منتدى أنا سوداني

مرسل: **الأربعاء 2007.8.29 4:41 pm**

الموضوع دا قررت اكتبه وانا الان ميتة من الضحك

لدي زميلة في غاية الروعة دمها خفيف للغاية .... وشخصيتها بتجنن
لكنها لم تتزوج بعد وشايلة الهم
دار بينها وبين زميلة اخري اكبر سنا ومتزوجة
في موضوع الزواج وما الزوواج
التانية بتنصح في الاولي
وبتقووول ليها .... اتزوجي يا بت انتي قايلة العمر دا واقف عندك
اجابت الاولي خلالالاص فقدت الامل
مافي زووول شغال بي

سالتها التانية
لمن تمشي في الشارع بيعاكسوووك الرجال والا لا
قالت ليها الاولي والله يعني انتين تلاتة كدة بيعكسوني

قالت لها التانية خلاص معناها في امل لسه
بتتزوجي يا بت

طبعا كل الحضور ضجو من الضحك
وبعد ما انتهت نوبة الضحك
استغرقت في التفكير في معني كلام التانية
وسرحت بعيد
هل من الممكن ان تكون معاكسة الرجال للنساء لديها جوانب حسنة ونحنا ماعارفين
زي رفع المعنويات وكدة
لدي البنات ؟؟؟؟
رائكم بيهمني
تسلمو

مرسل: **الأربعاء 2007.8.29 5:00 pm**

سودانيه نار
يامن تشبعت بحب انا سودانى ، تناقشين فيه كل مايدور حولك

الموضوع
غير المعاكسه هنالك طرفه اخرى
وتسمى (لا )
ماهى عدد المرات التى تقدم للبنت عرسان وقالت لا

طبعا هى مقياس عند اخرين وسلاح ذو حدين

بمعنى البت التى لم تقل لا بمعنى لم يتقدم لها عريس قبل الان (_ فرصه قليله فى العرس )
احتمال ضعيف جدا انها تتزوج من شخص ضعيف الشخصيه ولايحب المغامره
البت القالت لا كتير
برضو كلمه لا كتيره بتضعف احتمالات الزواج ، والسبب انو بعتقد الشبان انها FFR
المصطلح يعنى فاكاها فى روحها

نرجع للموضوع الا ساسى وهو المعاكسه
عندما تعاكس فتاه هذا يعنى انها لفتت نظرك ، حصل اعجاب ،
بس احتمال انك تمشى البيت بكون ضعيف
لكن لو لفتت نظرك واحده وقطعتو فى حنانك ومالقيت رقم تلفونها
احتمال تمشى البيت وارد بنسبه 20%
هو المشى للبيوت الزمن دا عاوز ليهو زول يمتلك مقوماته
لو عندك المقومات احتمال تمشى اى بيت بنسبه 80%
اسف للاطاله

مرسل: **الأربعاء 2007.8.29 5:50 pm**

اتنين تلاتة بيعاكسونى معناها لسة فى امل
,خيط الامل لايعرف الانقطاع

سودانية نار يسعد مساك

المعاكسات تختلف عن بعضها شكلا ومعنى
اسلوب المعاكسة الغاية من المعاكسة ووو؟؟

غايتو زى ماقال اخونا حافظ
البت البتورى الولد العين الحمرة دى البت البتجيب الولد البيت
وولد يشاغل بت ياريتو مايصل البيت

وسلامات

مرسل: **الأربعاء 2007.8.29 10:04 pm**

سودانيه يا بتي ..
باختصار واضح وصريح ..

سؤال الست المتزوجه جدا واقعي ( بيني وبينك كده )
شعور جدا طبيعي انو الوحده تحس بأنها جميله .. مقبوله .. عند المعاكسه
أو تمني المعاكسه ولفت النظر ..
مهما كان عمر الفتاة أو السيده ..
بغض النظر عن الظروف المحيطه أو الوقت أو اختلاف المفاهيم ومستوى التعليم ..

