صفحة 1 من 1
المخبــــازه
مرسل: الأربعاء 2007.9.26 1:58 pm
بواسطة حزن السنين
[grade="00008B FF6347 008000 4B0082"]المخبازه
--------------------------------------------------------------------------------
اشتهرت مدينه بورتسودان بالمخبازه وهي اكله شعبيه تقدم في
العشاء وهذه الاكله لمن لايعرفها ولم يأكلها فاقول له ان نصف
عمره ضائع
واليكم اولا المواد الخام :
1 / دقيق قمح
2/ موز
3/ سكر
4/ سمن
اما طريقه اعدادها فهي كالاتي :-
1/ يعد الدقيق بعجنه بلماء وعمل الفطيره
2/ ثم تفرم هذه الفطيره مع الموز ويخلط معهما السكر
وبعد ذلك يصب السمن الحار فوقها
ملاحظه : البعض يحبها بالعسل والطحنيه
و لا شنو يا ناس بورسودان ...!!![/grade]
رد: المخبــــازه
مرسل: الأربعاء 2007.9.26 2:17 pm
بواسطة aboalseem
[overline]
[align=center]شنو يا حزن السنين....معقولة ده موضوع تجيبو في نهار رمضان...كفانا العلينا..... الهم اني صايم 
مشكور خالص بس انت كدا حيجوك ناس حقوق النشر لانك كشفت عن اسرار الوجبة[/align][/color][/overline]
رد: المخبــــازه
مرسل: الأربعاء 2007.9.26 4:19 pm
بواسطة عازف الأمل المفقود
يسلمووووووووووو حزن على البوست
رد: المخبــــازه
مرسل: الأربعاء 2007.9.26 10:23 pm
بواسطة mr.zoool
حزن يديك العافية
زكرتنا مخبازه السوق العربي
والله كنا بنضرب ضرب
انسى بس!!!
رد: المخبــــازه
مرسل: الخميس 2007.9.27 12:51 am
بواسطة مشاكس
الاخ حزن السنين
السلام عليكم ورحمة الله وبركاته
صراحة موضوع جميل ولذيذ
احب وبعد اذنك طبعا اضيف معلومات اضافية عن المخبازة من حيث المنشاء وطريقة التحضير
اولا هي اكله شعبية احضرها الى السودان اخوانا الحضارمة ( اليمانيين ) من فترة طويلة جدا
وهي تلاتة انواع او لها تلاتة طرق تحضير :
الطريقة الاولى كما ذكرتها انت
الطريقة الثانية : تعد الفطيره بدقيق القمح ولكن على تنور فخاري ثم تترك لتجف ثم تقطع بعد ذلك بالايدي الى قطع صغيره تحضر في المنزل بكميات كبيره ثم تنقل الى المطعم وفي المطعم يتم طبخ الموز مع السمن في انا على النار ويترك الا ان يغلى ثم يضاف اليه الفطير بعد اذالته من النار مباشرة ثم يقلب
الخليط ثم بعد ذلك يقدم
الطريقة الثالثة : يعجن الدقيق بالما والزيت ويكون متماسك نسبيا حتى يتم فرده او طرحه ويوضع في المنتصف فطير مستوي معد مسبقا في متنصف العجين ثم الموز فوق الفطير ثم يغلف بأطراف العجين ويوضع على صاج به زيت او سمن الا ان تحمر العجينه الخارجية تماما ثم يوضع في اناء ويقطع بأداة حادة بسرعة يقوم بها عامل مختص . ثم تقدم بعد ذلك مع اضافة الطحنية او العسل
في كل الانواع لك ان تختار ما تريد ان تضيفه من طحنية او عسل او قشطة او الزبيب او كل الاصناف المذكورة
اما بالنسبة للمخبازة في الخرطوم فهي عبارة عن سلطة فواكه بكثرة الاضافات التي قد تغير من مزاقها الاصلى
وشكرا مره اخرى واسف على الاطالة في الشرح
رد: المخبــــازه
مرسل: الخميس 2007.9.27 12:57 am
بواسطة ريماني
حزن السنين
تسلم على الوصفه
رد: المخبــــازه
مرسل: الخميس 2007.9.27 8:22 am
بواسطة MiSs PlAnEt
الرائع...حزن السنين
مشكور عالوصفة...بس انا اول مرة اسمع بالمخبازة !!!
ممكن تضيف صورة للوصفة اذا اتوفرت 
وتسلم ايدك
رد: المخبــــازه
مرسل: الخميس 2007.9.27 10:50 am
بواسطة نسرينا بت بورتسودان
تسلم ياحزن على طرح الموضوع
وطبعا الاكلة دي رهيييييييييييييييييييييييييييييييييييبة
وبتكون ارهب لو كانت من يدي
طبعا اختكم خبرة فيها
تخريمة
جرحت لينا صيامنا ياود
الله يديك العافية
رد: المخبــــازه
مرسل: الخميس 2007.9.27 12:27 pm
بواسطة حزن السنين
الغالية دوماً / نسرينا بت بورتسودان
طبعاً كيد حتقولي كدة و زي ما بقولوا ( اعطوا العجينة لي خبازو حتي ياكل نصوا )
بس انا ما بحكم الا بعد ما اضوك الحاجة بي نفسي و احكم
يعني اكد طالبك مخبازة لمن اجيكم في بورتسودان و قريب الكلام دا ما بعيد
اها اتفقنا و لا ...؟؟؟
تخريمة :
يا بت انتي بس عايزة سبب بس و الظاهر السخانة عندكم شديدة 
رد: المخبــــازه
مرسل: السبت 2007.10.6 2:31 pm
بواسطة Suhaib
يا حليل زمان زمن الجامعة
والرمتلة
والخرتوم سنتر والشيرنق والمخبازة
اسي بقينا مافي نفس لحاجة حلوة زاتو يا دويك ملعقة ووتقوم
شكرن حزن ع المخبازة
،،
رد: المخبــــازه
مرسل: الأحد 2007.10.28 2:26 pm
بواسطة حزن السنين
[grade="00008B FF6347 008000 4B0082"]ضهيب يا خوي الظاهر عليك ما خليت ليك كافتريا ما دخلت فيها
اسي ما راح شي ممكن ممكن ترجع و لا الكبر دخل و المسئوليات بقت كبيرة
لكن برجع و اقول ليك مرات الواحد بتمرد علي المسئوليات و عامل السنة
عشان كدة لازم الوحد يعلن التمرد حتي لو يوم واحد في العمر
و لا شنو يا فردة ،،،،[/grade]
رد: المخبــــازه
مرسل: السبت 2007.11.3 6:57 am
بواسطة شاربة توت ولابسة بوت
أكله شكله شهى ولذيذ جدا !
وبصراحة انا مع مس بلانيت اول مره اسمع بيها !
على العموم تسلم الايادى فردتى !
رد: المخبــــازه
مرسل: السبت 2007.11.3 1:56 pm
بواسطة حزن السنين
خلعتي ،،،،
لمن تجي اجازة السودان انا عازمكم ليها
اها رايك شنو لكن قبل كدة لازم تاخدي الاذن في الاول .....!!!!!
دمتي بود
رد: المخبــــازه
مرسل: السبت 2007.11.3 2:56 pm
بواسطة حزن السنين
شكلك كدة حتعملها قريب و فجاة ،،،
لو عملتيها حضيعي شرف الاستقبال في المطار
و فتح صالة كبار الزوار لاستقبالك ...
و ارهاق عمال و موظفين المطار ،،،
