دعوه الى تعدد الزوجات لمن استطاع اليه سبيلا

[صلاح محجوب عبداللطيف]

السبب من اقتراحى لتعدد الزوجات هو خوفى الشديد على مستقبل هذا الوطن وخوفى الشديد من انتشار الفساد الذى انتشر فى هذا الوطن واخذ ينتشر فى كيانه كالسرطان فلو لم نطبق هذه النظرية على ارض الواقع سيصبح الوطن العربي مثل اسرائيل وامريكا لان عدد النساء اصبح يفوق عدد الرجال بكتير ففى اخر احصائية اجريت فقد اتضح ان نسبة النساء فى 60 فى المائة ومازال السيل منهمرولاتتعجبوا من ذلك فهذه علامة من علامات اخر الزمان وانشاء الله سوف تصبح النسبة 80 فى المائة لذلك ادعو مرة اخرى الجميع الى الزواج لاكثر من مرة حتى نحافظ على مجتمعنا من الفساد لان الشىء الوحيد الذى سيحفظنا من الفساد هو تعدد الزوجات, فلو واحدة لم تستطيع كبح جماحك فان الثانية سوف تفعل وان لم تفعل الثالثة فسوف تفعل الرابعة واظنه لن يكون لاحد منا مكان لفساد اوغيره لو أنه تزوج باربعة نساء دفعة واحدة اما اذا تزوج اى واحد منا واحدة فقط واكتفى بها فلن يسلم من المعصية لان الفتنة اصبحت منتشرة كانتشار النار فى الهشيم فما ان تخرج من المنزل الى الشارع حتى تجد نساء كاسيات عاريات لا يخشون لا من القانون ولا من المجتمع ولا من الدين وليست لديهم ذرة واحدة من الحياء فلو حاولت ان تغض النظر فمعناه ان تعيش بقية حياتك كفيفا فهؤلاء الكاسيات العاريات انتشروا فى الارض من جميع الاتجاهات برا وجوا وبحرا فلامناص ولامفر من تفاديهم وفى النهاية نحن بشر فللبشر حدود لذلك اكرر للمرة الثالثة بان يتزوج الجميع اكثر من واحدة كل على قدر استطاعته حتى نحافظ على مجتمعنا من خاصة ان معدل النساء الى الرجال سيصبح بمعدل اربعة الى واحد لذلك حلل لنا الاسلام الزواج حتى اربعة نساء لانه كان يعلم تماما ان المعدل سوف يصبح هكذا..فلو تزوج كل منا واحدة فقط فان ذلك سوف يساهم الى اذدياد نسبة العنوسة وبالتالى الى فساد المجتمع فمن اين يرتوى هؤلاء العوانس المنتشرات فى الارض أكيد سوف يبحثون عن الحرام ..وانا من هذا المنبر ادعو الى تبنى فكرة زواج المسيار فليس عيبا ان تتزوج واحدة وهى تتولى الصرف على نفسها وليس عيبا ان ينكح الرجل امراة من اجل مالها فالرسول (ص)قال تنكح المراة لمالها وجمالها ......الخ فالرسول (ص) تزوج الكثير من النساء ليس لانه كان يحب النساء لكن كل امراة تزوجها تزوجها لغرض معين وكل ذلك من اجل يعز الاسلام .. وبالمناسبة هذا الموضوع إذا قراته زوجتى.. وانا اعلم سوف تغضب حينما اتزوج للمرة الثانية ولكن زوجتى ولازوجة احد منكم ليست اشرف ...من السيدة عائشة رضى الله عنها التى تزوج النبى(ص) فوقها

[brain]

أخونا في الله صلاح
بارك الله فيك يا أخي وجزاك الله خيراً على غيرتك وهمتك في اصلاح الأمة وخوفك على مستقبل البلد .
صراحة كلامك عجبني بالحيل ، والزواج ده اصلاً نحنا بندورو ، الا ( عطية ) قاتله الله حالف يمين كان يتزحزح مننا .
وأكتر حاجة عجبتني في كلامك ده زواج المسيار أو خلينا نقول زواج الايثار لأنوا المسيار يختلف من الإيثار . عشان ما نمرق من الموضوع السمح خلينا في التعدد . وأزيدك من الشعر بيت أنو النبي صلي الله عليه وسلم قال وهو الصادق المصدوق تكاثروا فأني مباهي بكم الأمم . فيا اخوي نحنا بس داخلين من الباب ده عشان النسوان ما ( يخرخرن ) الا يبقي عندهم راي في الدين وكلام الحبيب المصطفي . نحنا مسلمين وبنحب السنة عشان كده سريعين في الاستجابة لكلام الكتاب والسنة ده وبنقول ليك بالصوت العالي لبيك ودي دعوة شريفة وكريمة ومؤصلة . وبعد شوية بكتب ليكم السي في بتاعتي عشان لو أي واحدة من أعضاء المنتدى أو زائرة عجبها العرض وتأنس في نفسها الكفاءة فالتتقدم .
تحياتي

