منتدى أنا سوداني

طيور السمبر
الحردت تقاتك نص
ورحلت للبعيد فايتاك
تعضي بنان هواها ندم
نودي وشينا
منها وين ؟
وفي الخاطر براحاتك
قدر مد الخرافه برش
يشيل كل البجيك ينجم
مهيل بالحيل
متل ماقبيل
ممدد في الفيافي
حنين
وفي بطن الغناوي
نغم
محيين بالنعم واسوق
دفاق خيرك
علي غيرك
تقسمو بالتساوي
يحوق
حليل زمن الشلابي
برااااح
قبل يبقي
التراب ممحوق
وطينك نازف
يتقسم !!

روعه
الله يديك العافيه

تسلم ود الخير
اسعدني مرورك حد الانتشاء
لك خالص مودتي واحترامي

كل الشكر والامتنان على روعهـ بوحـكـ