مســـــــــــــــــــدار + مســــــــــــــدار

[mohamed merghanh]

يا شهد الكلام فكرتك مجنونه
طلعت المواهب المن زماااان مدفونه
ود مرغني وانسه و ارواحم المفتونه
في وصف الكنينه ناقصاهم الليمونه ,,,,,,,,,,

يا اخوي الكنينة كل المحاسن دونا
وأبيات الغزل محال تتنظم من دونا
الدهب المجمر منو أسيادو ما بدونا
يا أهل الغرام كيف العمل .. فيدونا

[mohamed merghanh]

مسداركم سمح غالبني ليهو ابارح
و الاغبش يمين حقو يمشي مسارح
و ال يقعد معاكم مكانو ما بي يبارح
تقول لي تعال لي بكره تلقاني جيت امبارح

يا هتان أخوي قول سدارك وطارح
يا النخل التليد شايل ثمارو وطارح
فى النم الجميل عمرنا ياما مطارح
داير كلامي معاك أجيبو جامع وطارح

[mohamed merghanh]

شهر الصوم حبابو الهل لينا بخيرو
صادق فى ميعادو وما بسو تأخيرو
يا سيد الشهور أول سرورنا وأخيرو
لى غفر الذنوب مولاى جعل تسخيرو

الشهر الكريم غمر القلوب نفحاتو
والبركة التفوح عمت جميع ساحاتو
المغفرة فى نصو وفى بدايتو جات رحماتو
والعتق من النار كل زول جلت صفحاتو

يا شهر الصيام يا هدية الديان
مع خلايق النور بيك البشر سيان
إن شاء الله يوم الهول تذيعو فينا بيان
مع كافة الحاضرين ندخل من الريان

[ود أونسه]

حباب شهر الصــيام الهلـه عم سمانا

حباب البي تباشير الســـــرور عمانا

مقلاع للذنوب بيهــــو الكريم خصانا

حافاهو الملائكة مصفود مكتـف جانا

[ود أونسه]

رواد منتدانا تهـــــــاني في رمضان

ترتادو المعالي في الآخره ترثوا جنان

انكربوا الجمـــيع في تـــلاوة القرآن

تلقوا الخير هناك عند خالق الاكـوان

[الاغبش]

مسداركم سمح غالبني ليهو ابارح
و الاغبش يمين حقو يمشي مسارح
و ال يقعد معاكم مكانو ما بي يبارح
تقول لي تعال لي بكره تلقاني جيت امبارح

القول الجميل تلقاهو دائما فرح
ومسدارنا عامر بالجمال الصارخ
منو عاطر المسك دائما فائح
كيفن يا هتان دايرني ليهو ابارح

[mohamed merghanh]

رواد منتدانا تهـــــــاني في رمضان

ترتادو المعالي في الآخره ترثوا جنان

انكربوا الجمـــيع في تـــلاوة القرآن

تلقوا الخير هناك عند خالق الاكـوان

حباب شهر الصيام الفينا ناضر حل
للزمن المسخ فى وحودنا سكر وحل
من قيد الذنوب بيهو النفوس تتحل
شهر المكرمات ما شهر ملاهى وحلة

الذكر المكرم فيهو ابتدا تنزيلو
يسحق للظلام وحتى الضلال بيزيلو
المولى الكريم عطاهو لينا جزيلو
شامل للخلوق وكل حي هو فيهو نزيلو

الشهر الكريم طابت عليك أيامو
وقلبك فى الرحاب زايد عليهو هيامو
الذكر اب رياض لزمت حالى خيامو
ناوي على الشهر صيامو ثم قيامو

ساءلين القبول كافة عملنا الصالح
ونفوسنا اللوامة نفبل عليها نصالح
بعد ما جاتنا آية فى وضوحا ناقة صالح
شغل البعد والغفلة والله ما فى الصالح

[mohamed merghanh]

ساحة سدارنا العامرة مالا صارت قيعة
ولمة حبايبي الكانو بقت سراب فى صقيعة
ياريت العنادل ترجع لحون توقيعا
عشان أفرح كتير فرح اللقالو وقيعة

[أيمن]

[poem= font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جاتنا الرحمه وديك المغفره قدامنا=
سايقين للعتق اقبل الآهى صيامنا=
جانا العيد يمشن طيبات أيامنا=
نحمد ربنا جاد لينا بى اسلامنا=[/poem]

[mohamed merghanh]

سلام أهل السدار أهل السرور والمغني
سلام الجاعلين قلوبنا فرحانة تهني وتغني
كم در الكلام سابكين حروفو وصغنا
فى البعاد والغيبة يا اخوانا جد بالغنا

[ايهاب عبدالفتاح]

الليلة أب فقـر زورني داراً عامـرة
فيها الجود وفيها والمكارم ظاهـرة
مسلمة بالأصول وبالمحارم كــافرة
وينك يا سوميتي المفدعة ضـــامرة

جيتكم وعقب سمونى المر الحجازي
سلاب الحق قلاع ما اتولد حجازي
سواي لللزوم كضاب البقول بارازي
اخوك يا ام سبيب فوقك بتم اعزازي

[الشيخ فرح]

بسم الله ندخل معاكم

[poem= font="Simplified Arabic,5,black,bold,normal" bkcolor="orange" bkimage="" border="none,4,gray" type=3 line=0 align=center use=ex num="0,black"]
جاني الخبر في النوم وقام ناداني = ساقني القليب والفرحة ما سايعاني
هتف نادى وهيج على اشجاني = قال لي أنا سوداني وخليك سوداني

