منتدى أنا سوداني

الاخوه والاخوات...اعضاء منتديات انا سودانى والزوار الكرام
كل عام وانتم بخير...والسنة الجايه على امانيكم ...ولبلدنا الحبيب السلام الشامل ان شاء الله
استجابة لطلب العديد من زوار موقع انا سودانى نت لتصميم منتدى للموقع.....استطعنا اخيرا
والحمد لله اليوم 23.10.2006 اى بعد مرور خمسة اعوام من انشاء موقع انا سودانى...من
افتتاح هذا المنتدى...والذى اتمنى ان يلبى طلبات كل السودانين...فى كل مكان.
المنتدى نود ان ينحصر فى كل مواده عن السودان...كان ذلك فى النكات... الشعر....الموسيقى
الى آخر القائمة...لذلك نرجوا مراعة ذلك،وايه مشاركه نرى انها تخرج عن ذلك سوف تحزف.
الاخوة المغتربين صممنا لهم منتدى خاص..وبالطبع لكل شخص حق المشاركة فى فعاليات هذا المنتدى،
كذلك منتدى المراة السودانية...نرجوا ان يجد اقبالا ودعم من الاخوات.

العضو الكريم ..!
لايخفى عليك ، ظهور المنتدى بصورة حضارية تشرف وطننا السودان شئ نصبوا اليه جميعنا ،
لذلك نرجوا منك مراجعة الموضوع المثبت للوائح وقوانين المنتدى على الرابط ادناه ، ونرجوا
جادين من كل الاعضاء الالتزام بها.

http://www.anasudani.net/fourm/showthread.php?t=854

نحن فى انتظار اقتراحاتكم....وآرائكم...لتطوير المنتدى....!!!
ختاما نتمنى لكم قضاء وقت ممتع مع منتداكم.....فى كل مكان

مع تحياتى
المشرف العام

الاخ مشرف الموقع والمنتدى
كل عام وانتم بخير بمناسبة عيد الفطر المبارك والذى جاء مقترن بالمولود الجديد منتدى انا سودانى لينضم الى اخوانه من المنتديات السودانية الآخرى والتى نأمل ان تزدهر وتقدم للمواطن السودانى كل ماهو مفيد وجديد وتقدم للجميع سواء داخل الوطن او فى بلاد المهجر ما يتمنونه

اخوكم
احمد يس

احمد يس كتب:الاخ مشرف الموقع والمنتدى
كل عام وانتم بخير بمناسبة عيد الفطر المبارك والذى جاء مقترن بالمولود الجديد منتدى انا سودانى لينضم الى اخوانه من المنتديات السودانية الآخرى والتى نأمل ان تزدهر وتقدم للمواطن السودانى كل ماهو مفيد وجديد وتقدم للجميع سواء داخل الوطن او فى بلاد المهجر ما يتمنونه

اخوكم
احمد يس

الاخ احمد...اهو ده الكلام النجيض....وده والله هدفنا من هذه المنتديات...وان شاء الله بجهد الجميع سنصل لهدفنا
مرحب بيك مرة تانى...وشكرا على المشاركة.

مع تحياتى

[glow1=66CCFF]مبروك على المنتدى يا اخ صلاح..والمفروض من البداية نهنيك..معليش جات متأخرة.
واتمنى من الله انو يكون منتدى ناجح..ويطور في زمن قياسي..
وشدووووووووو الهمه..

دمتم سالمين[/glow1]

شكرا لك كتير مشرفنا على المنتدى الرائع دا . نتمنى انو يكون من اجمل وارقى المنتديات السودانيه والعربيه ....... ودا كلو اكيد بمجهود الجميع ودعمك ليهم ,,,,,,,, انا عضوه جديده هنا بس بقيت حاسه انو المنتدى دا لي وبيعنيني كتير عشان كدا انا حأحاول اني اقدم واعمل كل اللي بقدر عليه عشان نصل للي نحنا عايزينو , وبعيد واكرر شكراااااااااااااااااااااااااااااااااااااااا كتير على جهودك وزي ما بتقول اختنا شاربة توت ولابسة بووووت ,,,,,, دمتم سالميييييييييييييين ,,,,,,,,,,, تمبوشه

الاخت تمبوشة...جميل جدا لما الواحد يقدم ايه حاجه وتنال اعجاب كثير من الناس....انا اليوم
معجب بتفاعل الاعضاء وتمسكهم الشديد بالمنتدى...وذى ما قلتى لما الواحد يشعر بانو المنتدى
يعبر عن شخصه وعن افكاره ويحس بانه منتداهو ...نكون وضعنا ساس متين نرجو ان
ينتج عنه صرخ نفتخر به جميعا...وتجدينى اكثر اعجابا بروح المودة والاخوة التى جمتنا كلنا
للتعبير عن حبنا لوطنا العزيز السودان.....!
ده منتدى وموقع السودانين فى كل مكان ...فى الداخل والخارج....وبقليل من الجهد والاصرار
سنصل لغايتنا ان شاء الله.

لنعكس نحن سوداننا بصورة اخرى ...بعيده عن السياسة والتحزب....سودان يختلف كثيرا
عما يعكسه لنا الاعلام العربى والعالمى....سودانا البنعرفوا كويس...واهلنا الطيبين.

مع تحياتى
صلاح

جيناكم يا حبايبنا بعد غربة وشوق نغالب فيه ويغالبنا

تحية اجلال لإدارة المنتدى الظريف دا وفووووق سودانا فوووق

جيناكم رحبوا بينا و كل عام وانتم بخير مقدما قبل الزحمة

الاخ محمد صلاح ابراهيم
مرحب بيك وحبابك عشرة وكل سنة وانت طيب والسنة الجاية على امانيك
استمتع معنا ومتعنا بمشاركاتك على منتدى انا سودانى

اسف على ركاكة الكتابة فى النص السابق نسبة للاستعجال

الاخ المشرف العام
السلام عليكم ورحمة الله وبركاتة اولا الشكر الجزيل على السريع والمواضيع التى ارسلتها وطبعا الهدف من المتديات زيادة المعرفة والاستفادة من مشاركات الاعضاء فكريا وادبيا وكل امور الحياة واشكر لكل الاعضاء ودمتم فى رعايةالله
اخوكم sngam

السلام عليكم

كيفك يا صلاح ارجو الاتصال او ارسال رقمك فى البريد الخاص بى باين الناس اخيرا حتتلاقى فى الغربه البطاله ده

حيدر أمين عبد اللطيف [