الرجعتو من الاجازات انطباعاتكم عن الإجازة شنو ؟

[emadbaan6]

كيف كان انطباعات الناس عن إجازة هذا العام ؟ خصوصاً انه موسم الأمطار السنة دي كان شديد . أنا شخصياً مشيت السودان بعد غياب 5 سنوات بي سبب ظروف عزاء لكن ما قعدت اخدت فقط 5 أيام و صراحة الحال ما كان يسر ابداً غلاء و أمراض و حاجات كتيييييييييرة!!!!!!!حتي ناس سودانير بهدلوا الناس و في ناس لحدي الآن ما رجعوا و لحقوا المدارس. ياريت الناس تشارك معانا و تورينا كيف قضت الإجازة و إنطباعاتهم كانت شنو ؟

[Sudani_w]

سلام عليكم
اولا
احسن اله عزاكم

وفعلا السنه دي ناس البيت مشو واتبهدلو ابتداء من المطار والحجز والاقلاع
ولمن وصلو لقو الجو كعب والبلد مولعه والاسعار زي ماانت شفت

اتمنى انو الناس تتفاعل

مشكور اخي لطرح الموضوع
جبتها في جرح

وتقبل مروري
ولي عوده ان شاء الله

[اقدع زوله]

تغبل الله الصيام والغيااام يازول


احسن الله عزنا على شنو


انت داير تقلبها عزى

انا سافرت لجمهوريه مصر الشقيقه ووورحنا لدنقله

والحين انا في خرخير

[emadbaan6]

انا اشكر مروركم . . لكن بي صراحة السودان ما بطمن و الله يكون في عون الناس . المآسي الشافة الواحد ما ساهلة

[دلع]

[mark=CC3366]

الصراحة كدا السودان حلو بناسوا بس

[/mark]

[هدندوية مية المية]

الصرااحة السودان مش ولا بد

يعني اي حاجة فيه ابدا ما متطورة وبعيد من التطور نهائيا

وسخان شديد بداية من الخرطوم حتى بورتسدان

السودان حلاته في ناسه غير كده مافيه حاجة

بعدين انا كل سنة لما امششي بتخلع زياده

في تراجع مستمر

[sari_eleil]

ههههههههههه و الله حرام عليك يا هدندويه ........ تراجع مستمر كيف يعني .... بإذن الله ماشي لي قدام
و نحن ابناء المليون ميل ما حنفقد الامل في سودانا و انتو ادعو لينا و اصبرو معانا و ان شاء الله لي قدام

[emadbaan6]

دلع و هدندوية و ساري الليل شكرا لي مروركم

[كيمو]

والله يا حلوين انا اخرمره كنت في السودان شهر 3



لكن ياهدندويه والله كلامك ما صح ....ولا انتي كنتي قاعده في جبل اوليا






يا ناس دي حكومه الانقـــــــــــــــــــــــــــاذ بتعرفو انقاذ يعني شنو


لولاها لكان السودان الصومـــــــــــــــــــــــــــــــــــــــــــــــــــــــــــــــــال


كفايه انو اكتشفو لينا البترول ووصلو الكهرباء وعملو لينا شوارع ظلط


تاني دايرين شنو ..........والله السودانين ما بتملي عينهم الا التراب

[spanisheyes]

سلاااااام انا اخوي مشا السنه دي السودان وكانت اول مرة ليو بعد 19 سنه وبصراحه قال السودان عجبوا بس في سخانه شديدة

[هدندوية مية المية]

اوك يا جماعة الحاجات الببتكلموا عنها دي

مكتشفة في كل االدوول لكن على ارقى

والسودان على ادنى (( اسمحوا لي يعني

لكن االصرااحة لازم تتقال

والسودان لحدي ما يصل للدول الحسي متطورة

الدول دي تكون اتطورت لي درجة راقية جدا

ويبقى السودان متخلف عن ركب الحضارة .. لانو في تفاوت حاصل

وبعدين يا جماعة ماففي داعي نكذب على نفسنا

ده واقع احنا شايفنه

ولا في زول معاضني ..

