صفحة 1 من 2
سلام أهلي الحنان
مرسل: الجمعة 2016.1.1 12:32 am
بواسطة النصيح حديدو
يطل علينا العام 2016م في ليلة مباركة هي ليلة الجمعة 01/01/2016م أسال الله ان يجلعه عام خير وبركة علينا وعليكم وعلى جميع المسلمين، وان يحقق الامنيات بمناسبة أعياد الاستقلال المجيد.
عدت في هذه الليلة المباركة للمنتدى بعد غيبة.. وبعد الترحم على روح فقيدة المنتدى "مها" "رحمها الله واسكنها فسيح جناته" .. توجهت فوراً صوب الراكوبة فدخلتها، وكدت لا أعرفها ، فهناك دفتر للحضور فوقعت فيه ، كما وجدت في الواجهة لوحة كتب عليها "راكوبة كافيه".. ذهلت للتطورات التي شهدتها الراكوبة...انتابني مشاعر متضاربة شعور بالغبطة لهذا التطور ، وشعور بالحسرة على ضياع أدوات الراكوبة التقليدية التي كانت تعني لنا الكثير وكانت تحمل بصماتنا و أودعنا فيها اغلي الذكريات .. فيا حليل البنابر... وحليل جلسة الجبنة ..شاربا وناسأ ...طول البعاد ما نساني إحساسا.. ساعة السمحة تدخل معها حراسا...تذهل العيون والرواكبا كاتمة انفاسا..
رد: سلام أهلي الحنان
مرسل: الجمعة 2016.1.1 12:36 am
بواسطة النصيح حديدو
لقيت الكافية ينقسم الى قسمين قسم ذو اضاءة خافتة وموسيقى حالمة..عرفت انو ده القسم الرومانسي.. ما قدرت اقعد فيه.. تلفت جاي جاي لعلني المح أحد القدامى ولكن وجدت ان الدماء الجديدة مسيطرة تماماً على القسم الرومانسي وذلك يدل على ان قدامى المحاربين خلاص كبروا وراحوا يلعبوا ضُمنه في قهوة ابن عوف.. دخلت للقسم التاني وهو للعوائل والاجتماعيات... برضو ما قدرت اقعد (حسيت بأني غريب هناك)...لمحت لوحة بجوار الكاونتر كتب عليها "الأسعار في متناول الجميع" شجعتني فشربت حاجة سخنة كده على الماشي وطلعت مشيت لقهوة ابن نعوف.. لعلي اجد فيها احد أجلس قصادو في بنبر عشان ندردش ..
رد: سلام أهلي الحنان
مرسل: الجمعة 2016.1.1 12:38 am
بواسطة مسلمة وافتخر
حمدلله الف علي السلامة
كل عام وانت بخير
ويا 2016 كوني لطيفة معانا
رد: سلام أهلي الحنان
مرسل: الجمعة 2016.1.1 12:38 am
بواسطة النصيح حديدو
رد: سلام أهلي الحنان
مرسل: الجمعة 2016.1.1 12:43 am
بواسطة النصيح حديدو
مسلمة وافتخر كتب:حمدلله الف علي السلامة
كل عام وانت بخير
ويا 2016 كوني لطيفة معانا
مسلمة وافتخر ، اطلالة خير سعدت ان اجدك في واجهة الاستقبال.. ودي "زاتو" اسباب عودة الغائبين.. لك مني الف شكر وكل عام وانت والاسرة الكريمة بالف خير
رد: سلام أهلي الحنان
مرسل: الجمعة 2016.1.1 12:49 am
بواسطة النصيح حديدو
فلندون لتلك الذكريات باقلام مدادها الدموع ولنفترش لها مشاعرنا صفحات من الماضي البديع، ندون لما حولنا ولكل من وما كان جميلاً في ماضينا التليد، لنكتب للثورات التي خمدت وانطفأ بريقها، لنكتب للتاريخ وللجغرافيا التي سعدت باحتضان ما كانت مساحته مليون ميلاً، لنكتب للقطار ولقامات الجبال وطول الظلال، لنكتب لما جف من الانهار .. وما طُمر في صدور الرجال.. لنكتب للمنشد والمزمار..لنكتب للضباب في اعالي الهضاب، لنكتب لود سلفاب ولصديق عبد الرحيم في بلاد العم سام، لنكتب عن المدن الاسمنتية.. لنكتب عن كثرة الركام ..و للانوف الشم التي اصيبت بالزكام ، لنكتب كم تحمل الهم الفطام !! وما دفن مع الشيوخ في جنح الظلام! لنكتب حين انكسر سيف الفارس الدرغام . لنكتب لكل المدن وهن يودعن زمان ولى وانطوت معه اعذب وارق الذكريات الباهرة التي يمكن ان تتوق لها مخيلة انسان لنكتب عن السودان.. ما سيكون وما قد كان..ولنحمل في قلوبنا الاوطان ولنغني مع ابراهيم عوض ...اعز مكان عندي السودان.. نيله من ينابيع الجنان .. فيه العازة والتاية و روان..فيه خيرات حسان...