[brain]

ابو صلاح
صباحك خير
يبدو انو جماعتك اعضاء المنتدى ديل الموضوع ما عاجبهم ..
شوف عليك الله كم زاير !! وما في واحد فيهم تفضل بالمشاركة ...
يا زول ولا يهمك ( سيرو وعين الله ترعاكم )
ونحن بإذن الله لن نألو جهداً ..
ولن ندخر وسعاً ...
في سبيل نشر السنة النبوية الطاهرة ...
والمساهمة في عزة ونصرة الاسلام ....
والله أكبر والعزة للإسلام ...
ــــــــ
تحياتي

[صلاح محجوب عبداللطيف]

أخونا وحبيبنا brain الظاهر الجماعه ديل ضد التعدديه
تخريمة نكته للعوانس المابيشملهم الدعوة
بايرات قاعدات في مصيف.(الكلام دا كان في الصيف..)
الاولي قالت: انا دايرة احب..
التانية قالت ليها: حب إيه في السخانة دي..
قامت الاولي قالت ليها : انا جااادة..
قالت ليها التاني : انا مقتنعة ومؤمنة تماما انو العرس بيجي بعد الزواج..

[ناجي عثمان عبد الرازق]

[align=center]
مالك عاوز تعمل المشاكل ياعمو صلاح
التعدد في الزوجات أمر مشروع ولكن في هذا الزمن بالتحديد أصبح أمرا هام وجدير بمراجعته وهذا لأسباب ربما تطرقت لها أنت في صدر البوست ، أعتقد أن العدل في ماهو عرف للجميع أصبح واسع النطاق وأن من أهم الإهتمامات التي يجب أن تراعى مسألة الشتات الذي يحدث وتلك الفجوة الواسعة التي ستفصل مابين الاب وأسرته الأولي التي تحوي أبنائه وزوجته ،،،، الموضوع طبعا طويييييييل عموما هذا الأمر وفي هذا الزمن الكثير المعطيات أمر صعب للغاية ،، شكرا عزيزى صلاح محجوب
[align=center]
[/align][/size][/align]

[m2nooo]

الموضوع جميل واعتقد انو عندك حق. ....
لكن بحس ان الزواج التاني بيخرب حياة الاسر يعني لما الراجل يكون داير يتزوج على مرتو المرة مابتكون قبلانة ولا الاولاد وكان اتزوج. ..
اولادو بيتخذوا موقف ويكرهوا ابوهمالزوجة الاولى كذلك واكييييد دى بيكون في مصلحة الراجل إلي ماصدق ان مرت
مرتوا واولادوا زعلانين منو. ....ويعيش في العسل مع التانية. .....

[فنجاطة]

