منتدى أنا سوداني

لبيب كتب:[align=center]
الريل النفور جنن جميع نصاحوا
مهما فيهو قالوا ومهما غردوا صاحوا
الخلا الجميع في ليلو يلقوا صباحوا
راجين نظرة ويحيدة شان يرتاحوا[/align][/size]

الريل النفور عمّر مواضي سلاحو
هدم حصن القليب صار محال اصلاحو
بحر جمالو الطامح ودّر وشال ملاحو
يا ويل الجميع من نور خدودو اللاحو

[align=center] القام دابو والله العظيم جنني في الحب والغرام يا اخوانا جد محني الشي الداير اقولو وانتوا تعرفوا عني عايش لى رضاهو انا مهما كان كلفني [/align][/size] القام دابو داب حلات عطورو الفاحو لادن زي فريع أثمر وشال تفّاحو في دنيا المحاسن واصل دوام لكفاحو ماهو الكذوب العايب ناقل الكلام لفّاحو

[align=center] يازول البلد والله مافي متيلا في جوا العيون جوا الفؤاد بنشيلا وافر خيرا بالخيرات مدفق نيلا مابنرحل نسيبا نقول خلاص ياحليلا [/align][/size] من زمان في حبّو روحنا والله كتيلة بالشوق كتير مجذوبة وسيدا ما راتيلا ياخي الصبر لو طال ما بجدي اصلو فتيلا وانغام غناي في الغربة ادمنت يوت ترتيلا

[align=center] مهاجر في البلد دايما تكون في سرور وفي الفردوس هناك تلقى الحسان الحور قولي حقيقة فيك وانا فيهو مامجبور كان بمرادي أقعد بى حداك دهور [/align][/size] مهاجر في البلود والغربة صارت طبعي وبقيت احس بالغربة بينات دياري وربعي نبع المشاعر جفّ يا ريت يعمّر نبعي وختم الحنين من تاني يرجع يعاود طب...

mohamed merghanh كتب:سلام أهل السدار أهل السرور والمغني
سلام الجاعلين قلوبنا فرحانة تهني وتغني
كم در الكلام سابكين حروفو وصغنا
فى البعاد والغيبة يا اخوانا جد بالغنا

تاني سلام

وان شاء الله تاني نتلاقي

ود أونسه كتب:

جايين للجمـــــــــــيع نهني بالاعياد

في العام الجديد ان شا الله تبقو شداد

رافلين في نعيم باشين فرح واسعاد

يرزقكم ثبات يوم وقفة الاشهــــــاد

كل سنة وانتو طيبين ....

سلام يا ود اونسة

ودالدرديري كتب:

ياللدر اللزوم جيناك نعضد أزرك
والمسدار حليلو الكان يلم الأبرك
شايف لي عيال بتدور تدور حجرك
شاحد الله الكريم من تاني يلمع قمرك

يا حادي الركاب مولاي أعانك نصرك
والمسدارحليلو يوم كان بشوف بي بصرك
مين في اضيق زاوية يا سدارنا لجّ وحصرك
وخلّي الألم طوّاف يا قلبي جاك واعتصرك

[quote="ود أونسه"] حباب ود مرغني فـــارس فـــوارس الحته روحنــــا دوام معــاكم لكن بعيدـــــه الجته بارين ام قـــدود فترنـــــــا حيلنـــــا انبته نجري جري الوحوش والعوجه زيره مغته[quote="ود أونسه"] سلام ود اونسة اخوي وراك عضمنا انفتّ جافينا دار مسدارنا والله ممّا فتّ لمّن أجيهو ...

ودالدرديري كتب:

على طاري الدروب باريت دروب الريد
وان كان هو السبب ان شاءالله سهري يزيد
هيمان بي غزال شاقيني شوقو شدييييييد
دعواتكم معاي ياناس نتمو الريد

الريد من قديم بهدل تلوب وفوارس
وكل القصّو دربو ياما لاقو كوارث
معاهم جملة قلبي مصيرو حيكون وارث
كشف الغطا الرقراق وبرد الليالي قوارس

ودالدرديري كتب:

ياناس الكلام شوفولنا إيهـ الحاصل
السهر الشديد من يوم أمس متواصل
جربت الحبوب وتكنو تحصيل حاصل
لى هالساعة نوم مافي ولسه مواصل

!!!!!

ود الدرديري اخوي ان شاء الله مشرق يومك
من كل خير وسعادة عايش مكبّر كومك
حليل لمّة صحابنا الكان تعوم بي عومك
وجمعنا لمّا انفضّ ياهو المطيّر نومك

دار مســــدار ســـــلام تاني جيتكم صاد جيت اعرف خباركم ان شا الله انتو شداد لقيت الـدار خــــلا مافيهـــــا زولا عاد عجلــــو بالجــــــديد كفانا جور وبعاد مرحبتين حبابك وقتين تقبّل صاد وشركك بي حروفي اليوم مظفّر صاد ليه الفرقة دايما لينا باقية حصاد وزمنّا الطبعو جاير لينا بالمرصاد ود اونسة السلام ...

هتان كتب:يوما بالعتامير ويوما فوق ضهر عنافي
ويوما حامل اب زرد التقيل كتافي
الخلاني اشيل الحرّه و الليل حافي
خايف اللينه تطلب شي اقو لها مافي

يا هتان اخوي دي حاجة ما معقولة
بنابرك فى الطريق وعبارتك كمان منقولة
أنا الزعيم الهجمك حديدتي ليك مصقولة
كجّيت السدار بجنازتك دى كلمة ياخى تقولا ؟

حباااااااااااب ود ميرغني [/size] [poem= font="Simplified Arabic,5,black,bold,normal" bkcolor="sandybrown" bkimage="backgrounds/23.gif" border="solid,4,darkblue" type=3 line=0 align=center use=sp num="0,black"] سلام اهل السدار اهل الكلام وفصاحتو = سل...

بعد ماقنعنا من حوشـــنا وضمنا قماحو جو الزينين غشونا وبي هــواهم باحو بي طلتكم المســـــدار طلقنــا سراحو يكلاه الكــريم برعايتو تشفى جراحو الاخ الشيخ فرح حمدا لله على سلامتك وان شاء لقيت الاهل والعقاب بخير وتركتهم على خير مع امنياتي لك اخي بالتوفيق . دا الاعوج ترا البخلّى الفؤاد متألّم من أعز النا...

ودالدرديري كتب:

فوق درب الحسان ياخوانا اتبهدلنا
قـدر ماقـلنا نصبر حـبـهـن شاغلنا
كلما الليل برد جاب نسمهن غازلنا
تلقى دمعنا عز الهجعة سال وخذلنا

فى درب الحسان جيش الغرام نازلنا
شغلو كر وفر وفى لحظة ما اتنازلنا
عرجنا ما حافظنا وما فتح نازلنا
وللعشرة الجديدة قاعدين سنين لا زلنا