-----
عذب الكلام....
عـــيناكِ شـاهدتانِ أنكِ مِن
حَرِّ الهـوى تجِدِينَ ما أجِـدُ
بِكِ ما بِنا لكنْ على مَضَضٍ
تتجــلّـدينَ ومـا بِـنَا جَــــلَدُ
شاعر مخضرم..
https://www.youtube.com/watch?v=1lX5xGOTxQs
رد: سلام أهلي الحنان
مرسل: الجمعة 2016.1.1 12:44 pm
بواسطة معتبر
النصيح حديدو
عودة ادخلت علي قلوبنا فرحة والي نفوسنا مشاعر طيبة
منور والله
رد: سلام أهلي الحنان
مرسل: الجمعة 2016.1.1 3:20 pm
بواسطة ميرفابي
نور المنتدى برجوع أخوناالنصيح حديدو وربي يجعلها أخر الغيبات
مع تمنياتي لك بدوم الصحة والنجاح والتوفيق الدائم
رد: سلام أهلي الحنان
مرسل: السبت 2016.1.2 5:37 am
بواسطة النصيح حديدو
معتبر كتب:النصيح حديدو
عودة ادخلت علي قلوبنا فرحة والي نفوسنا مشاعر طيبة
منور والله
- معتبر.. ألا زلت حارساً لتلك البوابة في المنتدى ..بوابة الابداع ..
جئنا نشوف الحصل شنو ومعاي الشوق واللهف للتزود من ابداعات المنتدى..
والله انا فرحتي بيكم اكبر.. دمت لنا وللمنتدى في حفظ الله ورعايته
رد: سلام أهلي الحنان
مرسل: السبت 2016.1.2 5:46 am
بواسطة النصيح حديدو
ميرفابي كتب:نور المنتدى برجوع أخوناالنصيح حديدو وربي يجعلها أخر الغيبات
مع تمنياتي لك بدوم الصحة والنجاح والتوفيق الدائم
[list=]
[*]ميرفابي ...
سعدت لهذه الحفاوة منك ..
[*]وربنا يستجيب للدعاء وتعود كل الطيور المهاجرة الى اعشاشها..تحت دوحة المنتدى الوارفة...
لك مني كل الشكر ..
[/list][/color][/size]
[/font][/b][/b][/font][/font]
رد: سلام أهلي الحنان
مرسل: السبت 2016.1.2 8:07 am
بواسطة السودانى الاصيل
عليكم السلام حبااابك الف النصيح حديدو كيف حالك واخبارك وعلمومك وصحتك وليداتك
كيف يا زول الشوق بحر عدييل
نعلك طيب وين يا زول الغيبه الطويله دى بالغتا ساى عديل وخبرك مقطوع تب
اقعد انجم واشربلك كباية شاى واتغدا وان شاء الله ما نفقدك تانى
رد: سلام أهلي الحنان
مرسل: السبت 2016.1.2 4:56 pm
بواسطة ابن عوف
النصيح حديدو برغم التطورات فلابد لرتباط الماضي بالحاضر ومازال القداما لهم في القلب مكانة
كيف لا وهم من وضعو خارطة الطريق لنا ولاهم قهوة بعبق وتعتيق الزمان
اخي واستاذى النصيح حديدو اهلا وسهلا بك في اى مكان وزمان ومكانك محفوظ بيننا ويحلو لك الاستمتاع ويسعدنا عودتك الي بيتك انت اترك لقمك العنان ونترك لمخيلتنا التذوق
منور وحمد لله علي السلامة وبركة الشفناك طيب
رد: سلام أهلي الحنان
مرسل: السبت 2016.1.2 5:17 pm
بواسطة النصيح حديدو
السودانى الاصيل كتب:عليكم السلام حبااابك الف النصيح حديدو كيف حالك واخبارك وعلمومك وصحتك وليداتك
كيف يا زول الشوق بحر عدييل
نعلك طيب وين يا زول الغيبه الطويله دى بالغتا ساى عديل وخبرك مقطوع تب
اقعد انجم واشربلك كباية شاى واتغدا وان شاء الله ما نفقدك تانى
[align=center][align=center]السوداني اخوي الاصيل...
