منتدى أنا سوداني

الأخوة والأخوات الأعزاء

والله موضوع شاغل بالى وبال كثير من أخواننا المغتربين
وهو موضوع التعليم بالنسبة للابناء

عندى ولدين بصدد الدخول للمدرسة ومحتار مابين التعليم الانجليزى - منهج بريطانى _ والتعليم الاهلى العام
طبعا فكرة المدارس الحكومية بالسعودية مستبعدة تماما وكلكم ادرى بما يحدث بها

بالنسبة للمدارس international اغلب المدارس هنود بالنسبة للمعلمين والطلبة
وكذلك فى مدارس بتدرس المنهج السودانى بس مامستقرة لعدم وجود تصاريح
فلذلك كل من له دراية او تجربة سابقة نرجو الافادة
وشكرا

اناوالله ماعندي تجربة ولا فكرة عن الموضوع لكن من الحاجات الكان نفسي لو اهلي عملوها لي انهم ب قروني في المعهد البريطاني لانو كده الجامعة حتكون اسهل وحتتوظف اسرع لانو دايما حتكون عندك ميزة علي بقيت الناس الهي معرفة الانجليزي انشاء الله ما اكون ضيعت وقتك بي حاجة مافادتك بي شي

قلق - بطوطة - عاشقة النيل
شكرا على المرور والأفادة وشكلكم كلكم ميلتو لجانب التعليم الانجليزى

دلع ومغرورة شكرا على الافادة
والله يرجعنا بلدنا ويريحنا من العذاب ده
قولو آمين

والله انا ماعندى خبرة بالموضوع ولكن اعلم جيدا ان التعليم فى وطننا العربى يصل فى بعض الدول العربية الى حد الكارثة , لذلك اقترح عليك التعليم الانجليزى
ولكن يبقى ذلك اخي العزيز مجرد اقتراح

الاخ سوداني معزب كتير من المغتربين البعانو من نفس المشكلة او ما يقارب منها حاول اسال اهل العلم الهم لهم تجربة قبلك وكون حريس ان يتعلم الاولاد اللغة العربية بي طلاقة بجانب الاجليزية وما تنس الدين الاسلامي وما ينس الاولاد انهم سودانيين وربنا يعينهم ويجعلهم خير نموزج للبلد