سيد الريد...
مرسل: الخميس 2016.4.7 1:27 pm
انا جد بهواك ياسيد الريد
ما اظن فى يوم اختا دريبك
سكنتك جوة حنايا الروح
ومن عين الناس... أنا دسيتك
لوليتك بين ايدي ناعس
وبي فاطنة السمحة وحسن الشاطر. ..حجيتك
نومتك في قليبي الدافي
وبي فيض أشواق. ..انا غطيتك
حصنتك بي يس والناس
شان كل حزن يمشي ...يسيبك
ياساكن فيني ومستوطن
روحي وقلبي "دارك وبيتك"
يوماتي بدندن بي حبك
واهتف وأقول تاني بريدك
دوزنت حروف اسمك ايقاع
وبي احلي قصيد انا غنيتك
الألف....اشواقي حصرتها فيك
ستفتها في شنطة وجيتك
الحاء.....حبيت الدنيا عشان عينيك
وبي احلي خصال انا خصيتك
الميم.....مشحون رقة واحساس
وكل التحنان جوة قليبك
الدال.....دنيتي انت وكل حياتي
وما اظن في يوم امشي اسيبك
ام آية وإبراهيم. ..
ما اظن فى يوم اختا دريبك
سكنتك جوة حنايا الروح
ومن عين الناس... أنا دسيتك
لوليتك بين ايدي ناعس
وبي فاطنة السمحة وحسن الشاطر. ..حجيتك
نومتك في قليبي الدافي
وبي فيض أشواق. ..انا غطيتك
حصنتك بي يس والناس
شان كل حزن يمشي ...يسيبك
ياساكن فيني ومستوطن
روحي وقلبي "دارك وبيتك"
يوماتي بدندن بي حبك
واهتف وأقول تاني بريدك
دوزنت حروف اسمك ايقاع
وبي احلي قصيد انا غنيتك
الألف....اشواقي حصرتها فيك
ستفتها في شنطة وجيتك
الحاء.....حبيت الدنيا عشان عينيك
وبي احلي خصال انا خصيتك
الميم.....مشحون رقة واحساس
وكل التحنان جوة قليبك
الدال.....دنيتي انت وكل حياتي
وما اظن في يوم امشي اسيبك
ام آية وإبراهيم. ..