والله اشواقي ليك بحرارة ترحيبك ده..
الواحد بقى ما يقدر يفرز بيناتكم .. هل انت المنتدى ولا المنتدى انت..
عشت اخي دواماً مرابط في ثغور الابداع في المنتدى المتفرد..
لك حبي وبالغ شكري وتقديري..[/align][/align][/color][/size]
رد: سلام أهلي الحنان
مرسل: السبت 2016.1.2 5:34 pm
بواسطة النصيح حديدو
ابن عوف كتب:النصيح حديدو برغم التطورات فلابد لرتباط الماضي بالحاضر ومازال القداما لهم في القلب مكانة
كيف لا وهم من وضعو خارطة الطريق لنا ولاهم قهوة بعبق وتعتيق الزمان
اخي واستاذى النصيح حديدو اهلا وسهلا بك في اى مكان وزمان ومكانك محفوظ بيننا ويحلو لك الاستمتاع ويسعدنا عودتك الي بيتك انت اترك لقمك العنان ونترك لمخيلتنا التذوق
منور وحمد لله علي السلامة وبركة الشفناك طيب
[align=center]
أبن عوف... ريحانة المنتدى.. وصاحب القهوة المعتقة ..
آت بنا عبقها وقادنا لهذه الزاوية الاثيرية التي جمعتنا يوم ما في اطيب صحبة اتاحها لنا الزمان ..
نأمل ان نكرر انفسنا لنصوغ منها طيبة أكثر وتحنانا وتجارباً أرفع..في برحات المنتدى الذي انداح ليمثل كل السودان والسوادنيين بمختلف اعراقهم وتوجهاتهم.. آملين ان ننصهر في كنف هذه البوتقة المباركة..لنكون اكثر لحمة ووحدة ولنا السبق في ذلك ولندع الساسة يقعدوا لسه يعافروا..
[/align]
رد: سلام أهلي الحنان
مرسل: الأحد 2016.1.3 7:08 am
بواسطة الأمير حسن مختار
حبايبي الحلوين أهلاً جوني
وأنا ما قايل
حلوين زي ديل بزوروني
جوني زايرين شايلين أزهار
شايلين الليل قلبوهو نهار
رد: سلام أهلي الحنان
مرسل: الأحد 2016.1.3 10:26 pm
بواسطة بانه
أستاذ النصيح اهلا وسهلا بعودتك
نورت الاسفير كله
وعام سعيد عليك ان شاء الله
واخر الغيابات
رد: سلام أهلي الحنان
مرسل: الاثنين 2016.1.4 10:45 pm
بواسطة النصيح حديدو
الأمير حسن مختار كتب:حبايبي الحلوين أهلاً جوني
وأنا ما قايل
حلوين زي ديل بزوروني
جوني زايرين شايلين أزهار
شايلين الليل قلبوهو نهار
إهداء جميل ... أيها الامير..
انت حبيبنا وانت الحلاوة كلها..
أسجل لك شكري في تحريضك للعودة
من غير ميعاد رجعتني المنتدى
صحيت في نفسي الوجود
ورجعت لعيوني النهار
(إقتباسات وردية)
رد: سلام أهلي الحنان
مرسل: الاثنين 2016.1.4 10:50 pm
بواسطة النصيح حديدو
بانه كتب:أستاذ النصيح اهلا وسهلا بعودتك
نورت الاسفير كله
وعام سعيد عليك ان شاء الله
واخر الغيابات
من نورك يا بانه
وانت دائماً بألف خير..
وإن شاء الله مرابطين ما بنتزحزح..
رد: سلام أهلي الحنان
مرسل: الخميس 2016.1.21 6:39 pm
بواسطة يقين
العنوان يكفي جوابو
والحروف تُنبئ حقاً عمن يكتبها
قرأت لك قبل أن تأتي ..وبعد
ووجدتُ فعلاً أن بعضَ الغياب خسارةٌ لا يعوضها سوى حضور صاحبها
عوداً أحمد أخي الكريم
وآخر غياب إن شاء الله
رد: سلام أهلي الحنان
مرسل: الثلاثاء 2016.2.2 7:45 pm
بواسطة بعد الزمن