منتدى أنا سوداني

النصري قمة الإبداع

السنبلاية كتب:

روائع فى روائع ..

تسلمى ام آيه على الطرح الجميل ..

انتي الروعة في ذاتك حبيبة
مرورك اراحني

ابوي مسكين. ..
ابوي مسكين فتح باب الصبر بالدين وشال منو
وقف في ايد الصبر بالسوط
جلد في جلد ابوي لامن مرق
جلد الصبر والصوت
فتر من جلد ابوي والموت
عرف بي انو مابيخاف ابوي منو
لأنو مصيرو راجيهو
واحنا هناك راجينو
صغار ينتظروا في الأحلام
ينومو عشان يشوفوا العيش
قبل مايشيلو منو قليل
يصيح ديك الصباح معليش
حلمكم مابشبع ليش
عشان حلم الجيعان العيش
وعيش الحلمة ماهو رغيف
وموية الحلمة ماها خريف
صحينا علي حلم تخريف
طشاش الرؤيا لاقي الزيف
ابوي مسكين ومسكينين كتار زيو
يبلو من الصبر ريقم
صديقم مابفك ضيقم
زمن لآ فيهو زول صاحب
طريقم سور الحاجب
وهمبت في عيونم خوف
وزيف في اليقين الخوف
ابوي مسكين والما المسكين بكون شحاد
ابوي عفف أيادي العفة في الزهاد
ابوي كان بحتقر شكل القروش
مانعمة في الجحاد
يعاف اللقمة كان ما اتمسحت في الزاد
ابوي لاسيد ولاكان للبسود عباد
ابوي انسان وسوداني
طبع من لونو لينا جواز
بطاقاتنا النشيلا معانا بي اعزاز
وبصم من ريقو في الأنفاس
أبوي انسان ضميرو عرف حقوق الذات
ابوي علق جلد مصلايتو شان ماضحي في الأعياد
ضبح مأساتو شان تفرح خلوق بالميلاد. ..

اختيار موفق
يسلموا الانامل

ام اسامه كتب:اختيار موفق
يسلموا الانامل

تسلمي كتييير أم أسامة. ..مرورك أسعدني

رحمك الله يا أبي الحبيب. ..اللهم اجعل قبره روضة من رياض الجنة