صفحة 1 من 1
انقذ الشعب السوداني
مرسل: الثلاثاء 2007.9.18 7:26 am
بواسطة قلق
ازيكم يا جماعة ورمضان كريم
والله فاقداكم الايامات دي مالكم قاطعين وشكم كدة
اها نخش في المفيد
طبعا الطبيخ السوداني ما فيهو كلمة
كلو طاعم ومافي زيو
لكن الايامات دي لاحظتا انو احنا مابنعرف نعمل الشوربة
يعني اعزموك فطور وتشوف الحاجات مرصرصة تتكيف للنهاية و اذن الاذآن وتبقي عايز ليك حاجة دافية تفطر بيها
وحاتك اجيبو ليك حاجة مايعة وعايمة فيها حاجات ممكن تكون عيون وزيت مطفح بي جاي بالله تقفل معاك قفلة
كترتا الكلام 
انا قلتى يا جماعة نعمل نفير ونمنع حصول الحادثة المؤسفة دي لي ناس تانين
كلو زول اخش هنا اكتب لينا ووصفة شوربة سمحة عشان ننقذ الشعب السوداني
رد: انقذ الشعب السوداني
مرسل: الثلاثاء 2007.9.18 7:50 am
بواسطة قلق
اناحأبدي
شوربة دجاج بالخضار
المقادير
دجاجة مقطعة
2بطاطسة مقشرة
1طماطمة
كوب من الحليب
3قرن شطة"حسب الرغبة"
بهارات:كمون فلفل اسود ملح
الطريقة
اسلق الدجاجةمع البهارات
انشل الدجاجة وقم بقليها بشكل منفصل
استخدم مرق الدجاج لسلق البطاطس والطماطم
بعد نضوج الخضار اضف الحليب
ثم استخدم الخلاط لخلط المزيج
ثم اعد تسخينة لدقائق قليلة
اضف قطع الجداد المحمر وخلاص
رد: انقذ الشعب السوداني
مرسل: الخميس 2007.9.20 10:26 am
بواسطة MiSs PlAnEt
مرحبا قلق
ارجو ان تنقذ الشوربة الشعب السوداني!! 
شوربة الهليون
المقادير:
4 أكواب من مرقة الدجاج أو اللحم ( يمكن استعمال مكعبات ماجي بدل المرق ) -
3 ملاعق طعام زبدة -
3 ملاعق طحين او دقيق -
علبة هليون + الماء الموجود في العلبة -
كوب من القشدة -
ملح وفلفل حسب الرغبة -
مكعبات التوست المحمصة .
الطريقة:
تسخن الزبدة ويضاف لها الطحين مع الإستمرار في التحريك فوق النار حتى تفوح رائحة لذيذة ثم تضاف مرقة الجاج أو اللحم أو مكعبات ماجي المذابة
في الماء ويخلط الكل جيدا ثم يضاف ماء الهليون مع الإستمرار في التحريك ( إذا لاحظتي وجود كتل من الأفضل خلط الشوربة في الخلاط الكهربائي )
بعد أن يغلي الحساء أضيفي القشدة والملح والفلفل الأبيض وأخيرا أضيف الهليون ولا تتركيها على النار أكثر من دقيقتين
تقدم مع مكعبات اللتوست المحمصة وقليل من عصير الليمون حسب الرغبة.
رد: انقذ الشعب السوداني
مرسل: الخميس 2007.9.20 6:05 pm
بواسطة بت أبوظبي
شوربه الخضار
لزيزه وجميييييله ..
زي شوربه المأكولات البحريه المميزه بالكثافه والطعم المميز
المكونات :
كوب عدس
2 بصله مقطعه قطع متوسطه
2 صماطم مقطعه قطع متوسطه
2 جزرمقطعه قطع متوسطه
2 كوسامقطعه قطع متوسطه
2 فلفل أخضر حلومقطعه قطع متوسطه
لتر من الماء
مكعبين ماجي
ملح
ذرات من الفلفل حسب الرغبه
ملعقتان زبده
نص كوب كريمه لباني
كرفس للتجميل أو كزبره مفرومه ناعما
طريقة التحضير :
تسخن معلقتان الزبده في طنجرة وتضاف جميع الخضراوات عدا العدس مع التحريك المستمر حتى تذبل الخضراوات ..
بعدها يضاف العدس والملح والفلفل ومكعب الماجي ويقلب مع باقي الخضراوات ويصب لتر الماء ويترك على نار متوسطه مع التحريك من فتره إلى أخرى ..
عندما تنضج جميع المكونات .. تترك لتبرد قليلا وتضرب جميع مكونات الشوربه في الخلاط
تصب في طنجرة أخرى نضيفه وتغلي مره أخرى وتضاف الكريمه اللباني
تقدم في طبق الشوربه .. يضاف الكرفس أو الكزبره للتجميل وإضافه نكهة مميزه
طبعا ما ننسى الليمون !:079:
شكرا
أتمنى تعجبكم
رد: انقذ الشعب السوداني
مرسل: الجمعة 2007.9.21 7:36 am
بواسطة قلق
mess planetوبت ابو ظبي ما بتقصرو الليلة حاجربم
ويسرني اعلامكم انكم قد ساهمتم في انقاذ الشعب السوداني
رد: انقذ الشعب السوداني
مرسل: الثلاثاء 2013.11.5 9:00 am
بواسطة kaydoo
هاااااااا دا البوست الكنت فتش علية يا ريت كل من عندو اضافات لي شوربات تاني افيدنا وانا بموووووت في الشروبات