسوى بايدك يغلب اجاويدك

[الشيخ فرح]

|--*¨®¨*--|جينا لي مكة تغنينا قلعت طواقينا |--*¨®¨*--|

********

قبل كم سنة تحقق هذا المثل على واحد من أهلنا حيث اخبره قريبة أن هناك شركة في مكة تحتاج لعمال لموسم الحج المهم صاحبنا سافر على الفور ولكنه متأخر ولانه جايي جديد لا يملك حق الرجعـة للمدينة التي تحرك منها ... اها من هنا وهناك دبر المبلغ ورجع من حيث اتى .... وهنا تذكرت المثل أعلاه ...

[وكيل عريف]

نعمة والحمد لله عرفته المفراكة بس

سودانية مية المية صح ؟

مشكووورين

معقوله ياهدندويه المفراكه بس

طيب بتعرفى

الديس والسباتا ؟؟

وكيل عريف

[waya]

الرقراق : الفتحات البتدخل بيها أشعة الشمس إن كان في راكوبة ولا قطية ولا دهرتور

السوريبة : القصب النحيف الأملس .. يستخدم في بناء الصرفان

الصرفان جمع صريف : سور البيت من القصب والعيدان

وبنجيكم .. ليك الشكر على الموضوع يا أبو النسب ..!