ومهما تذمرت الفتاه من سلوك المعاكسين لها ..
فإنها بمجرد انفرادها بنفسها .. تسترجع الموقف من أوله محاوله منها أن تفهم لماذا هي بالذات لفتت نظر الشباب ..؟
أهو لأنها جميله .. أم أنها ما زالت محافظه على جمالها ورونقها ؟

كثيره التساؤلات .. وأجوبتها أكثر !

عائدون !

مرسل: **الأربعاء 2007.8.29 11:17 pm**

سودانية نار،، ما بين الدهشة والمعاكسة البتحيي الأمل في البنات، أحيتي الأمل في رجوع الرونق للمنتدى بالمواضيع المتفردة والحلوة.

رد المعاكسة أو قبولها ما هو البخلي الشاب يصل البيت، لكن الرد في الكلام وطريقة التجاوب مع الشباب هو البجيب كراع الولد (دي من الدفاتر والورا)

مرسل: **الخميس 2007.8.30 10:23 am**

اختى الغالية / سودانية نار فعلا معاكسات الشباب للشابات لا تخلا من اى دولة من الدول لكن تصرف الشابة او الفتاة بالرفض أو القبول هو ما يعكس شخصيتها تجاة الطرف الاخر .واصلا شاب عاكس شابة فى الشارع دة اصلا ما بخلية يصل البيت .لانوا اسلوبوا فى التصرف غير جميل .ويعمل نفس التصرف مع كل فتاة لفتت انتباة .لذلك كيف لهذا الشاب أتمنة وأدخلة البيت لمعرفة الاهل .مستحيييييييييل .مشكورة اختى على الموضوع الرائع .ودمتى بود صديقتى.

مرسل: **الخميس 2007.8.30 10:44 am**

الاعزاء
حافظ
العربي
بت ابوظبي
السني
نغم
منورين وعلي القلب غالييين

الموضوع من وجهة نظر اخري .... نفسية الفتاة السودانية خاصة تلك التي كبرت في السن ولم تتزوج بعد ، احساسها بانها لازالت مرغوبة و ثقتها بنفسها بانها اي نعم لم تتزوج ولكن ليس لانها قبيحة لكنها القسمة والكثير من التببريرات منها الرجال ما بشوفو كويس :079: وضرورة الذهاب الي مستشفي مكة وحاجات من دي وكدة ويعني

ومن الزواية الاخري الحقيقة التي تم توضيحها من قبلكم اعزائي
ليس كل من يشغال ... بيصل البيت
طب سؤال
كيف يمكن ان جعل ... الزووول البيشاغل دا
يصل البيت

لكم مني كل الحب
والود

مرسل: **الخميس 2007.8.30 11:40 am**

عشان الواحد يصل البيت
قبل الحته دى مفروض نتكلم عن عزوف الشباب عن الزواج
الاسباب شنو

مرسل: **الخميس 2007.8.30 12:37 pm**

والله يا سودانية،، أسمحي لي،،، انا في رأيي، البشاغل ده،، أحسن ما يجي البيت.

لأنه البشوف البت، ويعاكسا، ده ما عجبو فيها البيعجب الراجل في المرا عشان يتزوجا،، أو ما هو الأساس السليم للزواج. (وما تخليني أفصل).

لفتيني لي حاجة مهمة،،، هل البت بتقبل انها تتعرف بي واحد بدأ علاقته بيها بي انه عاكسا في الشارع؟

وياربي العاكسا ده،، عاكس كم غيرها؟ وموقفه شنو لو عاكسا غيره؟

مرسل: **الخميس 2007.8.30 12:37 pm**

سودانية الله يجازيك ،،،،، كنت مدبرس قدام الشاشة و قريت كلامك دا
حقيقي ما قدرت امسك نفسي من الضحك و الكل حولي بسالوا عن سبب الضحكة دي
شنو (شمارم حاااااااااااااار علي وزن نااااااااار )

المعاكسات من الظواهر الخطير التي هي دخلية علي مجتمعاتنا
لكن الكثير من الفتيات يظنون ان حجم المعاكسات في الطريق يزيد من
فرصة ارتباطهم او زواجهم و لكن هذا المفهوم خاطئي بكل المقايس

