منتدى أنا سوداني

قدر ماقتلو في الحال العلي استكفي
جدد حكمو في تعذيب قليبي المكفي
دلك وارتجاي وحظي العديل العكفي
ابسط حاجه شالن عقلي شلن كفي

لبيب كتب:

أبدع ربي في حكمو وصنايع رصك
سواك من سلالة عجيبة دوزن نصّك
أبدع في قوامك وبالأخص في نصك
أهيف ومنسجم بالحيل مهفهف فصّك

الليل بوبا والسجاعه غنا وترها
المحموم هجس والشيخ سجد وترها
العاشق جلس ضلاع النجوم مترها
بهل الدم دموعا بالسنين سترها

قوامك قسمو وقاسو الدبل من نصك
فمك حبكو ونضمو الوتر من حسك
ياست الحسان النافره في المابخصك
اوعي حزاري ربط التوب اكيد حا يقصك

حلم الملوك. يااا اندر صنوف التبري
حداثة العيون. يااا افتك سلاح العبري
بوصيك بعد الغياب واسكن حدود الشبري
شبيهك في الزهور ختيهو لي فوق قبري

سأل الصحه ؟ قت ليهو الجسم متصفي
سأل الوحه ؟ في الساكن مكامن صفي
سأل اتنحي ؟ قت ليهو القديم في صفي
سأل البحه ؟ قت ليهو الحلوق منقصفي

ياناس سلام ومني التحايا آلآف
من ظاهر الحروف فيكم رقي وظراف
انا الجيتكم شايل نماتي خفاف
تتقل عندكم ياسعادة البجيكم طاف