منتدى أنا سوداني

مرسل: **الخميس 2015.9.17 2:24 pm**

طبعا مع تباشير عيد الاضحي
المبارك ينعاد علينا وعليكم بالعافية ح
اضع خلاصة تجاربي مع المشاوي
واولها طبعا......
،، ،
،،،،،شية الجمر ،،،،
اها المقادير
طبعا اول ما يبدوا الجماعة يقطعوا ليك
اللحمة خليهم يجهزوا ليك اولا لحمة
شية الجمر وهي من اللحمة الفخدة الضاني
مع الشخت وقليل من الشحم
شان تتبليها زي نص ساعة
لحدي ماتتشرب البهارات تماما
وهي
فلفل
كسبرة
ثوم
ليمون
وقليل من الخل
تتبلي اللحمة جيدا
وتغطيها، ،،
وتكوني في اللحظة دي بتجمري
في الفحم
اها تختي فحمك في الكانون
وتجيبي الشواية وتختي شوية وتديها
رشة زيت وتقطعي عليها
شرائح بصل وتقلبي لامن
تشمي ريحة رهييييبة
بتكون خلاص استوت
وبالطريقة دي لمن تكمل الكمية
وتكوني محضرة هوت بوت
تكبيها فيه
وتختيها في سرويس كدة جميل
وتزينيها بي شرائح بصل
وشطة خضراء
وكل سنة طيبين
ام اسامة

مرسل: **الخميس 2015.9.17 3:33 pm**

خليكم قُراب
ح يكون عندنا حفل شواء(باربكيو)

مرسل: **الخميس 2015.9.17 3:55 pm**

شيش طاووق مشوي علي الفحم(علي طريقة ام اسامة)
نجيب كمية من افخاذ الدجاج حسب الحوجة
وناخد منهم الجلد ونقطعهم مكعبات صغيرة
ونجيب التتبيلة وهي عبارة عن
ثوم
فلفل
م صلصة
ذبادي
خل
ليمون
ملح
كاري
ونصبهم علي الدجاج
ونلفهم بي كيس نايلون
ونضعهم علي الفريزر حتي تتشرب
الخلطة وتصير واااااو
من٣ ل ٤ ساعات
ولافضل النتائج قبل يوم كامل
اها بعد داك تتطلعيها
وترصيها علي السيخ
الخاص بالمشاوي
قطعة فرخة تعقبها قطعة
طماطماية وبصلاية
وفلفلاية خضراء
وهكذا الي ان تكمل الكمية
وتولعي فحمك وتجيبي الشواية
وتمسحيها بي حبة زيت
وتدي الطاووق رشة بسيطة
ولما يتشوي بي جانب اقلبي الجانب التاني
واااااااو ريحة فظيعة
محضرة الهوت بوت كبيها سريع
وامشي حمري بطاطس شيبس
وجيبي سرويسك الحلو وكبي الشيبس
وفوقوا الطاووق
وادعوا لي ام اسامة
وبالهناء،،،،

مرسل: **الخميس 2015.9.17 5:24 pm**

اها يلا نجي لل
( الشيش كباب)
نجيب كيلو صافي لحمة بيف(عجل)
ونغسلها جيد ونقطعها مكعبات صغيرة
اها نجي للتبيلة
فلفل
كسبرة
ملح
توم
عصير بصل
خل
ليمون
هبهان
جوزة طيب
قرفة مسحونة
ونضيف التتبيلة
دي علي الخلطة
ونخليها يوم كامل
في التلاجة
نطلعها قبل نص ساعة
من الشوي
ونرصها في السيخ
مع الطماطماية والبصلاية والفلفلاية
ونحضر كانونا عليه الفحم
المجمر ونمسح شوايتنا
بي حبة زيت ورشة زيت بي
فوق لحدي شنوووو؟؟؟
مانشم ريحة لا تقاوم
نقوم نكبها علي الهوت بوت
ونجيب سرويسنا الما خمج
نكبها ونزينها بي شرائح
بصل وطماطم وخس
وبالهناء
ودعواتكم لام اسامة

مرسل: **الخميس 2015.9.17 6:51 pm**

يلا نجي لل
(الكفتة المشوية)
يلا نص كيلو اوكيلو حسب الطلب لحمة مفرومة
ونبشر عليها بصلة صغيرة
وشوية بقدونس
وتتبيلة كاملة
كسبرة
ملح
توم
هبهان
قرفة
جوزة الطيب
ونعجنا بيهم تماااام
ونجي نماسكها بي سميد
او بقسماط ونعجنها تاااني
ونخليها زي ساعة تتخمر البهارات
عليها...ونجي نلفها ونرصها علي السيخ
مع بصلاية طماطماية فلفلاية
يلا ونزلها علي الشواية
الولعنا قبيييل فحما ونشوي بالجهتين
ولما نشم ريحة شهييييييية
نقوم نكبها علي الهوت بوت
ونحمر شوية بطاطس
ونختها معاها في السرويس داك
وادعو لي ام اسامة

مرسل: **الخميس 2015.9.17 7:28 pm**

يلا ممكن من كل
المشويات اعلاه تعملي مشويات مشكلة
واسمها العالمي mix grill
فتضعي علي الطبق
الكفتة
وشيش الطاووق
وشيش الكباب
وتزيينه باوراق الخس
والطماطم والفلفلية
ويمكنك اضافة سلطة طحينة كنوع
من المقبلات الشهية
باضافة ملح وتوم وفلفل
وذبادي الي ملعقتين طحينة
وادعو لام اسامة

مرسل: **الخميس 2015.9.17 10:08 pm**

ام اسامه كتب:خليكم قُراب
ح يكون عندنا حفل شواء(باربكيو)

يا سلام عليك احب الباربيكيو

متابعين

مرسل: **الجمعة 2015.9.18 6:53 am**

بانه كتب:
يا سلام عليك احب الباربيكيو

متابعين

سوي الشربوت وتعالي علينا
رايكم شنو نعمل باربيكيو في العيد
في جبل اولياء ؟؟؟

مرسل: **الجمعة 2015.9.18 9:21 am**

الله عليكى يا ام اسامة
تصديقى انا ضايعة فى الطبيخ والمطبخ

مرسل: **السبت 2015.9.19 10:26 am**

ما باكل لحوم حمراء

مرسل: **الثلاثاء 2015.9.22 7:05 pm**

ذات الشجون كتب:
الله عليكى يا ام اسامة
تصديقى انا ضايعة فى الطبيخ والمطبخ

ذاتو ي ست الناس
خلاص جربي وصفاتي دي
والبقيف ليك رنّي لي هههههه
وطبعا انا زي مالاحظتي
واصفة بابسط طريقة

مرسل: **الثلاثاء 2015.9.29 3:40 pm**

ninar tato كتب:ما باكل لحوم حمراء

يعني طلعت آوت من الاضحية
كل سنة طيب

45 55

منتدى أنا سوداني

ريحة المشاوي

ريحة المشاوي

رد: ريحة المشاوي

رد: ريحة المشاوي

رد: ريحة المشاوي

رد: ريحة المشاوي

رد: ريحة المشاوي

رد: ريحة المشاوي

رد: ريحة المشاوي

رد: ريحة المشاوي

رد: ريحة المشاوي

رد: ريحة المشاوي

رد: ريحة المشاوي