منتدى أنا سوداني

السلام عليكم ورحمة الله وبركاتة
سؤال للمغتربين في المملكة العربية السعودية
طبعا سمعتوا عن التغيرات الحصلت في نظام امتحانات شهادة الثالث الثانوي
والذي ينص على:
(الغاء امتحان وزارة التربية والتعليم ووضع الامتحانات من قبل المدرسة)
طلع كلام بيقول انو الجامعات السودانية ما ح تقبل شهادات طلاب المملكة
فهل لهذا الكلام صحة
أرجو الافادة


مع حبي.............



mr.zoool@hotmail.com

شكرا استارو
شكرا عاشقة النيل

اتخيل لي دي ضريبة الاغتراب ولا أنا غلطان





مع حبي..................





mr.zoool@hotmail.com

مستر زول والله حتى انا سامع كلام زي ده هنا في جده


الحمدلله باقي لي سنه واتخرج من اليونيفيرستي
لا شهاده ثانويه ولا وجع راس

الله يعينكم ياماستر زول

تخريمه:
صوتك ده ماغريب (ههههههههه)
عندك ايميل اخروو Oool2

أنا حفيدكم بالشي الصح الشهاده السعوديه بقت مامنها فايده لانو الواحدبيجيب نسبه وبعدين يمتحن القدرات للادبي وقدرات وتحصيل للعلمي والامتحان ده طبعا بينزل النسبه . وبعدين يمشي السودان وينزل 10% ومايبقى شي واما انو يعيد سوداني او يدخل أهلي وانا بنصح اي زول من البدايه يمتحن سودااااااااااني انا وحده بعرفه جابت في المدرسه 98% وبعد الامتحانات والخصم جابت 79% شي عجيب
بس اقول حسبي الله ونعم الوكيل

واللة كلام جراح مية المية الاختبارات بقت حاجة تافهة اكسل زول في الفصل بيجيب على الاقل 91%
عشان كدى ليهم حق ناس السودان مايقبلوا احسن ليهم

المسعودي كتب:

الإمتحات في السعودية
حدث ولا حرج
حتى لو كانت الإمتحانات توضعها الوزارة
لي زميل يعمل معلما في مدرسة ثانوية خاصة في جده
لايمكن أن تقارن بين إمتحانات السعودية والسودان
هنا تعطى درجات للحضور والمشاركة والإختبارات الشهرية حتى ولو لم تحضر يعني ناجح ناجح
هنا المراقبة والتلاعب تشجع عليه المدارس حتى تكون النسب عالية ويسجل أكبر عدد من الطلاب للسنة المقبلة هذا في المدارس الخاصة الأهلية
المدارس الحكومية أحسن حالا
لذلك أنصح وكمعلم سابق كل من له إبن في المرحلة الثانوية أن يمتحن الشهادة في السودان أو المدارس السودانية بالمملكة
وليهم حق في السودان يخصموا من النسبة التي يتحصل عليها الممتحن غير الشهادة السودانية

اخى المسعودى عوافى عليك..
ماعارف ارتكازك على انو يخصمو على الممتحنين غير الشهادة السودانية على شنو؟
انا تحيدا درست بالسودان حتى السنة الاولى ثانوى بالسودان وبمدرسة حنتوب الثانوية تحديدا..
انتقل الواد الى السعودية معارا واكملت دراستى الثانوية بها..
عزيزى زجدت صعوبة بالمواد العلمية بالسعودية اكثر مما وجدت بالسودان..
سبيل المثال بالفيزياء كان توزيع الذرات والمدارات كما درست بالجامعة وليست كما درست بالسودان..
خلاصة الآن اعمل مهندس وقد درست بجامعة امريكية واحسبنى افوق قدرة وتماشيا مع مهنتى اكثر
من ممن درس بالسودان وشهادته التى اعطيتها حق الفيتو الوهمى..
لا اتحامل على الشهادة السودانية او على جامعات السودان ولكن هل التعليم الآن بالسودان هو الامثل؟؟؟
بدليل شنو؟ يتخصص اطباؤنا بأوربا ..
يبرع أطباؤنا خارج اسوار الوطن (لكل قاعدة شواذ) وكل المهن الاخرى..امكانيات السودان ونظامه التعليمى الذى الهته لا يعنى شيئا خارج اسوار البلد..
فكفانا مكابرات وكفانا ادعاءات واحكام سماعية وقشرية..
ولتسأل نفسك ايا من جامعات السودان محترف بها؟
لماذا لم ينجح عباقرة الشهادة السودانية امثالك وهم كثر وغالبية من انهاء الفوضى والاستهتار بمؤسسات
الدولة او حتى القطاع الخاص؟؟عملت بالسودان وبالحكومة ولقد رأيت ناتج الشهادة السودانية ومهندس
جامعات السودان..فعافت نفسى بعد كل محاولاتى ان اتسق او انسجم بمنتوج تعليمك الذى تألهه..(تجربة شخصية لا تعكس كل الحقيقة ولكن بتعطى مؤشر))
جميل ان نشجع كل ماهو سودانى ولكن بالحق ..
بالنهاية ماذنب طالب ان طالب اخر صعبو ليه امتحان؟
ماذنبه ان والده طاقت عليه ارض فسعى فى ارض اخرى؟
يجب ان توجد طريقة مثل امتحان تقييمى من نفس منهاج كل دولة قادم منها الطالب فيكون هناك عدل..
المقررات خارجيا لاتقل ان لم تكون افضل من السودان..فلذا يجب ايجاد حل موضوعى مش خصم نسبو
لانو ممكن تكون كل النسبة على حد قولك غير حقيقية..
لاتعمم فالتعميمم خطأ جسيم ..بالسودان ايضا هناك من يستحقون التقدير وهم كثر لكن ماهى الحصيلة؟؟

لا حتقبلهاا ما تخاف بإذن الله
وحيقبلوهاا غصبن عنهم كماااااااااااااااااااااان بعد القدرات وتراكمي تاني وتالت


لا حيقبلوهاا اكيييييييييييييييييييييييييييييييييييييييييييييييييييييييييد يا أخوي

المسعودي كتب:

الإمتحات في السعودية
حدث ولا حرج
حتى لو كانت الإمتحانات توضعها الوزارة
لي زميل يعمل معلما في مدرسة ثانوية خاصة في جده
لايمكن أن تقارن بين إمتحانات السعودية والسودان
هنا تعطى درجات للحضور والمشاركة والإختبارات الشهرية حتى ولو لم تحضر يعني ناجح ناجح
هنا المراقبة والتلاعب تشجع عليه المدارس حتى تكون النسب عالية ويسجل أكبر عدد من الطلاب للسنة المقبلة هذا في المدارس الخاصة الأهلية
المدارس الحكومية أحسن حالا
لذلك أنصح وكمعلم سابق كل من له إبن في المرحلة الثانوية أن يمتحن الشهادة في السودان أو المدارس السودانية بالمملكة
وليهم حق في السودان يخصموا من النسبة التي يتحصل عليها الممتحن غير الشهادة السودانية

هذه هي العلة في الشهادة الثانوية السعودية رغم جودة المنهج عندهم

سبحان الله
تغمض وتفتح تلقى نفسك في تالته جامعه