مطارحة شعرية ... ارجو من الجميع المشاركة

[محمد فيصل النعيمة]

سلام عليكم ورحمة الله وبركاته
ي جماعة عندي فكرة مطارحة شعرية صغيرة كده اي زول عندو شعر مالازم شعر كبير ان شاء الله لو بتيني تلاتة يكتبهم بس يكونو من تأليفهم و ف الأخير نشوف اراء الناس منو احسن واحد كاتب بعد موافقة الادمن طبعا

[الفاضل]

مــناي ياحبيبي طـــول عمـــري لي ترفق
لاني حــــبيتك حـــبا من اخـــلاصو يشفق
حبا مــــلا قلــــــبي وجـــوانحي وبدا يدفق
بخاف منو ياخذ عقلي وفي الشوارع اصفق

[dream-lady]

قلت انت مناك اوالفك
خايف من قولة أفارقك..
لكن يامهجة الروح انا بخالفك
الخوف الكبير اني ماأقدر ابارحك

[النصيح حديدو]

كفارة وعين عدوك ان شاء الله فيها شرارا
اصلو جمالك ورقتك من العيون ما بتضارا
خفة روح وكمان قوامك يزيدها نضارا
الطريف فتاك سهامو كاتلانا بكل جسارا

[dream-lady]

اقول اسكت تزيد بوجعتي الآلام
اقول انطق يهرب مني أي كلام
اقول اهرب يصبح طريقي كلو ظلام
اقول اسكن احتار ومايرتاح لي مقام

[النصيح حديدو]

ما سكا لي جرحي ساي من بره
ألمي في الحشا المجاور الصرة
انت لروحي الفزع يوم الحرة
ولقليبي الدواء القبيل قلب الفقرة

[dream-lady]

ما سكا لي جرحي ساي من بره

ألمي في الحشا المجاور الصرة
انت لروحي الفزع يوم الحرة

ولقليبي الدواء القبيل القلب الفقرة

نصيحو دي نحسبها هاء ولاتاء؟
بره ب(الهاء)
الفقرة ب(التاء)...
اني خيرتك فاختار..مابين الهاء والتاء

[النصيح حديدو]

نصيحو دي نحسبها هاء ولاتاء؟

بره ب(الهاء)
الفقرة ب(التاء)...

اني خيرتك فاختار..مابين الهاء والتاء

--------------------------------
ما تحتاري تب..اختاري منها العايزها
انتي القلوب بالطيبة والذوق مالياها
الهاء ولا التاء بيك فخورة من تالاها
لو ازاحمن عليك اختاري من اولاها[/align]

[dream-lady]

--------------------------------
ما تحتاري تب..اختاري منها العايزها
انتي القلوب بالطيبة والذوق مالياها
الهاء ولا التاء بيك فخورة من تالاها
لو ازاحمن عليك اختاري من اولاها[/align]

هدي ورضي وشكلك أمك داعيه لك
ياسيد الذوق والرقي بالعالي هنيالك
والفخر يفخر بيك والهيبة مكتمله بك
اخترت الهاء وانت الكاف جاية لك

[النصيح حديدو]

كاف صعيبة، لكن حبابا وحباب الجابا
كل الحروف والسطور منك ديمة بتهنابا
يمكن حرف من اسمك والسعادة من اسبابا
رؤياي يا ربي صادقة ولا غيمةً كضابا

[dream-lady]

كاف صعيبة، لكن حبابا وحباب الجابا

كل الحروف والسطور منك ديمة بتهنابا
يمكن حرف من اسمك والسعادة من اسبابا

رؤياي يا ربي صادقة ولا غيمةً كضابا

الكاف صعيبة ..بس حباب اللقاها
والحروف والاسطر..مابتابى المابياباها
بس حروف الاسم...الكاف ماتبراها
الغيمة ماكضابة...بس للشوفة خافياها

[النصيح حديدو]

الألف حرفو تاني في المطارحة مُبارينا
يلا أهلاً،جابو جميل يودي محل ما يودينا
بس باقي الحروف يمكن تغيير أو تشكينا
والنَظم وليس النُظم يضع الحديد في ايدينا

[امال الناس]

[quote="النصيح حديدو"]

[امال الناس]

رَسَّـلتْ ليك
مِن قَلبِـى شُـوقْ
رَسَّـلتو ليكِ
سابِقْ سِهـامْ
شوقِك بُـروقْ
مـا جـانـى رَدْ ؟!
ماقُلت غير
صَبّرك على
برجـاها يوم
ترجع تَروقْ

[امال الناس]

مُستَنـِّى رجـعـة
شوقِك
السافـر زمـان
مُسْتَنِّـى ريدِك
والحنـان
مُسْتَنِّـى بسْ !!
رَحـل الـزمـانْ
ضَيَّـعتْ مِنْ
خاطرى المكـانْ

[امال الناس]

مُسْتَنِّـى ريدِك
مِن جديدْ
مُسْتَنِّـى فرحـة
عـمـرِى ريدْ
شايلْ
فـرح حُبِّك بَرِيدْ
فارِشْ
طريقْ ريدِكْ قـصِيـدْ

[امال الناس]

و رَسَّـلتْ ليك
مـا جـانـى رَدْ
وكَتَبتْ ليك
مرسال طويل
مـاليهـو حَـدْ
ما جـانـى قـول
مـا جـانـى
مِنْ قلبِك خِطابْ
عايِشْ مـعـاك
زى السِحـابْ
ساكِن مداراتِكْ عِتابْ
ساحِلْ ضِفـافْ نِيلِكْ
سرآبْ
ورسلتْ ليك
ما جانِـى مِنْ طَرَفِك
جـوابْ
مـاقُلتْ غير
سِكَّـة غَـرامْ
مَطَوِيَّـه فِـى
صَفحَـة كِتابْ

[بت السرف]

قال مشتاق ...
وبتحدى ..
انو الشوق جواهو ..اكتر ..
وانو كتير ..الريدة فى دربو ..تتحكر ..
وانا البشتاق ..لــ شوقــا ..من عينيه ..بــ تقطر ..
وانا الريدة ..السكنت جواه..وبيها .. بــ تعطر ..
قال ..مشتاق ..

[النصيح حديدو]

مُسْتَنِّـى ريدِك

مِن جديدْ
مُسْتَنِّـى فرحـة
عـمـرِى ريدْ
شايلْ
فـرح حُبِّك بَرِيدْ
فارِشْ
طريقْ ريدِكْ قـصِيـدْ

يا ملك جوانا ملكتي فينا كل مواضع
تستني انت ليه؟.. دا بس منك تواضع
نستنى نحنا ونجلس بأدب في مرابع
غيابك لم يكتر يقلب علينا كل مواجع
القليب يهفو ويحن معاك لحلو المراتع

[النصيح حديدو]

قال مشتاق ...
وبتحدى ..
انو الشوق جواهو ..اكتر ..
وانو كتير ..الريدة فى دربو ..تتحكر ..
وانا البشتاق ..لــ شوقــا ..من عينيه ..بــ تقطر ..
وانا الريدة ..السكنت جواه..وبيها .. بــ تعطر ..

قال ..مشتاق ..

صحيح ولهان وكتير مشتاق


اصلو بعادك انتي ما بنطاق


يولع فينا ناراً تشعل الخفاق


وجمالك ليهيبو للقلوب حراق