اها اها
دا البجنن بوبي ذاااااااااتو
مالك علينا يا استاذ صلاح
بري بري تاني البوست دا وحاة الحليفة مابفتحو
قدام راجلي يقوم يقراهو والفكرة تتمخمخ
وانا اشرب ماا روي كر كر علي
استاذ صلاح الزواج ربنا شرعو
بل الاصل مثني وثلاث ورباع
بس للاسف الرجال في بعض من الرجال بيأخدو
من الشرع المشروع في التعدد فقد وباقي الشرع حي الله
بلعافية
وفي الزمن هذا التعدد ابدا مابحل مشكلةبل بلعكس شتات ودمار للاسرة
وفي كم وكم نمازج للكلام دا
والمحاكم معظم المشاكل فيها الراجل اتزوج واهمل الاسرة الكبيرة
واذا اتكلمنا بعيد عن الشرع مافي مره ابدا ابدا
بترضي زوجها يتزوج عليها
الا اذا كانت في اسباب مقنعة تماما
والموضوع دا ابدا بلنسبة لنفسية المره ماساهل ابدا ابدا
اما اذا كان الزوج م
طبق شرع الله كل صغيرة وكبيرة يبقي دا زول مدين
وبطبق في الشرع بنفس القدر المطبق بيهو شرع الله كامل
لاكين يجي راجل يكون بصلي ب يا الله ويمين ويصوم ب يا الله ويمين
ووو الخ يقول عاوز يتزوج
نهيييييييي
بعدين كونو البنات يبورا
كل مره بتقول انا مالي بيهن مايبورو
وانا نفس الشي بقول ما يبوروا بعرسو
علي حساب سعادة الاسرة
طبعا دي انانية واضحة
في كلام العرس دا الانانية ما بتندسة
سجمي سجمي انا كتبته الكلام دا كلو
وحاة الله يا استاذ صلاح شدة ما الموضوع وجعني
خليتني انضم ذي الزول الرامي جمل
ضربو رمو
عاد يا استاذ صلاح كلام ذي تاني ما تجيبو لينا الكلام طير النوم من عيني
لو حاولتو تعملو حملة وتكثفو جهودكم للموضوع دا يارجال
انحنا حندخل فنون قتال بجد

[فنجاطة]

اها اها
دا البجنن بوبي ذاااااااااتو
مالك علينا يا استاذ صلاح
بري بري تاني البوست دا وحاة الحليفة مابفتحو
قدام راجلي يقوم يقراهو والفكرة تتمخمخ
وانا اشرب ماروي كر كر علي
استاذ صلاح الزواج ربنا شرعو
بل الاصل مثني وثلاث ورباع
بس للاسف الرجال في بعض من الرجال بيأخدو
من الشرع الشروع في التعدد فقد وباقي الشرع حي الله
بلعافية
وفي الزمن هذا التعدد ابدا مابحل مشكلةبل بلعكس شتات ودمار للاسرة
وفي كم وكم نمازج للكلام دا
والمحاكم معظم المشاكل فيها الراجل اتزوج واهمل الاسرة الكبيرة
واذا اتكلمنا بعيد عن الشرع مافي مره ابدا ابدا
بترضي زوجها يتزوج عليها
الا اذا كانت في اسباب مقنعة تماما
وانا تحديدا اذا زوجي عاوز يتزوج علي
يطلب الطلاق
لومجرد فكرة فقط وجاء وقال لي قبل ما يتزوج انا بطلب الطلاق وحتي لو اتراجع من الفكرة
تاني مابعيش معاهو مجرد فكرة بس بعتبر انو انا ما عاد لي وجود في حياتو
والموضوع دا ابدا بلنسبة لنفسية المره ماساهل ابدا ابدا
اما اذا كان الزوج م
طبق شرع الله كل صغيرة وكبيرة يبقي دا زول مدين
وبطبق في الشرع بنفس القدر المطبق بيهو شرع الله كامل
لاكين يجي راجل يكون بصلي ب يا الله ويمين ويصوم ب يا الله ويمين
ووو الخ يقول عاوز يتزوج
نهيييييييي
بعدين كونو البنات يبورا
كل مره بتقول انا مالي بيهن مايبورو
وانا نفس الشي بقول ما يبوروا بعرسو
علي حساب سعادة الاسرة
طبعا دي انانية واضحة
في كلام العرس دا الانانية ما بتندسة
سجمي سجمي انا كتبته الكلام دا كلو
وحاة الله يا استاذ صلاح شدة ما الموضوع وجعني
خليتني انضم ذي الزول الرامي جمل
ضربو رمو
عاد يا استاذ صلاح كلام ذي تاني ما تجيبو لينا الكلام طير النوم من عيني
لو حاولتو تعملو حملو ذي دي يارجال
انحنا حندخل فنون قتال بجد

[فراوله ام احمد]

سوف نستنكر .....................نشجب..................ندين.....