[/poem]

[أيمن]

بسم الله ندخل معاكم

[poem= font="Simplified Arabic,5,black,bold,normal" bkcolor="orange" bkimage="" border="none,4,gray" type=3 line=0 align=center use=ex num="0,black"]
جاني الخبر في النوم وقام ناداني = ساقني القليب والفرحة ما سايعاني
هتف نادى وهيج على اشجاني = قال لي أنا سوداني وخليك سوداني

[/poem]

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ودتكتوك حبابك الكلام سرانى=
ومسدارك طرب للجوه والبرَانى=
الحرف البتتدوزن عليهو أغانى=
يحفظلك مكانك فى أنا سودانى=[/poem]

[شـهد الكلامـ]

بسم الله ندخل معاكم

[poem= font="Simplified Arabic,5,black,bold,normal" bkcolor="orange" bkimage="" border="none,4,gray" type=3 line=0 align=center use=ex num="0,black"]
جاني الخبر في النوم وقام ناداني = ساقني القليب والفرحة ما سايعاني
هتف نادى وهيج على اشجاني = قال لي أنا سوداني وخليك سوداني

[/poem]

شــــــــيخى بزيارتك يــــــومنا عيـــــــــــد ............
زى يوم الزينه لبسنا الجديــــــــــــــد.................
وجيتك لسودانى زيادة رصيــــــــــــــد................
عقبال ناس اليورو وحرس الحدوووووود................
خوتكم تجرى مع الدم مجرى الوريد...........................
اطربنا بكلامك يازهر القصيـــــــــــــــد .................

[شـهد الكلامـ]

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ودتكتوك حبابك الكلام سرانى=
ومسدارك طرب للجوه والبرَانى=
الحرف البتتدوزن عليهو أغانى=
يحفظلك مكانك فى أنا سودانى=[/poem]

ايمن تكتوك معانا ف المسدار تانى مابنتفرق ........
لى نضمو المنسق دوم دوام نتحرق............
كان داير الفرنسى هو ليهو مفستق............
كان داير النضم انضم اكتب وعلق ............
ود الشيخ فرح زار لينا مانى مصدق.................

[أيمن]

ايمن تكتوك معانا ف المسدار تانى مابنتفرق ........
لى نضمو المنسق دوم دوام نتحرق............
كان داير الفرنسى هو ليهو مفستق............
كان داير النضم انضم اكتب وعلق ............
ود الشيخ فرح زار لينا مانى مصدق.................

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ودالشيخ فرح زرعك مفرهد بتَق=
حالى مزاقو زى خمر الندامه معتَق=
جرحا اندمل ياشهد عاد واتفتق=
ماتداويهو ماظنيت يعود يتلتَق=[/poem]

[شـهد الكلامـ]

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ودالشيخ فرح زرعك مفرهد بتَق=
حالى مزاقو زى خمر الندامه معتَق=
جرحا اندمل ياشهد عاد واتفتق=
ماتداويهو ماظنيت يعود يتلتَق=[/poem]

قول ياكافى يارب العباد ياشافى .........
سميت بالرسول ف محاسنو نظمتا قوافى ...........
ليك دعيت ياصاحب الحرف البسوى قوافى ............
ماتجيك شينه ما تشوف شر وبالك صافى .........
مابتشرق شمس يوم ليكا فيها اجافى .............
يانعم الاخو وزينة شباب صبحو مافى .........

[الاغبش]

وتكتوك مرحب خش كمان اتحكر
دا بلدك اقدل فيهو وكمان اتبطر
ارمي حرفك خلي النسيم يتعطر
من حاليهو مسك واريجو من العنبر

[الشيخ فرح]

[poem=font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ودتكتوك حبابك الكلام سرانى=
ومسدارك طرب للجوه والبرَانى=
الحرف البتتدوزن عليهو أغانى=
يحفظلك مكانك فى أنا سودانى=[/poem]

[poem=font="Simplified Arabic,5,white,bold,normal" bkcolor="orange" bkimage="" border="solid,4,indigo" type=3 line=0 align=center use=ex num="0,black"]
ايمن كلامك حلو وشاعربه فوق لساني = وكرمك فرحني ومن العطش أرواني
جيتكم ضيف قاصدكم ومعاي حيراني = اها انا معاكم تب وما ظنيتني افوتكم تاني [/poem]

معليش إذا كان في خلل لاني كنت مستعجل للذهاب لمناسبة ... حتى ما عندي وقت انسق المسدار

رجاءً أقبلوه مني

[الشيخ فرح]

وتكتوك مرحب خش كمان اتحكر
دا بلدك اقدل فيهو وكمان اتبطر
ارمي حرفك خلي النسيم يتعطر
من حاليهو مسك واريجو من العنبر

[poem=font="Simplified Arabic,5,white,bold,normal" bkcolor="coral" bkimage="" border="double,9,sienna" type=3 line=0 align=center use=ex num="0,black"]
أهلي الغبش بطراهم يوت وأتذكر = لذيذ كلامـو وطعمه فاق السكر
تطرب لي مسدارة المنسق ماه مشتر = شوقي ليك يا الاغبش زايد أكتر[/poem]

حباااااااااااااااب أخوي الاغبش ما بضهب أنا أنت ياك زولي بتاع الدردشة من مسدارك وأسمك ده اخبارك وتحياتي ليك والبركة الميدار والمنتدى اللمانا