[جعلية]

سلام ياناس بلدي انا والله مشيت السودان في الاجازة دى لكن ما لقيت البشاعه القلتوها دي بالعكس كلما امشي بلقي في تطور والله يا جماعه الانقاذ دى ما قصرت وانا رائ انها ماشه كويس الشئ التانى عليكم الله بلدنا دي بي حالا دا ما احسن من الغربة ولا شنو ياخى انت في السودان ختت راسك في المخده تروح فى اخر نومه لكن في الغربه تتقلب الليل كلو وما يجيك نوم انا بشوف اخير نتيقن ونبقى سودانيين هوى وهوية ودمتم

[mezona]

سلام لي كل سوداني اصيل


طبعا ياجماعة انا لي من السودان سنة و8 شهور وإنشاء الله مسافر في رحلة بكرة الساعة 12 اجازة عيد كلها اسبوع وناوي انبسط شديييييد مع أصحابي والفرد وهديتي ليكم إنشاء الله صور متنوعة من السودان الجمييييل
وتحياتي ليكم

[ريناد]

بالشئ الانا شوفتو السنة دي السودان مامطمن انو الزول يمشي يستقر فيهو اسعاااااااااااااار ناااااار 50الف ماتاخد دقايق معاك وحالة مدهورة من رعاية صحية في المستشفيات لي المطار والناس الفيهو بترفع الضغط لكن مع كدا يبقى في النهاية بلدنا وعزنا وكفاية( الحرية)والاهل


معليش راي متناقض حبة

[نور الدنيا]

ياجماعه ماتعيبو السودان للدرجه دي مهما كان ده ارضنا ولو لا السودان كنت بتقولوا انت من وين ولا اصلكم شنو مهما كان كعب دي ارضنا وبلدنا والمفروض مانرضى فيها شي انت لو قلت كده غيركم بيقول شنو؟؟؟؟؟


تقبلو مروري[/size]

[فــتى الفلامنكو]

ما سافرت السنة دي إن شاء الله السنة الجاااية

[امال الناس]

الصرااحة السودان مش ولا بد

يعني اي حاجة فيه ابدا ما متطورة وبعيد من التطور نهائيا

وسخان شديد بداية من الخرطوم حتى بورتسدان

السودان حلاته في ناسه غير كده مافيه حاجة

بعدين انا كل سنة لما امششي بتخلع زياده

في تراجع مستمر

حلاته في ناسو وده المطلوب والمهم ناس السودان

[امال الناس]

ياجماعه ماتعيبو السودان للدرجه دي مهما كان ده ارضنا ولو لا السودان كنت بتقولوا انت من وين ولا اصلكم شنو مهما كان كعب دي ارضنا وبلدنا والمفروض مانرضى فيها شي انت لو قلت كده غيركم بيقول شنو؟؟؟؟؟


تقبلو مروري[/size]

سوداني الجوة وداني بريده

[امال الناس]

بعض المغتربين بطلعو اشاعات في السودان مثل اشاعات الاعلام المصري في لعبة المنتخب المصري مع الجزائرين

[ريناد]

بالشئ الانا شوفتو السنة دي السودان مامطمن انو الزول يمشي يستقر فيهو اسعاااااااااااااار ناااااار 50الف ماتاخد دقايق معاك وحالة مدهورة من رعاية صحية في المستشفيات لي المطار والناس الفيهو بترفع الضغط لكن مع كدا يبقى في النهاية بلدنا وعزنا وكفاية( الحرية)والاهل


معليش راي متناقض حبة

السودان ظريف وداير مصــاريف والله الحمدالله السودان اتطور الكباري الشوارع والكباري والحلم الاكبر سد مروي وتحقق كل شي يخص التنميه والله اكبر والعزة للسودان لو اكلت كسرة مرة بي مويه احسن من احسن وجبه في احسن فندق في العالم ونحنا فقارة ولاكن غنايا بهذا الغمام بهذا النيل كم تغايا تيراب النرميهو قام كما قال الشاعر الدرويش محمد الحسن سالم حميد وربنا يجمعنا في بلدنا في ظل السلام الشامل وشكــرا


فوق القلتو ليكم في الاول لاكين السمح اكتــر من الكعب بكتييييييييير يعني لو راحت العيوب دي والله السودان احسن من امريكا زاتوووووووووووو
وشكرا