[بانه]

مشكور على الموضوع الهادف
خارج النص انتوا يا اخواتى ما سمعتوا فى اغنية بتقول راجل المره دا حلو حلا

[فنجاطة]

الجعلية هووووووووي
هووي يا الجعلية
راجل المرا شن طعمو
راجل المرا نص حق المرا ونص حق الاولاد
والدخيلة الهي الضرة ما عندها شي
بعد ماتعرسو حتعرف انه اتمقلبت
ودائما العرسة التانية فاشلة
ودائما بتكون نزوات من الرجال
وكل سنة وانتي طيبة يا الجعلية
واذا متزوجة الحمدلله
واذا ما متزوجة
ربنا يديك راجل مرا عندو عشرة عيال "" تهي تهي تهي
لا لا

[صلاح محجوب عبداللطيف]

الليلة مغرسة
سمحة مرتو الصغيرة وشينة مرتو الكبيرة
الصغيرة عرفت مصيرة و الكبيرة مسكت الغيرة
العجوزه الخربانة تتمسح بالديانة والوش حالتو تعبانة

[فنجاطة]

طيب ,, طيب يا صلاح
انته نسيت انحنا ناس ديم سلك
حنربط ليك في ميدان المولد
نطقطقك طقطقة ياصلاح
وكلامك دا انا ح اقولو لي ام عيالك
حلة الكنوز
وشارع البط بياخدو حقهم اول باول
يربطو ليك في ميدان ديم سلمان
تاني تجي داخل الحلة بوين
المرا الكبير هي العرفة مصيرا
وانجبت
المجهجهة الصغيرة
واي وحدة من الحريم توافق تعدد الزوجات
اما ان تكون متزوجة راجل مره
او يكون زمنا فات

[صلاح محجوب عبداللطيف]

بنتنا الكريمه فنجاطة
كل سنه وأنتي طيبه وبخير
وأسرتكِ الكريمه بخير ويعود
عليكم وعلينا باليمن والبركات
وعقبال ما يجي شهر 12 الجايه
بيكونوا نسيوااا لأن الجنس اللطيف
من السهل جدآ بينسى وبعد كده أنا بره
على شارع الظلط محطة عبداللطيف
يعني ما بخش جوه الحله وسلام كبير
لناس الحله أجمعين ونتمنى لهم كل الخير

[صلاح محجوب عبداللطيف]

مسطول مرتو شينة شديد قالت ليهو فسحني قال ليها نمشي حديقة الحيوان منها فسحة ومنها صلة ارحام..!!

[فنجاطة]

هههههههههههههه
ههههههههههههههههه
ههههههههههههههه
والله بالغتا فيها قبل ما يعرسا ما عرفا شينه
ولاهو من شدة الهم والنكد بقاهاشينه
تلقاها كانت سمحة
بضربو بيها المثل بقت شينه عندو بكترت الهم
وانته بالف خير ياصلاح وكل الاعوام
وانته في قمة السعادة والهنا
وربنا يسعدك واسرتك الكريمة

[بانه]

الجعلية هووووووووي
هووي يا الجعلية
راجل المرا شن طعمو
راجل المرا نص حق المرا ونص حق الاولاد
والدخيلة الهي الضرة ما عندها شي
بعد ماتعرسو حتعرف انه اتمقلبت
ودائما العرسة التانية فاشلة
ودائما بتكون نزوات من الرجال
وكل سنة وانتي طيبة يا الجعلية
واذا متزوجة الحمدلله
واذا ما متزوجة
ربنا يديك راجل مرا عندو عشرة عيال "" تهي تهي تهي
لا لا

انا بختلف معاك تماما لانه ما كل البتزوج مرة تانية حا يفشل يعنى دى حالات استثنائية ونادر جدا انه تلقى الزواج للمرة الثانية فشل
وانتى طيبة ياختى وينعاد عليك وانتى فى اتم الصحة والعافية
وبعدين ما اى مراه توافق على مسالة تعدد الزوجات تبقى يا متزوجة او فاته القطر زى ما انتى قولتى بتختلف من كل زول للتانى وبعدين مسالة تعدد الزوجات دى حاجة موجودة يعنى الاسلام احله للرجل مثنى وثلاث ورباع

[dream-lady]

طبعا لااعتراض على شرع الله ...رغم انو الضرة مرة
وراجل المرة حلاتو شنو

[عبدالله عوض الكريم احمد]

ياعمو صلاح لك التحية
والله موضوعك حلو حلا
لكن الله يكفيك شر
فنجاطة ومجوعلة خالتو الجعلية
وماتنسى DREEM عاملة لينا فيه
عصا نائمة وعصا قائمة
لكن انا ماعندي مانــــــــــــــــــــع
تــــــــــــــــــــــب



ودمسكيـــــــــــــــــــــــــــــــــــــن

[مسلمة وافتخر]

الاخدتو القرعة بتاخدوا ام الشعوووووور

بس لكن الضرة مرة