المسئلة كلها عبارة عن ( قسمة و نصيب) ،،،،

و لا شنو ،،،،

مرسل: **الخميس 2007.8.30 12:58 pm**

سودانية نار كتب:

كيف يمكن ان جعل ... الزووول البيشاغل دا
يصل البيت

والود

دا مش يعاكسها يا سودانية الا يدقشها بي عربية يرفعا معاو ويصل البيت !!! يا عسل انتي ،،:D

تتلفتي ،،، :D

،،،

مرسل: **الخميس 2007.8.30 1:32 pm**

ناااااااااااار ياحبيبه :

قسما بالله موضوع مووووووبالغه بجد

وعندى فيو كلاااام كتير

خلينى اجيكى يوم السبت لو ف العمر بقيه ونتناقش
خليكى اون لاين

سبحان الله امس قبل اتكلم معاك دااااااك كنتا بتفرج ف كليب كاظم الساهر( ناى )

وسرحتا بجد زى سرحتو ف الكليب
مرات كتير بنحس انو هذه الالتفاته والنظرات والمعاكسات وراها كلام كتييييير
وربماااااا احساس ان لم اخاف الكذب

وعشان ما اطلع من الموضوع

المعاكسه للبت ف الشارع مثلااااا

عندها زاويتييين

واحده ايجابيه لصاحبة الشأن المعجب بهاااااا
واخرى سلبيه للماشاااات معاها كر عليهم

وللشباب البعاكسو ياريت ما يفرزووووووا الشينات من السمحات
والاااااااا

فاليصمتووووو

وراجعه اناقش بجديه لو ربنا احيانااااا

يسلمووووووووووووو نار

مرسل: **الخميس 2007.8.30 3:34 pm**

شهد الكلام
كتير من الشباب بعاكسو البنات الشينات
الزمن دا يا السنى اخوى
البنات بقن يعاكسو الاولاد ، اى بحصل
رأيكم شنو

مرسل: **الخميس 2007.8.30 6:16 pm**

سودانية نار شعللتيها موضوع فى قمة المعاكسة
بالنسبة للمعاكسات التى ينتج عنه علاقة هادفة تؤدى الى الزواج دائماً ما تختلف فى انواعها مثلاً امكن الواحد يعاكس بنت ماتكون جميلة بس على اساس انه امرءة
وفى احياً اخر تكون جميلة لدرجة انك ماتقدر تعاكس تظل واقف مشدوهـ النظر
مندهش لهذا التحفة التى ابدع صانعها الله صبحانه وتعالى وارسلت اليك كمية من سهامها وينتج عن ذلك أن تقوم بملاحقتها من على البعد
لحد ماتصل الى منزلها ويكون نسبة نجاحك لا بأس به!!!!

وبرضو بضم صوتى لحافظ الزمن دا البنات هن البشاغلن ؟

وبقول لشهد الكلام :
الزول الجميل مابعاكسوهـ لانو هو دا البدخل القلب من غير استاذان!!

هو اسع غير الشينين ديل المعرسين منو السمحين ديل المسكنة كاتلاهن.

بس برضو ياحلوين جمال المرءة يكمن فى اسلوبه وثقافته ودرجة فهمها للاشياء ونسبة احترامه
فالجمال الخارجى ليس مقياس ولكنه يعطى الاشياء رونقه
احتراماتى اليكن هاهنا وهناك

بجى تانى ....!!!!

مرسل: **الجمعة 2007.8.31 12:03 am**

حافظ يا اخوي، انا فكرت لما أنزل الإجازة،، أشوف لي طرحة،، وألبس واااسع،، خوفاً من المشاغلات وكدة
هههههههههه

مرسل: **الجمعة 2007.8.31 6:34 pm**

معاكسة,,,,, أمممممممم

قلة ادب,,, إنتوا البنات البيشاغلوا الأولاد ديل,,,

ما بيختشوا,,, ما عندكم أخوان صبيان ولا شنو,,,

********************
أعتقد إنه المعاكسة بتعكس عكس رغبة المعاكس إذا كان عايز يتوزج العاكسها :D

البت بصفة عامة,,,, تحتفظ بكل كلمة حلوة,,, حتى وإن كانت من طفل,,,
الشاب,,, بصفة عامة,,, بيكلم كل الناس بالبت العاسكتوا,, حتى لو كلمتوا براهو,,,

