منتدى أنا سوداني

آثار كتب:انا بعتذر ما لقيت طريق غير سكتك
لفيت كتير لقيت كل المدارات في وجهتك
شديت رحالي بعيد عن ضحكتك
جابني الصدى عيشني في لحظتك
لحظات كلامك وفرحك وبسمتك
لحظات دموعك وحزنك ووجعتك
لحظات ريدك وحنيتك وقسوتك
كل لحظات حياتي في دنيتك
عايزني انسى ؟؟؟!!
انسى يوم سفرك
كيف شال قلبي هم فرقتك
انسى يوم وجعك
كيف عيوني اتعذبن
انسى يوم حزنك
كيف قليبي اتوشح سواد
انسى يوم ضحكتك
كيف روحي اتبسمت
عايزني انسى ؟؟؟!!
انسى حروفي الادوزنت في قافيتك
ولا انسى لحني الغرق في غنوتك
ولا انسى عمري الضاع في غربتك
لكن بنساك
وبنسى خطاويك
وبقطع بسيف دموعي عشم رجعتك

يا سلام عليك لوحة قمة فى الروعة والجمال وبداية فى هذا المنتدى الحميل موفقة الف مرحب بيك والمزيد من هذه الدرر

ابراهيم عباس كتب:يا سلام عليك لوحة قمة فى الروعة والجمال وبداية فى هذا المنتدى الحميل موفقة الف مرحب بيك والمزيد من هذه الدرر

شكرا استاذي ابراهيم عباس على مرورك الانيق ،،، وجودك اسعدني كثيرا
احترامي