اجمل ماقرأت

[لبيب]

°ˆ~*¤®§(*§*)§®¤*~ˆ°سنلتقي يوما يا لبيب ومها عند ضفة النهر
وسيكون يوماً جمييييل قريبٌ للسحر

أحببتكما وعشقتكما بصدقٍ يا سمر
ولا جدوى من حبي لكِما ولا مفر°ˆ~*¤®§(*§*)§®¤*~ˆ°

[لبيب]

أبلغ عزيزا في ثنايا القلب منزله
إني وإن كنت لا ألقاه ألقاه
وان طرفي لموصول برؤيته
وإن تباعد عن سكناي سكناه
الله يعلم اني لست أذكره ! ! !
فكيف أذكره إذ لست أنساه

[لبيب]

لما الريد يفوت حدو
يبقى مصيرنا في يدو
يحن قلبك ويبين ودو
سؤالنا يهل زمان ردو
****
ترجعي لي ويرجع لي معا بصري
واعاين في العيون سهري
ليلي الشايلو من عمري
وكيف ريدك صبح قدري
نغمة حبيسة في خاطري
ألملم للفرح وقتي
واقول بختي
****
ليلنا يذوب مع الهمسة
ويصبح زي فرح أمسى
نفتش للحزن مرسى
ونسيب الكان عشان ننسى
****
ترجعي لي مالسواي
ختي الريدة في جواي
عذابنا الكان زمان شواي
رحيلو الليلة من دنياي
الليلة رحيلو من دنياي

[لبيب]

قطار الشوق


قطار الشوق متين ترحل تودينا
نشوف بلدا حنان اهلا ترسى هناك ترسينا

نسايم عطبرة الحلوة تهدينا و ترسينا
نقابل فيها ناس طيبين فراقم كان مبكينا
يا قطار الشوق متين توصل هناك حبيبنا راجينا
متين نحضن عويناتو متين يسرع يحيينا

يا قطار الشوق دا ليل الغربة فيهو ودار
متين تسرع متين بتكمل المشوار
عشان ما نلقى سيد الناس و نطفى البينا من النار
نشوفا عيونو نعسانة و لونو الزاهى كلو نضار

يا قطار الشوق حبيبنا هناك يحسب فى مسافاتك
و لو تعرف غلاوة الريد كنت نسيت محطاتك
وكان بدرت فى الميعاد و كان قللت ساعاتك
و كان حنيت على مرة و كان حركت عجلاتك

[مها]

جاييك من آخر الريد مشياً
على الأشواق
عز الليالى البيد آنست
نورك باق
خبيت مشاعرى شديد
الدروخة الساساق
كلما لك انت بعيد
توميلي بالاطواق
بى آيه تفتحى الأبواب
للجاك عديل ودنا
داير عينيك قراب وتبقيلي
دار ودنا
لو بالمحبة حباب إبن الملوح أنا
لو بالنغم زرياب وما خلى
فيك غنا
لو بالعلم دا كتاب مفتوح لك
ألف سنة
لو بالضرب دي حراب عنتر
مدارقو هنا
لو بالرسم جذاب عند أمو كل جنا
لو مو الشمس كضاب البدر
يضوي سناء
لو بالقرش وين جاب ما جاب
براهو هنا
لله كم خطاب تتمنى حالو مني
يا بت بلا استغراب تكشحلى
جور وضنا
وأنا اجدر الخُطاب واكتر قلوبه عنا
راجيك تقولى حباب يا ……
ريدتى هاك كفنه
فالدنيا دون أحباب غيمة
الضباب دفنه

[نبرة فرح]

قلت أهرب من عيونك

قلت أهرب من عيونك
ألقى في الترحال دواي
وأحيا دنيا سعيدة دونك
وأمحو إسمك من غناي
بس لقيتني
غصب عني
بحتفل بيكا وبغني
لما طيفك جاني جاي
*****
يا هو ريدك لسة فيني
زاهي في صبحي ومساي
بطيب مشاعرك بيحتويني
بنسى أللآمي وآساي
انسى صدك
وحيرتي بعدك
أنسى وأغفر ليك وأودك
وأملأ بـ .. إسمك غناي
*****
بعتَ كل الدنيا .. فُت
وقلت لي يوم ما بتعود
غادرت أحلامنا .. وغدرت
وبالصدود .. خنت الوعود
وهسي جاي
كايس هواي
ولا شوقك لي غلب
ولملمت دربك خطاي
*****

[مها]

بتخيلك

بتخيلك في عز نسيمات الصباح
وردة قـــرنفل وياسمــــين ...
عبق الدواخل فيك فــتح ...
سكة مداين الإحـتمال ..
الأدهشة ســــريان خطاك
بي كُل تفاصيل الحنين ...
وإحتضان الحرف للطعم الشهد
وأنـــا واللــيل الشمس ...
حر التوهج والتشوق والأنـــين
جــاياني صورتك بسمتك ...
في كُل مدارات الفصـــول
بتناجي في الزمـــن التعب
متوسده الجـــوف العصـب
والشوق بفيض دافق عليك
ريـــــد أمنــــــيات ...
يرجع ربيع عمرك رحـيق
وينداح معاك صوت العصافير
البترسُـم في عيونك ضُل وطـن
كاسـيهو أثــــواب الفــرح ...
غنوه وحكاوي وإخضـــرار
بتخيلك بي سماحتك وإحـتراقي
وروح وحاتك لسه قبلة تائهين
ولوحة أنغام من شجـن ...
وبتخــــــــــــــــيلك

[مها]

ما عاد يفيد...
تاني الاسي...
لي زول ...
مشاعرك تمنا
انساه فوت...
وأنسي الدموع...
وماضي السنين...
والازمنه
ماعاد يفيد...
ترسم عشم...
وتكتب حرفو...تدونه
أنساه يوم..
ليل الشقي...
وماضي الضياع..
الأتبني
وسوقن معاك...
خطوات مشن...
وعبرن محال الامكنه
ماعاد يفيد...
غيم الحزن...
لملم..مخاوفك,,,
خزنا..

[صلاح يحيى سليمان]

أدخل على الرابط ادناه لمتابعة الموضوع الاصلى




[frame="1 50"]
رابــــط الموضـــوع الاصــــلى[/frame]


وشكرا