حددوا وقرروا ,,,
وأيدكم النصيحة: عاكسوا,,, لكن ما عكس التيار الكبير داااااااك,,,, لالالا معاكس ظريفة وكدا,,, أصلوا حتعيشوا كم مرة,,,

معليش الوقت إتاخر ,, الساعة حسي بعد المغرب,,, عشان ما يعاكسوني,,,

مرسل: **الخميس 2007.9.20 3:47 pm**

sunni كتب:حافظ يا اخوي، انا فكرت لما أنزل الإجازة،، أشوف لي طرحة،، وألبس واااسع،، خوفاً من المشاغلات وكدة
هههههههههه

السنى رمضان كريم (لو عرفو انك مغترب الضحك شرطك والعبايه مابتحلك )
ما عارف وديتنى لظاهرة تعدد الزوجات حسيت انك لو جيت مابعاكسوك نوعك دا طوالى بجرجرو على الماذون
رايك شنو يا استارو بالتحديد
طبعا انا بعتقد انو التعدد بحل مشاكل كتيره ومنها المعاكسات دى
اتفق معاكم انو المعاكسات لاتجوز بتاتا ولكنها تحصل

رايكم شنو فى معاكسات رمضان

حقيقه اذا لم تستحى فافعل ماتشاء

اللهم انى صائم

مرسل: **الخميس 2007.9.20 5:43 pm**

صحيح المعاكسات ترفع معنويات البنات واحيانا يتفرحهم وتعيشهم فى امل وخاصة لو كان الكلام البتقال يجمع بين الادب والرومانسية الهادئة المغلفة بالاحترام (الحنك السنين) .
وما ننسى انو احيانا المعاكسات بتكون بطريقة بايخة وبكلمات تقيلة (مره) فى الفؤاد بتخلى الواحدة تكره الرجال وتجكن حاجة اسمها عرس وارتباط .
ولكن البت الواعية مهما تكون شينة (استغفر الله العظيم من كل ذنب عظيم) اكيد عارفة ومقتنعة انو العرس قسمة ونصيب والبعاكسها دا لو كان روميو ماحتاخد الا نصيبها

والله اعلــــــــــــــــــــــــــــــــم

مرسل: **الجمعة 2007.9.21 12:24 am**

ما قالو يا حافظ يا خوي (اللهم إني صائم) البنات بقو يفتشو على الشعرالرمادي،، ناس المسبسب والمجلط بي الجل ديل ناس الونسة بس،، لكن لما تجي للعرس بيتلفتو على الرمادي،، ده ما جاهز.. اها ناس الرمادي ديل بشاغلو برضو؟؟ ولا هم البتشاغلو؟؟

اها العباية خليناها،، نشوف درب الصبغة يعني؟
سودانية نار،، ما تفتيني؟

مرسل: **السبت 2007.9.22 11:01 am**

sunni كتب:ما قالو يا حافظ يا خوي (اللهم إني صائم) البنات بقو يفتشو على الشعرالرمادي،، ناس المسبسب والمجلط بي الجل ديل ناس الونسة بس،، لكن لما تجي للعرس بيتلفتو على الرمادي،، ده ما جاهز.. اها ناس الرمادي ديل بشاغلو برضو؟؟ ولا هم البتشاغلو؟؟

اها العباية خليناها،، نشوف درب الصبغة يعني؟
سودانية نار،، ما تفتيني؟

السنى يا خوى الصبغه مامهمه الكلام الجلحات الاماميه
الجلحات الاماميه ذاتها ما مهمه مهم الجيب
لو عمران قول
العرس العرس نويت العرس يا ابوفاطنه هوى تجيب القرش

تخريمه
سودانيه نار افتى السنى وانا كمان

منتدى أنا سوداني

عاكسني ..... واعاكسك ؟؟؟؟؟

عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟

رد: عاكسني ..... واعاكسك ؟؟؟؟؟